Proverbs 7

Kirundi (Bibliya Yera 1951, 1967 (Burundi))

← Chapter 6 Jump to: Chapter 8 →

1Mwana wanje, witondere amajambo yanje, Ubīke amabgirizwa yanje muri wewe.

2Witondere amabgirizwa yanje, ubone kubaho, Rinda ivyagezwe vyanje nk’ imbone y’ijisho.

3Bipfundike ku ntoke zawe, Uvyandike ku gisate, ni co mutima wawe.

4Ubarire ubgenge, ut’ Uri mushikanje; Kand’ ukumenya ukwite incuti:

5Kugira ngo bikurinde umugore w’icigenze, Mbere bikurinde umugore w’icigenze ahemanisha amagambo yiwe.

6Nari kw idirisha mu nzu yanje, Ndungurukira mu nshingo zaryo;

7Mbona mu mburabgenge, Nitegereza mu basore, Umusore w’igipfamutima,

8Aca mu nzira hafi y’inkokora y’inzu y’umugore ameze artyo, Anobanga mu nzira ija ku nzu yiwe;

9Hāri mu kagoroba, bugira bgire, Mu kajoro, buhwibiriye.

10Maz’ uno mugore aramusanganira, Yambaye nka kumwe kwa maraya, afise umutima w’ uburyarya.

11N’inyeruzi, ntahetwa, Ibirenge vyiwe ntibiragama mu nzu;

12Hamwe aba mu nzira, ahandi akaba ahiyaguye, Abunda ku mahwane yose y’ inzira.

13Afata nya musore aramusoma, Amubarira ata dusoni mu maso,

14Ati Nari nsanzwe nkwiye gutanga ikimazi c’ishimwe: Non’ uyu musi nashikije ivyo nasezeranye.

15Ni co gitumye nza kugusanganira, Nkuronderana umwete, none ndakubonye.

16Nashashe imisego ku buriri bganje, N’impuzu z’amagarwe zajishwe mu nyuzi zo muri Egiputa.

17Namotesheje neza uburiri bganje Isenga n’imbazi na mudarasini.

18Ngwino turāreko buce, Twinezeranishe urukundo.

19Kuk’ umugabo atar’ i muhira, Yamaze urubanza rwa kure.

20Yajanye umupfuko w’amahera; Azogaruka ukwezi gufashe.

21Amuryesharyeshakw akarimi keza, Amukwegesha guhemana kw’ iminwa yiwe.

22Aca amukurikira ubgo nyene, Nk’inka ija kubāgwa, Canke nk’igipfu kijanwa guhanirwa mu munyororo;

23Gushitsa ah’ umwampi umutobekeranije mu gitigu; Nk’ukw inyoni yisuka mu mutego, Itazi kw igiye gupfa.

24None rero, bana banje, munyumve, Mutege amatwi amajambo y’ akanwa kanje.

25Umutima wawe ntugakebereze mu nzira ziwe, Kandi woye kuzimira ng’ ujane inzira ziwe.

26Kuko yatsinze hasi abakomerekejwe benshi, Mber’ abakomeye bishwe na we n’isinzi.

27Inzu yiwe n’inzira ija i kuzimu, Imanuka irora i wabo w’urupfu.

← Chapter 6 Jump to: Chapter 8 →