bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Proverbs 3
Proverbs 3
Lahu Bible Edited © Thailand Bible Society and Bible Society of Myanmar, 2010, 2020.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 4 →
1
Yaˇ paˍ-oˬ, ngaˬ maˍ laˇ chehˇ ve awˬ ceuˬ chi teˇ hpaˍ hta‸ taˇ leunˇ piˇ. Ngaˬ te tcuh laˇ ve awˬ ceuˬ chi teˇ hpaˍ hta‸ hkʼaˬ htaˆ ka‸ dawˇ nawˇ taˍ-o‸.
2
Ngaˬ maˍ laˇ chehˇ ve tawˇ chi teˇ hpaˍ lehˬ, nawˬ hta‸ co zuhˬ ha zuhˬ cawˬ la piˇ leh uiˍ la da‸ la piˇ tuˬ yoˬ.
3
Ha kʼaˉ puiˉ ve leh ka ti‸ yeˬ ve teˇ ceuˬ hta‸ nawˬ geh taˇ mehˉ kʼai piˇ. Oˇ ve nyiˇ ceuˬ nawˬ ve kʼawˍ peˍ hta‸ hpeh yu taˍ leh, nawˬ ve nyi ma shiˍ hkʼaw bvuh‸ keu taˍ-o‸.
4
Nawˬ oˇ hkʼe te ve kʼo, Gʼuiˬsha ka‸ chaw yaˇ ka‸ nawˬ hta‸ nyi ma cawˇ tuˬ yoˬ.
5
Nawˬ ve nyi ma awˬ tawˬ hkʼa gaˬ Gʼuiˬsha hta‸ gʼaˇ va-o. Nawˬ ve cuˇ yiˍ hta‸ a ciˉ ka‸ taˇ gʼaˇ va.
6
Nawˬ hkʼa te ve kanˉ teˇ ceuˬ le le awˬ hkʼaw lo Gʼuiˬsha hta‸ dawˇ nawˇ-oˆ. Oˇ hkʼe te ve kʼo, Yawˇ nawˬ hta‸ cawˇ ve ya‸ kʼaw beˆ maˍ laˇ tuˬ yoˬ.
7
Nawˬ ve awˬ to hta‸ cuˇ yiˍ cawˬ ve yoˬ, teh‸ teˇ pawˆ ka‸ taˇ dawˇ. Gʼuiˬsha ve tawˇ hta‸ na yuˬ leh maˇ da‸ ve awˬ ceuˬ hta‸ jaw kʼai-o.
8
Nawˬ oˇ hkʼe te ve kʼo, oˇ ve lehˬ da‸ ve naˆ tsuhˇ hkʼe hpeh‸ leh, nawˬ ve hkʼaw kuiˬ naˬ kuiˬ teˇ hpaˍ hta‸ na-e la piˇ tuˬ yoˬ.
9
Gʼuiˬsha hta‸ taˍ uiˍ taˍ mvuh ve awˬ hkʼaw lo nawˬ gʼa taˍ ve da‸ jaˇ ve awˬ shiˍ awˬ nu teˇ hpaˍ Yawˇ hta‸ tanˇ piˇ-oˆ.
10
Nawˬ oˇ hkʼe te ve kʼo, nawˬ ve caˬ ciˇ yehˬ hkʼaw lo caˬ shiˍ hkʼa biˇ cawˬ leh, nawˬ ha‸ shaˉ maˇ peuˬ htaˇ hkʼa gaˬ a pehˉ meuˇ gʼuiˬ hkʼa biˇ cawˬ la tuˬ yoˬ.
11
Yaˇ paˍ-oˬ, Gʼuiˬsha nawˬ hta‸ deˇ maˍ laˇ ve teˇ yanˇ, nawˬ hta‸ shaˍ ti‸ piˇ laˇ ve tawˇ hkʼe shawˍ leh hkʼa deh‸ na yuˬ-o‸.
12
Awˬ pa lehˬ yawˇ ha‸ ve yaˇ paˍ hta‸ deˇ maˍ piˇ ve hkʼe, Gʼuiˬsha lehˬ Yawˇ ha‸ ve chaw hui hta‸ deˇ maˍ piˇ ve yoˬ.
13
Shiˍ puiˉ ve nyi ma cawˬ leh, cuˇ yiˍ cawˬ ve chaw lehˬ gʼa ha lehˬ ve yoˬ.
14
Oˇ ve lehˬ, hpu shi a‸ kehˉ awˬ hpfuhˇ hkʼaˆ jaˇ ve yoˬ.
15
Cuˇ yiˍ teˇ ceuˬ lehˬ shehnˉ shiˍ a‸ kehˉ awˬ hpfuhˇ hkʼaˆ jaˇ leh, nawˬ heuˆ gaˇ ve awˬ ceuˬ hkʼaˬ ve teˇ ceuˬ maˇ kʼoˆ, oˇ ve hta‸ ca tehˆ da‸ maˇ gʼa.
16
Cuˇ yiˍ teˇ ceuˬ lehˬ co zuhˬ ha zuhˬ ve teˇ ceuˬ maˇ kʼoˆ, hpu shi mawˇ jeˬ leh awˬ me‸ awˬ hponˇ maˇ kʼoˆ, nawˬ hta‸ piˇ laˇ gʼa ve yoˬ.
17
Cuˇ yiˍ teˇ ceuˬ nawˬ hta‸ ha lehˬ tuˬ piˇ laˇ gʼa leh nawˬ hta‸ gawˬ lehˍ shiˍ kʼai laˇ gʼa ve yoˬ.
18
Cuˇ yiˍ cawˬ ve chaw lehˬ, ha lehˬ ha kʼa gʼa chehˇ ve yoˬ. Cuˇ yiˍ yawˇ hta‸ a sha‸ te‸ chehˇ piˇ lawˬ tuˬ yoˬ.
19
Gʼuiˬsha lehˬ Yawˇ ve cuˇ yiˍ hta‸ yehˇ leh, miˬguiˬ mvuhˇ naw hta‸ te hpanˍ taˍ ve yoˬ.
20
Yawˇ ve cuˇ yiˍ lehˬ, iˉ kaˆ lawˬ teˇ hpaˍ hta‸ ya‸-e tuˬ te piˇ leh, moˬ awˬ hkʼaw lo mvuhˇ yeˬ ya‸ la piˇ ve yoˬ.
21
Yaˇ paˍ-oˬ, nawˬ ve cuˇ yiˍ leh shiˍ puiˉ ve nyi ma hta‸ hkʼa deh‸ ha‸ shaˉ taˍ-o‸. Oˇ ve teˇ hpaˍ hta‸ taˇ mehˉ kʼai piˇ.
22
Oˇ ve teˇ hpaˍ lehˬ, nawˬ hta‸ ha lehˬ tuˬ piˇ laˇ gʼa tuˬ yoˬ.
23
Nawˬ ve ya‸ kʼaw hta‸ nawˬ gawˬ lehˍ ve awˬ hkʼaw lo toˇ kʼai hpeh‸ leh, teˇ pawˆ ka‸ hkui htiˇ poˬ paiˍ tuˬ ve maˇ heˆ.
24
Nawˬ zuh‸ ve teˇ yanˇ gʼa kawˆ jehˇ tuˬ ve maˇ heˆ. Teˇ haˉ mvuhˇ hkʼa htiˇ nawˬ gawˬ lehˍ gʼa zuh‸ tuˬ yoˬ.
25
Mvuhˇ haw mvuhˇ yeˬ lonˉ hkʼa shuˍ hai ve chaw awˬ hkʼoˆ lo gaˬ la ve kawˆ tuˬ dawˇ haˍ tuˬ awˬ ceuˬ nawˬ awˬ hkʼoˆ lo gaˬ la tuˬ ve maˇ heˆ.
26
Gʼuiˬsha nawˬ hta‸ ha‸ shaˉ taˍ laˇ tuˬ yoˬ. Yawˇ nawˬ hta‸ va yaw piˇ lawˬ tuˬ ve maˇ heˆ.
27
Nawˬ te puiˉ te hpeh‸ ve hkʼe, loˍ ve chaw hta‸ ga piˇ-oˆ.
28
Nawˬ awˬ paˇ awˬ kui chehˇ ve chaw hta‸ chi beu‸ ka‸ ga piˇ hpeh‸ chehˇ ve kʼo, Shawˉ pawˍ heh‸ ga laˇ tuˬ yoˬ, teh‸ taˇ kʼoˆ piˇ chehˇ.
29
Nawˬ awˬ paˇ awˬ kui chehˇ ve chaw hta‸ naˬ tuˬ taˇ te. Yawˇ lehˬ nawˬ paˇ lo chehˇ taˍ leh nawˬ hta‸ gʼaˇ va chehˇ ve yoˬ.
30
Chaw teˇ gʼaˇ gʼaˇ nawˬ hta‸ te‸ chiˉ te ya‸ kuiˬ maˇ cawˬ ve kʼo, yawˇ geh tawˇ taˇ ca gʼawˬ da‸.
31
Haiˬ ve chaw hui hkʼe hpeh‸ gaˇ ve nyi ma taˇ cawˬ piˇ. Yawˇ hui te ve hkʼe ka‸ taˇ gʼa‸ te.
32
Awˬ lawn kʼo, Gʼuiˬsha lehˬ haiˬ ve kanˉ hta‸ te ve chaw hta‸ canˇ leh, hteˇ ve cawˇ ve chaw hta‸ awˬ chawˇ te piˇ ve yoˬ.
33
Gʼuiˬsha lehˬ haiˬ ve chaw hui ve yehˬ hta‸ hkeu piˇ leh, hteˇ ve cawˇ ve chaw hui ve yehˬ hta‸ awˬ bon na‸ piˇ ve yoˬ.
34
Yawˇ lehˬ shu hta‸ maˇ shawˍ maˇ caˆ kʼoˆ ve chaw hta‸ canˇ leh, nyi ma nuˇ nuˇ nehˬ nehˬ cawˬ ve chaw hta‸ ha kʼaˉ piˇ ve yoˬ.
35
Cuˇ yiˍ cawˬ ve chaw lehˬ, da‸ ve awˬ meh gʼa leh, chaw luˬ paˍ lehˬ awˬ me‸ awˬ hponˇ luˬ kʼai tuˬ yoˬ.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31