bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 15
Jeremiah 15
Quechuan QXO (Biblia en Quechua del sur de Conchucos)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 16 →
1
Tsaynö mañakuptïmi Tayta Dios nimarqan: «Moiséswan Samuel shamur Judá runakunata perdonanäpä rugakayämaptinpis manam perdonashänatsu. Judá runakunata perdonanäpäqa manam voluntänïpis kannatsu. Paykunataqa manam rikaytapis munänatsu.
2
«Tsaynö kaptinqa ¿imatä noqakunata päsayämanqa?» nir tapuyäshuptiki ninki: «Qeshyawan wanuqpä kaqkunaqa qeshyawan wanuyätsun. Guërrachö wanuqpä kaqkunaqa guërrachö wanuyätsun. Mallaqaywan wanuqpä kaqkunaqa mallaqaywan wanuyätsun. Prësu aywaqpä kaqkunaqa prësu aywayätsun.
3
«Noqa Tayta Diosmi nï: Kay runakunataqa chusku casta castïguwanmi castigashä. Tsay castïgukunam kayanqa guërrachö wanuyanqan, allqukuna ayakunata qechunakur mikuyanqan, wiskurkuna rachir mikuyanqan y jirka ashmakuna mikur ushayanqan.
4
Tsaynö castiganqäta musyarmi maytsay nacionchö täraq runakuna pasaypa mantsakäyanqa. Tsaytaqa rurashä Ezequíaspa tsurin Manasés rey kaykar Jerusalénchö jutsata ruranqanpitam.
5
«Jerusalén runakuna, qamkunata castigaptï ¿pirä kuyapäyäshunki? ¿Pirä llakipäyäshunki? Imanö kayanqaykitapis musyayta munar ¿pirä tapukunqa?
6
Noqata jaqiyämanqaykipitam ushakätsiyäshayki. Kutin kutin kuyapaytapis ajayarqünam. Noqa Tayta Diosmi tsaynö nï.
7
«Päjata vientu apananpä jurquitawan jitaqnömi qamkunataqa markaykikunapita wakpa kaypa jitariyäshayki. Wamraykikunata ushakätsiptï täyanqayki markakunapis tsunyaqmi tikranqa. Tsaynö ushakätsiyäshayki jutsa rurayta mana dëjayanqaykipitam.
8
Lamar kuchunchö arënakunapitapis mas atskaqmi viüdakuna kayanqa. Pullan junaq kaykaptinmi jövinkunatapis mamantinta ushakätsishä. Illaqpitam pasaypa mantsakayman churashä.
9
«Qanchis ollqu wamrayuq warmikunapis wamrankunata wanutsiyaptinmi pasaypa llakikuyanqa. Kallpankuna ushakaptinmi ima ruraytapis mana puëdir pasaypa penqakuyanqa. Kawaykar quëdaq kaqkunataqa contrankunam espädawan wanutsiyanqa. Noqa Tayta Diosmi tsaynö nï».
10
¡Ay, imapärä mamäpis wachamarqan! Pïmaywan rimanakurmi qoyäpis. Qellayta mana prestaptïpis ni mana prestakuptïpis maldicionayämanmi.
11
Tayta Dios, qamta allim sirvirqü. Chikimaqnïkuna llakikuyaptinpis y ñakayaptinpis yanapanaykipämi rugakamurqü. Tsaynö mana mañakushqa kaptïqa maldicionayämanqan jina chämätsun.
12
Paykunatam nirquyki: «Norti läduchö kaykaq fiërrutawan broncita ¿pillaqa pakinmantsurä?
13
Jutsata rurayanqaykipitam entëru nacionnikikunachö riquëzaykikunata contraykikunapa makinman churashä. Imatapis mana cobrayllapam llapanta entregashä.
14
Imaypis mana reqiyanqayki nacionchömi contraykikunapa sirviqnin kayanki. Qamkunaqa pasaypam rabyanätsiyämarquyki. Imatapis tsarinqan kaqtaqa nina lunyar ushaqnömi qamkunatapis mana kuyapaypa castigayäshayki».
15
Tayta Dios, qamqa musyankim runakuna chikiyämanqanta. Paykuna chikiyämaptinpis yanapaykallämay. Mana wanutsiyämänanpä salvaykallämay. Chikimaqnïkunataqa kikinkunatapis chikiyätsun. Paykunataqa ama kuyapaytsu. Imaykata niyämaptinpis qam raykurmi awantakü.
16
Llapanta mandaq Tayta Dios, noqaqa qampanam kä. Parlapämaptikim alli mikuyta mikuqnö llapanta chaskikurqü. Nimanqaykikunata chaskikuptïmi shonqü pasaypa kushikun.
17
Runakuna qorikar kushikuyaptinpis paykunawan manam qorikätsu. Willakunäpä akramanqaykipitam runakunawan qorikänäpa rantin jukläman jamakü. Jutsata rurayaptin rabyashqa kanqaykinömi noqapis jutsata rurayaptin rabyashqa kaykä. Tsaynö rabyaytaqa qammi shonqüman churamurquyki.
18
¿Imanirtä imaypis llakishqalla kaykä? ¿Imanirtä imaypis kushikütsu? ¿Imanirtä illaqpita tsakiq pözunö quëdarquyki?
19
Tsaynö nir llakikuptïmi Tayta Dios nimarqan: «Noqaman kutimuptikiqa yapay sirvimänaykipämi churashayki. Manakaqkunata parlanaykipa rantin shumaq tantiyakur parlaptikiqa willakuynïta willakunaykipäpis yapaymi churashayki. Mana cäsumaq runakuna parlayanqannöqa ama parlaytsu, sinöqa paykuna rikayäshunaykipä shumaq parlay.
20
«Noqam churashayki broncipita rurashqa murällanö kanaykipä. «Upälla kay» niyäshuptikipis willakuynïta willakunaykipämi imaypis yanapashayki. Imaypis qamwan karmi imapis mana päsashunaykipä tsapäshayki. Noqa Tayta Diosmi tsaynö nï.
21
Noqam mana alli runakunapa makinpita tsapäshayki. Wanutsikuqkunapa makinpitapis salvashaykim».
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52