bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Kings 11
2 Kings 11
Lahu Bible Edited © Thailand Bible Society and Bible Society of Myanmar, 2010, 2020.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 12 →
1
Jawˇmawˇ Aˍhaˍziˆ ve awˬ e Aˍtaˍliˆ lehˬ, yawˇ ve yaˇ paˍ suh peuˬ ve awˬ hkawˇ gʼa kaˇ ve teˇ yanˇ, jawˇmawˇ ve awˬ ceuˬ awˬ hkʼaˇ hkʼa peu-eˬ ve hta‸ tiˇ pehˍ tcuh ve yoˬ.
2
Aˍhaˍziˆ ve yaˇ Yawˇshaˆ teˇ gʼaˇ ceh tiˉ gʼa ponˬ ve yoˬ. Yawˇ hta‸ ka‸ shu tiˇ pehˍ tuˬ ve hta‸ shiˍ ve pa taw, yawˇ ve aˉ shuˍ ma Yeˍhawˇranˍ ve yaˇ miˇ Yawˇsheˍbaˆ yuˬ faˉ taˍ piˇ ve yoˬ. Aˍtaˍliˆ yaˇ paˍ chi ve hta‸ maˇ gʼa tiˇ pehˍ tuˬ, Yawˇsheˍbaˆ lehˬ yaˇ paˍ chi hta‸ yuˬ leh bon yehˬ hkʼaw cawˬ ve bawehˇ teˇ maˬ hkʼaw faˉ taˍ ve yoˬ.
3
Aˍtaˍliˆ Yuˇda‸ mvuhˇmiˬ hta‸ uˉ peunˍ chehˇ htaˇ, Yawˇsheˍbaˆ lehˬ yaˇ paˍ oˇ ve hta‸ bon yehˬ hkʼaw lo 6 hkʼaw‸ hkʼa gaˬ ha‸ shaˉ piˇ taˍ ve yoˬ.
4
Suhˍ hkʼaw‸ teˇ hkʼaw‸ gaˬ htaˇ, paw hkuˇ Yawˇyaˍdaˆ lehˬ, hawˉ yehˬ hta‸ shaw chehˇ ve ma‸ yaˇ teˇ hpaˍ hta‸ bon yehˬ hkʼaw kuˬ yuˬ leh, yawˇ te tuˬ ve kanˉ yawˇ hui hta‸ hto maˍ piˇ ve yoˬ. Yawˇ lehˬ, Aˍhaˍziˆ ve yaˇ Yawˇshaˆ hta‸ kuˬ tawˆ leh yawˇ hui hta‸ maw piˇ peuˬ hkʼaw‸ nawˉ, yawˇ hui hta‸ chi hkʼe tawˇ piˇ ve yoˬ.
5
Shinˉ nyi htaˇ nawˬ hui hawˉ yehˬ hta‸ ca shaw la tuˬ laˬ ve teˇ yanˇ, shehˆ pun teˇ pun ceh tiˉ bon yehˬ hta‸ shaw taˉ leh,
6
shehˆ pun nyiˇ pun lehˬ, bon yehˬ lo laˬ leh jawˇmawˇ hta‸ hkʼa deh‸ shaw taˍ-o‸.
7
Nawˬ hui a shu yawˇ ve aˉhtaw hta‸ gʼawˬ tawˆ leh, jawˇmawˇ geh chehˇ taˍ-o‸.
8
Nawˬ hui awˬ paˇ lo laˬ ve chaw hta‸ tiˇ pehˍ piˇ-oˆ, teh‸ yawˇ hui hta‸ kʼoˆ piˇ ve yoˬ.
9
Shaw shehˍ hpaˇ awˬ hoˉ teˇ hpaˍ lehˬ, Yawˇyaˍdaˆ hkawˇ na leh, yawˇ hui ve ma‸ yaˇ teˇ hpaˍ yawˇ geh shiˍ laˬ ve yoˬ.
10
Oˇ htaˇ, Yawˇyaˍdaˆ lehˬ bon yehˬ hkʼaw ha‸ shaˉ taˍ ve jawˇmawˇ Daˍviˆ ve gehˇ leh htanˬ tuˬ teˇ hpaˍ yawˇ hui hta‸ chiˇ a‸ piˇ ve yoˬ.
11
Peuˬ hkʼaw‸ nawˉ jawˇmawˇ hta‸ ha‸ shaˉ piˇ tuˬ, yawˇ hui hta‸ bon yehˬ gʼuˇ suhˍ lo shaw tcuh taˍ ve yoˬ.
12
Oˇ hkʼe te peuˬ hkʼaw‸ nawˉ Yawˇyaˍdaˆ lehˬ, Yawˇshaˆ hta‸ shiˍ tawˆ la leh yawˇ ve oˉ kʼoˍ hkʼoˆ lo shi uˉ tcuhˍ hkʼawˆ piˇ ve yoˬ. Awˬliˇtawˇhkawˇ li‸ daw teˇ kʼoˆ yawˇ hta‸ piˇ leh, naˍ manˇ pfuhˍ piˇ ve yoˬ. Oˇ kaˬ lo chehˇ taˍ ve chaw teˇ hpaˍ la‸ sheh hta leh, Jawˇmawˇ co zuhˬ ha zuhˬ cawˬ piˇ-oˆ, teh‸ kuˬ ve yoˬ.
13
Chaw yaˇ teˇ hpaˍ duiˆ-ehˍ shaˇ-ehˍ kuˬ chehˇ ve awˬ hkawˇ hta‸ jawˇmawˇ ma Aˍtaˍliˆ gʼa kaˇ ve teˇ yanˇ, yawˇ teˇ cawˬ haˉ bon yehˬ lo gʼuiˇ kʼai ve yoˬ.
14
Yawˇ oˇ kaˬ lo gaˬ ve teˇ yanˇ, awˬ liˇ awˬ hkʼaˇ cawˬ ve hkʼe, jawˇmawˇ awˬ suhˉ teˇ gʼaˇ yehˬ hkuiˉ daw paˇ lo huˉ chehˇ taˍ ve hta‸ yawˇ gʼa mawˬ ve yoˬ. Yawˇ awˬ paˇ lo ma‸ poˍ teˇ hpaˍ, behˬ heh ma meuˆ paˍ teˇ hpaˍ leh chaw yaˇ teˇ hpaˍ ha lehˬ ha kʼa te chehˇ taˍ ve yoˬ. Oˇ htaˇ, Aˍtaˍliˆ dawˇ haˍ jaˇ ve hkʼaw yawˇ ve veu‸ kʼaˇ hta‸ tzuh‸ suhˍ leh, Chi hkʼe te ve lehˬ, ngaˬ hta‸ kʼaw‸ hpfuhˆ ve yoˬ, teh‸ kʼoˆ ve yoˬ.
15
Yawˇyaˍdaˆ lehˬ, Aˍtaˍliˆ hta‸ bon yehˬ hkʼaw lo maˇ tiˇ pehˍ gaˇ. Chi hta‸ pa taw, yawˇ ve ma‸ yaˇ teˇ hpaˍ hta‸ kuˬ yuˬ leh, Yaˇ miˇ chi hta‸ shiˍ tawˆ-e loˬ. Yawˇ hta‸ ca htaiˍ hkʼaw‸ la ve chaw hta‸ tiˇ pehˍ piˇ-oˆ, teh‸ yawˇ hui hta‸ kʼoˆ piˇ ve yoˬ.
16
Hkʼe te leh, yawˇ hui yaˇ miˇ oˇ ve hta‸ hawˉ yehˬ lo shiˍ kʼai leh, Iˉ mvuhˇ taˍ meu‸ hpe‸, teh‸ kʼoˆ ve chehˇ kuiˬ lo gaˬ htaˇ, yawˇ hta‸ tiˇ pehˍ ve yoˬ.
17
Paw hkuˇ Yawˇyaˍdaˆ lehˬ, Yawˇshaˆ leh Yuˇda‸ chaw teˇ hpaˍ hta‸ Gʼuiˬsha ve chaw te tuˬ ka ti‸ shaˉ caˆ te tcuh ve yoˬ. Jawˇmawˇ awˬ to leh Yuˇda‸ chaw awˬ kaˍ lo htawˇ, ka ti‸ shaˉ caˆ te tcuh ve yoˬ.
18
Oˇ ve hkʼaw‸ nawˉ, Yuˇda‸ chaw teˇ hpaˍ Baˍlaˆ gʼuiˬsha ve bon yehˬ lo kʼai leh, bon yehˬ oˇ ve hta‸ te luˬ piˇ ve yoˬ. Shaˉ ho‸ teˇ hpaˍ hta‸ ka‸ dawˆ paˆ leh, Baˍlaˆ gʼuiˬsha ve paw hkuˇ Maˍtanˍ hta‸ htawˇ tiˇ pehˍ piˇ ve yoˬ. Yawˇyaˍdaˆ lehˬ, bon yehˬ hta‸ shaw tuˬ ve ma‸ yaˇ teˇ hpaˍ hta‸ leuˆ teh taˍ ve yoˬ.
19
Oˇ hkʼe te peuˬ hkʼaw‸ nawˉ, jawˇmawˇ hta‸ bon yehˬ hkʼaw shiˍ tawˆ la leh, hawˉ yehˬ lo shiˍ kʼai piˇ ve yoˬ. Ma‸ yaˇ teˇ hpaˍ leh Yuˇda‸ chaw teˇ hpaˍ yawˇ hkʼaˇ suh gʼa‸ kʼai ve yoˬ. Yawˇshaˆ hta‸ jawˇmawˇ ve kʼaw jaw hkʼoˆ lo mui tcuh piˇ ve yoˬ.
20
Aˍtaˍliˆ suh peuˬ ve pa taw, chi teˇ pawˆ mvuhˇmiˬ gawˬ lehˍ cawˬ leh chaw yaˇ teˇ hpaˍ ha lehˬ jaˇ ve yoˬ.
21
Yawˇshaˆ a sha‸ 7 hkʼaw‸ gaˬ htaˇ Yuˇda‸ jawˇmawˇ tanˬ te ve yoˬ.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25