bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 44
Jeremiah 44
Quechuan QXO (Biblia en Quechua del sur de Conchucos)
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 45 →
1
Egiptuman aywaq Judá runakunam taykäyarqan Migdol markachö, Tafnes markachö, Menfis markachö y Patros partichö. Paykuna imanö kananpä kaqtapis musyayänanpämi Jeremíasta Tayta Dios nirqan:
2
«Israel runakunata kuyaq y llapanta mandaq Tayta Diosmi nin: «Qamkuna rikayarquykim Jerusalénchö täraq runakunata y entëru Judá markakunachö täraq runakunata pasaypa castiganqäta. Kananqa tsay markakuna tsunyaqnam kaykan.
3
«Tsaynö castigarqü pasaypa rabyatsiyämar juk dioskunata adorar inciensiuta qoshnitsiyanqanpitam. Unay castaykikunapis mana adoraykäyaptinmi qamkunaqa tsay dioskunata adorayarquyki.
4
Melanaypä mana allikunata rurar rabyatsiyämanqaykita willayäshunaykipämi sirvimaqnï profëtakunata unaypita kutin kutin qamkunaman mandamurqä.
5
«Peru manam cäsuyämarquykitsu ni jutsa ruraytapis dëjayarquykitsu. Tsaypa rantinmi juk dioskunata adorar inciensiuta qoshniykätsiyanki.
6
Tsaymi pasaypa rabyar Jerusalén cällikunachö y entëru Judá markakunachöpis runakunata castigarqü. Tsaymi pasaypa tsunyaq raqällana kaykäyan.
7
«Israel runakunata kuyaq y llapanta mandaq Tayta Dios karmi nï: Judá runakuna, ¿imanirtä achäquita ashipäyämanki? Tsaynölla rabyanätsiyämaptikiqa llapaykikunatam ushakätsiyäshayki: ollqutapis, warmitapis, wamrakunatapis, chuchuykaq wamrakunatapis.
8
¿Imanirtä pasaypa rabyatsimar Egiptuchöpis juk dioskunata adorar inciensiuta qoshniykätsiyanki? Tsaynö rurarmi kikikikuna wanuyta ashiykäyanki. Tsaymi maytsay nacionchö täraqkuna rikayänanpä pasaypa maldicionädu kayanki.
9
«Unay castaykikuna, Judáchö reykuna y tsay reykunapa warminkunapis qamkunanöllam jutsata rurayashqa. Paykunata castiganqäta ¿qonqaskiyarquykinaku? Judá nacionchö y Jerusalén cällikunachö warmikikunapis kikikikunapis jutsata rurayanqaykipita castigayanqäta ¿qonqaskiyarquykinaku?
10
Jutsa ruraykunata kananyaqpis manam dëjayankitsu ni mantsapakuyankitsu. Leynïkunatapis ni estatütükunatapis manam cäsuyankitsu. Tsay leykunatam entregarqä unay castaykikuna cäsuyänanpä y qamkunapis cäsuyänaykipä.
11
«Tsaymi Israel runakunata kuyaq y llapanta mandaq Tayta Dios kar nï: Tsaynö kayanqaykipitam chipyaq ushakätsiyäshayki.
12
Judápita mana cäsukur shamuqkuna, llapaykikunam kay Egiptuchö ushakäyanki. Wakikim guërrachö wanuyanki y wakikinam mallaqaywan wanuyanki. Wamrapita qallaykurmi rukuyaq wanuyanki. Penqakuypä kayaptikim runakuna chikiyäshurniki maldicionayäshunki. Qamkunata castiganqäta musyarmi espantashqa kayanqa.
13
«Imanömi Jerusalénchö täraqkunata castigarqä, tsaynöllam Egiptuchö taykaqkunatapis castigayäshayki. Tsaymi wakiki guërrachö wanuyanki, wakiki mallaqaywan wanuyanki y wakikinam pesti qeshyawan wanuyanki.
14
Judápita Egiptuman aywakuqkuna manam mayqaykipis kawaykar quëdayankitsu. Judáchö täyänaykipä kutiyta munarpis juk ishkay qeshpiqkunallam kutirpis kutiyanki».
15
Jeremías tsaynö ninqanta atskaq runakunam wiyayarqan. Tsaychömi Patros partichö täraq runakunapis kaykäyarqan. Warminkuna juk dioskunata adorar inciensiuta qoshnitsiyanqanta musyaqkuna y tsaychö kaykaq llapan warmikunapis Jeremíastam niyarqan:
16
«Tayta Diospa jutinchö willayämanqaykita manam cäsuyäshätsu.
17
Tsaypa rantinmi imanöpis rurayänäpä yarpaykäyanqänö rurayäshä. Ciëlupa Maman diösapämi mana dëjaypa inciensiuta qoshnitsir vïnuta wiñayäshä. Payta adorayanqänöllam unay castäkunapis, mandamaqnï reykunapis y autoridänïkunapis Judá markakunachö y Jerusalén cällikunachöpis adorayarqan. Tsaynö rurayaptin mikuynïkunapis sobray sobraymi karqan. Ima desgraciapis mana päsayämaptinmi kushishqa kawakuyarqä.
18
Peru Ciëlupa Mamanpä inciensiu qoshnitsiyta y vïnu wiñayta dëjayanqä junaqpitam sïqa pasaypa mallaqaychö kawayarqü. Runakunapis wakinqa guërrachö wanuyashqa y wakinnam mallaqaywan wanuyashqa».
19
Mastam warmikuna niyarqan: «Ciëlupa Maman diösa niraq wawata ruraykur inciensiuta qoshnitsiyanqäta y vïnuta wiñar adorayanqätam qowäkunapis musyayan».
20
Tsaynö niyaptinmi runakunata y warmikunata Jeremías nirqan:
21
«Tsaykunata rurayanqaykita ¿ Tayta Dios mana musyanqantaku o qonqanqantaku yarpäyanki? Pay musyanmi unay castaykikuna, reykuna, autoridäkuna, Judáchö täraq runakuna y kikikikunapis juk dioskunata adorayanqaykita. Tsaynöllam musyan entëru Judá markakunachö y Jerusalén cällikunachö inciensiuta qoshnitsiyanqaykita.
22
«Tsaynö llutanta rurar rabyatsiyanqaykipitam Tayta Dios castigayäshurquyki. Tsaymi kananqa entëru nacionnintsikchö markakunapis raqällana kaykan. Mantsariypä maldición päsashqanam.
23
Tsaynö castigashqa kaykantsik Tayta Diosta rabyatsir juk dioskunapä inciensiuta qoshnitsiyanqaykipitam. Pay ninqanta mana cäsurmi leyninkunata, estatütunkunata y mandanqankunatapis cumpliykäyankitsu».
24
Tsaynöllam tsaychö qorikashqa runakunata y warmikunata mastapis Jeremías nirqan: «Kay Egiptuchö taykaq Judá runakuna, Tayta Dios ninqanta wiyayay.
25
Israel runakunata kuyaq y llapanta mandaq Tayta Diosmi nin: «Warmikikunawanmi awniyarqayki Ciëlupa Mamanpä vïnuta wiñayänaykipä y inciensiuta imaypis qoshnitsiyänaykipä. Tsaynöllam niyarqayki tsay awniyanqaykita imanöpapis cumpliyänaykipä. Tsay niyanqaykinölla llapantapis rurayta munaykarqa tsaynö rurayay.
26
«Egiptuchö taykaq Judá runakuna, noqa Tayta Dios ninqäta shumaq wiyayämay. Kananpita entëru Egiptuchö manam mayqaykipis jutïta parlar: «Tayta Diospa jutinchömi jurä» niyankinatsu. Kikïpa jutïchö jurarmi tsaynö nï.
27
Qamkunata yanapanäpa rantinmi castiganäpä listu kaykäshä. Egiptuchö taykaq Judá runakuna, wakikim guërrachö wanuyanki y wakikinam mallaqaywan wanuyanki. Qamkunataqa llapaykitam ushakätsiyäshayki.
28
«Egiptuchö guërrapita qeshpir juk ishkayllam Judá nacionman kutiyanqa. Ninqänö päsaptinmi tantiyakuyanki noqa ninqä rasunpa kanqanta y qamkuna niyanqayki mana alli kanqanta.
29
Ninqänöllam kay nacionchö castigayäshayki. Tsayta musyayänaykipämi
30
Egipto nacionpa mandaqnin rey Hofrata contrankunapa makinman entregashä. Tsayta rurashä Judá nacionpa mandaqnin rey Sedequíasta Nabucodonosorpa makinman entreganqänömi. Noqa Tayta Diosmi tsaynö nï».
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 45 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52