bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
2 Chronicles 23
2 Chronicles 23
Luganda (BIBU1) (BIBULIYA ENTUKUVU)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
1
Mu mwaka ogwomusanvu, Yoyada ne yeekemba; yakola endagaano n'abagabe b'ebikumi: Azariya mutabani wa Yerokamu, Yisimayeli mutabani wa Yokanani, Azariya mutabani wa Obedi, Maaseeya mutabani wa Adaaya ne Elisafati mutabani wa Zikuri.
2
Beetooloola Yuda yenna ne bakuŋŋaanya Abaleevi n'abakulu b'ennyumba za Yisirayeli eza bajjajjaabwe nga babaggya mu bibuga byonna ebya Yuda. Bano ne bajja e Yeruzaalemu.
3
Ekibiina kyonna ne kikuba endagaano ne kabaka ku Kiggwa kya Katonda. Yoyada n'abagamba nti: “Wuuno mutabani wa kabaka, ajja kufuga ng'Omukama bwe yayogera ku bazzukulu ba Dawudi.
4
Kino kye muteekwa okukola: Ekyokusatu kyammwe mmwe bakabona n'Abaleevi abakuuma ku Sabbaato muli ba kukuuma mulyango,
5
ekyokusatu ekirala ku lubiri lwa kabaka, ate ekyokusatu ekisembayo kya kubeera ku Mulyango gw'Omusingi. Abantu abalala bonna ba kusigala mu mpya z'Ekiggwa ky'Omukama.
6
Tewaba omulala yenna ayingira mu Kiggwa ky'Omukama, okuggyako bakabona n'Abaleevi abali ku luwalo. Bo bayinza okuyingira, kubanga bo batukuze. Abantu abalala bonna bagoberere Omukama kye yakuutira.
7
Abaleevi ba kwebungulula kabaka buli omu ng'alina ebyokulwanyisa bye. Bwe wabaawo omulala yenna ayingira Ekiggwa, attibwa buttibwa. Mubeere ne kabaka wonna w'anaalaga.”
8
Abaleevi n'abantu bonna aba Yuda ne bakola byonna nga Yoyada kabona bwe yali abalagidde; buli omu n'atwala basajja be, abaali batandika oluwalo lwabwe ku Sabbaato wamu n'abo abaali bamaliriza olwabwe ku olwo, kubanga Yoyada kabona yali talina kibinja ky'atadde.
9
Abagabe b'ebikumi n'abawa amafumu n'engabo ennene n'entono ebyabanga ebya kabaka Dawudi ebyabanga mu Kiggwa kya Katonda.
10
Abakuumi, buli omu ng'akutte ebyokulwanyisa bye, yabasimba nga beebunguludde omwaliiro n'Ekiggwa, okuva ku ludda olw'emaserengeta olw'Ekiggwa okutuuka ku ludda olw'emambuka, nga beebunguludde kabaka.
11
Yoyada ne batabani be ne bafulumya mutabani wa kabaka, ne bamutikkira engule, ne bamukwasa n'ekitabo ky'Endagaano, ne bamulangirira ku bwakabaka. Yoyada ne batabani be ne bamusiiga omuzigo, ne bayoogaana nti: “Kabaka awangaale!”
12
Ataliya bwe yawulira oluyoogaano lw'abantu nga badduka, nga bakubira kabaka emizira, n'agenda gye bali ku Kiggwa ky'Omukama.
13
Bwe yatunula, nga ku kabaka ono ayimiridde kumpi n'empagi ye ku mulyango. Abagabe n'abafuuwa amakondeere nga bamuyimiridde awo, abantu bonna ab'omu ggwanga nga basanyuka, bafuuwa amakondeere, n'abayimbi nga balina ebivuga nga bakulembedde ennyimba ezitendereza, Ataliya n'ayuza ebyambalo bye, n'aleekaana nti: “ Luno lukwe! Luno lukwe!”
14
Yoyada kabona n'asindika abagabe b'ebikumi abaali ku bakuumi, n'abagamba nti: “Mumufulumye mumuggye mu nnyiriri; buli yenna anaamugoberera attibwe n'ekitala.” Anti kabona yali agambye nti: “Temumuttira mu Kiggwa ky'Omukama.”
15
Ne bamukwata ng'atuuse ku wankaaki w'Omulyango gw'Embalaasi ogw'olubiri; awo we baamuttira.
16
Yoyada n'akola endagaano n'abantu ne kabaka nti banaabeeranga bantu ba Mukama.
17
Abantu bonna ne bayiikira ekiggwa kya Baali, ne bakiyiwa ku ttaka; baamenyaamenya obulere emyaliiro n'ebifaananyi bye, ne Mattani kabona wa Baali ne bamuttira mu maaso g'emyaliiro.
18
Yoyada n'assa abakuumi ku Kiggwa ky'Omukama nga batwalibwa bakabona Abaleevi Dawudi be yali atadde ku mirimu egy'enjawulo mu Kiggwa ky'Omukama, okuweereza Omukama ebitambiro ebyokye, nga bwe kyawandiikibwa mu Tteeka lya Musa, nga basanyufu, bayimba, nga Dawudi bwe yagamba.
19
Yassaawo n'abaggazi ku miryango gy'Ekiggwa ky'Omukama, waleme kuyingirayo ataali mulongoofu mu buli ngeri yonna.
20
N'atwala abagabe b'ebikumi, abakungu n'abakulembeze b'abantu bonna ab'omu ggwanga ne baggyayo kabaka mu Kiggwa ky'Omukama. Ne bayingira mu lubiri nga bayitira mu mulyango ogw'Engulu, ne batuuza kabaka ku nnamulondo ya bakabaka.
21
Abantu bonna mu ggwanga ne basanyuka; ekibuga ne kitebenkera, kubanga Ataliya yali amaze okuttibwa n'ekitala.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36