Proverbs 20

Kirundi (Bibliya Yera 1951, 1967 (Burundi))

← Chapter 19 Jump to: Chapter 21 →

1Vino ni yo mucokoranyi, ibiboreza ni vyo ruyogoyogo, Kand’ ūbidandabagiranamwo wese ntagira ubgenge.

2Ugushangashirwa kw’umwami ni nk’ukwivuga kw’ intambge, Ūmurakije aba yicishije umutwe.

3Umuntu bimubera icubahiro kwitandukanya n’imitongano, Arikw igipfu cose giterekērwa no gusinda.

4Mu gihe c’imbeho umunebge ntakunda kurima, Ni co gituma mw iyimbura aja gusēgerereza ntagire ico aronka.

5Inama yo mu mutima w’ umuntu ni nk’amazi yo hasi mw ibenga, Arik’ umuntu w’umunyabgenge arayivoma.

6Abantu benshi bakunda kwirata, umuntu wese akirata ukugira neza kwiwe, Non’ umwizigirwa ni nde yomubona?

7Umugororotsi agendera mu gutungana kwiwe, Hahirwa abana biwe azosiga.

8Umwami avyagiye ku ntebe y’ imanza Agosōza ikibi cose inyonga ziwe.

9Ni nde yoshobora kuvuga, ati Niyogeje umutima, Nihumanuye icaha canje?

10Ibilo bitangana n’ibigeresho bitangana Vyompi n’igisesema k’Uhoraho.

11Kandi n’umwana amenyekanira ku vyo akora, Kw ingeso ziwe zizotungana zikaba nziza.

12Ugutwi kwumva n’ijisho ribona Uhoraho ni we yabiremye vyompi.

13Ntugakunde kuryāmīra, kugira ng’ ubgoro ntibugutere, Kanura, ni ho uzobona ivyo kurya biguhāgije.

14Nta co kimaze, nta co kimaze! ni k’umuguzi avuga; Arikw amaze kugenda ni ho yishima.

15Izahabu ziriho, n’ubukenuke bg’utubuyenge twitwa marijani, Arikw iminwa y’ubgenge aba ar’ utugenegene tw’igiciro.

16Twara impuzu y’uwishinze uwo atazi, Wake ingwati uwishinze abandi.

17Indya z’ibinyoma ziraryohera umuntu, Ariko hanyuma zikamuhindukira urusekebuye mu kanwa.

18Imigabo yose ikomezwa n’ inama, Kandi mu kuja mu ntambara urōngōrwe n’inama y’ubgenge.

19Ūgendagenda ar’ indanyangu amena amabanga, Nuko ntukifatanye n’ikirofoke.

20Ūvuma se canke nyina Itara ryiwe rizozimirizwa mu mwiza w’umuzitanya.

21Umwandu utoranywe mu maguru masha, Hanyuma nta mugisha ugira.

22Ntukavuge, uti Nzokwihōra ikibi nagiriwe: Ni witege Uhoraho, ni we azogukiza.

23Ibilo bitangana n’igisesema k’Uhoraho, Kand’ umunzane w’ibinyoma si mwiza.

24Urugendo rw’umuntu ruva k’ Uhoraho; Non’ umuntu buntu yotahura inzira yiwe ate?

25N’umutego ku muntu gupfa gutuntumukana ikintu, akavuga, ati N’icera, Maz’ ahejeje kwishira mw isezerano, akībaza.

26Umwami w’ubgenge akebanya abanyakibi, Akabanywagisha ikibando.

27Impwemu yo mu muntu n’ itara ry’Uhoraho, Risesangura hose mu bgigobeko bg’umutima.

28Imbabazi n’ukuri ni vyo bizigama umwami, Kand’ ingoma yiwe ihangamishwa n’imbabazi.

29Ubutōre bg’imisore ni bgo nkomezi zabo, Kand’ icubahiro c’abatāma n’imvi.

30Inkoni ziciye inguma zivūra ikibi, Bo n’imimyore inyengetereye imbere mu mutima.

← Chapter 19 Jump to: Chapter 21 →