bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
1 Chronicles 12
1 Chronicles 12
Luganda (BIBU1) (BIBULIYA ENTUKUVU)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 13 →
1
Bano be basajja abajja eri Dawudi e Zikulagi, bwe yali ng'agobeddwa mu maaso ga Sawulo mutabani wa Kisi; be batabaazi abazira abamuyamba mu ntalo.
2
Baali balasi ba busale, nga basobola okulasa obusaale oba okukasuka envuumuulo n'emikono gyombi, ogwa ddyo oba ogwa kkono. Mu b'oluganda lwa Sawulo, Ababenyamiini:
3
Akiyezeri omukulu waabwe, ne Yowasi bombi batabani ba Semaya, ab'e Gibewa; Yeziyeli ne Peleti batabani ba Azumaveti, Beraka, ne Yewu aba Anatoti;
4
Yisumaaya ow'e Gibewoni, eyali omusajja omutabaazi, abalirwa mu makumi Asatu, era omukulu w'amakumi Asatu;
5
Yeremiya, Yakaziyeli, Yokanani, ne Yozabadi ab'e Gedera;
6
Eluzayi, Yerimoti, Beyaliya, Semariya ne Sefatiya Abakarufi;
7
Elukana, Yissiya, Azareli, Yowezeri, ne Yasobewamu ab'omu ssiga lya Kora;
8
Yowela ne Zebadiya batabani ba Yerokamu ab'e Gedori.
9
Mu Gaadi mwavaamu abadduka ne beegatta ku Dawudi gye yali mu kigo kye mu ddungu. Baali basajja batabaazi, abazira, abeetegefu okutabaala, nga bakwata engabo n'effumu; mu ntunula nga bali ng'empologoma, nga bawenyuka ng'ennangaazi mu nsozi.
10
Ezeri mukulu waabwe, Obadiya owookubiri, Eliyabu owookusatu,
11
Misumanna owookuna, Yeremiya owookutaano;
12
Attayi owoomukaga, Eliyeli owoomusanvu,
13
Yokanani owoomunaana, Eluzabadi owoomwenda,
14
Yeremiya ow'ekkumi ne Makubannayi ow'ekkumi n'omu.
15
Bazzukulu ba Gaadi bano baali bagabe mu ggye, ng'asinga obutene alwanyisa abatabaazi kikumi, ate ng'asinga obunene alwanyisa abatabaazi lukumi.
16
Be baabo abaasomoka Yorudani mu mwezi omubereberye omugga we gutera okwalaalira ku mbalama zaagwo, ne babunya emiwabo abaabeeranga mu biwonvu ebuvanjuba n'ebugwanjuba.
17
Mu bantu ba Benyamiini ne mu bantu ba Yuda waavaayo abasajja ne bajja ewa Dawudi mu kigo gye yali.
18
Dawudi yafuluma okubasisinkana n'abagamba nti: “Oba muzze gye ndi lwa mirembe, munnyambe, nsemba eky'okunneyungako, naye oba muzze kukettera balabe bange, sso nga nze siriiko musango, Katonda wa bajjajjaffe alabe asalewo.”
19
Mwoyo n'akka ku Amasayi omukulu mu makumi Asatu n'agamba nti: “Tuli babo, ayi Dawudi! Tuli naawe, mutabani wa Yesse! Emirembe, emirembe gibeere naawe; abakuyamba babeere n'emirembe; kubanga Katonda wo akuyamba.” Dawudi n'abaaniriza, n'abawa okukulira ebikwanga bye.
20
N'abamu mu Manasse badduka ne beegatta ku Dawudi lwe yagenda n'Abafilisitiini okulwanyisa Sawulo. Kyokka tebaayamba Bafilisitiini kubanga abafuzi b'Abafilisitiini bwe beeteesaamu, ne bamugoba nga bagamba nti: “Kaamala n'asala n'adda ewa mukama we Sawulo, tunaaba emitwe gyaffe tugitunzeeyo.”
21
Bwe yagenda e Zikulagi, abasajja bano ab'omu Manasse ne badda gy'ali: Aduna, Yozabadi, Yediyayeli, Mikayeli, Yozabadi, Eliwu ne Zilletayi, abaali abagabe b'enkumi mu Manasse.
22
Abo ne bayamba Dawudi okulwanyisa ebikwanga ebyabalumbanga, kubanga bonna baali basajja batabaazi; bafuuka bagabe mu ggye.
23
Era buli lunaku abantu bajjanga ewa Dawudi, eggye lye ne ligenda nga ligejja, ne lifuuka ddene lya maanyi.
24
Guno gwe muwendo ogw'abatabaazi abaalina ebyokulwanyisa abeegatta ku Dawudi e Keburoni, bakyuse obwakabaka bwa Sawulo babuzze ku ye nga Omukama bwe yali agambye.
25
Mu bantu ba Yuda: abakwata engabo n'effumu kakaaga mu lunaana, abasajja abambalidde okulwana.
26
Mu Basimewoni: kasanvu mu kikumi, abasajja abatabaazi.
27
Mu bazzukulu ba Leevi: enkumi nnya mu lukaaga.
28
Ne Yoyada omukulu w'essiga lya Aroni; n'aleeterako abalala enkumi ssatu mu lusanvu,
29
ne Zadoki omuvubuka omutabaazi omuzira, wamu n'abagabe abiri mu babiri okuva mu nnyumba za bajjajjaabe.
30
Mu bantu ba Benyamiini, baganda ba Sawulo: enkumi ssatu; mu bo abasinga obungi n'okutuusa kati baali bakyagoberera ennyumba ya Sawulo.
31
Mu bantu ba Efurayimu: emitwalo ebiri mu lunaana, abasajja abatabaazi, ab'erinnya mu ndyo zaabwe.
32
Mu kyokubiri eky'ekika kya Manasse, omutwalo gumu mu kanaana, buli omu ng'ayitiddwa linnya ku linnya, ne basindikibwa bajje bafuule Dawudi kabaka.
33
Mu bantu ba Yissakari, abasajja abalabalaba, abalengera amangu Yisirayeli ky'ateekwa okukola, nga bawera abaami ebikumi bibiri, nga bali n'ab'eŋŋanda zaabwe be bakulira.
34
Mu bantu ba Zebuluni: emitwalo etaano, abasajja abamanyirivu mu kutabaala n'okuweza buli kyakulwanyisa, abajja bayambe Dawudi n'omutima gwonna.
35
Mu bantu ba Nafutali: abagabe lukumi nga bali n'abatabaazi emitwalo esatu mu kasanvu abakutte engabo n'amafumu.
36
Mu Badaani: emitwalo ebiri mu kanaana mu lukaaga, abasajja abeetegese okulwana.
37
Mu bantu ba Aseeri: emitwalo ena, abasajja abamanyirivu mu by'entalo, abeetegese okulwana.
38
Emitala wa Yorudani mu bantu ba Rubeni, aba Gaadi n'ekyokubiri ky'ekika kya Manasse: akasiriivu kamu mu obukumi bubiri ababagalidde buli kya kulwanyisa kyonna.
39
Abasajja abo bonna baali basajja batabaazi, abeetegese okutabaala. Bajja e Keburoni n'omutima ogumaliridde okufuula Dawudi kabaka wa Yisirayeli yenna. N'abalala bonna abasigaddeyo mu Yisirayeli baalina ekigendererwa kimu eky'okuddira Dawudi abeere kabaka.
40
Baamala ennaku ssatu nga bali ne Dawudi nga balya n'okunywa; anti ab'eŋŋanda zaabwe baali babaleetedde ebyokulya.
41
Era n'abo ababaliraanye, okutuuka eyo ku Yissakari, Zebuluni ne Nafutali, baabaleeteranga emmere ku ndogoyi, eŋŋamiya, ennyumbu n'ente. Obutta bw'eŋŋano, ebitole by'entontogolo z'emikunyu empotose, emizabbibu emiwotose, evviini, omuzigo, ente n'endiga byonna byali mu bungi, anti mu Yisirayeli kwali kusanyuka.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29