Exodus 29

Mien Bible (Thai Script) © Thailand Bible Society, 2007

1“เม่ย อ๋อย หฒุ ฮนั้ง น้าย นอ โหฒว เหว่ย สา อาโลน เหธา นิ่น เญย ตอน บัว ธีง-เหฑ่ง ต้าย โหฒว ไซ เมี่ยน ฟู-สู เยีย. อ๋อย หฒุ เฒาะ เต้า ง่ง โก๊ว ธาน เหธา อี เต้า ปะกี ยู่ง โก๊ว, เหยียด ฒู้ง ไม้ ม่าย ต๋อง เฆ่ม เญย.

2อ๋อย หฒุ โหฒว ไม้ อัน ปี๊ง เญย ฌั้ว, เหธา หฒอบ เจี๊ยน กะลั้น โย่ว ไม้ ม่าย ปี๊ง เญย ฌั้ว, เหธา ฑ้าด เจี๊ยน กะลั้น โย่ว เญย ฌั้ว-เปียะ. อ๋อย หฒุ หล่ง เบย้า วิด บ๊วน-หม่วน โหฒว น้าย เต๋ย ฌั้ว.

3เฒาะ น้าย เต๋ย ฌั้ว ตั๊บ เจี๊ยน ดาน. ต้อ ง่ง โก๊ว เหธา อี เต้า ปะกี ยู่ง โก๊ว ต้าย ฝ่ง ห่อ ปุน เยีย วั้ว หฒั่น, เลี่ยม น้าย เต๋ย ฌั้ว ต้อ ต้าย ฝ่ง ห่อ ปุน เยีย.

4ต้อ อาโลน เหธา นิ่น เญย ตอน บัว ต้าย เถา หวุ่ย ปวั้ง ด๊บ-ลิ่ว เญย แก้ง ด่าง หล่ง ววม หฑาว นิ่น บัว เญย ซิน.

5เฒาะ อาโลน เญย โหฒว ไซ ลุย ปุน นิ่น ฒุ เจี๊ยน. เฒาะ กะญั์ว วั้ว เหยี่ยม ลุย-ด๊าว เหธา เอโฟ้ด เญย ลุย ปุน นิ่น ฒุ เจี๊ยน, หย่า เฒาะ เอโฟ้ด กั้น เถง นิ่น ฒุ เจี๊ยน. แอ๋ง เฒาะ ปวัง หละค้วด เญย กะน้าย ปวัง เจี๊ยน หละค้วด. เฒาะ ปั์ว-เต้า หลง เญย หฒั่ง เมี่ยน ดั๊ด ต้าย หลง เญย ไซ จ๊าย เดีย, เลี่ยม เอโฟ้ด ไซ เจี๊ยน.

6เฒาะ มฆ้อง-เปว เปว เจี๊ยน นิ่น เญย มฆ้อง. แอ๋ง เฒาะ ธีง-เหฑ่ง วั้ว คว้าย เจียม-ป้าย ญัด เจี๊ยน มฆ้อง-เปว.

7เฒาะ ออน เมี่ยน เญย โย่ว โต๋ เจี๊ยน นิ่น เญย มฆ้อง.

8ต้อ อาโลน เญย ตอน บัว ต้าย หย่า เถง นิ่น บัว ฒุ เจี๊ยน ลุย-ด๊าว.

9เฒาะ เดีย บย์อง เจี๊ยน นิ่น บัว เญย มฆ้อง. ปุน อาโลน เหธา นิ่น เญย ตอน ไซ เจี๊ยน ไซ จ๊าย เดีย. นิ่น บัว ฯฒฯ ม่าย เล์ย เหยียด ลิ์ว โหฒว ไซ เมี่ยน. เม่ย อ๋อย หฒุ ฮนั้ง น้าย นอ ออน อาโลน เหธา นิ่น เญย ตอน บัว โหฒว ไซ เมี่ยน.

10“ต้อ ง่ง โก๊ว ต้าย หวุ่ย ปวั้ง เญย ด๊บ-ลิ่ว หฑะเฮมียน แหมง. อาโลน เหธา นิ่น เญย ตอน บัว อ๋อย หฒุ ต้อ ปั์ว มาน เจี๊ยน ง่ง เญย มฆ้อง.

11อ๋อย หฒุ เยียม เฒี้ยว เญย หฑะเฮมียน, หวุ่ย ปวั้ง ด๊บ-ลิ่ว เญย แก้ง ด่าง, ไต๋ น้าย เต้า ง่ง โก๊ว.

12หล่ง เม่ย เญย ปั์ว-โด๊ะ โธะ ง่ง เญย ฑย้าม ไหฒ เจี๊ยน เหฒี่ย-ต้อง เญย จอง. เหฒ่ง วั้ว เต๋ย ฑย้าม โต๋ เจี๊ยน เหฒี่ย-ต้อง เญย กอน.

13เฒาะ กะญั์ว เฮญี้ยว เญย เหยียด ฒู้ง เฮมย, เหธา ปวัง ฮลัน เญย เฮมย-บย์อง, อี นอม หญุด เฒ้ย เหธา แน้ด หญุด เฒ้ย เญย เฮมย, อัน เหฒี่ย-ต้อง ปั๊ว.

14มป่า ง่ง เญย ด๊บ, อ๊อ, เหธา จ้าง อ๋อย หฒุ ต้อ ธ้วด กะเหญี่ย หฒิ ด๊บ-ลิ่ว เธี้ยง ปั๊ว กวั่ง. น้าย เซ เหฒี่ย เหว่ย ฟิ ฒุ์ย เญย ง่ง.

15“แอ๋ง ต้อ เต้า วั้ว เต๋ย ปะกี ยู่ง โก๊ว ต้าย ปุน อาโลน เหธา นิ่น เญย ตอน บัว มาน เจี๊ยน ปะกี ยู่ง เญย มฆ้อง.

16อ๋อย หฒุ ไต๋ น้าย เต้า ปะกี ยู่ง โก๊ว ต้าย, ต้อ ฑย้าม มี่ง เพี้ยด เหฒี่ย-ต้อง เปยย ปูง.

17อ๋อย หฒุ ฮงะ ปะกี ยู่ง เป๋น เหยียด หฆัน เหยียด หฆัน. หฑาว เหฑ่ง กะญั์ว เฮญี้ยว เญย กะน้าย เหธา ฒุ่ย ฯฒฯ ต้อ ต้าย เหธา มฆ้อง เหธา อ๊อ อัน เจี๊ยน.

18เฒี่ยง เต้า ปะกี ยู่ง อ๋อย หฒุ อัน เจี๊ยน เหฒี่ย-ต้อง ปั๊ว. น้าย เซ ปั๊ว เหฒี่ย ปุน เฒี้ยว เญย กะน้าย, เว่ย ดาง เญย เฉีย หอบ เฒี้ยว เญย เฮญี้ยว. เซ หล่ง โต์ว ปั๊ว เหฒี่ย ฝ่ง ห่อ เญย กะน้าย.

19“แอ๋ง เฒาะ ตะเหญ่ย เต้า ปะกี ยู่ง โก๊ว ต้าย ปุน อาโลน เหธา นิ่น เญย ตอน บัว มาน เจี๊ยน ปะกี ยู่ง เญย มฆ้อง.

20ไต๋ น้าย เต้า ปะกี ยู่ง ต้าย, เฒาะ เต๋ย ฑย้าม ฑ้าด อาโลน เหธา นิ่น เญย ตอน บัว เญย บย่าว แหมง มน่อม เปี๊ยว เหธา นิ่น บัว เญย บย่าว เจี๊ยะ ปั์ว-โด๊ะ-เญ์ย เหธา บย่าว เจี๊ยะ เหฒา-โด๊ะ-เญ์ย. เหฒ่ง เหฌี่ย เญย ฑย้าม เพี้ยด เหฒี่ย-ต้อง เปยย ปูง.

21แอ๋ง เฒาะ เต๋ย เยียม เหฒี่ย-ต้อง เญย ฑย้าม เหธา เต๋ย ออน เมี่ยน เญย โย่ว ฟุ อาโลน เหธา อาโลน เญย ลุย-โหว. แอ๋ง ฟุ อาโลน เญย ตอน บัว เหธา นิ่น บัว เญย ลุย-โหว. ฮนั้ง น้าย โหฒว, อาโลน เหธา นิ่น เญย ตอน บัว เหธา นิ่น บัว เญย ลุย-โหว ฯฒฯ ธีง-เหฑ่ง, ฝูง ปุน เฒี้ยว หมี่ อ๊ะ.

22“เม่ย อ๋อย หฒุ เฒาะ น้าย เต้า ปะกี ยู่ง โก๊ว เญย เฮมย เหธา จุ่น เญย เตว๊ย, กะญั์ว เฮญี้ยว เญย เฮมย เหธา ปวัง ฮลัน เญย อ๊อ-บย์อง, อี นอม หญุด เฒ้ย เหธา แน้ด หญุด เฒ้ย เญย เฮมย เหธา บย่าว ปูง เหฒา-ฒุ่ย. (น้าย เต้า ปะกี ยู่ง เซ เหว่ย ออน เมี่ยน โหฒว ไซ เมี่ยน.)

23แอ๋ง เฒาะ เยียม เฒี้ยว เญย หฑะเฮมียน ไม้ อัน ปี๊ง วั้ว ดาน ฌั้ว. เฒาะ นอม ไม้ หฒอบ กะลั้น โย่ว เญย ฌั้ว, เฒาะ นอม หฒอบ กะลั้น โย่ว, แอ๋ง เฒาะ นอม ฌั้ว-เปียะ.

24เฒาะ น้าย เต๋ย เหยียด ฒู้ง ปุน อาโลน เหธา นิ่น เญย ตอน บัว เยียม เฒี้ยว เญย หฑะเฮมียน ธุ้น กีง ฝ่ง ห่อ.

25อ๋อย หฒุ ฒิบ เยียม นิ่น บัว เญย ปั์ว น้าย เต๋ย กะน้าย ต้าย อัน เจี๊ยน เหฒี่ย-ต้อง เหธา ปั๊ว เหฒี่ย เญย กะน้าย เหยียด เหฌี่ย ปั๊ว, เว่ย ดาง เญย เฉีย หอบ เฒี้ยว เญย เฮญี้ยว. เซ หล่ง โต์ว ปั๊ว เหฒี่ย ฝ่ง ห่อ ปุน เฒี้ยว เญย กะน้าย.

26แอ๋ง เฒาะ ออน อาโลน โหฒว ไซ น้าย เต้า ปะกี ยู่ง โก๊ว เญย เหลาะ ฮยวัง อ๊อ เยียม เฒี้ยว เญย หฑะเฮมียน ธุ้น กีง ฝ่ง ห่อ, เหว่ย โหฒว ธุ้น กีง ฝ่ง ห่อ เญย กะน้าย. น้าย เต๋ย อ๊อ ฯฒฯ เป๋น เม่ย บัว เญย ป่วน อ๊ะ.

27“ออน เมี่ยน โหฒว ไซ เมี่ยน วั้ว เต้า ปะกี ยู่ง โก๊ว เญย เหลาะ ฮยวัง อ๊อ เหธา ฒุ่ย ธุ้น กีง ฝ่ง ห่อ ลิ์ว ฯฒฯ เป๋น อาโลน เหธา นิ่น เญย ตอน บัว เญย หมี่ อ๊ะ.

28น้าย เซ อิสะลาเอน เมี่ยน อ๋อย หฒุ ปุน อาโลน เหธา นิ่น เญย ตอน บัว เหยียด ลิ์ว ตุ๊ เญย ป่วน. เซ อิสะลาเอน เมี่ยน ฝ่ง ห่อ เหฒี่ย เหว่ย จิว ทง ฝูง ปุน เฒี้ยว ตุ๊ เญย ป่วน.

29“อาโลน โหฒว ไซ เมี่ยน เญย ฒอง-ฒุ อ๋อย หฒุ ปุน นิ่น เญย ตอน-เจว๊ย ฟุน-ฟะ หฑิบ เจี๊ยน เหยียด ต่อย เจี๋ย เหยียด ต่อย. หาย หฒั่น โต๋ โย่ว ออน นิ่น บัว โหฒว ไซ เมี่ยน, นิ่น บัว อ๋อย หฒุ ฒุ เจี๊ยน.

30หฑิบ เจี๊ยน อาโลน โหฒว ไซ เมี่ยน วั้ว เต้า ตอน เปียะ หวุ่ย ปวั้ง เญย ด๊บ-ลิ่ว, ธีง-เหฑ่ง เญย ต๋อง, ฟู-สู เฒี้ยว, อ๋อย หฒุ ฒุ น้าย เต๋ย โหฒว ไซ เญย ลุย-โหว ปวั๊ง เสี่ย ฮนอย.

31“ออน เมี่ยน โหฒว ไซ เมี่ยน วั้ว เต้า ปะกี ยู่ง โก๊ว เญย อ๊อ อ๋อย หฒุ เยียม นอม ธีง-เหฑ่ง เญย ต๋อง โฒ้ว.

32อาโลน เหธา นิ่น เญย ตอน บัว อ๋อย หฒุ เยียม หวุ่ย ปวั้ง ด๊บ-ลิ่ว เญย แก้ง ด่าง หญั่น น้าย เต้า ยู่ง เญย อ๊อ เหธา ดาน กะญั์ว เญย ฌั้ว.

33ต้อ ต้าย ฟิ ฒุ์ย เญย กะน้าย เหธา ออน โหฒว ไซ เมี่ยน ฝูง ปุน เฒี้ยว เญย กะน้าย ขูง ไซ เมี่ยน หญั่น ตุ๊ ฮนั้ง. กะเหญี่ย เญย เมี่ยน หญั่น ไม้ ตุ๊ เหว่ย หฒุ น้าย เต๋ย กะน้าย เซ ธีง-เหฑ่ง เญย.

34ออน เมี่ยน โหฒว ไซ วั้ว เต๋ย อ๊อ เหธา ฌั้ว, วั้ว ม์วน หญั่น ไม้ เหฑ่ง นอ, ลู่ง ดอม อ๋อย หฒุ ปั๊ว กวั่ง อ๊ะ. ไม้ ตู๋ง หญั่น, เหว่ย หฒุ น้าย เต๋ย กะน้าย เซ ธีง-เหฑ่ง.

35“เม่ย อ๋อย หฒุ หฒิว เยีย พ้าย เม่ย เญย เหยียด ฒู้ง หว่า ออน อาโลน เหธา นิ่น เญย ตอน โหฒว ไซ เมี่ยน. อ๋อย หฒุ หล่ง เสี่ย ฮนอย ออน นิ่น บัว.

36ฮนอยๆ อ๋อย หฒุ หล่ง เต้า ง่ง โก๊ว ฝ่ง ห่อ เหฒี่ย เหว่ย ฟิ ฒุ์ย, หย่า เหว่ย สา เหฒี่ย-ต้อง ธีง-เหฑ่ง. อ๋อย หฒุ หล่ง กะลั้น โย่ว โต๋ เหฒี่ย-ต้อง เหว่ย ปุน เหฒี่ย-ต้อง ธีง-เหฑ่ง.

37อ๋อย หฒุ ลิ่น เจี๊ยน เสี่ย ฮนอย, ฮนอยๆ สา เหฒี่ย-ต้อง ธีง-เหฑ่ง. เหฒี่ย ต้อง ฯฒฯ ธีง-เหฑ่ง ไห่. หาย หญู่ง ควัด หฒุ เหฒี่ย-ต้อง นอ, วั้ว หญู่ง ฯฒฯ ธีง-เหฑ่ง หมี่ อ๊ะ.

38“น้าย เซ เม่ย ฮนอยๆ อ๋อย หฒุ ต้อ ต้าย ฝ่ง ห่อ อัน เหฒี่ย-ต้อง เหฒี่ย เญย กะน้าย. เซ อี เต้า ต๋อย หฮญัง เญย ปะกี ยู่ง ตอน, หย่า ไม้ ตู๋ง แฆะ เหยียด ฮนอย.

39ลู่ง ดอม เหฒี่ย เต้า, เหฑียม-ย่าง เญย เฒี่ยง โห่ เหฒี่ย เต้า.

40ลู่ง ดอม เหฒี่ย วั้ว เต้า อ๋อย หฒุ หล่ง อี เมาะ บ๊วน-หม่วน หฒอบ เจี๊ยน เหยียด ก่อง กะลั้น โย่ว. แอ๋ง ฝ่ง ห่อ เหยียด ก่อง อะหงุ่น ติ๊ว เหว่ย เธี้ย เหฒี่ย.

41เหฑียม-ย่าง เหฒี่ย วั้ว เต้า ปะกี ยู่ง ตอน หย่า ฟี่ ฮนั้ง เญย. เฒาะ ฝ่ง ห่อ เญย ล่าง หฒิ เหธา เธี้ย เหฒี่ย เญย กะน้าย เหยียด เหฌี่ย ปั๊ว. น้าย เซ หล่ง โต์ว ปั๊ว เหฒี่ย ฝ่ง ห่อ ปุน เฒี้ยว เญย กะน้าย, เว่ย ดาง เญย เฉีย หอบ เฒี้ยว เญย เฮญี้ยว.

42“ต่อย เจี๋ย ต่อย อ๋อย หฒุ เยียม เฒี้ยว เญย หฑะเฮมียน, หวุ่ย ปวั้ง ด๊บ-ลิ่ว เญย แก้ง ด่าง, หฒั่นๆ หล่ง น้าย เต๋ย กะน้าย ปั๊ว เหฒี่ย. เยีย หย่า อ๋อย เยียม วั้ว ปวั้ง เม่ย, เหธา เม่ย ก๊อง หว่า.

43เยีย หย่า อ๋อย เยียม วั้ว นอม ต๋อง ปวั้ง อิสะลาเอน เมี่ยน. เยีย เญย ฌัง-หล่าง ฯฒฯ ปุน น้าย นอม ต๋อง ธีง-เหฑ่ง.

44“เยีย อ๋อย สา หวุ่ย ปวั้ง เญย ด๊บ-ลิ่ว เหธา เหฒี่ย-ต้อง ธีง-เหฑ่ง, หย่า สา อาโลน เหธา นิ่น เญย ตอน บัว ธีง-เหฑ่ง, เหว่ย ปุน นิ่น บัว โหฒว ไซ เมี่ยน ฟู-สู เยีย.

45เยีย อ๋อย เยียม อิสะลาเอน เมี่ยน บุด๋ง โหฒว นิ่น บัว เญย ทิน-ฮู่ง.

46นิ่น บัว ฒู้ง อ๋อย ฮิ้ว ตุ๊ เยีย เซ เฒี้ยว, นิ่น บัว เญย ทิน-ฮู่ง, ต้ง ต้อ นิ่น บัว ธ้วด อียิบ เต่ย-ปูง เหว่ย เยียม นิ่น บัว บุด๋ง. เยีย เซ เฒี้ยว, นิ่น บัว เญย ทิน-ฮู่ง.

← Chapter 28 Jump to: Chapter 30 →