bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 30
Jeremiah 30
Quechuan QXO (Biblia en Quechua del sur de Conchucos)
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 31 →
1
Tayta Diosmi Jeremíasta nirqan:
2
«Israel runakunata kuyaq Tayta Dios karmi nï: Llapan ninqäkunata juk rölluman qellqay.
3
Babiloniapita Israel runakunata y Judá runakunata qorimunäpä kaq junaqkuna chämunqanam. Qorimuptïmi unay castankunata entreganqä nacionchö kushishqa täyanqa. Noqa Tayta Diosmi tsaynö nï».
4
Israel runakunapä y Judá runakunapämi Tayta Dios nin:
5
«¡Pasaypa mantsarir qayaräyanqanmi wiyakämunqa! ¡Manam pipis tranquïlu kawayanqanatsu!
6
¿Ollqu qeshyakunmantsurä? Tsaynö kaptinpis wachay nanaywan warmi unchuykachanqannömi paykunapis nanaywan unchuykachäyanqa. Llapanpis pasaypa almayashqam kayanqa.
7
Tsay junaqkunanö pasaypa mantsariypäqa manam imaypis kashqarätsu. Tsay witsanmi Jacobpita miraqkuna pasaypa ñakayanqa. Tsaynö kaptinpis paykunata salvashämi.
8
«Llapanta mandaq Tayta Dios karmi nï: Tsay junaq chämuptinqa pasaypa ñakar yügushqanö y watashqanömi kayanqa. Tsaynö kayaptinmi yüguta pakiqnö paykunata salvashä. Waskata rachiqnömi paykunata libri jaqishä. Tsaynö ruraptïmi juklä nación runakunapa poderninchö kayanqanatsu.
9
Paykunata mandananpämi David casta reyta churashä. Tsaymi payta sirvir noqatapis sirviyämanqa.
10
«Noqa Tayta Diosmi nï: Jacobpita miraq sirvimaq runakuna, ama mantsariyaytsu. Karu nacionman apayäshunqaykipitam qamkunata y qamkunapita miraqkunata jipiyämushayki. Pipis manana mantsatsiyäshuptikim nacionnikichö tranquïluna kawayanki.
11
«Noqam qamkunawan kaykä imapitapis salvanäpä. Tsaymi nacionnikipita qamkunata qarqushqa karpis poderninchö tsararäyäshuqniki nacionkunata ushakätsishä. Tsay nacionkunata ushakätsirpis qamkunataqa manam ushakätsiyäshaykitsu. Tsaynö kaptinpis jutsata rurayanqaykimanmi castigayäshayki. Mana castigaypaqa manam dëjayäshaykitsu. Noqa Tayta Diosmi tsaynö nï».
12
Mastam Tayta Dios nin: «Imaypis mana sänaq qerinö y qeshyawan imaypis mana alliqnömi ñakayanqayki kaykan.
13
Manam pipis kantsu yanapayäshunaykipä ni qerikita jampiyäshunaykipäpis. Allïtsiyäshunaykipä ima jampipis manam kantsu.
14
«Pasaypa jutsata rurayanqaykipitam mana kuyapaypa qamkunata castigarqü. Juk runa contranta mana kuyapaypa maqaqnömi castigarqü. Llapan yanapashuqnikikunapis mananam yanapayäshunkinatsu. Ñakayaptikipis paykunataqa manam imapis importantsu.
15
¿Imanirtä ñakayanqaykipita alläpa llakishqa kaykäyanki? Ñakayanqaykiqa imaypis mana alliq qeshyanömi kaykan. Tsaynö qamkunata castigarqü jutsata rurayanqaykipita y pasaypa mana allikunata ruranqaykipitam.
16
«Qamkunata castiganqänöllam ñakatsishuqnikikunatapis castigar ushakätsishä. Paykunapis nacionninpita llapanmi prësu aywayanqa. Imaykaykita qechuyäshunqaykinöllam kikinkunapatapis qechuyanqa. Suwapäyäshunqaykinöllam suwapäyanqa.
17
«Qamkunata manakaqman churashurnikim jaqinqäta niyäshurquyki. Tsaynö niyäshuptikipis kananpitaqa yanapayäshaykim. Mana alliq qeriwannö ñakayanqaykipitapis allïtsishaykim. Noqa Tayta Diosmi tsaynö nï».
18
Tayta Diosmi nin: «Jacobpita miraq runakunatam castanpa castanpa kuyapar nacionninman qorimushä. Qorimuptïmi Jerusalénchö juchushqa kaykaq wayikunata yapay shäritsiyanqa. Rey täkunan palaciutapis kanqallanchömi shäritsiyanqa.
19
Tsaymi agradëcikurnin kushishqa alabayämanqa. Atskaman mirayänanpä y alli kawayänanpä kamakätsiptïmi paykunata pipis penqakuyman churayanqanatsu.
20
Unay kawayanqannö alli kawayänanpä y nacionninchö yapay alabayämänanpämi yanapashä. Peru paykunata ñakatsiq kaqtam sïqa llapanta castigashä».
21
Tayta Diosmi nin: «Kuyanqä runakunapa mandaqnin kananpämi marka mayinta churashä. Puntäman shamunanpä kikïmi qayashä. (Mana qayaptïqa manam pipis puntäman witimunmantsu.)
22
Qamkunam kuyanqä runakuna kayanki. Noqanam Diosniki kashä».
23
Mangäda tamyanö y shukukuy vientunömi jutsa ruraq runakunata Tayta Dios pasaypa rabyar ushakätsinqa.
24
Rabyayninqa manam päsanqatsu llapan yarpanqankunata manarä ruraptinqa. Tiempu päsaskiptinrämi tsaykunata tantiyayanki.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52