bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Kings 21
2 Kings 21
Lahu Bible Edited © Thailand Bible Society and Bible Society of Myanmar, 2010, 2020.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 22 →
1
Maˍnaˍseˍ lehˬ, Yuˇda‸ mvuhˇmiˬ hta‸ tanˬ uˉ peunˍ htaˇ, yawˇ ve a sha‸ 12 hkʼaw‸ gaˬ peuˬ leh, Yeˍruˆsaˍlehnˍ venˇ hta‸ 55 hkʼaw‸ uˉ peunˍ ve yoˬ. Yawˇ ve awˬ e lehˬ, Haˍziˇbaˍ hpeh‸ ve yoˬ.
2
Yawˇ lehˬ, aˬ sho-eˬ Iˉsaˍreˍlaˆ chaw hui Hkaˍnanˍ mvuhˇmiˬ hkʼaw lo‸ la htaˇ, Gʼuiˬsha gʼa‸ kʼoˬ piˇ taˍ ve chaw oˇ ve teˇ hpaˍ ve oˉ kʼoˍ pui ve awˬ liˇ teˇ hpaˍ hta‸ gʼa‸ te leh, Gʼuiˬsha hta‸ te ya‸ ve yoˬ.
3
Yawˇ ve awˬ pa Heˍsaˍkiˆ te luˬ piˇ taˍ ve awˬ nu ve gʼuiˬsha teˇ hpaˍ ve bon yehˬ hta‸ kʼaw‸ gu te ve yoˬ. Baˍlaˆ gʼuiˬsha hta‸ tuˉ tanˇ kuiˬ teˇ hpaˍ hta‸ htawˇ kʼaw‸ gu te leh, Iˉsaˍreˍlaˆ jawˇmawˇ Aˍhaˆ hkʼa shuˍ, Aˍsheˍraˆ gʼuiˬsha ma ve shaˉ ho‸ hta‸ htawˇ te teh taˍ ve yoˬ. Yawˇ lehˬ, meu‸ keu shiˍ teˇ hpaˍ hta‸ htawˇ oˉ kʼoˍ pui ve yoˬ.
4
Gʼuiˬsha hta‸ oˉ kʼoˍ pui kuiˬ bon yehˬ hkʼaw lo, awˬ nu ve gʼuiˬsha teˇ hpaˍ hta‸ tuˉ tanˇ kuiˬ teˇ hpaˍ te teh taˍ ve yoˬ.
5
Bon yehˬ awˬ baˬ hpawˇ ve nyiˇ bawehˇ hkʼaw lo htawˇ, yawˇ lehˬ meu‸ keu shiˍ teˇ hpaˍ hta‸ tuˉ tanˇ kuiˬ te teh taˍ ve yoˬ.
6
Yawˇ ve yaˇ paˍ hta‸ yuˬ leh tuˉ tanˇ piˇ ve yoˬ. Yawˇ lehˬ, faˍ te ve cuˇ yiˍ hta‸ henˇ leh, mawˉ paˍ sheˍ paˍ hui hta‸ awˬ chawˇ te ve yoˬ. Yawˇ Gʼuiˬsha hta‸ te ya‸ jaˇ leh, Gʼuiˬsha nyi ma zuhˆ tuˬ te chehˇ ve yoˬ.
7
Yawˇ lehˬ, bon yehˬ hkʼaw lo Aˍsheˍraˆ gʼuiˬsha ma ve shaˉ ho‸ teh taˍ ve yoˬ. Bon yehˬ hta‸ caˉ da‸ leh, Gʼuiˬsha Daˍviˆ leh yawˇ ve yaˇ paˍ Sawˉla‸monˍ hta‸ chi hkʼe kʼoˆ piˇ taˍ ve yoˬ. Iˉsaˍreˍlaˆ mvuhˇmiˬ hkʼa peu-eˬ awˬ hkʼaw lo ngaˬ hta‸ oˉ kʼoˍ pui kuiˬ Yeˍruˆsaˍlehnˍ venˇ chi ve hta‸ ngaˬ leuˆ yuˬ taˍ ve yoˬ.
8
Iˉsaˍreˍlaˆ chaw teˇ hpaˍ ngaˬ ve tawˇ leh Moˉseˍ yawˇ hui hta‸ piˇ taˍ ve awˬliˇtawˇhkawˇ hkʼa peu-eˬ ve hta‸ na yuˬ chehˇ ve kʼo, yawˇ hui ve awˬ puˍ awˬ pi hui hta‸ ngaˬ piˇ taˍ ve mvuhˇmiˬ chi ve hkʼaw, ngaˬ yawˇ hui hta‸ gʼa‸ kʼoˬ piˇ tuˬ ve maˇ heˆ, teh‸ Gʼuiˬsha kʼoˆ taˍ ve yoˬ.
9
Ya‸ hkʼaˇ, Yuˇda‸ chaw teˇ hpaˍ Gʼuiˬsha ve tawˇ hta‸ maˇ na yuˬ. Maˍnaˍseˍ lehˬ, Gʼuiˬsha gʼa‸ kʼoˬ piˇ taˍ ve chaw oˇ ve teˇ hpaˍ a‸ kehˉ haiˬ jaˇ leh, Iˉsaˍreˍlaˆ chaw hui hta‸ ya‸ kʼaw‸ sheh ya‸ piˇ chehˇ ve yoˬ.
10
Gʼuiˬsha lehˬ, yawˇ ve tcuh kaˍ paˍ teˇ hpaˍ hta‸ cuˇ leh chi hkʼe kʼoˆ ve yoˬ.
11
Jawˇmawˇ Maˍnaˍseˍ lehˬ, Hkaˍnanˍ chaw teˇ hpaˍ a‸ kehˉ ka‸ cha‸ chiˆ jaˇ ve kanˉ hta‸ te chehˇ ve yoˬ. Yawˇ shaˉ ho‸ teˇ hpaˍ hta‸ te leh, Yuˇda‸ chaw hui hta‸ ya‸ kʼaw sheh ya‸ piˇ chehˇ ve yoˬ.
12
Chi hta‸ pa taw, Ngaˬ, Iˉsaˍreˍlaˆ ve Gʼuiˬsha lehˬ, hkʼa gʼa kaˇ ve chaw hui kawˆ jaˇ law‸ law‸ ve ciˍ yanˍ ve awˬ ceuˬ, Yeˍruˆsaˍlehnˍ venˇ leh Yuˇda‸ mvuhˇmiˬ hkʼoˆ gaˬ la piˇ tuˬ yoˬ.
13
Iˉsaˍreˍlaˆ jawˇmawˇ Aˍhaˆ leh yawˇ ve awˬ ceuˬ awˬ hkʼaˇ teˇ hpaˍ hta‸ maˇ kʼoˆ, Saˍmaˍriˆ venˇ hta‸ maˇ kʼoˆ, ngaˬ te piˇ taˍ peuˬ ve hkʼe, Yeˍruˆsaˍlehnˍ venˇ hta‸ htawˇ ngaˬ oˇ hkʼe te piˇ tuˬ yoˬ. Hkehˇ hta‸ tsuhˇ leh hpfuhˆ mvuh‸ taˍ ve hkʼe, Yeˍruˆsaˍlehnˍ venˇ yaˇ teˇ hpaˍ hta‸ tsuhˇ baˬ piˇ tuˬ yoˬ.
14
Cawˬ taˍ sheˍ ve Yuˇda‸ chaw hui hta‸ ngaˬ canˇ paˍ teˇ hpaˍ ve la‸ sheh hkʼaw chiˇ a‸ piˇ leh, yawˇ hui lehˬ Yuˇda‸ chaw hui ve mvuhˇmiˬ hta‸ te luˬ te sheˆ piˇ tuˬ yoˬ.
15
Ngaˬ ve chaw chi teˇ hpaˍ lehˬ, Eˇjiˇtu‸ mvuhˇmiˬ hkʼaw tawˆ la ve teˇ nyi hta‸ te leh ya‸ nyi hkʼa gaˬ, ngaˬ hta‸ te ya‸ leh ngaˬ nyi ma zuhˆ tuˬ tiˉ te laˇ chehˇ ve pa taw, ngaˬ yawˇ hui hta‸ oˇ hkʼe te piˇ tuˬ yoˬ, teh‸ Gʼuiˬsha kʼoˆ ve yoˬ.
16
Jawˇmawˇ Maˍnaˍseˍ lehˬ, te‸ chiˉ venˇbaˆ maˇ cawˬ ve chaw hui hta‸ tiˇ pehˍ piˇ leh, Yeˍruˆsaˍlehnˍ venˇ hkʼaw awˬ suhˍ teunˇ chehˇ taˍ ve yoˬ. Yawˇ lehˬ, Iˉsaˍreˍlaˆ chaw hui hta‸ ya‸ kʼaw sheh ya‸ piˇ chehˇ ve awˬ hkʼoˆ, te‸ chiˉ venˇbaˆ maˇ cawˬ ve chaw hui hta‸ ka‸ tiˇ pehˍ piˇ chehˇ ve yoˬ.
17
Maˍnaˍseˍ hkʼa te ve kanˉ hkʼa peu-eˬ leh, yawˇ te ve cha‸ chiˆ ve kanˉ hkʼa peu-eˬ Yuˇda‸ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ.
18
Maˍnaˍseˍ suh-e leh shu yawˇ hta‸ Awˇzaˆ hko hkʼaw tuˍ piˇ ve yoˬ. Hkʼe te leh, yawˇ ve yaˇ paˍ Aˍmonˍ yawˇ awˬ tan jawˇmawˇ kʼaw‸ te ve yoˬ.
19
Aˍmonˍ Yuˇda‸ mvuhˇmiˬ hta‸ tanˬ uˉ peunˍ htaˇ, yawˇ ve a sha‸ 22 hkʼaw‸ gaˬ peuˬ leh, Yeˍruˆsaˍlehnˍ venˇ hta‸ nyiˇ hkʼaw‸ uˉ peunˍ ve yoˬ. Yawˇ ve awˬ e lehˬ, Yuˇbaˆ venˇ hkʼaw chehˇ ve Haˍruˆ ve yaˇ miˇ Meˍshuˉlaˍmehˆ hpeh‸ ve yoˬ.
20
Yawˇ ve awˬ pa hkʼa shuˍ, Aˍmonˍ htawˇ Gʼuiˬsha hta‸ te ya‸ jaˇ ve yoˬ.
21
Yawˇ ve awˬ pa te teh taˉ ve shaˉ ho‸ teˇ hpaˍ hta‸ yawˇ htawˇ oˉ kʼoˍ pui ve yoˬ.
22
Yawˇ Gʼuiˬsha hta‸ chiˇ baˬ leh, yawˇ ve tawˇ hta‸ maˇ na yuˬ.
23
Aˍmonˍ ve ma‸ poˍ lonˉ teˇ hpaˍ yawˇ hta‸ kʼaw‸ hpfuhˆ leh, hawˉ yehˬ hkʼaw yawˇ hta‸ tiˇ pehˍ piˇ ve yoˬ.
24
Yuˇda‸ chaw hui lehˬ, Aˍmonˍ hta‸ tiˇ pehˍ ve ma‸ poˍ lonˉ teˇ hpaˍ hta‸ kʼaw‸ tiˇ pehˍ piˇ leh, Aˍmonˍ ve yaˇ Yawˇshiˆ hta‸ jawˇmawˇ te tcuh ve yoˬ.
25
Aˍmonˍ hkʼa te ve kanˉ hkʼa peu-eˬ Yuˇda‸ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ.
26
Aˍmonˍ hta‸ Awˇzaˆ ve hko hkʼaw tuˍ piˇ leh, yawˇ ve yaˇ paˍ Yawˇshiˆ yawˇ awˬ tan jawˇmawˇ kʼaw‸ te ve yoˬ.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25