bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Proverbs 6
Proverbs 6
Lahu Bible Edited © Thailand Bible Society and Bible Society of Myanmar, 2010, 2020.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 7 →
1
Yaˇ paˍ-oˬ, nawˬ lehˬ shu ve jeˬ hta‸ ga shaiˍ piˇ tuˬ ka ti‸ te taˍ ve laˇ.
2
Nawˬ ka ti‸ oˇ hkʼe te taˍ peuˬ ve pa taw, nyi ma luˬ chehˇ ve laˇ.
3
Oˇ hkʼe yoˬ kʼo yaˇ paˍ-oˬ, nawˬ lehˬ chaw oˇ ve hpaˇ ve la‸ sheh hkʼaw lo gaˬ taˍ peuˬ. Ya‸ hkʼaˇ, nawˬ chi hkʼe te hpeh‸ ve yoˬ. Chaw oˇ ve hpaˇ geh kʼai leh, nawˬ hta‸ ponˬ laˇ tuˬ ca lawˬ hkawˉ-oˆ.
4
Zuh‸ muiˉ taˇ kʼa chehˇ. Gʼaˇ ka‸ taˇ jehˇ chehˇ.
5
Pehˍ hkʼaw geh taˍ ve ngaˆ leh, shaˍ bawˆ paˍ ve la‸ sheh hkʼaw gaˬ taˍ peuˬ ve hkuiˉ zuhˬ, gʼa ponˬ tuˬ hpeˆ dawˇ chehˇ ve hkʼe, nawˬ gʼa ponˬ tuˬ haˆ tawˆ kʼai loˬ.
6
Chaw bawˬ paˍ lehˬ piˉ gʼawˆ hta‸ nyi leh henˇ yuˬ cawˇ ve yoˬ.
7
Yawˇ hui lehˬ awˬ hoˉ maˇ cawˬ. Ma‸ poˍ leh jawˇmawˇ ka‸ maˇ cawˬ.
8
Ya‸ hkʼaˇ, yawˇ hui lehˬ mvuhˇ yeˬ yanˇ awˬ pon caˇ tuˬ teˇ hpaˍ hta‸ mvuhˇ goˇ yanˇ htaˇ shaw hpoˆ taˍ puiˉ ve yoˬ.
9
Chaw bawˬ paˍ lehˬ hkʼaˬ maw maw bawˬ zuh‸ chehˇ tuˬ sheˍ ve le. Yawˇ hui hkʼaˬ htaˆ tu la tuˬ le.
10
Ngaˬ teˇ hkui jehˇ taˍ shaˍ. Ngaˬ la‸ sheh pehˉ leh teˇ hkui zuh‸ taˍ shaˍ, teh‸ yawˇ kʼoˆ chehˇ ve yoˬ.
11
Yawˇ zuh‸ chehˇ ve teˇ yanˇ, meu‸ ve kaˆ ve teˇ ceuˬ lehˬ, chaw hkʼawˇ moˍ lonˉ hkʼa shuˍ yawˇ awˬ hkʼoˆ gaˬ la tuˬ yoˬ.
12
Te‸ chiˉ tcuhˉ kuiˬ maˇ cawˬ ve chaw leh, haiˬ ve chaw teˇ hpaˍ lehˬ, shu hta‸ ca heˍ toˇ chehˇ ve yoˬ.
13
Yawˇ hui mehˆ shiˍ mi‸ taˍ leh nawˬ hta‸ heˍ caˇ tuˬ yoˬ.
14
Yawˇ hui ve nyi ma hkʼaw haiˬ ve dawˇ hkʼaˇ cawˬ leh, teˇ kaˬ le le lo sho‸ sha‸ tuˬ te chehˇ ve yoˬ.
15
Yawˇ hui oˇ hkʼe te ve pa taw luˬ ve sheˆ ve teˇ ceuˬ yawˇ hui awˬ hkʼoˆ gaˬ la leh, gʼa tu‸ gʼa hkanˍ jaˇ tuˬ yoˬ.
16
Gʼuiˬsha canˇ leh nyi maˇ hpeh‸ ve awˬ ceuˬ suhˍ ceuˬ cawˬ ve yoˬ. Awˬ ceuˬ oˇ ve teˇ hpaˍ lehˬ, caˆ muiˬ puiˉ ve nyi ma, heˍ puiˉ ve ha tehˍ, te‸ chiˉ venˇbaˆ maˇ cawˬ ve chaw hta‸ tiˇ pehˍ ve la‸ sheh, haiˬ ve awˬ ceuˬ hta‸ dawˇ nyi chehˇ ve nyi ma, cha‸ chiˆ ve kanˉ hta‸ te tuˬ gʼuiˇ kʼai chehˇ ve hkui sheh, shu hta‸ maˇ heˆ heˆ ve shaˉ hkiˆ hkanˍ ve chaw leh awˬ chawˇ chawˇ ya‸ da‸ tuˬ te ve chaw, chi teˇ hpaˍ hpeh‸ ve yoˬ.
20
Yaˇ paˍ-oˬ, nawˬ pa maˍ laˇ ve hkʼe te-o. Nawˬ e maˍ laˇ ve teˇ hpaˍ hta‸ htawˇ taˇ leunˇ piˇ.
21
Oˇ ve teˇ hpaˍ hta‸ nawˬ ve nyi ma hkʼaw hkʼaˬ htaˆ ka‸ tawnˇ taˍ-o‸.
22
Yawˇ hui maˍ laˇ ve tawˇ teˇ hpaˍ lehˬ, nawˬ ya‸ kʼaw kʼai htaˇ nawˬ hta‸ ya‸ kʼaw maˍ laˇ leh, mvuhˇ hpeu‸ htaˇ nawˬ hta‸ ha‸ shaˉ taˍ laˇ tuˬ yoˬ. Mvuhˇ law‸ kʼaw htaˇ nawˬ hta‸ dawˇ hkʼaˇ piˇ laˇ tuˬ yoˬ.
23
Yawˇ hui kʼoˆ laˇ ve tawˇ lehˬ awˬ gʼeuˆ hpeh‸ leh, yawˇ hui maˍ laˇ ve tawˇ lehˬ nawˬ hta‸ ga laˇ hpeh‸ ve yoˬ.
24
Tawˇ oˇ ve teˇ hpaˍ lehˬ nawˬ hta‸ haiˬ ve yaˇ miˇ teˇ hpaˍ ve la‸ sheh hkʼaw ponˬ laˇ hpeh‸ leh, shu miˇ ma beˬ laˇ ve hta‸ htawˇ ponˬ laˇ hpeh‸ve yoˬ.
25
Yawˇ hui awˬ hkiˇ awˬ naˬ da‸ ve pa taw, nawˬ hkʼawˇ faˍ ve nyi ma taˇ cawˬ piˇ. Yawˇ hui ve mehˆ shiˍ nawˬ hta‸ nyi laˇ ve pa taw, htaw taˍ ve va hta‸ nawˬ taˇ yaw piˇ.
26
Chaw teˇ gʼaˇ lehˬ meh maˬ lanˉ hta‸ hkaoˍ monˇ teˇ shiˍ ve awˬ hpfuhˇ yuˬ vuiˬ ka‸ gʼa hpeh‸ ve yoˬ. Ya‸ hkʼaˇ, haˉ chawˇ haˉ paˆ te ve teˇ ceuˬ lehˬ, yawˇ hkʼa cawˬ ve hkʼa peu-eˬ shonˇ kʼai puiˉ ve yoˬ.
27
Nawˬ ve aˉ po‸ hkʼaw aˬ miˍ shiˉ gʼeu‸ beˆ htiˆ kʼai gʼa aw laˇ. Aˉ po‸ oˇ ve maˇ to‸ tuˬ hehˉ laˇ.
28
Nawˬ aˬ miˍ shiˉ gʼeu‸ hkʼoˆ naˆ toˇ ve kʼo, nawˬ ve hkui sheh hta‸ aˬ miˍ maˇ chiˆ hehˉ laˇ.
29
Shu miˇ ma hta‸ haˉ chawˇ te ve chaw lehˬ, oˇ ve hkʼa shuˍ kawˆ tuˬ cawˬ ve yoˬ. Oˇ hkʼe te ve chaw lehˬ gʼa hkanˍ ve tiˉ cawˬ ve yoˬ.
30
Awˍ meu‸ ve pa taw shu ve mawˇ ca hkʼawˇ caˇ ve chaw hta‸ htawˇ shu hkʼe leˇ maˇ ponˬ piˇ.
31
Shu yawˇ hta‸ yuˬ gʼa ve kʼo, yawˇ lehˬ suhˍ pun gʼa kʼaw‸ shaiˍ ve yoˬ. Yawˇ hkʼa cawˬ ve mawˇ hkʼa peu-eˬ gʼa yuˬ shaiˍ piˇ ve yoˬ.
32
Shu hta‸ haˉ chawˇ te ve chaw lehˬ, te‸ chiˉ tcuhˉ kuiˬ maˇ cawˬ ve chaw hpeh‸ ve yoˬ. Yawˇ awˬ to hta‸ yawˇ te luˬ chehˇ ve yoˬ.
33
Yawˇ ve awˬ me‸ awˬ hponˇ luˬ kʼai leh, shu jaw‸ ve hta‸ gʼa hkanˍ ve yoˬ. Yawˇ teˇ co-e awˬ me‸ awˬ hponˇ luˬ kʼai ve yoˬ,
34
Awˬ hpawˇ teˇ gʼaˇ lehˬ hkawehˉ ve nyi ma cawˬ la ve teˇ yanˇ, yawˇ awˬ pon oˇ ve a‸ kehˉ nyi ma zuhˆ tuˬ uiˍ ve awˬ ceuˬ maˇ cawˬ. Yawˇ hkʼaˬ hkʼe te gaˇ ka‸ te la ve yoˬ.
35
Shu shaiˍ piˇ ve hpu hta‸ yawˇ ha‸ yuˬ tuˬ ve maˇ heˆ. Hpu hkʼaˬ ma piˇ htawˇ, yawˇ nyi hkʼaˇ suh tuˬ ve maˇ heˆ.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31