bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Proverbs 8
Proverbs 8
Lahu Bible Edited © Thailand Bible Society and Bible Society of Myanmar, 2010, 2020.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 9 →
1
Na sheˍ. Cuˇ yiˍ kuˬ chehˇ ve yoˬ. shiˍ puiˉ ve cuˇ yiˍ htawˇ kuˬ chehˇ ve yoˬ.
2
Ya‸ kʼaw hpuiˇ lo cawˬ ve hkʼaw pui hkʼoˆ lo leh, ya‸ kʼaw ceh da‸ kuiˬ lo yawˇ huˉ taˍ ve yoˬ.
3
Venˇ taˍ meu‸ hpe‸ lo htawˇ yawˇ kuˬ leh kʼoˆ ve,
4
Chaw yaˇ teˇ hpaˍ-oˬ, ngaˬ nawˬ hui hta‸ kuˬ chehˇ ve yoˬ. Miˬguiˬ hkʼoˆ chehˇ ve chaw teˇ gʼaˇ le le hta‸ ngaˬ kuˬ chehˇ ve yoˬ.
5
Nawˬ hui maˇ shiˍ puiˉ la sheˍ ve laˇ. Shiˍ puiˉ la tuˬ henˇ yuˬ loˬ. Nawˬ hui chaw kʼaˍ hpeh‸ chehˇ ve laˇ. Dawˇ nyi puiˉ la tuˬ henˇ yuˬ-o‸.
6
Ngaˬ kʼoˆ laˇ chehˇ ve da‸ jaˇ ve tawˇ teˇ hpaˍ hta‸ na yuˬ-o‸. Ngaˬ kʼoˆ laˇ chehˇ ve tawˇ teˇ hpaˍ lehˬ cawˇ jaˇ ve tawˇ hpeh‸ leh,
7
heˍ ve tawˇ hta‸ ngaˬ canˇ ve yoˬ.
8
Ngaˬ kʼoˆ ve tawˇ lehˬ cawˇ jaˇ leh, heˍ hkawˇ a ciˉ ka‸ maˇ cawˬ.
9
Dawˇ nyi puiˉ ve chaw awˬ pon ngaˬ ve tawˇ lehˬ na sha leh, cuˇ yiˍ cawˬ ve chaw awˬ pon shiˍ sha jaˇ ve tawˇ hpeh‸ ve yoˬ.
10
Hpu hta‸ ca ve a‸ kehˉ ngaˬ maˍ piˇ ve tawˇ hta‸ leuˉ leh ca-o. Da‸ jaˇ ve shi a‸ kehˉ, shiˍ puiˉ ve cuˇ yiˍ hta‸ leuˆ yuˬ-o‸.
11
Ngaˬ lehˬ cuˇ yiˍ hpeh‸ leh shehnˉ shiˍ a‸ kehˉ da‸ jaˇ ve yoˬ. Nawˬ hui loˍ ve awˬ ceuˬ hkʼaˬ ve teˇ ceuˬ maˇ kʼoˆ, ngaˬ hta‸ ca tehˆ da‸ maˇ gʼa.
12
Ngaˬ lehˬ cuˇ yiˍ hpeh‸ leh, ngaˬ geh shiˍ puiˉ ve cuˇ yiˍ cawˬ ve yoˬ. Ngaˬ lehˬ hteˇ ve cawˇ ve hkʼaw suhˉ jehˬ piˇ ve yoˬ.
13
Gʼuiˬsha hta‸ yawˆ yan ve lehˬ, haiˬ ve hta‸ canˇ ve teˇ ceuˬ hpeh‸ ve yoˬ. Caˆ muiˬve leh nyi ma uiˍ ve mvuh ve hta‸ ngaˬ canˇ ve yoˬ. Haiˬ ve kanˉ leh heˍ ve tawˇ hta‸ htawˇ ngaˬ canˇ ve yoˬ.
14
Ngaˬ kanˉ hkʼaˇ gu taˍ leh, gu taˍ ve hkʼe te ve yoˬ. Ngaˬ lehˬ shiˍ puiˉ ve cuˇ yiˍ cawˬ leh awˬ gʼaˇ uiˍ jaˇ ve yoˬ.
15
Jawˇmawˇ teˇ hpaˍ mvuhˇmiˬ hta‸ hkʼa deh‸ uˉ peunˍ gʼa tuˬ ngaˬ ga piˇ leh, awˬ hoˉ awˬ naˬ teˇ hpaˍ da‸ ve awˬ liˇ awˬ hkʼaˇ teh puiˉ tuˬ ngaˬ ga piˇ ve yoˬ.
16
Jawˇmawˇ teˇ gʼaˇ le le ngaˬ ga piˇ ve hta‸ cuˇ leh, mvuhˇmiˬ hta‸ uˉ peunˍ ve yoˬ.
17
Ngaˬ hta‸ ha‸ ve chaw hta‸ ngaˬ ha‸ leh, ngaˬ hta‸ ca ve chaw htawˇ mawˬ tuˬ yoˬ.
18
Ngaˬ lehˬ shu hta‸ piˇ tuˬ ve hpu shi mawˇ jeˬ leh awˬ me‸ awˬ hponˇ cawˬ ve yoˬ.
19
Nawˬ hui ngaˬ geh gʼa ve awˬ ceuˬ lehˬ, hpu shi a‸ kehˉ da‸ leuˉ ve yoˬ.
20
Ngaˬ lehˬ hteˇ ve cawˇ ve ya‸ kʼaw hta‸ tiˉ te toˇ leh,
21
ngaˬ hta‸ ha‸ ve chaw hta‸ paw sha la piˇ ve yoˬ. Yawˇ hui ve yehˬ hkʼaw lo hpu shi mawˇ jeˬ maˇ maˇ cawˬ la piˇ ve yoˬ.
22
Awˬ hkuiˉ puiˍ htaˆ ka‸ Gʼuiˬsha lehˬ hkʼa peu-eˬ a‸ kehˉ ngaˬ hta‸ awˉ lawˉ peuˇ te hpanˍ taˍ laˇ ve yoˬ.
23
Miˬguiˬ hta‸ maˇ te hpanˍ sheˍ gʼuˇ suhˍ htaˇ ka‸ ngaˬ hta‸ te hpanˍ taˍ ve yoˬ.
24
Laˇ tsuhˇ gʼuiˬ leh iˉ kaˆ gʼuiˬ tuˇ teˇ hpaˍ maˇ cawˬ sheˍ htaˇ ka‸ ngaˬ paw la taˍ peuˬ.
25
Hkʼaw teˇ hpaˍ maˇ cawˬ sheˍ gʼuˇ suhˍ htaˆ ka‸ ngaˬ paw la taˍ peuˬ.
26
Miˬguiˬ hta‸ Gʼuiˬsha maˇ te hpanˍ sheˍ gʼuˇ suhˍ htaˇ ka‸ ngaˬ paw la taˍ peuˬ.
27
Gʼuiˬsha mvuhˇ naw ma hta‸ laˇ tsuhˇ gʼuiˬ hkʼoˆ lo maˇ cawˬ la piˇ sheˍ htaˆ ka‸ ngaˬ oˇ kaˬ lo chehˇ taˍ ve yoˬ.
28
Moˬ teˇ hpaˍ leh laˇ tsuhˇ gʼuiˬ tawˬ lo iˉ kaˆ gʼuiˬ tuˇ maˇ tawˆ la piˇ sheˍ htaˇ,
29
laˇ tsuhˇ gʼuiˬ hta‸ miˬ tcuhˉ tawˍ piˇ chehˇ htaˇ leh miˬguiˬ hta‸ awˬ hkuiˉ puiˍ tanˬ cawˬ la piˇ chehˇ htaˇ, ngaˬ oˇ kaˬ lo chehˇ taˍ ve yoˬ.
30
Ngaˬ lehˬ yaˇ ehˉ teˇ gʼaˇ hkʼa shuˍ Yawˇ awˬ paˇ lo chehˇ taˍ leh, teˇ nyi le le Yawˇ awˬ pon ha lehˬ tuˬhpeh‸ ve yoˬ. Yawˇ mehˆ gʼuˇ suhˍ lo ngaˬ hkʼaˬ htaˆ ka‸ ha lehˬ chehˇ ve yoˬ.
31
Miˬguiˬ leh chaw yaˇ teˇ hpaˍ geh ngaˬ ha lehˬ chehˇ ve yoˬ.
32
Chi hta‸ pa taw yaˇ nehˬ teˇ hpaˍ-oˬ, ngaˬ ve tawˇ hta‸ na sheˍ. Ngaˬ kʼoˆ ve hkʼe te-o. Oˇ hkʼe te ve kʼo, nawˬ hui gʼa ha lehˬ tuˬ yoˬ.
33
Nawˬ hui hta‸ maˍ piˇ taˍ ve teˇ hpaˍ hta‸ na yuˬ leh cuˇ yiˍ cawˬ la piˇ-oˆ. Oˇ ve teˇ hpaˍ hta‸ taˇ baˬ taˉ.
34
Ngaˬ ve tawˇ hta‸ na yuˬ chehˇ ve chaw lehˬ, gʼa ha lehˬ tuˬyoˬ. Teˇ nyi le le ngaˬ ve yehˬmiˉhpe‸ lo chehˇ taˍ ve chaw lehˬ gʼa ha lehˬ tuˬ yoˬ.
35
Ngaˬ hta‸ ca mawˬ ve chaw lehˬ, te‸ ve a sha‸ hta‸ ca mawˬ ve chaw hpeh‸ ve yoˬ. Gʼuiˬsha yawˇ hta‸ nyi ma cawˇ tuˬ yoˬ.
36
Ngaˬ hta‸ ca maˇ mawˬ ve chaw lehˬ, a shu yawˇ awˬ to hta‸ naˬ tuˬ te ve chaw hpeh‸ ve yoˬ. Ngaˬ hta‸ canˇ ve chaw lehˬ, suh ve hta‸ ha‸ ve chaw hpeh‸ ve yoˬ teh‸ kʼoˆ ve yoˬ.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31