bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Proverbs 1
Proverbs 1
Lahu Bible Edited © Thailand Bible Society and Bible Society of Myanmar, 2010, 2020.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
1
Chi ve lehˬ Iˉsaˍreˍlaˆ jawˇmawˇ Daˍviˆ ve yaˇ Sawˉla‸monˍ ve tawˇ naˉ ve tawˇ hkawˇ teˇ hpaˍ hpeh‸ ve yoˬ.
2
Nawˬ hui cuˇ yiˍ hta‸ taˍ uiˍ puiˉ la tuˬ, da‸ ve dawˇ hkʼaˆ gʼa tuˬ, leh tcuhˉ kuiˬ naˉ ve tawˇ teˇ hpaˍ hta‸ shiˍ sha tuˬ, tawˇ naˉ ve tawˇ chi teˇ hpaˍ nawˬ hui hta‸ ga laˇ hpeh‸ ve yoˬ.
3
Nawˬ hui hkʼaˬ hkʼe a sha‸ gʼa te‸ chehˇ tuˬ, leh hkʼaˬ hkʼe te leh hteˇ ve cawˇ ve kanˉ hta‸ te puiˉ la tuˬ, tawˇ chi teˇ hpaˍ nawˬ hui hta‸ maˍ laˇ hpeh‸ ve yoˬ.
4
Tawˇ chi teˇ hpaˍ lehˬ, te‸ chiˉ maˇ shiˍ ve chaw hui hta‸ shiˍ puiˉ ve chaw hpeh‸ la piˇ leh, chaw haˉ paˍ teˇ hpaˍ hta‸ la‸ haˉ dawˇ shiˍ puiˉ ve cuˇ yiˍ piˇ laˇ hpeh‸ ve yoˬ.
5
Tawˇ chi teˇ hpaˍ lehˬ, cuˇ yiˍ cawˬ ve chaw hui hta‸ leuˉ leh kʼaw‸ shiˍ maˇ la piˇ leh,
6
faˉ taˍ ve tcuhˉ kuiˬ naˉ ve tawˇ teˇ hpaˍ hta‸ yawˇ hui shiˍ leh, cuˇ yiˍ cawˬ ve chaw hui na nyi laˇ ve haˍ ve tawˇ teˇ hpaˍ hta‸ shiˍ hpeh‸ tuˬ, cuˇ yiˍ kʼaw‸ htehˍ piˇ gʼa ve yoˬ.
7
Shiˍ puiˉ ve cuˇ yiˍ hta‸ gʼa tuˬ, awˉ lawˉ peuˇ nawˬ hui Gʼuiˬsha hta‸ yawˆ yan gaˇ ve nyi ma gʼa cawˬ ve yoˬ. Chaw luˬ paˍ lehˬ, cuˇ yiˍ hta‸ taˍ uiˍ hkawˇ maˇ shiˍ leh henˇ yuˬ tuˬ ka‸ maˇ te gaˇ.
8
Yaˇ paˍ-oˬ, nawˬ pa nawˬ e kʼoˆ maˍ laˇ ve tawˇ teˇ hpaˍ hta‸ hkʼa deh‸ na yuˬ-o‸.
9
Da‸ jaˇ ve uˉ nyiˉ leh shi caˆ lehˬ, nawˬ hta‸ leuˉ leh awˬ hkiˇ awˬ naˬ da‸ la piˇ gʼa ve hkʼe, yawˇ hui maˍ laˇ ve tawˇ lehˬ nawˬ ve awˬ liˇ awˬ hkʼaˇ hta‸ da‸ la piˇ gʼa ve yoˬ.
10
Yaˇ paˍ-oˬ, venˇbaˆ yaˇ teˇ hpaˍ nawˬ hta‸ beˬ laˇ ve kʼo, yawˇ hui hkawˇ taˇ na.
11
Yawˇ hui chi hkʼe kʼoˆ laˇ tuˬ yoˬ. Laˬ-o‸. Ngaˬ hui chaw teˇ gʼaˇ hta‸ ca nyi leh tiˇ pehˍ piˇ-a veuˬ. Te‸ chiˉ ya‸ kuiˬ maˇ cawˬ ve chaw hta‸ ngaˬ hui ca dawˆ hpehˇ piˇ-a veuˬ.
12
Ngaˬ hui yawˇ hta‸ hpuˇ da‸ htaˇ, yawˇ lehˬ a sha‸ te‸ chehˇ leh ha lehˬ chehˇ tuˬ yoˬ. Ya‸ hkʼaˇ, ngaˬ hui yawˇ hta‸ dawˆ hpehˇ peuˬ hkʼaw‸ nawˉ kʼo, yawˇ suh-e tuˬyoˬ.
13
Awˬ hpfuhˇ hkʼaˆ ve mawˇ laiˉ ceuˬ hta‸ ngaˬ hui hiˉ yuˬ leh, ngaˬ hui ve yehˬ hkʼaw biˇ la tuˬ te-a veuˬ.
14
Ngaˬ hui geh laˬ-o‸. Ngaˬ hui hkʼawˇ yuˬ taˍ ve mawˇ teˇ hpaˍ hta‸ hkʼa ma-ehˬ pehˬ yuˬ tuˬ yoˬ, teh‸ kʼoˆ laˇ tuˬ yoˬ.
15
Yaˇ paˍ-oˬ, chaw oˇ hkʼe ve teˇ hpaˍ geh taˇ kʼai. Yawˇ hui hta‸ vuiˇ vuiˇ jaw kʼai-o.
16
Yawˇ hui lehˬ haiˬ ve kanˉ hta‸ te tuˬ, teˇ hkui ka jehˇ taˍ maˇ gʼa. Yawˇ hui lehˬ chaw hta‸ tiˇ pehˍ tuˬ hkʼaˬ htaˆ ka‸ gu taˍ ve yoˬ.
17
Nawˬ htaw yuˬ gaˇ ve ngaˆ ehˉ nawˬ hta‸ nyi chehˇ ve kʼo, nawˬ yawˇ awˬ pon htaw taˍ ve va lehˬ te‸ chiˉ awˬ bon maˇ cawˬ.
18
Ya‸ hkʼaˇ, chaw oˇ hkʼe ve teˇ hpaˍ lehˬ, a shu yawˇ awˬ to hta‸ suh piˇ lawˬ tuˬ va caw htaw chehˇ ve yoˬ.
19
Shu ve mawˇ hta‸ hiˉ yuˬ ve chaw lehˬ, a shu yawˇ ve aˬ sha‸ shonˇ kʼai tuˬ te chehˇ ve yoˬ. Haiˬ ve kanˉ hta‸ te ve chaw lehˬ, oˇ hkʼe gʼa hkanˍ tuˬ yoˬ.
20
Na sheˍ. Cuˇ yiˍ lehˬ ya‸ kʼaw hkʼoˆ lo leh tcuh hkʼaw lo kuˬ toˇ chehˇ ve yoˬ.
21
Venˇ taˍ meu‸ hpe‸ lo leh chaw yaˇ teˇ hpaˍ hpawnˬ da‸ kuiˬ lo awˬ hkawˇ bvuhˬ chaweh kuˬ chehˇ ve yoˬ.
22
Chaw luˬ paˍ teˇ hpaˍ-oˬ, nawˬ hui hkʼaˬ maw maw chaw luˬ paˍ hpeh‸ chehˇ tuˬ sheˍ ve le. Nawˬ hui hkʼaˬ maw maw cuˇ yiˍ hta‸ maˇ shawˍ maˇ caˆ te chehˇ tuˬ sheˍ ve le. Nawˬ hui te pawˆ ka‸ maˇ henˇ yuˬ-o ve laˇ.
23
Ngaˬ nawˬ hui hta‸ deˇ maˍ laˇ chehˇ htaˇ hkʼa deh‸ na yuˬ-o‸. Ngaˬ nawˬ hui hta‸ da‸ ve dawˇ hkʼaˇ pe‸ laˇ leh, ngaˬ gʼa mawˬ gʼa shiˍ taˍ ve teˇ hpaˍ nawˬ hui hta‸ hto laˇ tuˬ yoˬ.
24
Ngaˬ nawˬ hui hta‸ ngaˬ geh laˬ tuˬ kuˬ laˇ chehˇ ve yoˬ. Ya‸ hkʼaˇ, nawˬ hui maˇ na yuˬ.
25
Nawˬ hui lehˬ ngaˬ piˇ ve dawˇ hkʼaˇ hta‸ maˇ ha‸ yuˬ. Ngaˬ kʼaw‸ gu laˇ ve teˇ hpaˍ hta‸ ka‸ nawˬ hui maˇ ha‸ yuˬ.
26
Chi hta‸ pa taw nawˬ hui dawˇ haˍ kuiˬ lo gaˬ ve teˇ yanˇ, ngaˬ nawˬ hui hta‸ gʼuiˬ tuˬ yoˬ. Kawˆ tuˬ gaˬ la htaˇ ngaˬ nawˬ hui hta‸ hkʼa mvuhˇ hkʼa na kʼoˆ laˇ tuˬ yoˬ.
27
Kawˆ tuˬ ve awˬ ceuˬ mvuhˇ haw mvuhˇ yeˬ lonˉ hkʼe nawˬ hui awˬ hkʼoˆ gaˬ la leh, dawˇ haˍ tuˬ leh naˬ ve gawˬ ve hta‸ nawˬ hui gʼa hpuˇ ve teˇ yanˇ, ngaˬ nawˬ hui hta‸ maˇ shawˍ maˇ caˆ te laˇ tuˬ yoˬ.
28
Oˇ htaˇ, nawˬ hui lehˬ cuˇ yiˍ hta‸ kuˬ tuˬ yoˬ. Ya‸ hkʼaˇ, ngaˬ kʼaw‸ yaw hkʼaw‸ laˇ tuˬ ve maˇ heˆ. Teˇ kaˬ le le lo nawˬ hui ngaˬ hta‸ gʼa‸ ca tuˬ yoˬ. Ya‸ hkʼaˇ, nawˬ hui ngaˬ hta‸ ca mawˬ tuˬ ve maˇ heˆ.
29
Nawˬ hui lehˬ, cuˇ yiˍ hta‸ teˇ pawˆ ka‸ maˇ yehˇ leh, Gʼuiˬsha ve tawˇ hta‸ maˇ na yuˬ.
30
Nawˬ hui lehˬ ngaˬ piˇ ve dawˇ hkʼaˇ hta‸ maˇ heuˆ gaˇ puiˉ. Ngaˬ kʼaw‸ gu piˇ ve hta‸ ka‸ maˇ ha‸ yuˬ.
31
Chi hta‸ pa taw, nawˬ hui hta‸ keunˍ da‸ ve hkʼe, nawˬ hui gʼa tuˬ yoˬ. Nawˬ hui te ve kanˉ lehˬ, nawˬ hui hta‸ naˬ piˇ lawˬ tuˬ yoˬ.
32
Te‸ chiˉ maˇ shiˍ ve chaw lehˬ cuˇ yiˍ hta‸ chiˇ baˬ ve pa taw gʼa suh-e ve yoˬ. Chaw luˬ paˍ htawˇ shaˍ ti‸ maˇ cawˬ ve pa taw, luˬ kʼai sheˆ kʼai ve yoˬ.
33
Ya‸ hkʼaˇ, ngaˬ ve tawˇ hta‸ na yuˬ ve chaw hkʼaˬ ve teˇ gʼaˇ maˇ kʼoˆ, gawˬ lehˍ gʼa chehˇ tuˬ yoˬ. Yawˇ lehˬ te‸ chiˉ kawˆ tuˬ maˇ cawˬ. Gawˬ lehˍ gʼa chehˇ tuˬ yoˬ.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31