bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Proverbs 20
Proverbs 20
Lahu Bible Edited © Thailand Bible Society and Bible Society of Myanmar, 2010, 2020.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 21 →
1
Tzuhˬ dawˬ maˇ ve lehˬ chaw yaˇ hta‸ tawˇ uiˍ tawˇ mvuh yaw tcuh leh, chaw gʼuˇ hkʼe hpeh‸ piˇ lawˬ ve yoˬ. Tzuhˬ dawˬ bvuhˆ ve chaw lehˬ chaw luˬ paˍ hpeh‸ ve yoˬ.
2
Laˇ caˬ shiˉ hta‸ kawˆ ve hkʼe, nyi ma zuhˆ chehˇ ve jawˇmawˇ hta‸ kawˆ-oˆ. Yawˇ hta‸ nyi ma zuhˆ tuˬ ca te ve chaw lehˬ suh hkʼaˇ ca ve chaw hpeh‸ ve yoˬ.
3
Chaw luˬ paˍ lehˬ shu geh tawˇ ca gʼawˬ da‸ puiˉ ve yoˬ. Oˇ hkʼe ve chehˇ kuiˬ hkʼaw tawˆ kʼai ve lehˬ da‸ jaˇ ve awˬ hkʼaˇ hpeh‸ ve yoˬ.
4
Ti mi mehˇ ve awˬ yanˇ htaˇ ca bawˬ zuh‸ toˇ ve chaw lehˬ te‸ chiˉ gʼa gʼeu‸ tuˬ ve maˇ heˆ.
5
Chaw teˇ gʼaˇ ve dawˇ hkʼaˇ lehˬ, nanˬ bawˍ hkʼaw cawˬ ve iˉ kaˆ hkʼe hpeh‸ ve yoˬ. Dawˇ shiˍ puiˉ ve chaw lehˬ oˇ ve hta‸ yuˬ tawˆ yehˇ tuˬ te puiˉ ve yoˬ.
6
Chaw yaˇ teˇ hpaˍ lehˬ a shu yawˇ awˬ to hta‸ ka ti‸ yeˬ ve chaw hpeh‸ ve yoˬ, teh‸ ca kʼoˆ puiˉ ve yoˬ. Ya‸ hkʼaˇ, awˬ tehˬ awˬ na ka ti‸ yeˬ ve chaw hta‸ ca hkʼa nyi sheˍ.
7
Hteˇ ve cawˇ ve kanˉ hta‸ te puiˉ ve awˬ pa geh gʼa chehˇ ve yaˇ teˇ hpaˍ lehˬ awˬ bon uiˍ ve yoˬ.
8
Jawˇmawˇ lehˬ suhˉ jehˬ kuiˬ kʼaw jaw hkʼoˆ mui taˍ leh, haiˬ ve awˬ ceuˬ hta‸ gʼa mawˬ htaˇ la‸ haˉ shiˍ ve yoˬ.
9
Chaw teˇ gʼaˇ gʼaˇ yawˇ ve shiˍ puiˉ ve nyi ma kehˬ lehˍ cawˬ ve yoˬ, teh‸ kʼoˆ hpeh‸ aw laˇ. Yawˇ ve venˇbaˆ gʼa ponˬ peuˬ, teh‸ kʼoˆ hpeh‸ aw laˇ.
10
Gʼuiˬsha lehˬ maˇ cawˇ ve tsuh tu leh tehˆ nyi tuˬ hta‸ yehˇ ve chaw hui hta‸ canˇ ve yoˬ.
11
Yaˇ ehˉ teˇ gʼaˇ te chehˇ ve kanˉ hta‸ nyi leh, yawˇ hkʼaˬ hkʼe ve chaw hpeh‸ ve hta‸ shiˍ hpeh‸ ve yoˬ.
12
Gʼuiˬsha lehˬ ngaˬ hui hta‸ mawˬ puiˉ ve mehˆ shiˍ leh kaˇ puiˉ ve naˍ paw piˇ laˇ taˍ ve yoˬ.
13
Nawˬ lehˬ zuh‸ ve tiˉ te chehˇ ve kʼo, haˍ gʼawˇ la tuˬ yoˬ. Kanˉ te chehˇ ve kʼo caˇ tuˬ dawˬ tuˬ hkʼa biˇ cawˬ tuˬ yoˬ.
14
Mawˇ vuiˬ shehˍ hpaˇ lehˬ hkʼaˬ htaˆ ka‸ mawˇ hpfuhˇ hkʼaˆ jaˇ, tiˉ kʼoˆ ve yoˬ. Ya‸ hkʼaˇ, yawˇ sainˍ hkʼaw tawˆ kʼai peuˬ hkʼaw‸ nawˉ, yawˇ mawˇ vuiˬ ve awˬ lawn tawˇ uiˍ tawˇ mvuh ca yaw toˇ puiˉ ve yoˬ.
15
Nawˬ kʼoˆ chehˇ ve tawˇ hta‸ nawˬ hkʼa deh‸ shiˍ ve kʼo, hpu shi a‸ kehˉ awˬ hpfuhˇ hkʼaˆ ve mawˇ nawˬ cawˬ taˍ peuˬ ve yoˬ.
16
Chaw luˬ paˍ lehˬ shu ve jeˬ hta‸ ga shaiˍ piˇ tuˬ ka ti‸ ca te ve kʼo, yawˇ geh cawˬ ve mawˇ jeˬ hta‸ awˉ lawˉ yuˬ taˍ cawˇ ve yoˬ.
17
Maˇ hteˇ maˇ cawˇ ve awˬ hkʼaw lo ca gʼa taˍ ve caˇ tuˬ lehˬ, awˬ hkui cawˬ jaˇ ve htawˇ awˬ hkʼaw‸ nawˉ kʼo shehˇ shiˍ hkʼa biˇ cawˬ ve maw‸ kʼaw hkʼe hpeh‸ tuˬ yoˬ.
18
Da‸ ve dawˇ hkʼaˇ hta‸ ca-o. Nawˬ uiˍ la da‸ la tuˬ yoˬ. Ma‸ hkʼeun maˇ jiˇ sheˍ kʼo, ma‸ bawˆ kuiˬ lo taˇ kʼai.
19
Shu awˬ lawn ca kʼoˆ puiˉ ve chaw lehˬ faˉ taˍ cawˇ ve tawˇ hta‸ faˉ taˍ maˇ gʼa. Tawˇ maˇ ve chaw awˬ paˇ lo taˇ ca chehˇ taˍ.
20
Awˬ pa awˬ e hta‸ hkeu ve chaw lehˬ, suh kʼai chehˇ ve aˬ miˍ kawˆ faiˇ hkʼe hpeh‸ ve yoˬ.
21
Hkʼa sha sha-ehˬ ca gʼa ve hpu lehˬ, hkʼa sha sha-ehˬ mehˉ kʼai puiˉ ve yoˬ.
22
Shu te ya‸ laˇ ve hta‸ nawˬ awˬ to taˇ kʼaw‸ te hkʼaw‸ piˇ. Gʼuiˬsha hta‸ gʼaˇ va-o. Yawˇ nyi leh te laˇ tuˬ yoˬ.
23
Maˇ cawˇ ve tsuh tu leh tehˆ nyi tuˬ hta‸ yehˇ ve chaw hui hta‸ Gʼuiˬsha canˇ ve yoˬ.
24
Gʼuiˬsha lehˬ ngaˬ hui kʼai cawˇ ve ya‸ kʼaw hta‸ gu taˍ peuˬ. Chaw yaˇ lehˬ a shu yawˇ ve ya‸ kʼaw hta‸ hkʼaˬ hkʼe te gu taˍ hpeh‸ tuˬ le.
25
Gʼuiˬsha hta‸ tanˇ piˇ tuˬ ka ti‸ maˇ te sheˍ gʼuˇ suhˍ hkʼa deh‸ dawˇ nyi-o. Awˬ hkʼaw‸ nawˉ kʼo nawˬ kʼaw‸ dawˇ nawˇ tuˬ yoˬ.
26
Cuˇ yiˍ cawˬ ve jawˇmawˇ lehˬ haiˬ ve kanˉ te chehˇ ve chaw hta‸ gʼa‸ ca leh, ciˍ yanˍ piˇ tuˬ yoˬ. Yawˇ hta‸ ha kʼaˉ piˇ tuˬ ve maˇ heˆ.
27
Gʼuiˬsha lehˬ ngaˬ hui hta‸ dawˇ shiˍ puiˉ ve nyi ma piˇ laˇ ve yoˬ. Ngaˬ hui ve awˬ to hkʼaw lo ca faˉ taˍ maˇ gʼa.
28
Jawˇmawˇ lehˬ hteˇ ve cawˇ ve hkʼaw mvuhˇ miˬ hta‸ uˉ peunˍ chehˇ ve kʼo, kanˇ paˆ hkʼa biˇ cawˬ ve yoˬ.
29
Yaˇ nehˬ teˇ hpaˍ ve awˬ gʼaˇ awˬ shaˉ hta‸ ngaˬ hui sheˉ lai leh, oˉ kʼoˍ hpu la peuˬ ve chaw mawˇ teˇ hpaˍ hta‸ ngaˬ hui yawˆ yan ve yoˬ.
30
Ngaˬ hui ve kanˉ hkʼaˇ hta‸ kʼaw‸ gu kʼaw‸ pa tuˬ, teˇ pawˆ pawˆ ngaˬ hui hkanˍ maˇ gʼaˇ law‸ law‸ ve awˬ ceuˬ hta‸ gʼa hpuˇ puiˉ ve yoˬ.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31