bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Kings 15
2 Kings 15
Lahu Bible Edited © Thailand Bible Society and Bible Society of Myanmar, 2010, 2020.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
1
Iˉsaˍreˍlaˆ mvuhˇmiˬ hta‸ jawˇmawˇ Yeˍyawˇbaoˍ(2) uˉ peunˍ chehˇ ve 27 hkʼaw‸ teˇ hkʼaw‸ htaˇ, Yuˇda‸ mvuhˇmiˬ hta‸ Aˍmaˍziˆ ve yaˇ Awˇziˆ kʼaw‸ uˉ peunˍ ve yoˬ.
2
Awˇziˆ jawˇmawˇ tanˬ te htaˇ, yawˇ ve a sha‸ 16 hkʼaw‸ gaˬ peuˬ leh, Yeˍruˆsaˍlehnˍ venˇ hta‸ 52 hkʼaw‸ uˉ peunˍ ve yoˬ. Yawˇ ve awˬ e lehˬ, Yeˍruˆsaˍlehnˍ venˇ yaˇ Yeˍhkawˇliˆ hpeh‸ ve yoˬ.
3
Yawˇ ve awˬ pa hkʼa shuˍ, yawˇ htawˇ Gʼuiˬsha nyi ma cawˇ ve kanˉ hta‸ tiˉ te ve yoˬ.
4
Ya‸ hkʼaˇ, yawˇ ka‸ awˬ nu ve gʼuiˬsha teˇ hpaˍ ve bon yehˬ hta‸ maˇ te luˬ piˇ. Hkʼe te leh, chaw yaˇ teˇ hpaˍ gʼuiˬsha oˇ ve teˇ hpaˍ hta‸ tuˉ tanˇ piˇ chehˇ sheˍ ve yoˬ.
5
Chi hta‸ pa taw, Gʼuiˬsha yawˇ hta‸ hkiˬ tu‸ keuˆ la piˇ leh, yawˇ hkʼaˇ yawˇ yehˬ teˇ yehˬ te chehˇ taˍ ve yoˬ. Hkʼe te leh, yawˇ ve yaˇ paˍ Yawˇtanˍ yawˇ awˬ tan mvuhˇmiˬ kanˉ hkʼa peu-eˬ hta‸ nyi te kʼai chehˇ ve yoˬ.
6
Awˇziˆ hkʼa te ve kanˉ hkʼa peu-eˬ, Yuˇda‸ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ.
7
Awˇziˆ suh-e leh, shu yawˇ hta‸ Daˍviˆ ve venˇ hkʼaw tuˍ piˇ ve yoˬ. Hkʼe te leh, yawˇ ve yaˇ Yawˇtanˍ yawˇ awˬ tan jawˇmawˇ kʼaw‸ te ve yoˬ.
8
Yuˇda‸ mvuhˇmiˬ hta‸ jawˇmawˇ Awˇziˆ uˉ peunˍ chehˇ ve 38 hkʼaw‸ teˇ hkʼaw‸ htaˇ, Iˉsaˍreˍlaˆ mvuhˇmiˬ hta‸ Yeˍyawˇbaoˍ ve yaˇ Zaˍhkaˍriˆ jawˇmawˇ kʼaw‸ te ve yoˬ. Yawˇ lehˬ, Saˍmaˍriˆ venˇ hta‸ ha pa 6 maˬ ceh tiˉ gʼa uˉ peunˍ taˉ ve yoˬ.
9
Awˬ nu ve Iˉsaˍreˍlaˆ jawˇmawˇ teˇ hpaˍ hkʼa shuˍ, yawˇ htawˇ Gʼuiˬsha hta‸ te ya‸ jaˇ ve yoˬ. Neˍbaˆ ve yaˇ Yeˍyawˇbaoˍ hkʼa shuˍ, yawˇ lehˬ Iˉsaˍreˍlaˆ chaw hui hta‸ ya‸ kʼaw sheh ya‸ piˇ ve yoˬ.
10
Yaˍbehˆ ve yaˇ Shaˍlonˍ lehˬ, Iˉbaˍlonˍ venˇ hkʼaw jawˇmawˇ Zaˍhkaˍriˆ hta‸ tiˇ pehˍ piˇ leh, yawˇ awˬ tan jawˇmawˇ te ve yoˬ.
11
Zaˍhkaˍriˆ hkʼa te ve kanˉ hkʼa peu-eˬ, Iˉsaˍreˍlaˆ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ.
12
Hkʼe te leh, Gʼuiˬsha Yeˍhuˆ hta‸ ka ti‸ te piˇ taˍ ve hkʼe, Nawˬ ve awˬ ceuˬ awˬ hkʼaˇ 4 co-e hkʼa gaˬ, Iˉsaˍreˍlaˆ jawˇmawˇ gʼa te tuˬ yoˬ, teh‸ kʼoˆ taˍ ve ka ti‸ tawˇ hkawˇ biˇ la ve yoˬ.
13
Yuˇda‸ mvuhˇmiˬ hta‸ jawˇmawˇ Awˇziˆ uˉ peunˍ chehˇ ve 39 hkʼaw‸ teˇ hkʼaw‸ htaˇ, Iˉsaˍreˍlaˆ mvuhˇmiˬ hta‸ Yaˍbehˆ ve yaˇ Shaˍlonˍ jawˇmawˇ kʼaw‸ te ve yoˬ. Yawˇ lehˬ, Iˉsaˍreˍlaˆ mvuhˇmiˬ hta‸ ha pa teˇ maˬ ceh tiˉ gʼa uˉ peunˍ taˉ ve yoˬ.
14
Gaˍdiˆ ve yaˇ Meˍnaˍhenˍ, Tiˇraˍzaˍ venˇ hkʼaw tu leh Saˍmaˍriˆ venˇ lo kʼai ve yoˬ. Yawˇ Shaˍlonˍ hta‸ tiˇ pehˍ leh, yawˇ awˬ tan jawˇmawˇ te ve yoˬ.
15
Shaˍlonˍ hkʼa te ve kanˉ hkʼa peu-eˬ leh, yawˇ jawˇmawˇ hta‸ hkʼaˬ hkʼe te tiˇ pehˍ piˇ ve awˬ lawn, Iˉsaˍreˍlaˆ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ.
16
Meˍnaˍhenˍ lehˬ Taˍpaˍ venˇ lo kʼai leh, venˇ oˇ ve leh awˬ nu ve venˇ teˇ hpaˍ hta‸ te luˬ piˇ ve yoˬ. Yaˇ hu chehˇ ve yaˇ miˇ ma teˇ hpaˍ ve gʼoˇ peˬ hta‸ htawˇ shawˆ hkoˇ piˇ ve yoˬ. Awˬ lawn kʼo, venˇ yaˇ oˇ ve teˇ hpaˍ yawˇ jawˇmawˇ te ve hta‸ maˇ ha‸ yuˬ ve pa taw yoˬ.
17
Yuˇda‸ mvuhˇmiˬ hta‸ jawˇmawˇ Awˇziˆ uˉ peunˍ chehˇ ve 39 hkʼaw‸ teˇ hkʼaw‸ htaˇ, Iˉsaˍreˍlaˆ mvuhˇmiˬ hta‸ Gaˍdiˆ ve yaˇ Meˍnaˍhenˍ kʼaw‸ uˉ peunˍ leh, Saˍmaˍriˆ venˇ hta‸ 10 hkʼaw‸ uˉ peunˍ ve yoˬ.
18
Yawˇ htawˇ, Neˍbaˆ ve yaˇ Yeˍyawˇbaoˍ hkʼa shuˍ, Gʼuiˬsha hta‸ te ya‸ jaˇ leh, Iˉsaˍreˍlaˆ chaw hui hta‸ ya‸ kʼaw sheh ya‸ piˇ ve yoˬ.
19
Aˍsuˇriˆ jawˇmawˇ Tiˉgaˍlaˆpaˍleˍsaˍ, Iˉsaˍreˍlaˆ mvuhˇmiˬ hta‸ ca bawˆ la ve yoˬ. Hkʼe te leh, Meˍnaˍhenˍ lehˬ yawˇ ve mvuhˇmiˬ maˇ gʼa luˬ kʼai tuˬ, Aˍsuˇriˆ jawˇmawˇ hta‸ hpu 10,000 cawehˬ la‸ shawnˍ te piˇ ve yoˬ.
20
Yawˇ lehˬ, Iˉsaˍreˍlaˆ mvuhˇmiˬ hkʼaw paw sha ve chaw teˇ gʼaˇ geh hpu 50 hteh‸ kʼaw‸ shaw yuˬ ve yoˬ. Hkʼe te leh, Aˍsuˇriˆ jawˇmawˇ kʼaw‸ hpfuhˆ kʼo‸-e ve yoˬ.
21
Meˍnaˍhenˍ hkʼa te ve kanˉ hkʼa peu-eˬ, Iˉsaˍreˍlaˆ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ.
22
Yawˇ suh-e leh shu yawˇ hta‸ tuˍ piˇ ve yoˬ. Hkʼe te leh, yawˇ ve yaˇ paˍ Peˍkaˍhiˆ yawˇ awˬ tan jawˇmawˇ kʼaw‸ te ve yoˬ.
23
Yuˇda‸ mvuhˇmiˬ hta‸ jawˇmawˇ Awˇziˆ uˉ peunˍ chehˇ ve 50 hkʼaw‸ teˇ hkʼaw‸ htaˇ, Iˉsaˍreˍlaˆ mvuhˇmiˬ hta‸ Meˍnaˍhenˍ ve yaˇ Peˍkaˍhiˆ jawˇmawˇ kʼaw‸ te leh, Saˍmaˍriˆ venˇ hta‸ 2 hkʼaw‸ uˉ peunˍ ve yoˬ.
24
Yawˇ htawˇ, Neˍbaˆ yaˇ Yeˍyawˇbaoˍ hkʼa shuˍ, Gʼuiˬsha hta‸ te ya‸ jaˇ leh, Iˉsaˍreˍlaˆ chaw hui hta‸ ya‸ kʼaw sheh ya‸ piˇ ve yoˬ.
25
Yawˇ ve ma‸ poˍ lonˉ Reˍmaˍliˆ ve yaˇ Peˍkaˍ yawˇ hta‸ kʼaw‸ hpfuhˆ ve yoˬ. Peˍkaˍ lehˬ Giˇlaˆ venˇ hkʼaw ve ma‸ yaˇ 50 gʼaˇ shiˍ leh, Saˍmaˍriˆ venˇ ta‸ yehˬ hkʼaw chehˇ taˍ ve jawˇmawˇ Peˍkaˍhiˆ hta‸ tiˇ pehˍ piˇ peuˬ hkʼaw‸ nawˉ, yawˇ awˬ tan jawˇmawˇ kʼaw‸ te ve yoˬ.
26
Peˍkaˍhiˆ hkʼa te ve kanˉ hkʼa peu-eˬ, Iˉsaˍreˍlaˆ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ.
27
Yuˇda‸ mvuhˇmiˬ hta‸ jawˇmawˇ Awˇziˆ uˉ peunˍ chehˇ ve 52 hkʼaw‸ teˇ hkʼaw‸ htaˇ, Iˉsaˍreˍlaˆ mvuhˇmiˬ hta‸ Reˍmaˍliˆ ve yaˇ Peˍkaˍ jawˇmawˇ kʼaw‸ te leh, Saˍmaˍriˆ venˇ hta‸ 20 hkʼaw‸ uˉ peunˍ ve yoˬ.
28
Yawˇ htawˇ, Neˍbaˆ yaˇ Yeˍyawˇbaoˍ hkʼa shuˍ Gʼuiˬsha hta‸ te ya‸ jaˇ leh, Iˉsaˍreˍlaˆ chaw hui hta‸ ya‸ kʼaw sheh ya‸ piˇ ve yoˬ.
29
Peˍkaˍ uˉ peunˍ chehˇ ve awˬ co-e htaˇ, Aˍsuˇriˆ jawˇmawˇ Tiˉgaˍlaˆpaˍleˍsaˍ laˬ leh, Iˉyonˍ venˇ, Aˍbeˍlaˆbehˆmaˍhkaˍ venˇ Yaˍnawˇ venˇ, Kaˍdeˍshaˆ venˇ, Haˍzawˇ venˇ, Giˇlaˆ mvuhˇmiˬ, Gaˍliˍlehˇ mvuhˇmiˬ, Naˍtaˍliˆ mvuhˇmiˬ chi teˇ hpaˍ hta‸ bawˆ yuˬ leh, mvuhˇmiˬ yaˇ oˇ ve teˇ hpaˍ hta‸ Aˍsuˇriˆ mvuhˇmiˬ lo shiˍ kʼai ve yoˬ.
30
Yuˇda‸ mvuhˇmiˬ hta‸ Awˇziˆ ve yaˇ Yawˇtanˍ uˉ peunˍ chehˇ ve 20 hkʼaw‸ teˇ hkʼaw‸ htaˇ, Eˇlaˍ ve yaˇ Hawˇsheˍ jawˇmawˇ Peˍkaˍ hta‸ tiˇ pehˍ leh yawˇ awˬ tan jawˇmawˇ te ve yoˬ.
31
Peˍkaˍ hkʼa te ve kanˉ hkʼa peu-eˬ, Iˉsaˍreˍlaˆ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ.
32
Iˉsaˍreˍlaˆ mvuhˇmiˬ hta‸ Reˍmaˍliˆ ve yaˇ Peˍkaˍ uˉ peunˍ chehˇ ve 2 hkʼaw‸ teˇ hkʼaw‸ htaˇ, Yuˇda‸ mvuhˇmiˬ hta‸ Awˇziˆ ve yaˇ Yawˇtanˍ jawˇmawˇ kʼaw‸ te ve yoˬ.
33
Yawˇ jawˇmawˇ hpeh‸ la htaˇ, yawˇ ve a sha‸ 25 hkʼaw‸ gaˬ peuˬ leh, Yeˍruˆsaˍlehnˍ venˇ hta‸ 10 hkʼaw‸ uˉ peunˍ ve yoˬ. Yawˇ ve awˬ e lehˬ, Zaˍdoˆ ve yaˇ miˇ Jeˍruˇshaˍ hpeh‸ ve yoˬ.
34
Yawˇtanˍ lehˬ, yawˇ ve awˬ pa Awˇziˆ hkʼa shuˍ, Gʼuiˬsha nyi ma cawˇ ve kanˉ hta‸ tiˉ te ve yoˬ.
35
Ya‸ hkʼaˇ, yawˇ lehˬ awˬ nu ve gʼuiˬsha teˇ hpaˍ ve bon yehˬ hta‸ maˇ te luˬ piˇ. Hkʼe te leh, chaw yaˇ teˇ hpaˍ gʼuiˬsha oˇ ve teˇ hpaˍ hta‸ tuˉ tanˇ piˇ chehˇ sheˍ ve yoˬ. Yawˇtanˍ lehˬ, bon yehˬ awˬ na hpawˇ lo yehˬmiˉhpe‸ teˇ maˬ kʼaw‸ te keu ve yoˬ.
36
Yawˇtanˍ hkʼa te ve kanˉ hkʼa peu-eˬ, Yuˇda‸ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ.
37
Yawˇ jawˇmawˇ te chehˇ htaˇ, Gʼuiˬsha lehˬ Suˇriˆ jawˇmawˇ Reˍsenˍ leh, Iˉsaˍreˍlaˆ jawˇmawˇ Peˍkaˍ hui hta‸ kuˬ yuˬ leh, Yuˇda‸ mvuhˇmiˬ hta‸ ca tanˬ bawˆ tcuh ve yoˬ.
38
Yawˇtanˍ suh-e leh shu yawˇ hta‸ Daˍviˆ ve venˇ hkʼaw tuˍ piˇ ve yoˬ. Hkʼe te leh, yawˇ ve yaˇ paˍ Aˍhkaˆ yawˇ awˬ tan jawˇmawˇ kʼaw‸ te ve yoˬ.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25