bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 34
Jeremiah 34
Quechuan QXO (Biblia en Quechua del sur de Conchucos)
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 35 →
1
Jerusalén markata y entëru Judá nacionchö kaykaq markakunata Babilonia nacionpa mandaqnin rey Nabucodonosor soldädunkunawan y poderninchö kaq nacionkunapa soldädunkunawan atacaykaptinmi Jeremíasta Tayta Dios nirqan:
2
«Israel runakunata kuyaq Tayta Dios karmi nï: Judá nacionpa mandaqnin rey Sedequíasta willar niy: «Tayta Diosmi nin: Kay markata Babilonia nacionpa mandaqnin reypa poderninman entregaptïmi llapanta rupatsiyanqa.
3
Qamqa manam imanöpapis qeshpinkitsu. Tsaypa rantinqa prësu tsariskir paypa makinman entregayäshuptikim juzgashunki. Tsaypitam Babiloniaman prësu apayäshunki.
4
«Judá nacionpa mandaqnin rey Sedequías, tsaynö kananpä kaptinpis noqa Tayta Diosmi nï guërrachö mana wanunaykipä kanqanta.
5
Tsaypa rantinmi rukuyar alli wanuypa wanunki. Wanuptikiqa unay castayki reykunata pampayanqannömi qamtapis inciensiuta qoshnitsir pampayäshunki. Waqarmi «¡ay taytallay tayta!» niyanqa. Tsaynö kananpä kanqanta noqa Tayta Diosmi nï».
6
Tayta Dios ninqannöllam Judá nacionpa mandaqnin rey Sedequíasta profëta Jeremías Jerusalénchö willarqan.
7
Tsay höram Babilonia nacionpa mandaqnin rey soldädunkunawan Jerusalénta atacaykäyarqan. Tsaynöllam Laquis markata y Azeca markatapis atacaykäyarqan. Judá nacionchö wakin corralashqa markakunataqa maynam vinciyarqan. Peru Jerusalén, Laquis y Azeca markakunatam sïqa vinciyarqanrätsu.
8
Kaychömi qellqashqa kaykan profëta Jeremíasta Tayta Dios willanqan. Tsay witsanmi Jerusalénchö täraq runakunawan rey Sedequías willanakuyarqan hebreo mayinkunata ollqutapis warmitapis esclävu kayanqanpita dëjayänanpä.
9
Tsaymi niyarqan dëjayaptin pipis esclävunpä manana tsararänanpä.
10
Tsaynö willanakurmi llapan autoridäkuna y llapan runakunapis esclävunkunata dëjayarqan.
11
Tsaypita tiempu päsaskiptinnam dëjayanqanpita pësakur esclävunkunata ollqutapis warmitapis yapay qoriyarqan.
12
Tsaymi Jeremíasta Tayta Dios nirqan:
13
«Israel runakunata kuyaq Tayta Dios karmi nï: Unay castaykikuna Egiptuchö esclävu kayanqanpita jipimurmi paykunawan pactuta rurarqä. Pactuta rurarmi nirqä
14
esclävun kayänanpä rantiyanqan hebreo mayinkunata joqta wata tsararaskir cada qanchis watachö libri dëjayänanpä. Tsaynö nikaptïpis unay castaykikuna manam wiyayämashqatsu.
15
«Qamkunaqa ninqäta wiyarmi hebreo mayiki kaq esclävuykikunata dëjayarquyki. Tsaynö dëjayänaykipämi adorayämänayki templuman yaykur ñöpächö willanakuyarquyki.
16
Tsaynö willanakuykarpis qamkunaqa yapaymi esclävuyki kayänanpä ollquta warmitapis qoriyarquyki. Dëjayänaykipä ñöpächö willanakurpis yapay qorirmi penqakuyman churayämarquyki.
17
«Noqa Tayta Diosmi nï: Qamkunaqa marka mayikikunata libri dëjayänaykipä ninqäta manam wiyayämarquykitsu. Tsaymi kananqa qamkunata jaqiyäshayki. Jaqiptïmi wakiki guërrachö wanuyanki, wakikim mallaqaywan wanuyanki y wakikinam pesti qeshyawan wanuyanki. Tsayta musyarmi maytsay nacionchö täraq runakunapis mantsakäyanqa. Noqa Tayta Diosmi tsaynö nï.
18
«Marka mayikikunata libri dëjayänaykipämi ñöpächö pactuta rurayarquyki. Tsay pactuta rurarmi torïtuta pullanpa cuartizaskir aytsanta frenti frenti churayarquyki. Tsaypitam tsay churayanqayki aytsakunapa chawpinpa päsayarqayki «noqakunatapis ishkayman roqur partiqnö castigayämätsun awniyanqäta mana cumpliyaptï» niyarqayki. Tsaynö nirpis mana cumpliyanqaykipitam kanan castigayäshayki.
19
«Aytsakunapa chawpinpa päsarnin awnimarpis mana cumpliyanqaykipitam castigayäshayki Judá nacionpa autoridäninkuna kayaptikipis, Jerusalén markapa autoridäninkuna kayaptikipis, reypa yanapaqninkuna kayaptikipis, sacerdötikuna kayaptikipis y pï kayaptikipis.
20
Castigarmi permitishä contraykikuna wanutsiyäshunaykipä. Wanushqa mashtaräyaptikim wiskurkunawan chucaru ashmakuna mikuyäshunki.
21
«Qamkunata castiganqänöllam Judá nacionpa mandaqnin rey Sedequíastawan yanapaqninkunatapis castigashä. Castigarmi permitishä Babilonia nacionpa mandaqnin reypa y soldädunkunapa poderninchö kayänanpä. Tsay rey atacaykäyäshunqaykichö witikushqana kaptinpis
22
yapay atacayäshunaykipämi kutitsimushä. Vinciyäshurnikim wayikikunatapis kayar ushayanqa. Entëru Judáchö kaq markakunatapis ushakätsiyaptinmi tsunyaq tikranqa. Noqa Tayta Diosmi tsaynö nï».
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 35 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52