bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 27
Jeremiah 27
Quechuan QXO (Biblia en Quechua del sur de Conchucos)
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 28 →
1
Josíaspa tsurin Sedequías Judá nacionpa mandaqnin rey kayman yaykunqan witsanmi Jeremíasta Tayta Dios nirqan:
2
«Yüguta ruraskir matankaykiman waskawan watakuy.
3
Musyanqaykinöpis Edompita, Moabpita, Amónpita, Tirupita y Sidónpitam autoridäkuna Jerusalénman shayämushqa rey Sedequíaswan willanakuyänanpä. Yüguta watakurkur tsay qorikaq runakunata ninqäta willay.
4
Tsay runakunata ninki nacionninkunaman kutiykur mandaqnin reykunata willar niyänanpä: «Israel runakunata kuyaq y llapanta mandaq Tayta Diosmi nin:
5
Podernïwanmi kay patsata, runakunata y imayka ashmakunatapis kamarqü. Pitapis destinanqä runapa makinmanmi tsaykunata churä.
6
Kananqa noqam nacionnikikunata Babiloniapa mandaqnin rey Nabucodonosorpa makinman churarqü. Nacionnikichö kaykaq jirka ashmakunatapis paypa makinmanmi churarqü.
7
Tsaynöllam llapan nación runakuna Nabucodonosorpa poderninchö, tsurinpa poderninchö y willkanpa poderninchö kayanqa. Tsaypitanam atska nacionkuna y munayyuq reykuna Babilonia soldädukunata vinciskir poderninman churayanqa.
8
«Mayqan nación runakunapis Babiloniapa mandaqnin rey Nabucodonosorpa poderninchö kawayta mana munaptinqa noqam castigashä. Tsaynö castigaptïmi wakin runakuna guërrachö wanuyanqa, wakinnam mallaqaywan wanuyanqa y wakinkunanam pesti qeshyawan wanuyanqa. Tsaynöpam tsay nación runakuna llapan ushakäyanqa. Noqa Tayta Diosmi tsaynö nï.
9
«Tsaynö kaykaptinqa Babilonia nacionpa mandaqnin reyta mana sirviyänaykipä pipis willayäshuptiki ama cäsuyaytsu. Willakuqkuna profëta kayanqanta niyaptinpis, adivïnu kayanqanta niyaptinpis, suëñu adivinaq kanqanta niyaptinpis o brüju kayaptinpis ama cäsuyaytsu.
10
Tsaynö niyäshurnikim llullapaykäyäshunki. Paykunata cäsuyaptikiqa markaykikunapita maytsaypam qarquyäshayki. Tsaychömi wanur ushakäyanki.
11
«Mayqan nación runakunapis Babiloniapa mandaqnin reyta cäsur payta sirvirqa jinan nacionllanchömi chakrankunachö murukur kawayanqa. Noqa Tayta Diosmi tsaynö nï».
12
Judá nacionpa mandaqnin rey Sedequíastapis nirqämi: «Babilonia nacionpa mandaqnin reypa poderninchö kawayay. Pay mandanqanta y autoridäninkuna mandayanqanta imatapis rurayay. Tsaynö cäsurqa tranquïlum kawayanki.
13
Payta mana cäsurmi sïqa wanuyanki. Tayta Dios ninqannöllam wakiki guërrachö wanuyanki, wakiki mallaqaywan wanuyanki y wakikinam pesti qeshyawan wanuyanki.
14
Tsaynö kananpä kaykaptinqa mayqan profëtapis Babiloniapa mandaqnin reyta mana sirviyänaykipä nishuptiki ama cäsuyaytsu. Paykunaqa llullapaykäyäshunkim.
15
Tsaymi Tayta Dios nin: «Tsay profëtakunata manam mandamurqütsu. Paykunaqa llullakurninmi jutïta joqarir parlaykäyan. Tsay profëtakuna niyanqanta cäsuyaptikiqa nacionnikikunapita qarquyäshaykim. Tsaynöpam maytsaychöpis wanuyanki qamkunapis y llutanta yätsishuqniki profëtakunapis».
16
Tsaynöllam sacerdötikunata y llapan runakunatapis willar nirqä: «Tayta Diosmi nin: «Templupita Babiloniaman apayanqan manëjukunata kutitsiyämunanpäna kanqanta niyäshuptikipis ama criyiyaytsu. Tsaynö parlayanqanqa manam rasunpatsu.
17
Tsaynö niyäshunqaykita cäsuyänaykipa rantin Babilonia nación reypa makinchö kawayay. Paypa makinchö kayaptikiqa manam wanutsiyäshunkitsu. ¿Imanirtä markaykikuna ushakanman?
18
Tsay runakuna rasunpa profëta karqa templupita apayanqan manëjukunata kutitsiyämunanpäna kanqanta manam niyäshunkimantsu. Tsaypa rantinqa templuchö, palaciuchö y Jerusalénchö quëdaq kaq manëjukunata Babiloniaman mana apayänanpämi rugakayämanman».
19
«Israel runakunata kuyaq y llapanta mandaq Tayta Diosmi mastapis nin: «Babiloniapa mandaqnin rey Nabucodonosormi ñöpata shamur Judá nacionpa mandaqnin rey Jeconíasta prësu aparqan. Tsaynöllam prësu aparqan Judáchö y Jerusalénchö kaq respitashqa runakunatapis. Peru manam aparqantsu templuchö kaykaq ishkay jatunkaray columnakunata, jatunkaray lavatoriuta, carrëtakunata, Jerusalénchö quëdaq manëjukunata y reypa palaciunchö quëdaq manëjukunatapis.
22
Tsaynö kaptinpis kananqa kutimur tsaykunata llapantam Babiloniaman apayanqa. Tsaychömi tsararäyanqa imaypis kayman kutitsimunqäyaq. Noqa Tayta Diosmi tsaynö nï».
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52