Exodus 34

Mien Bible (Thai Script) © Thailand Bible Society, 2007

← Chapter 33 Jump to: Chapter 35 →

1เฒี้ยว ก๊อง บั๋ว โมเซ, “หฒุ อี คว้าย หละเปย๊ย-เป๊น ฮนั้ง ฒิ่น ด่าง วั้ว เต๋ย อี คว้าย. เยีย แอ๋ง เฟี้ย เจี๊ยน หว่า ฮนั้ง ฒิ่น ด่าง เม่ย เบ๊าะ ฮู้ วั้ว เต๋ย เญย หว่า นอ.

2ฌัง ฮนอย ดอม เบ่น เหฒียง ฯฒฯ ฝาว ซีนาย บง, เยียม วั้ว บง-นี้ง กู้ หงว่าย ปวั้ง เยีย.

3ไม้ ตู๋ง ปุน หาย เต้า กัน เม่ย ต้าย. บง เญย หาย นอม ต๋อง หย่า ไม้ ตู๋ง ปุน หาย เต้า เยียม. เลี่ยม ไม้ ตู๋ง ปุน ยู่ง กวั้น, ปะกี ยู่ง กวั้น, ง่ง กวั้น, เยียม บง-จั๊วะ หญั่น เมี้ย.”

4โมเซ ฯฒฯ หฒุ เหฒียง อี คว้าย หละเปย๊ย ฮนั้ง ฒิ่น ด่าง วั้ว เต๋ย อี คว้าย นอ. ตะเหญ่ย ดอม เฑี้ยว เญย นิ่น หฒิว เฒี้ยว เญย หว่า ต้อ เจี๊ยน ฝาว ซีนาย บง.

5เฒี้ยว เยียม ต๊อ บ๋วน เหฌี่ย ต้าย เหธา โมเซ โซ้ว เจี๊ยน วั้ว, ก๊อง ธ้วด นิ่น เญย บั๋ว, ต้ง เฒี้ยว วั้ว นอม บั๋ว.

6เฒี้ยว เจี๋ย โมเซ เญย หฑะเฮมียน แอ๋ง ก๊อง, “ เฒี้ยว, เฒี้ยว, ค้อ-เลี่ยน เมี่ยน, เหธย เอน ปุน เมี่ยน เญย ทิน-ฮู่ง. เยีย ไม้ เฉีย เจี์ย เซี้ยบ, หฒะเก้ง ฮนั้ม ไห่ เมี่ยน, หย่า เหฒียบ ฒัวะ เญย.

7เยีย เหฒียบ ฒัวะ เญย ฮนั้ม เมี่ยน เถา ธินๆ ต่อย เมี่ยน. เยีย กวั่ง โหฒว หว่าย โหฒว เอ๊าะ เหธา ป์าม ฒุ์ย เญย สี่. มป่า เยีย ไม้ ปุน ม่าย ฒุ์ย เญย เมี่ยน ไม้ หฒุ ตี่ง ฒุ์ย, ฒู้ง ปุน เตีย หฒุ ตี่ง เญย ฒุ์ย ลิ่น เจี๊ยน เหฌี่ย เถา ปัว เปยย ต่อย เฒ้ย-ฟุน.”

8โมเซ เลี่ยม เฒ่ย เกว่ย เหฌี่ย เดา ป๋าย.

9นิ่น ก๊อง, “โอ เฒี้ยว อ่า, สี ก๊อง หฒิว เม่ย ปวัด, เยีย หฒะเก้ง หอบ เม่ย เญย เฮญี้ยว นอ, โท้ เฒี้ยว เหธา เจี๊ยน เยีย บัว มี่ง. ไม้ กุ๊น น้าย เต๋ย เมี่ยน เฮญี้ยว แหง่ง, โท้ เม่ย กวั่ง เยีย บัว โหฒว ต่อง เญย ฒุ์ย, ฒิบ เยีย บัว โหฒว เม่ย เญย แปะ ฝีง.”

10เฒี้ยว ก๊อง บั๋ว โมเซ, “เยีย เหลียบ แหง่ง หว่า, อ๋อย เยียม เม่ย เญย แปะ ฝีง, อิสะลาเอน เมี่ยน, เญย หฑะเฮมียน, โหฒว บัวะ ฮ่อง เญย สี่, เซ เยียม น้าย ลู่ง เดี๊ย หม่าน ฝีง เมี่ยน ไม้ ม่าย หาย เต้า ปวัด เจี๋ย เญย สี่. เยียม เม่ย บัว บุด๋ง เญย ฝีงๆ เมี่ยน อ๋อย ปวัด เยีย, เฒี้ยว, เหว่ย เม่ย บัว โหฒว บัวะ ฮ่อง, กั้ม เหฑีย ไห่ เญย ต้ม สี่.

11อ๋อย หฒุ เอย เจี๊ยน เยีย อี้ ฮนอย หัด เม่ย น้าย เต๋ย หว่า โหฒว, เยีย ฯฒฯ หฒุ่น อาโมไล เมี่ยน, คานาอัน เมี่ยน, ฮิดไท เมี่ยน, เปลิดซี เมี่ยน, ฮีไว เมี่ยน, เยบุด เมี่ยน เยียม เม่ย บัว เญย วั้ว ด่าง แหมง ถุย ธ้วด.

12อ๋อย หฒุ ไฝ ฟิม, ไม้ ตู๋ง เหธา เม่ย บัว อ๋อย มี่ง วั้ว นอม เต่ย-ปูง เญย เมี่ยน เหลียบ แหง่ง หว่า. เหฑีย ไฮ่ ฮนั้ง แฒง ฮลาง ฮลบ เม่ย บัว นอ.

13อ๋อย หฒุ แธะ นิ่น บัว เญย เหฒี่ย-ต้อง, เบ๊าะ หม่วน นิ่น บัว หฒั่ง เฒี่ยน เญย หละเปย๊ย-ต่ง, หย่า ก๋อย นิ่น บัว เญย อาเซลา เฒี่ยน เญ์ย เญย ฝัง.

14ไม้ ตู๋ง หฒั่ง กั้น เต้า เฒี่ยน, เหว่ย หฒุ เยีย, เฒี้ยว, ต้ง ม่าย บั๋ว เห่ว แฑง วั้ว เต้า ทิน-ฮู่ง, แฑง เจี๊ยน เม่ย บัว.

15“เม่ย บัว ไม้ ตู๋ง เหธา วั้ว นอม เต่ย-ปูง เญย เมี่ยน เหลียบ แหง่ง หว่า เหว่ย หฒุ นิ่น บัว ฮนั้ง ม่าย เฮยี่ย เฮญี้ยว เญย เมี่ยน นอ, หฒั่ง นิ่น บัว เญย เฒี่ยน หย่า ต้อ กะน้าย มี่ง เหฒี่ย. เหฑีย นิ่น บัว ไฮ่ ธี้ง เม่ย บัว มี่ง เหธา เจี๊ยน หญั่น นิ่น บัว เหฒี่ย เฒี่ยน เญย กะน้าย.

16เหฑีย เม่ย บัว มี่ง ล์อ นิ่น บัว เญย เซียะ ต้าย โหฒว เม่ย บัว เญย ตอน เญย เอ๊า, นิ่น บัว เญย เซียะ หย่า ฮนั้ง ม่าย เฮยี่ย เฮญี้ยว เญย เมี่ยน, มี่ง หฒั่ง นิ่น บัว เญย เฒี่ยน ฯฒฯ หยัวะ เม่ย บัว เญย ตอน ฟี่ ฮนั้ง เญย ม่าย เฮยี่ย เฮญี้ยว มี่ง หฒั่ง นิ่น บัว เญย เฒี่ยน.

17“ไม้ ตู๋ง โต๋ หาย หญู่ง หมิ่ว-ฝัง ต้าย เหว่ย กั้น หฒั่ง.

18“อ๋อย หฒุ เจี๋ย ไม้ อัน ปี๊ง เญย ฌั้ว เญย ฒิบ. เสี่ย ฮนอย กะญั์ว เม่ย บัว อ๋อย หฒุ หญั่น ไม้ อัน ปี๊ง เญย ฌั้ว, ฮนั้ง เยีย หัด เจี๋ย เม่ย บัว วั้ว นอ. อาบีบ หฮลา, เม่ย บัว อ๋อย หฒุ เจี๋ย น้าย นอม ฒิบ เหว่ย หฒุ วั้ว นอม หฮลา เม่ย บัว ธ้วด อียิบ เต่ย-ปูง.

19“ไม้ กุ๊น ง่ง กวั้น, ยู่ง กวั้น, ปะกี ยู่ง กวั้น, ตะฟ่าน แซง-คู้ เญย ต้าว ทอย ตอน, โก๊ว วั้ว เต๋ย, เป๋น เยีย เญย ป่วน.

20ต้าว ทอย ล่อ ตอน อ๋อย หฒุ หล่ง ปะกี ยู่ง ตอน หฒัวะ. ไม้ หฒัวะ นอ, อ๋อย หฒุ เบ๊าะ นิ่น เญย จาง เน้า. หย่า อ๋อย หฒุ หฒัวะ เม่ย บัว เญย ต้าว เต้า ตอน-หละเก๊า. “ไม้ ตู๋ง ปุน หาย เต้า ขูง-ปั์ว แปะ เหฒา ต้าย ล์อ เยีย.

21“หล่ง จุ๊ ฮนอย โหฒว กง, มป่า เสี่ย ฮนอย วั้ว ฮนอย อ๋อย หฒุ ฮิด ขวน. ไม้ กุ๊น ไล่ ลี่ง ไฟ เซียว แกง-หฒวัง เญย เฒี่ยง โห่, อ๋อย หฒุ ฮิด ขวน.

22“เม่ย บัว เจี์ย กอน ก๊าด เบย้า วิด เญย เฒี่ยง โห่ อ๋อย หฒุ เจี๋ย เซียว เซียง-เบย้า เญย ฒิบ. เถา หฮญัง-เตว๊ย เซียว เซ้ด เมว์ย วั้ว เต๋ย แกง-หฒวัง หย่า อ๋อย หฒุ เจี๋ย เซียว แกง-หฒวัง เญย ฒิบ.

23เม่ย บัว เญย เหยียด ฒู้ง มจั่ง ตอน เหยียด หฮญัง อ๋อย หฒุ ต้าย หฒั่ง ปัว หฑุ่น เยีย, เฒี้ยว ทิน-ฮู่ง, อิสะลาเอน เมี่ยน เญย ทิน-ฮู่ง.

24เยีย อ๋อย หฒุ่น ฝีงๆ เมี่ยน เยียม เม่ย บัว เญย วั้ว ด่าง แหมง ธ้วด มี่ง, ปุน เม่ย บัว เญย เต่ย-จ๋าย จั๊ง ธ้วด. เม่ย บัว เหยียด หฮญัง มี่ง หฒั่ง เฒี้ยว, เม่ย บัว เญย ทิน-ฮู่ง ปัว หฑุ่น, ไม้ ม่าย หาย เต้า แฑง เม่ย บัว เญย เดา อ๊ะ.

25“หาย หฒั่น หล่ง แซง-คู้ เญย ฑย้าม เหฒี่ย เยีย, ธิน-หม่าน ไม้ ตู๋ง หล่ง อัน ปี๊ง เญย ฌั้ว เหธา เจี๊ยน ฝ่ง ห่อ. เจี๋ย เสีย แหม่ง ฒิบ หล่ง เหฒี่ย เญย แซง-คู้ ไม้ ตู๋ง เลี่ยว เถา ลู่ง ดอม.

26“เยียม เด่ย ธ้วด เก้า หลง เจี๋ย เญย ธุน-แกง อ๋อย หฒุ ต้อ มี่ง เฒี้ยว, เม่ย บัว เญย ทิน-ฮู่ง, เญย เปย๊า. “ไม้ ตู๋ง หล่ง ยู่ง มา เญย หญอ โฒ้ว ยู่ง ตอน.”

27เฒี้ยว ก๊อง บั๋ว โมเซ, “เฒาะ น้าย เต๋ย หว่า เฟี้ย เจี๊ยน เหว่ย หฒุ เยีย เหธา เม่ย บัว เหธา อิสะลาเอน เมี่ยน หฒิว น้าย เต๋ย หว่า เหลียบ เจี์ย แหง่ง หว่า.”

28โมเซ เหธา เฒี้ยว เยียม วั้ว เฝย เหฒียบ ฮนอย เฝย เหฒียบ ม์วน. นิ่น ไม้ หญั่น หฮนาง หย่า ไม้ ฮบ ววม. นิ่น เฒาะ น้าย เต๋ย แหง่ง หว่า, เซ เหฒียบ ติ้ว เล์ย-หลัด, เฟี้ย เจี๊ยน อี คว้าย หละเปย๊ย-เป๊น.

29โมเซ เยียม ซีนาย บง โป้ว เจี๊ยน เฟี้ย แล์ง แหง่ง หว่า วั้ว เต๋ย อี คว้าย หละเปย๊ย-เป๊น เหฌี่ย. นิ่น ไม้ ฮิ้ว ตุ๊ นิ่น เหธา เฒี้ยว ก๊อง ลิ์ว หว่า, นิ่น เญย เฮมียน แอ๊ง ธ้วด ฌัง.

30อาโลน เหธา อิสะลาเอน เญย หฒวัง เมี่ยน ปวัด โมเซ เญย เฮมียน แอ๊ง ธ้วด ฌัง, นิ่น บัว กั้ม เหฑีย ไม้ มี่ง ฟัด.

31มป่า โมเซ เห่ว นิ่น บัว. อาโลน เหธา อิสะลาเอน เมี่ยน เญย หฒวัง เปย๊ย เฒ้ย ฯฒฯ ต้าย เถา นิ่น วั้ว. โมเซ ฯฒฯ เหธา นิ่น บัว ก๊อง หว่า.

32ฆะฮ้า อิสะลาเอน เญย หฒวัง เมี่ยน ต้าย ฟัด เต๋ย, โมเซ ฯฒฯ เฒาะ เยียม ซีนาย บง, เฒี้ยว ก๊อง บั๋ว นิ่น วั้ว เต๋ย เหยียด ฒู้ง เล์ย-หลัด บั๋ว นิ่น บัว.

33โมเซ เหธา นิ่น บัว ก๊อง ลิ์ว หว่า, นิ่น เฒาะ คว้าย เดีย ปวัง เจี๊ยน เฮมียน.

34มป่า โมเซ หาย หฒั่น เปียะ หวุ่ย ปวั้ง เญย ด๊บ-ลิ่ว เยียม เฒี้ยว เญย หฑะเฮมียน, เหธา เฒี้ยว ก๊อง หว่า, นิ่น เฒาะ ฆอย ปวัง เฮมียน วั้ว คว้าย เดีย, ฒั้ว เถา นิ่น ธ้วด ต้าย. นิ่น ธ้วด ต้าย ก๊อง เฒี้ยว หัด เญย หว่า ปุน อิสะลาเอน เมี่ยน หมวัง วั้ว หฒั่น,

35อิสะลาเอน เมี่ยน ปวัด นิ่น เญย เฮมียน แอ๊ง ธ้วด ฌัง. ก๊อง ลิ์ว หว่า, โมเซ แอ๋ง เฒาะ เดีย ปวัง เจี๊ยน เฮมียน, ฒั้ว เถา เปียะ มี่ง เหธา เฒี้ยว ก๊อง หว่า หธีง เฒาะ ฆอย.

← Chapter 33 Jump to: Chapter 35 →