Exodus 27

Mien Bible (Thai Script) © Thailand Bible Society, 2007

← Chapter 26 Jump to: Chapter 28 →

1“อ๋อย หฒุ หล่ง ตะซุ เดี๋ยง โหฒว นอม เหฒี่ย-ต้อง, ด๊าว ปยา เดาะ, จั๊ง ปยา เดาะ เฝย-ปูง, ฮลัง ปัว เดาะ.

2เหฒี่ย-ต้อง เญย เปยย นอม เก๊าะ อ๋อย หฒุ โหฒว เจี๊ยน จอง, เหธา เหฒี่ย-ต้อง เญย เดี๋ยง เฒี่ยง เจี๊ยน, แอ๋ง หล่ง ต้ง ซิ ปวัง เจี๊ยน เหฒี่ย-ต้อง.

3อ๋อย หฒุ โหฒว เซียว ซ้าย เญย เจย, กะน้าย-เธ้น, ปุ้น, ต้ม ปะเกน-ญ้าบ, เหธา เซียว โต์ว เญย เจย. เหฒี่ย-ต้อง เญย จา-ต๋อง เหยียด ฒู้ง อ๋อย หฒุ หล่ง ต้ง ซิ โหฒว.

4หล่ง ต้ง ซิ เหว่ย เหฒี่ย-ต้อง โหฒว คว้าย แพยง. แพยง เญย เปยย นอม เก๊าะ, เหยียด นอม เก๊าะ ม่าย เหยียด นอม ต้ง ซิ ควีง.

5แพยง อ๋อย หฒุ แน้ด เจี๊ยน เหฒี่ย-ต้อง เญย เปี้ยน กะเดี๊ย แหมง, เยียม ด๊าม-เหฒี่ย-ต้อง เหฌี่ย.

6แกง เหฒี่ย-ต้อง เญย เดี๋ยง อ๋อย หฒุ หล่ง ตะซุ เดี๋ยง โหฒว, หย่า หล่ง ต้ง ซิ ปวัง เจี๊ยน.

7น้าย เต๋ย แกง เญย เดี๋ยง อ๋อย หฒุ หธุน เจี๊ยน เหฒี่ย-ต้อง อี ปูง กะเฮลน เญย ควีง เหว่ย แกง เหฒี่ย-ต้อง.

8อ๋อย หฒุ หล่ง เดี๋ยง-เป๊น โหฒว เหฒี่ย-ต้อง, โหฒว ต้าย กะญั์ว ฌ์ง เญย, หฒิว เยียม บง เยีย บั๋ว เจี๋ย เม่ย เญย หญู่ง เฒ้ย.

9“เม่ย อ๋อย หฒุ โหฒว ด๊บ-ลิ่ว เญย หลาด. หลาด เญย น่าม ปูง อ๋อย หฒุ ด๊าว เหยียด แป๊ะ เดาะ, หล่ง ล่าม่า เดีย-หม่วน แบะ เจี๊ยน.

10อ๋อย หฒุ ม่าย หญี่ เหฒียบ นอม ต้ง ซิ ต่ง ทบ เจี๊ยน หญี่ เหฒียบ นอม ต้ง ซิ ท้าบ. วั้ว เต๋ย ต่ง อ๋อย หฒุ ม่าย ญ่าน เงา ญ่าน ปย๊า.

11ป๊ะ ปูง แหมง เญย หลาด หย่า ม่าย เดีย แบะ เจี๊ยน ฟี่ ฮนั้ง เญย, ด๊าว เหยียด แป๊ะ เดาะ. ม่าย หญี่ เหฒียบ นอม ต้ง ซิ ต่ง ทบ เจี๊ยน หญี่ เหฒียบ นอม ต้ง ซิ ท้าบ. วั้ว เต๋ย ต่ง หย่า ม่าย ญ่าน เงา ญ่าน ปย๊า.

12“ไฟ ปูง แหมง เญย หลาด ด๊าว ฮม์ เหฒียบ เดาะ, หย่า แบะ เจี๊ยน เดีย. ม่าย เหฒียบ นอม หลาด ต่ง เหธา เหฒียบ นอม ทบ ต่ง เญย ท้าบ.

13ตง ปูง แหมง เญย หลาด จั๊ง ฮม์ เหฒียบ เดาะ.

14แบะ เหยียด ปูง แก้ง เฮลน เดีย อ๋อย หฒุ ด๊าว เหฒียบ ฮม์ เดาะ, ม่าย ปัว นอม ต่ง, ปัว นอม ท้าบ ทบ ปัว นอม ต่ง.

15วั้ว ปูง แก้ง เฮลน หย่า ม่าย เดีย ด๊าว เหฒียบ ฮม์ เดาะ แบะ เจี๊ยน, หย่า ม่าย ปัว นอม ต่ง, ปัว นอม ท้าบ.

16แบะ หลาด แก้ง เญย เดีย, ด๊าว หญี่ เหฒียบ เดาะ. หล่ง ปะกี สุย เซ้ด บั๊ว, หลัวะ, ซิ-ห่ง เหธา ล่าม่า สุย-หม่วน ดั๊ด ต้าย หย่า ม่าย ปั์ว-เต้า เญย เมี่ยน หธง เจี๊ยน หธง. หย่า ม่าย เปยย นอม ต่ง ทบ เปยย นอม ท้าบ.

17เว่ย ด๊บ-ลิ่ว เญย หลาด อ๋อย หฒุ ม่าย ญ่าน ปย๊า ธอง เจี๊ยน ต่ง เหว่ย ปุน นิ่น ว้วน. ต่ง แอ๋ง ตี๋ง เจี๊ยน ญ่าน เงา. ทบ ต่ง เญย ท้าบ หย่า หล่ง ต้ง ซิ โหฒว.

18ด๊บ-ลิ่ว เญย หลาด อ๋อย หฒุ ด๊าว เหยียด แป๊ะ เดาะ, จั๊ง ฮม์ เหฒียบ เดาะ, ฮลัง ปยา เดาะ หย่า หล่ง ล่าม่า เดีย-หม่วน แบะ เจี๊ยน. หลาด ต่ง เญย ท้าบ เหยียด ฒู้ง หล่ง ต้ง ซิ โหฒว ต้าย.

19ด๊บ-ลิ่ว เญย จา-ต๋อง เหยียด ฒู้ง หล่ง ต้ง ซิ โหฒว ต้าย. บอง เดา ธอง ด๊บ-ลิ่ว เญย ต่ง เหธา บอง เดา ธอง หลาด เญย ต่ง เหยียด ฒู้ง หย่า หล่ง ต้ง ซิ โหฒว.

20“บั๋ว อิสะลาเอน เมี่ยน ต้อ หฒา ต้าย เก้า หลง เจี๋ย เญย กะลั้น โย่ว ต้าย ติ้น ตัง เหว่ย ปุน ตัง หฒั่นๆ เหฒียะ เจี๊ยน.

21เยียม หวุ่ย ปวั้ง ด๊บ ลิ่ว กะญั์ว, แบะ แล์ง แหง่ง หว่า ฟาง วั้ว คว้าย เดีย กะเหญี่ย แหมง, อาโลน เหธา นิ่น เญย ตอน บัว อ๋อย หฒุ หลิ่ว เล์ย ตัง เยียม เฒี้ยว เญย หฑะเฮมียน หฒั่นๆ เหฒียะ เจี๊ยน ลู่ง ม์าน-หฮมวัง เถา ลู่ง ดอม. น้าย เซ อิสะลาเอน เมี่ยน อ๋อย หฒุ เหยียด ต่อย เจี๋ย เหยียด ต่อย, เหยียด ลิ์ว หฑิบ เญย เล์ย.

← Chapter 26 Jump to: Chapter 28 →