bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Proverbs 24
Proverbs 24
Lahu Bible Edited © Thailand Bible Society and Bible Society of Myanmar, 2010, 2020.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
1
Haiˬ ve chaw teˇ hpaˍ hta‸ nyi leh yawˇ hui hkʼe hpeh‸ gaˇ ve nyi ma taˇ cawˬ piˇ. Yawˇ hui hta‸ ka‸ awˬ chawˇ taˇ te.
2
Yawˇ hui lehˬ shu hta‸ ca ya‸ tuˬ ceh tiˉ dawˇ nyi chehˇ ve yoˬ. Yawˇ hui maw‸ kʼaw ngaˉ ve teˇ pawˆ le le, chaw teˇ gʼaˇ gʼa dawˇ haˍ ve yoˬ.
3
Yehˬ teˇ hpaˍ, lehˬ cuˇ yiˍ leh shiˍ puiˉ ve nyi ma hta‸ pa taw cawˬ la ve yoˬ.
4
Shiˍ puiˉ ve nyi ma cawˬ ve kʼo, bawehˇ teˇ hpaˍ htawˇ da‸ jaˇ leh nyi sha jaˇ ve yoˬ.
5
Cuˇ yiˍ cawˬ ve lehˬ awˬ gʼaˇ awˬ shaˉ cawˬ ve a‸ kehˉ da‸ leuˉ ve yoˬ. Yoˬ, shiˍ puiˉ ve nyi ma htawˇ awˬ gʼaˇ awˬ shaˉ cawˬ ve a‸ kehˉ da‸ leuˉ ve yoˬ.
6
Ma‸ maˇ ca bawˆ sheˍ gʼuˇ suhˍ, awˉ lawˉ peuˇ awˬ hkʼaˇ gʼa gu taˍ ve yoˬ. Da‸ ve dawˇ hkʼaˇ shaˬ gʼa maˇ ve kʼo, shaˬ gʼaˇ hkʼaˇ cawˬ ve yoˬ.
7
Cuˇ yiˍ cawˬ ve tawˇ hta‸ chaw luˬ paˍ teˇ hpaˍ na maˇ gʼa puiˉ. Shu awˬ lawn uiˍ ve kanˉ teˇ hpaˍ jehˬ da‸ htaˇ, yawˇ hui te‸ chiˉ kʼoˆ maˇ gʼa.
8
Nawˬ lehˬ hkʼaˬ htaˆ ka‸ haiˬ ve kanˉ hkʼaˇ hta‸ ceh tiˉ dawˇ nyi chehˇ ve kʼo, maˇ da‸ ve awˬ meh gʼa tuˬ yoˬ.
9
Chaw luˬ paˍ hui ve dawˇ hkʼaˇ lehˬ, venˇbaˆ uiˍ jaˇ ve yoˬ. Shu hta‸ maˇ shawˍ maˇ caˆ te ve chaw hta‸ shu canˇ ve yoˬ.
10
Haˍ ve kanˉ hta‸ gʼa hpuˇ da‸ htaˇ nyi ma luˬ puiˉ ve chaw lehˬ, awˬ tehˬ awˬ na gʼaˇ nuˇ ve chaw hpeh‸ ve yoˬ.
11
Maˇ hteˇ maˇ cawˇ ve awˬ hkʼaw lo suhˉ taˆ leh tiˇ pehˍ piˇ tuˬve chaw hta‸ haˆ ga piˇ-oˆ.
12
Kanˉ chi ngaˬ hta‸ maˇ caˉ da‸, teh‸ nawˬ dawˇ tuˬ yoˬ. Ya‸ hkʼaˇ, Gʼuiˬsha shiˍ chehˇ mawˬ chehˇ leh, nawˬ ve dawˇ hkʼaˇ hta‸ suhˉ jehˬ tuˬ yoˬ. Nawˬ te taˍ ve hkʼe la‸ shawnˍ piˇ laˇ tuˬ yoˬ.
13
Yaˇ paˍ-oˬ, pehˇ gʼuiˬ hta‸ caˇ-oˆ. Pehˇ gʼuiˬ lehˬ mehˬ jaˇ ve yoˬ. Nawˬ ve ha tehˍ hkʼoˆ lo pehˇ gʼuiˬ lehˬ mehˬ jaˇ ve hkʼe,
14
cuˇ yiˍ teˇ ceuˬ htawˇ co ha awˬ pon da‸ jaˇ ve yoˬ. Cuˇ yiˍ hta‸ ca-o. Awˬ gʼuˇ suhˍ hpawˇ nawˬ ve ya‸ kʼaw awˬ gʼeuˆ ba lehˍ cawˬ tuˬ yoˬ.
15
Hteˇ ve cawˇ ve chaw hui hta‸ hiˉ yuˬ luˬ yuˬ tuˬ dawˇ nyi chehˇ ve haiˬ ve chaw hkʼe nawˬ taˇ te.
16
Hteˇ ve cawˇ ve chaw lehˬ hkʼaˬ nyiˇ pawˆ paiˍ ve htawˇ, kʼaw‸ tu la ve yoˬ. Ya‸ hkʼaˇ, haiˬ ve chaw lehˬ luˬ kʼai sheˆ kʼai ve yoˬ.
17
Nawˬ ve canˇ paˍ dawˇ haˍ kuiˬ lo gaˬ ve hta‸ nawˬ gʼa mawˬ htaˇ, taˇ ha lehˬ. Yawˇ hkui htiˇ poˬ ve teˇ yanˇ htawˇ, nawˬ taˇ ha lehˬ.
18
Nawˬ ha lehˬ chehˇ ve hta‸ Gʼuiˬsha mawˬ chehˇ ve yoˬ. Chi hkʼe te ve hta‸ Yawˇ nyi ma maˇ cawˇ. Yawˇ yawˇ hui hta‸ maˇ ciˍ yanˍ piˇ tuˬ naˍ, maˇ shiˍ.
19
Haiˬ ve chaw teˇ hpaˍ nawˬ hta‸ taˇ dawˇ haˍ tcuh piˇ lawˬ. Yawˇ hui hkʼe hpeh‸ gaˇ ve nyi ma ka‸ taˇ cawˬ piˇ.
20
Haiˬ ve chaw teˇ hpaˍ lehˬ, awˬ gʼuˇ suhˍ hpawˇ te‸ chiˉ dawˇ law kuiˬ maˇ cawˬ.
21
Ngaˬ yaˇ paˍ-oˬ, Gʼuiˬsha hta‸ yawˆ yan leh jawˇmawˇ hta‸ taˍ ui ta mvuh-o. Yawˇ hui hta‸kʼaw‸ hpfuhˆ ve chaw hui hta‸ awˬ chawˇ taˇ te.
22
Chaw oˇ hkʼe ve teˇ hpaˍ lehˬ, teˇ hkui ceh tiˉ luˬ kʼai tuˬ yoˬ. Gʼuiˬsha te luˬ te sheˆ puiˉ ve hta‸ nawˬ shiˍ chehˇ aw laˇ.
23
Cuˇ yiˍ cawˬ ve chaw teˇ hpaˍ chi hkʼe kʼaw‸ kʼoˆ taˍ sheˍ ve yoˬ. Chaw yaˇ ve mehˆ hpfuhˇ hta‸ nyi leh suhˉ jehˬ piˇ ve lehˬ ya‸ jaˇ ve yoˬ.
24
Venˇbaˆ cawˬ ve chaw hta‸ hkʼe leˇ ponˬ piˇ ve suhˉ jehˬ paˍ hta‸ chaw hkʼa peu-eˬ canˇ leh hkeu ve yoˬ.
25
Venˇbaˆ cawˬ ve chaw hta‸ ciˍ yanˍ piˇ ve suhˉ jehˬ shehˍ hpaˇ lehˬ, awˬ meh da‸ leh uiˍ la mvuh la tuˬ yoˬ.
26
Hteˇ ve cawˇ ve hkʼaw kʼaw‸ yaw hkʼaw‸ piˇ ve lehˬ, awˬ tehˬ awˬ na awˬ chawˇ hpeh‸ ve awˬ heˆ hpeh‸ ve yoˬ.
27
Nawˬ ti mi maˇ te gʼa sheˍ ve ceh ceh, nawˬ ve chehˇ kuiˬ yehˬ hta‸ awˉ lawˉ taˇ te.
28
Shaˉ hkiˆ hkʼa deh‸ maˇ cawˬ ve kʼo, chaw teˇ gʼaˇ hta‸ ka‸ venˇbaˆ taˇ taˍ. Shu hta‸ maˇ heˆ heˆ ve shaˉ hkiˆ taˇ hkanˍ.
29
Yawˇ ngaˬ hta‸ te laˇ ve hkʼe, ngaˬ yawˇ hta‸ kʼaw‸ te hkʼaw‸ piˇ shaˍ, teh‸ taˇ kʼoˆ.
30
Ngaˬ lehˬ chaw bawˬ paˍ teˇ gʼaˇ ve ti mi leh a pehˉ meuˇ hko hkʼaw hpanˍ kʼai taˉ peuˬ.
31
Oˇ kaˬ lo zuhˇ mvuh‸ teˇ hpaˍ hkʼa biˇ cawˬ taˍ ve yoˬ. Hko ko taˍ ve htawˇ paˆ kʼai peuˬ.
32
Chi ve hta‸ ngaˬ mawˬ leh dawˇ nyi ve teˇ yanˇ ngaˬ teˇ ceuˬ dawˇ shiˍ la ve yoˬ.
33
Nawˬ ve la‸ sheh pehˉ leh hkʼa deh‸ zuh‸ taˍ-o‸.
34
Nawˬ zuh‸ muiˉ kʼa chehˇ ve teˇ yanˇ, haˍ gʼawˇ ve teˇ ceuˬ lehˬ chaw hkʼawˇ hkʼa shuˍ nawˬ geh gaˬ la tuˬ yoˬ.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31