bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Proverbs 30
Proverbs 30
Lahu Bible Edited © Thailand Bible Society and Bible Society of Myanmar, 2010, 2020.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
1
Tawˇ chi teˇ hpaˍ leh, Yaˍkenˍ ve yaˇ Aˍguˇraˆ kʼoˆ taˍ ve tawˇ teˇ hpaˍ hpeh‸ ve yoˬ. Gʼuiˬsha lehˬ ngaˬ geh maˇ chehˇ. Chi hta‸ pa taw ngaˬ dawˇ tui‸ jaˇ ve yoˬ.
2
Ngaˬ lehˬ to nuˇ to shaˆ hkʼe hpeh‸ ve yoˬ. Chaw yaˇ geh cawˬ cawˇ ve nyi ma ngaˬ geh maˇ cawˬ.
3
Cuˇ yiˍ hta‸ ngaˬ teˇ pawˆ ka‸ maˇ henˇ jaw. Gʼuiˬsha ve awˬ lawn ka‸ ngaˬ te‸ chiˉ maˇ shiˍ.
4
Mvuhˇ naw ma hta‸ caˉ da‸ ve cuˇ yiˍ hta‸ a shu shiˍ le. Mvuhˇ haw hta‸ a shu yuˬ tiˍ taˍ gʼa le. Iˉ kaˆ hta‸ hpa awˬ hkʼaw lo a shu yuˬ htiˆ taˍ gʼa le. Miˬguiˬ hta‸ a shu miˬ tcuhˉ tawˍ piˇ gʼa le. Oˇ hkʼe te gʼa ve chaw a shu le. Yawˇ ve yaˇ paˍ a shu le.
5
Gʼuiˬsha lehˬ Yawˇ gʼa te taˍ peuˬ ve ka ti‸ hta‸ ha‸ shaˉ taˍ ve yoˬ. Yawˇ hta‸ gʼaˇ va ve chaw hta‸ Yawˇ ha‸ shaˉ piˇ ve yoˬ.
6
Yawˇ maˇ kʼoˆ taˍ ve tawˇ hta‸ Yawˇ kʼoˆ ve yoˬ, teh‸ nawˬ kʼoˆ ve kʼo, Yawˇ nawˬ hta‸ deˇ maˍ laˇ leh, nawˬ lehˬ chaw heˍ paˍ hpeh‸ tuˬ yoˬ.
7
Gʼuiˬsha-oˬ, ngaˬmaˇ suh sheˍ gʼuˇ suhˍnawˬ geh nyiˇ ceuˬ lawˬ gaˇ ve yoˬ.
8
Heˍ puiˉ ve nyi ma ngaˬ awˬ hkʼaw lo yuˬ baˬ laˇ-oˆ. Ngaˬ hta‸ haˍ gʼawˇ jaˇ ve ka‸, paw sha jaˇ ve chaw ka‸ taˇ hpeh‸ tcuh laˇ-oˆ. Ngaˬ loˍ cawˇ ve caˇ tuˬ ceh pe‸ laˇ-oˆ.
9
Ngaˬ cawˬ maˇ ve kʼo, nawˬ hta‸ maˇ loˍ teh‸ kʼoˆ la tuˬ yoˬ Ngaˬ haˍ gʼawˇ jaˇ ve kʼo, shu ve mawˇ ca hkʼawˇ leh nawˬ ve awˬ me‸ awˬ hponˇ hta‸ te luˬ la tuˬ yoˬ.
10
Awˬ ceˬ paˍ teˇ gʼaˇmaˇ da‸ ve awˬ lawn, awˬ shehˍ hpaˇ hta‸ taˇ ca hto piˇ. Oˇ hkʼe te ve kʼo nawˬ lehˬ hkeu ve hta‸ gʼa hkanˍ tuˬ yoˬ.
11
Chaw teˇ hpaˍ hpaˍ a shu yawˇ ve awˬ pa hta‸ hkeu leh, a shu yawˇ ve awˬ e hta‸ chiˇ mvuh hkawˇ maˇ shiˍ.
12
Chaw teˇ hpaˍ hpaˍ cha‸ chiˆ jaˇ ve htawˇ, a shu yawˇ awˬ to hta‸ da‸ kehˬ chehˇ ve yoˬ, teh‸ dawˇ puiˉ ve yoˬ.
13
Chaw teˇ hpaˍ hpaˍ a shu yawˇ awˬ to hta‸ da‸ jaˇ peuˬ teh‸ dawˇ ve yoˬ.
14
Chaw teˇ hpaˍ hpaˍ haˍ ve gʼawˇ ve chaw hta‸ nyiˉ caˇ baˆ caˇ ve yoˬ. Yawˇ hui oˇ hkʼe te leh a shu yawˇ ve a sha‸ hu chehˇ ve yoˬ.
15
Ve‸ geh lo awˬ yehˇ nyiˇ hkeh cawˬve yoˬ. Oˇ ve nyiˇ hkeh hta‸ Pe‸ laˇ-oˆ, teh‸ awˬ meh meh piˇ taˍ ve yoˬ. Nyi hkʼaˇ maˇ suh puiˉ ve awˬ ceuˬ awˇ ceuˬ cawˬ ve yoˬ.
16
Oˇ ve teˇ hpaˍ lehˬ, suh mvuhˇmiˬ, yaˇ maˇ cawˬ ve yaˇ miˇ, goˇ jaˇ ve miˬguiˬ leh shiˉ pehˍ maˇ gʼa ve aˬ miˍ chi teˇ hpaˍ hpeh‸ ve yoˬ.
17
A sha‸ mawˇ la peuˬ ve awˬ pa awˬ e hta‸ hkʼa mvuhˇ hkʼa na kʼoˆ ve chaw lehˬ, naˬ beuˬ ngaˆ htawˆ caˇ ve hta‸ maˇ kʼoˆ, mehˆ shiˍ hta‸ aˉ naˆ kʼaˍ htawˆ caˇ ve hta‸ maˇ kʼoˆ hkanˍ keunˍ ve yoˬ.
18
Ngaˬ shiˍ haˍ jaˇ ve awˬ ceuˬ awˇ ceuˬ cawˬ ve yoˬ. Awˬ ceuˬ oˇ ve teˇ hpaˍ lehˬ,
19
mvuhˇ hpe lo aˉ ceˬ poˬ toˇ ve, haˉ hpawˇ hkʼoˆ lo vuiˬ te toˇ ve, laˇ tsuhˇ gʼuiˬ hkʼaw haw lo‸ kʼoˍ te toˇ ve leh chaw haˉ yaˇ miˇ haˉ ha‸ da‸ ve, chi teˇ hpaˍ hpeh‸ ve yoˬ.
20
Ka ti‸ maˇ yeˬ ve awˬ miˇ ma lehˬ, shu hta‸ haˉ chawˇ ca te peuˬ hkʼaw‸ nawˉ iˉ kaˆ hehˉ sheˍ leh, Ngaˬ te‸ chiˉ maˇ te ya‸, teh‸ kʼoˆ puiˉ ve yoˬ.
21
Miˬguiˬ hkanˍ maˇ gʼa ve awˬ ceuˬ awˇ ceuˬ cawˬ ve yoˬ. Oˇ ve teˇ hpaˍ lehˬ,
22
awˬ ceˬ paˍ jawˇmawˇ hpeh‸ la ve chaw luˬ paˍ caˇ gaˇ ve hkʼe gʼa caˇ chehˇ ve
23
haiˬ ve yaˇ miˇ awˬ hpawˇ heuˆ ve leh awˬ ceˬ ma teˇ gʼaˇ jawˇmawˇ ma hpeh‸ la ve, chi teˇ hpaˍ hpeh‸ ve yoˬ.
24
Miˬguiˬ hkʼoˆ lo awˬ to shu a‸ kehˉ i jaˇ ve htawˇ cuˇ yiˍ cawˬ leh la‸ lehnˉ jaˇ ve awˬ ceuˬ awˇ ceuˬ lehˬ,
25
awˬ gʼaˇ i jaˇ ve htawˇ mvuhˇ goˇ yanˇ htaˇ caˇ tuˬ shaw hpoˆ taˍ puiˉ ve piˉ gʼawˆ,
26
awˬ gʼaˇ maˇ uiˍ ve htawˇ haˉ hpawˇ hkʼoˆ lo awˬ hpui ca te chehˇ puiˉ ve faˆ cha‸,
27
jawˇmawˇ maˇ cawˬ ve htawˇ awˬ moˍ lonˉ te chehˇ hkawˇ shiˍ ve paˉ ce‸,
28
la‸ sheh hkʼaw yuˬ taˍ gʼa ve htawˇ, hawˉ yehˬ hkʼaw gʼa chehˇ puiˉ ve pfuhˍ tehˉ kʼehˆ, chi teˇ hpaˍ hpeh‸ ve yoˬ.
29
Ya‸ kʼaw te toˇ chehˇ htaˇ nyi sha jaˇ ve awˬ ceuˬ awˇ ceuˬ lehˬ,
30
a shu hta‸ ka‸ maˇ kawˆ leh to nuˇ to shaˆ hkʼa peu-eˬ awˬ hkʼaw lo awˬ gʼaˇ uiˍ jaˇ ve laˇ caˬ shiˉ
31
aˉ che‸, gʼaˆ hpfuh kʼaˍ leh, ma‸ moˍ lonˉ gʼuˇ suhˍ lo te toˇ chehˇ ve jawˇmawˇ, chi teˇ hpaˍ hpeh‸ ve yoˬ.
32
Nawˬ lehˬ nyi ma uiˍ leh haiˬ ve kanˉ hta‸ te tuˬ dawˇ nyi chehˇ ve kʼo, jehˇ taˍ leh dawˇ nyi sheˍ.
33
Nuˇ cuˉ gʼuiˬ hta‸ gʼawˆ ve kʼo awˬ diˬ hpeh‸ la ve yoˬ. Shu ve naˍ hkʼawˇ hta‸ ca dawˇ heuˆ ve kʼo suhˍ tawˆ la ve yoˬ. Nyi ma zuhˆ ve hta‸ nawˍ tu piˇ ve kʼo, ya‸ da‸ jiˆ da‸ ve tawˆ la ve yoˬ.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31