bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 25
Jeremiah 25
Quechuan QXO (Biblia en Quechua del sur de Conchucos)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 26 →
1
Josíaspa tsurin Joacim Judá nacionpa mandaqnin rey chusku watana kaykaptin y Babilonia nacionchö Nabucodonosor mandayta qallanqan witsanmi Tayta Diospa willakuqnin profëta Jeremías
2
Judá nacionchö täraq runakunatawan Jerusalénchö täraq runakunata willar nirqan:
3
«Amónpa tsurin Josías chunka kimsa wata Judá nacionpa mandaqnin rey kanqanpita hasta kananyaqmi Tayta Dios nimanqankunata kutin kutin qamkunata willarqü. Ishkay chunka kimsa (23) watana tsaynö willakuykaptïpis qamkunaqa manam wiyayarquykitsu.
4
«Sirviqnin profëtakunata Tayta Dios unaypita kutin kutin mandamuptinpis manam cäsuyarquykitsu ni wiyayarquykitsu.
5
Tsay profëtakuna willakurmi niyäshurqayki: «Jutsa rurayta jaqiyay. Jaqirqa unay castaykikunata Tayta Dios entreganqan nacionchömi imayyaqpis täyanki».
6
Tsaynöllam niyäshurqayki: «Juk dioskunamanqa ama yärakuyaytsu. Tsaykunataqa ama sirviyaytsu ni adorayaytsu. Llutankunata mana rurayaptikiqa manam ima castïguwanpis castigayäshunkitsu».
7
Tayta Diosmi nin: «Profëtakuna tsaynö niyäshuptikipis mana cäsumarmi rurayanqayki ïdulukunaman qonqurikur masrä rabyanätsiyämarquyki».
8
Llapanta mandaq Tayta Diosmi mastapis nin: «Profëtakuna willayäshunqaykita mana cäsuyaptikiqa
9
Babilonia nacionpa mandaqnin rey Nabucodonosortam norti kaq lädu nacionkunapita minkakunqan soldädunkunatawan mandamushä chipyaq ushayäshunaykipä. Paykunawan qamkunata y ñöpayki nación runakunata castigaptïmi markaykikunapis raqällana quëdanqa. Tsayta rikarmi wakin mantsariyanqa y wakinna kushipäyäshunki.
10
«Llapanta ushakätsiptïmi fiestatapis rurayanqanatsu, kushikur asikachäyanqanatsu, jipashpis ni jövinpis kuyanakurnin cantapänakuyanqanatsu, marayninkunachöpis aqakuyanqanatsu ni aktsinkunatapis tsaritsiyanqanatsu.
11
Kay nacionta chipyaq ushakätsiyaptinmi raqällana quëdanqa. Kawaykar quëdaqkunaqa qanchis chunka (70) watayaqmi Babilonia nacionpa mandaqnin reypa poderninchö kayanqa.
12
«Qanchis chunka (70) wata cumpliptinnam Babilonia nacionpa mandaqnin reyta y tsaychö täraq runakunata jutsa rurayanqanpita castigar chipyaq ushakätsishä. Noqa Tayta Diosmi tsaynö nï.
13
Paykunata castiganäpä profëta Jeremíasta willakatsinqänölla y kay rölluchö qellqashqa kanqannöllam castigashä.
14
Babilonia runakunata castigaptïmi kuyanqä runakunata poderninchö tsararäyanqannölla paykunatapis juk nación runakuna y mandaqnin reykuna poderninchö tsararäyanqa. Babilonia runakuna llutankunata rurayanqanpitam tsaynö castigashä».
15
Israel runakunata kuyaq Tayta Diosmi revelacionchö nimarqan: «Kay aptaraykanqä cöpachömi rabyaynï junta kaykan. Kay cöpata apakurkur mandanqä nacionkunaman aywar runakunata uputsiy.
16
Upurkurmi löcuyar machashqa runanö tsankapaykachäyanqa. Tsay upuyanqanqa manam vïnutsu kanqa, sinöqa paykunata castiganäpä guërram».
17
Nimaptinmi revelacionchö Tayta Diospa makinpita tsay cöpata chaskirqä. Tsaypitanam Tayta Dios mandamanqan llapan nacionkunaman aywaykur runakunata uputsirqä.
18
Tsaymi uputsirqä Jerusalénchö täraq runakunata, Judá nacionchö täraq runakunata, reykunata y autoridäkunatapis. Paykunata Tayta Dios pasaypa castigaptinmi wayinkunapis raqällana quëdashqa. Tsaynö castiganqanta musyaqkunam wakin mantsariyan y wakinna kushipäyan. Pasaypa maldicionashqa karmi kananyaqpis tsaynö kaykäyan.
19
Tsaynöllam revelacionchö uputsirqä Egipto nacionpa mandaqnin rey Faraónta, yanapaqninkunata, autoridäninkunata, Egipto runakunata
20
y tsaychö täraq jäpa runakunatapis. Tsaynöllam uputsirqä Uz partichö täraq reykunata y filisteo runakunapa mandaqnin reykunatapis. Filisteo runakunapa mandaqnin reykunaqa täyarqan Ascalón, Gaza, Ecrón y Asdod markakunachömi. Peru tsaynö kaptinpis Asdod marka ushakashqa kaptinmi juk ishkayllana tsaychö täyarqan.
21
Tsaynöllam uputsirqä Edom nacionchö täraqkunata, Moab nacionchö täraqkunata, Amón nacionchö täraqkunata,
22
Tiro markapa mandaqnin reykunata, Sidón markapa mandaqnin reykunata, Mediterráneo Lamar kuchun markakunachö täraq reykunata,
23
Dedán runakunata, Tema runakunata, Buz runakunata, llapllanta rutukuq runakunata,
24
Arabia partichö täraq reykunata, desiertuchö täraq llapan runakunapa mandaqnin reykunata,
25
Zimri nacionpa mandaqnin reyta, Elam nacionpa mandaqnin reyta y Media nacionpa mandaqnin reytapis.
26
Tsaynöllam uputsirqä norti kaq läduchö kaykaq llapan reykunata cerca cerca täyaptinpis o karu karu täyaptinpis. Kay patsachö llapan reykunatapis tsaynöllam uputsirqä. Ultimutaqa upunqa Babilonia nacionpa mandaqnin reymi.
27
Uputsiq aywanäpä mandamarmi Tayta Dios nimarqan: «Paykunata uputsir ninki: «Israel runakunata kuyaq y llapanta mandaq Tayta Diosmi nin: Machäyanqaykiyaq, lanzayanqaykiyaq y jitaräyanqaykiyaq tsay cöpata upuyay. Tsaynö kayanki guërrawan qamkunata castigaptïmi».
28
«Tsay cöpapita upuyta mana munayaptinqa ninki: «Llapanta mandaq Tayta Diosmi nin: Munar mana munarpis upunaykim.
29
Jerusalénpitam castigar qallä. Adorayämänanpä akranqä markachö täraq runakunata castigaykarqa qamkunata mas peormi castigayäshayki. Maytsaychömi guërrawan runakunata castigashä. Llapanta mandaq Tayta Dios karmi tsaynö nï».
30
«Jeremías, maytsaychö täraq runakunata castiganäpä kaqta willar ninki: «Tayta Diosmi ciëlupita leonnö qayarämun. Täkunqanpita qayakamunqanmi maqakuynörä wiyakämun. Akranqan runakunata castigananpämi qayakaykämun. Üvata jaruq runakuna qayakuyanqannömi maytsaychöpis täraq runakunata castigananpä qayakamun.
31
Qayakamunqanmi wiyakanqa kay patsapa entëru kuchunyaq. Tayta Dios tsaynö qayakamunqa entëru nacionkunachö täraq runakunata juzgananpämi. Payqa llapan runakunapa jueznin karmi payta mana cäsuqkunata espädawan ushakätsinqa. Tayta Diosmi tsaynö nin.
32
«Llapanta mandaq Tayta Diosmi mastapis nin: Noqaqa llapan nacionkunata qatinayllamanmi castigashä. Rabyaynïqa pasaypa mantsariypä mangäda tamya shamuqnömi kaykan.
33
Castigaptï wanuqkunaqa maytsaychömi jitaräyanqa. Wanuptin waqapänanpäpis ni pampananpäpis manam pipis kanqatsu. Ashmakunapa wanunnömi maytsaychöpis wanushqa jitaräyanqa.
34
«¡Reykuna, mantsarir qayaräyay! ¡Autoridäkuna, llakikurnin patsachö qoshpayay! ¡Hörayki chämushqanam wera üshatanö wanutsiyäshunaykipä!
35
«Reykuna manam imanöpapis salvakuyanqatsu. Autoridäkunapis manam qeshpiyta puëdiyanqatsu.
36
¡Reykuna qayaräyanqanta wiyayay! ¡Autoridäkuna waqayanqanta wiyayay! Paykuna mandanqan nacionkunatam Tayta Dios ushakätsinqa.
37
Mandanqan kuyayllapä nacionkunata pasaypa rabyarmi ushakätsinqa.
38
Machayninpita yarqamuq leonnömi Tayta Dios kaykan. Payqa pasaypa rabyashqam kaykan. Tsaymi mantsariypä guërrawan maytsay naciontapis ushakätsinqa».
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52