1 Samuel 2

Shona (Baiberi Magwaro Matȿene aMŋari 1949 (Doke)

← Chapter 1 Jump to: Chapter 3 →

1Hana akanyeŋgetera, akati: Mŋoyo waŋgu unofarira Jehova, Runyaŋga rwaŋgu rwakakwiridzwa munaJehova; Muromo waŋgu wakashamira ʋaʋeŋgi ʋaŋgu; Nokuti ndinofarira ruponeso rwenyu.

2Hakunomutȿene wakafanana naJehova; Nokuti hakunomumŋe kunze kwenyu. Ʋuye hakuneɗombo rakafanana naMŋari weɗu.

3Musaramba mucitaura muciɀikudza ɀikuru, Manyawi ŋgaarege kuɓuɗa pamiromo yenyu; Nokuti Jehova ndiMŋari unoziʋa, Maɓasa aʋanhu anoyerwa naye.

4Ʋuta bgaʋanhu ʋanesimba bgakavunika, Ʋakaŋga ʋacigumburwa ʋakasuŋgwa ɀiʋuno nesimba.

5Ʋakaŋga ʋakaguta ʋakandoɓatira ɀokudya ɀaʋo, Ʋakaŋga ʋanenzara ʋozorora. Wakaŋga asiŋgaɓereki wakaɓereka ʋanomŋe; Asi iye wakaŋga anaʋana ʋazhinji woshaiwa simba.

6Jehova ndiye unoʋuraya, nokuraramisa ʋo; Ndiye unoɓurusira kubgiro, nokukwidza ʋo.

7Jehova ndiye unopa ʋurombo, ndiye unofumisa ʋo. Ndiye unoɗukupisa, nokukwiridza ʋo.

8Ndiye unosimudza ʋarombo paguruʋa, Unosimudza rombe, acimubvisa paɗurunhuru; Kuti aʋagarise pamŋe cete namacinda, Aʋagarise nhaka yecigaro coʋushe cinobginya. Nokuti mbiru dzenyika ndedzaJehova, Iye wakateya nyika pamsoro padzo.

9Ucaceŋgeta tsoka dzaʋatȿene ʋake, Asi ʋakaipa ʋacanyaradzwa murima; Nokuti hakunomunhu ucakunda nesimba rake.

10Ʋanorwa naJehova ʋacapxanyiwa; Ucaʋatinhirira ari kuɗeŋga; Jehova ucatoŋga migumo yenyika; Ucapa mambo wake simba, Nokukwiridza runyaŋga rwomuzodzwa wake.

11Ɀino Erikana akaenda kumba kwake paRama. Mŋana akaɓatira Jehova pamberi pomuprista Eri.

12Ɀino ʋanakomana ʋaEri ʋakaŋga ʋari ʋanhu ʋakaiȿo‐ipa; haʋana‐kuraŋgarira Jehova.

13Tsika yaʋaprista pamberi paʋanhu yakaŋga iri iyi: Kana aninani akaʋuya neciɓayiro, muranda womuprista waiʋuya aneciɓayiso cenyama cinameno matatu muruʋoko rwake, kana nyama iciɓikwa;

14ɀino ndokuɓaya naco mugaŋgo, kana muharyana, kana mugate, kana muhari; ɀose ɀaiɓuɗiswa neciɓayiso cenyama ɀaitorwa nomuprista. Ndiɀo ɀaʋaiitira ʋaIsraeri ʋose ʋaiʋuya paShiro.

15Ɀino kunyaŋge ʋasati ʋapisa mafuta, muranda womuprista waiʋuya, ndokuti kumunhu wakaŋga aciɓayira: Ndipe nyama yokugocera muprista; nokuti haaŋgagamuciri kwauri nyama yakaɓikwa, asi mbishi.

16Ɀino kana munhu uyo akati kwaari: Ŋgaʋataŋge kupisa mafuta, ugotora hako ɀose ɀinoɗikanwa nomŋoyo wako, ipapo iye ndokuti: Kwete, cindipa iyo ɀino; kana usiŋgaɗi, ndicaitora nesimba.

17Ɀiʋi ɀamajaya ɀakaŋga ɀiri ɀikuru pamberi paJehova, nokuti ʋanhu ʋakaɀidza cipiriso caJehova.

18Asi Samueri waiɓata pamberi paJehova, aciri mŋana hake, akasuŋgwa ciʋuno neefodi yomuceka.

19Namai ʋake ʋo ʋakamuitira ŋguʋo ɗuku, ʋakaʋuya nayo kwaari gore rimŋe nerimŋe, kana oʋuya nomurume wake kuzoɓayira ciɓayiro cegore rimŋe nerimŋe.

20Eri akaropafadza Erikana nomukadzi wake, akati: Jehova ŋgaakupe ʋana kumukadzi uyu panɀimbo yaiye wamakapa Jehova. Ʋakaenda kumusha kwaʋo.

21Ɀino Jehova akashanyira Hana, akaʋa nemimba, akazoɓereka ʋanakomana ʋatatu naʋanasikana ʋaʋiri. Iye mŋana Samueri akazokura pamberi paJehova.

22Ɀino Eri wakaŋga akwegura kwaɀo; akanzwa ɀose ɀakaŋga ɀiciitirwa ʋaIsraeri ʋose naʋanakomana ʋake, namaʋatire aʋaiita naʋakadzi ʋaiɓate‐ɓasa pamukoʋa wetente rokusoŋgana.

23Akati kwaʋari: Munoitireiko ɀinhu ɀakaɗai? Nokuti ndinoŋgosinzwa kuʋanhu ʋose aʋa ɀakaipa ɀamunoita.

24Kwete, ʋana ʋaŋgu; nokuti mashoko andinonzwa haana‐kunaka; munoɗarikisa ʋanhu ʋaJehova.

25Kana munhu mumŋe akatadzira mumŋe, mutoŋgi ucamutoŋga mhoȿa yake; asi kana munhu akatadzira Jehova, ndianiko ucamureʋerera? Kunyaŋge ɀakaɗaro, haʋana kuterera inzwi raɓaɓa ʋaʋo, nokuti Jehova wakaŋga aciɗa kuʋaʋuraya.

26Iye mŋana Samueri akaramba acikura, akaɗikanwa naJehova ʋuye naʋanhu ʋo.

27Ɀino mumŋe murume waMŋari akaʋuya kunaEri, akati kwaari: Ɀanzi naJehova: Handina‐kuɀiratidza here kuimba yaɓaɓa ʋako, ʋaciri Egipita ʋakasuŋgwa neimba yaFarao here?

28Handina‐kumutsaura here pakati pamarudzi aIsraeri, kuti aʋe muprista waŋgu, akwire kuartari yaŋgu kupisa ɀinonhuwira, nokufuka efodi pamberi paŋgu here? Handina‐kupa imba yaɓaɓa ʋako ɀipiriso ɀose ɀaʋana ʋaIsraeri ɀinopiswa here?

29Ɀino munopfunhurireiko ciɓayiro caŋgu necipiriso caŋgu, ɀandakaraira mumba maŋgu, mukakudza ʋanakomana ʋenyu kukunde’ni, mukaɀikodza neɀipiriso ɀakanakisa ɀaʋanhu ʋaŋgu ʋaIsraeri here?

30Naiɀoɀo ɀanzi naJehova waIsraeri: Ndakati nomŋoyo wose kuti imba yako, neimba yaɓaɓa ʋako, ʋafambe pamberi paŋgu nokusiŋgaperi, asi ɀino ɀanzi naJehova: Handiŋgaɗaro, nokuti ʋanondikudza ndicaʋakudza ʋo, ʋanondiɀidza ndicaʋashoʋora ʋo.

31Tarira, mazuʋa acaȿika, andicagura nawo ruʋoko rwako, noruʋoko rwaʋeimba yaɓaɓa ʋako, kuȿikira pasisinamutana paimba yako.

32Ucaʋona kutambudzika kweimba yaŋgu, pakati pefuma yose icapiwa Israeri naMŋari; hapaŋgazoʋi nomutana paimba yako nokusiŋgaperi.

33Munhu weimba yako wandicarega kubvisa paartari yaŋgu, iye ucapedza meso ako, nokucemedza mŋoyo wako; ʋana ʋose ʋeimba yako ʋacafa ʋaciri ʋarume ʋanesimba raʋo.

34Ɀino heci ciratidzo candinokupa, cicaitika kuʋanakomana ʋako ʋaʋiri Hofni naPinehasi, ʋacafa ʋose ʋari ʋaʋiri nomusi mumŋe.

35Neni ndicaɀimutsira muprista wakatendeka, ucaita ɀiri pamŋoyo waŋgu nomuraŋgariro waŋgu; ndicamuʋakira imba yakasimba, ucafamba pamberi pomuzodzwa waŋgu nokusiŋgaperi.

36Ɀino mumŋe nomumŋe uneŋge asara paimba yako, ucaʋuya kuzomufugamira, acikumbira cimari cesirveri neɓundu reciŋgwa, aciti: Ƌondipai ʋo rimŋe ɓasa raʋaprista, ndidye ʋo cimeɗu ceciŋgwa.

← Chapter 1 Jump to: Chapter 3 →