bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Kings 12
2 Kings 12
Lahu Bible Edited © Thailand Bible Society and Bible Society of Myanmar, 2010, 2020.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 13 →
1
Iˉsaˍreˍlaˆ mvuhˇmiˬ hta‸ jawˇmawˇ Yeˍhuˆ uˉ peunˍ chehˇ ve 7 hkʼaw‸ teˇ hkʼaw‸ htaˇ, Yuˇda‸ mvuhˇmiˬ hta‸ jawˇmawˇ Yawˇshaˆ kʼaw‸ uˉ peunˍ ve yoˬ. Yawˇshaˆ lehˬYeˍruˆsaˍlehnˍ venˇ hta‸ 40 hkʼaw‸ uˉ peunˍ ve yoˬ.
2
Yawˇ a sha‸ te‸ chehˇ ve teˇ co-e, Gʼuiˬsha nyi ma cawˇ ve kanˉ hta‸ tiˉ te ve yoˬ. Awˬ lawn kʼo, paw hkuˇ Yawˇyaˍdaˆ yawˇ hta‸ maˍ piˇ chehˇ ve pa taw yoˬ.
3
Ya‸ hkʼaˇ, yawˇ lehˬ awˬ nu ve gʼuiˬsha teˇ hpaˍ ve oˉ kʼoˍ pui kuiˬ teˇ hpaˍ hta‸ maˇ te luˬ piˇ. Hkʼe te leh, chaw yaˇ teˇ hpaˍ lehˬ gʼuiˬsha oˇ ve teˇ hpaˍ hta‸ tuˉ tanˇ piˇ chehˇ sheˍ ve yoˬ.
4
Yawˇshaˆ lehˬ, bon yehˬ hta‸ kʼaw‸ gu tuˬ loˍ la ve hta‸ gʼa mawˬ ve pa taw, paw hkuˇ teˇ hpaˍ hta‸ kuˬ yuˬ leh, hpu tanˇ teˇ hpaˍ leh shu Gʼuiˬsha hta‸ ca tuˉ tanˇ la htaˇ shaw gʼa taˍ ve hpu tanˇ teˇ hpaˍ hta‸ hkʼa deh‸ ha‸ shaˉ taˍ tuˬ tawˇ piˇ ve yoˬ.
5
Hkʼe te leh, paw hkuˇ teˇ gʼaˇ le le bon yehˬ hkʼaw lo a shu yawˇ kanˉ te cawˇ ve awˬ yanˇ htaˇ hkʼa gʼa ve hpu tanˇ teˇ hpaˍ hta‸ ha‸ shaˉ taˍ ve yoˬ.
6
Ya‸ hkʼaˇ, Yawˇshaˆ jawˇmawˇ te laˬ ve 20 hkʼaw‸ gaˬ peuˬ ve ka‸, paw hkuˇ teˇ hpaˍ bon yehˬ hta‸ kʼaw‸ gu te maˇ gʼa sheˍ ve hta‸ yawˇ gʼa mawˬ ve yoˬ.
7
Hkʼe te leh, yawˇ paw hkuˇ Yawˇyaˍdaˆ leh awˬ nu ve paw hkuˇ teˇ hpaˍ hta‸ kuˬ yuˬ leh, Aˬ hto‸ ma pa taw ya‸ nyi hkʼa gaˬ nawˬ hui bon yehˬ hta‸ maˇ gu sheˍ ve le. Ya‸ nyi hkʼaw‸ nawˉ kʼo, nawˬ hui shaw gʼa ve hpu tanˇ hta‸ nawˬ hui maˇ gʼa ha‸ shaˉ. Bon yehˬ hta‸ haˆ haˆ gu gʼa hpeh‸ tuˬ hpu tanˇ ngaˬ hta‸ gʼa chiˇ a‸ laˇ ve yoˬ, teh‸ yawˇ hui hta‸ kʼoˆ piˇ ve yoˬ.
8
Chi hkʼe te tuˬ paw hkuˇ teˇ hpaˍ ka‸ nyi ma cawˇ leh ha‸ yuˬ ve yoˬ.
9
Oˇ htaˇ, Yawˇyaˍdaˆ ta kʼoˍ teˇ maˬ te leh hpu tanˇ keu kuiˬ awˬ hkʼaw htaw pawnˍ peuˬ hkʼaw‸ nawˉ, tuˉ tanˇ kuiˬ la‸ sha paˇ hpawˇ lo teh taˍ ve yoˬ. Bon yehˬ hkʼaw lo kanˉ te cawˇ ve paw hkuˇ teˇ hpa lehˬ, ca tuˉ tanˇ la ve chaw hui geh shaw gʼa ve hpu tanˇ teˇ hpaˍ hta‸, ta kʼoˍ oˇ ve hkʼaw keu taˍ ve yoˬ.
10
Ta kʼoˍ oˇ ve hkʼaw hpu tanˇ biˇ la htaˇ, shaˉ nanˉ hkʼaw ve ceˇ leˇ lonˉ leh paw hkuˇ lonˉ yawˇ huiˉ maˬ laˬ leh, hpu tanˇ oˇ ve hta‸ tsuh nyi ve yoˬ.
11
Hpu hkʼaˬ ma cawˬ ve hta‸ caˇ lanˇ hkʼa deh‸ yuˬ peuˬ hkʼaw‸ nawˉ, bon yehˬ hkʼaw kanˉ te paˍ awˬ hoˉ hta‸ chiˇ a‸ piˇ ve yoˬ.
12
Yawˇ lehˬ hpu oˇ ve hta‸ yuˬ leh la‸shaˉmaˉ teˇ hpaˍ, haˉ pui htawˆ paˍ teˇ hpaˍ, leh awˬ nu ve kanˉ te paˍ teˇ hpaˍ hta‸ gʼaˇ hpfuhˇ piˇ ve yoˬ. Chi hkʼoˆ, yehˇ loˍ ve suhˆ leh haˉ pui shiˍ teˇ hpaˍ hta‸ htawˇ vuiˬ yuˬ ve yoˬ.
13
Hpu kawˆ, shi kawˆ, behˬ heh ma, kawˆ faiˇ, leh awˬ nu awˬ na hpu shi yuˬ te taˍ ve mawˇ teˇ hpaˍ hta‸, hpu tanˇ chi hkʼaw yuˬ tawˆ leh maˇ yehˇ.
14
Kanˉ te paˍ teˇ hpaˍ hta‸ gʼaˇ hpfuhˇ piˇ ve leh, loˍ ve suhˆ, haˉ pui chi hkʼe ve vuiˬ htaˇ tiˉ yehˇ ve yoˬ.
15
Kanˉ te paˍ awˬ hoˉ oˇ ve teˇ hpaˍ hteˇ jaˇ leh, yawˇ hui te taˍ peuˬ ve kanˉ hta‸ kʼaw‸ gʼa‸ chaˬ nyi tuˬ maˇ loˍ.
16
Venˇbaˆ gʼa pon tuˬ ca tuˉ tanˇ la ve chaw hui geh gʼa ve hpu teˇ hpaˍ lehˬ, ta kʼoˍ oˇ ve hkʼaw maˇ keu. Hpu oˇ ve teˇ hpaˍ lehˬ, paw hkuˇ teˇ hpaˍ yuˬ ve yoˬ.
17
Awˬ yanˇ oˇ ve hkʼaw, Suˇriˆ jawˇmawˇ Haˍzeˍlaˆ lehˬ, Gaˆ venˇ hta‸ ca bawˆ yuˬ la ve yoˬ. Oˇ ve hkʼaw‸ nawˉ, Yeˍruˆsaˍlehnˍ venˇ hta‸ ka‸ kʼaw‸ ca bawˆ yuˬ tuˬ dawˇ cheˆ taˍ ve yoˬ.
18
Oˇ htaˇ, Jawˇmawˇ Yawˇshaˆ lehˬ yawˇ awˬ gʼuˇ suhˍ jawˇmawˇ te taˉ peuˬ ve Yeˍhawˇshaˍhpaˆ, Yeˍhawˇranˍ leh Aˍhaˍziˆ hui shaw hpoˆ taˉ ve hpu tanˇ teˇ hpaˍ, yawˇ ve hawˉ yehˬ hkʼaw leh bon yehˬ hkʼaw cawˬ taˍ ve hpu tanˇ teˇ hpaˍ hta‸ yuˬ leh, jawˇmawˇ Haˍzeˍlaˆ hta‸ ca yuˬ kʼoˬ piˇ ve yoˬ. Hkʼe te leh jawˇmawˇ Haˍzeˍlaˆ kʼaw‸ hpfuhˆ kʼo‸-e ve yoˬ.
19
Jawˇmawˇ Yawˇshaˆ hkʼa te ve kanˉ hkʼa peu-eˬ, Yuˇda‸ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ.
20
Yawˇ ve ma‸ poˍ lonˉ teˇ hpaˍ yawˇ hta‸ kʼaw‸ hpfuhˆ ve yoˬ. Yawˇ ve ma‸ poˍ lonˉ Shiˍmaˆ ve yaˇ Yawˉsaˍkaˍ leh Shawˇmeˍraˆ ve yaˇ Yawˉzaˍbaˆ, yawˇ huiˉ maˬ hawˉ yehˬ hkʼaw lo‸-e leh jawˇmawˇ hta‸ tiˇ pehˍ piˇ ve yoˬ.
21
Jawˇmawˇ ve hawˉ yehˬ lehˬ, Sheˍlaˆ venˇ lo kʼai ve ya‸ kʼaw hpuiˇ lo cawˬ ve Miˆlawˇ teh‸ kʼoˆ ve chehˇ kuiˬ lo te taˍ ve yoˬ. Yawˇshaˆ hta‸ shu Daˍviˆ ve venˇ hkʼaw tuˍ piˇ leh, yawˇ ve yaˇ paˍ Aˍmaˍziˆ yawˇ awˬ tan jawˇmawˇ kʼaw‸ te ve yoˬ.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25