bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 36
Jeremiah 36
Quechuan QXO (Biblia en Quechua del sur de Conchucos)
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 37 →
1
Josíaspa tsurin Joacim chusku watana Judá nacionchö rey kaykaptinmi Jeremíasta Tayta Dios nirqan:
2
«Rey Josías kaykanqan witsanpita hasta kananyaq llapan parlapanqäkunata mushuq rölluman qellqay. Qamta parlaparmi musyatsirqü Israel runakunata, Judá runakunata y wakin nación runakunata castiganäpä kanqanta. Tsay llapanta mana qonqaypa qellqay.
3
Paykunata castiganäpä kanqanta musyar Judá runakuna capazchi jutsa rurayta dëjayanmanpis. Dëjayaptinqa jutsa rurayanqanta perdonashämi».
4
Tsaymi Tayta Dios llapan revelanqanta Neríaspa tsurin Baructa qayaykur mushuq rölluman qellqananpä Jeremías dictarqan.
5
Tsaypitanam Baructa Jeremías nirqan: «Musyanqaykinöpis noqataqa manam Tayta Diospa templunman aywanäta munayantsu.
6
Tsaymi qamlla aywar Judá runakuna markankunapita templuman ayunaq shayämuptin Tayta Dios imata ninqantapis kay röllupita llapan runakunata liyipanki.
7
Pasaypa rabyar kay markata castigananpä ninqanqa mantsariypämi. Tsayta wiyar jutsa rurayanqanta dëjaskir Tayta Diosta rugakuyaptin capazchi perdonaykunmanpis».
8
Tsaymi Jeremías ninqannölla templuman aywaykur Neríaspa tsurin Baruc rölluchö qellqashqa kaykaqta runakunata liyiparqan.
9
Tsaynö liyiparqan Josíaspa tsurin Joacim pitsqa wata y isqun killana Judá nacionchö rey kaykaptinmi. Tsay witsanmi entëru Judá nacionchö kaykaq markakunapita templuman aywayarqan Jerusalénchö täraqkunawan Tayta Diospa puntanchö ayunayänanpä.
10
Tsaychö qorikäyaptinmi Tayta Diospa templunman Barucpis aywarqan rölluchö qellqashqa kaykanqanta liyipänanpä. Chaykurmi secretariu Safánpa tsurin Gemaríaspa cuartun punkupita llapan runakunata liyiparqan. Tsay cuartum karqan jana kaq patiuchö y Mushuq Punku cercanchö.
11
Tayta Dios ninqanta Baruc liyipanqantam Gemaríaspa tsurin Micaías wiyarqan. Micaíasqa Safánpa willkanmi karqan.
12
Tsayta wiyaykurmi reypa palaciunman aywar yaykurqan secretariupa despächunman. Tsaychömi tarirqan llapan autoridäkuna jamaraykaqta. Paykunam kayarqan secretariu Elisama, Semaíaspa tsurin Delaía, Acborpa tsurin Elnatán, Safánpa tsurin Gemarías, Ananíaspa tsurin Sedequías y wakin autoridäkunapis.
13
Paykunatam Micaías willarqan templuchö runakunata Baruc imata liyipanqantapis.
14
Willaptinmi autoridäkunaqa Jehudíta mandayarqan Baructa pushamunanpä. Jehudí karqan Netaníaspa tsurin, Selemíaspa willkan y Cusipa willkanpa tsurinmi. Baruc kaqman chaykurmi nirqan: «Llapan runakunata liyipanqayki rölluta apakurkurshi aywashun». Niptinmi liyipanqan rölluta apakurkur Neríaspa tsurin Baruc autoridäkuna kaqman aywarqan.
15
Chaykuptinmi autoridäkuna niyarqan: «Taytay, jamakulläshun. Templuchö liyipanqayki rölluta noqakunatapis liyipaykayällämay». Tsaymi Baruc liyiparqan.
16
Liyipar ushaskiptinmi mantsakashqa rikänakuskir Baructa niyarqan: «Llapan liyipäyämanqaykita reyta musyatsishun».
17
Rey kaqman manarä aywarmi Baructa tapur niyarqan: «¿Jeremíasku nishurqayki llapan tsaykunata qellqanaykipä?»
18
Barucnam nirqan: «Awmi, pay dictamayllantam rölluman llapanta qellqarqü».
19
Tsaymi Baructa niyarqan: «Maychö kaykäyanqaykita pipis mana musyayänanpä Jeremíaswan ishkayki pakakuyay».
20
Tsaypitanam secretariu Elisamapa despächullanchö rölluta dëjaykur rey kaykanqan patiuman aywayarqan. Chaykurmi willayarqan imata wiyayanqantapis.
21
Willayaptinmi Jehudíta rey mandarqan rölluta apamunanpä. Tsaymi secretariu Elisamapa despächunpita rölluta apaskamur reyta y tsaychö kaykaq autoridäkunata liyiparqan.
22
Tsay witsanmi isqun kaq killa karqan. Tamya killa kaptinmi alatsikur sälanchö ninata tsarirkatsir mashakur rey kaykarqan.
23
Kimsa o chusku höjatana Jehudí liyiyllantam rey cutsillunwan rölluta roquskir mashakuykanqan ninaman jitarqan. Tsaynö ruraykällarmi llapan rölluta rupatsir usharqan.
24
Liyipanqanta wiyarpis manam rey ni yanapaqninkunapis mantsariyarqantsu ni llakikur röpankunatapis rachiyarqantsu.
25
Tsay rölluta mana rupatsinanpä Elnatán, Delaía y Gemarías rugayaptinpis rey manam cäsurqantsu.
26
Tsaypa rantinmi tsurin Jerameelta, Azrielpa tsurin Seraíasta y Abdeelpa tsurin Selemíasta mandarqan secretariu Baructa y profëta Jeremíasta prësu tsariyämunanpä. Tsaynö mandaptinpis Tayta Dios pakashqa kaptinmi tariyarqantsu.
27
Jeremías dictanqan y Baruc qellqanqan rölluta rey rupatsiptinpis yapaymi Jeremíasta Tayta Dios nirqan:
28
«Yapay juk rölluman qellqatsiy Judá nacionpa mandaqnin rey Joacim rupatsinqanchö qellqashqa kanqantanölla.
29
«Tsaypita rey Joacimta ninki: «Tayta Diosmi nin: Tsay rölluchömi qellqashqa karqan Babilonia nacionpa mandaqnin rey chaykamur kay nacionchö runakunata y ashmakunatapis ushakätsinanpä. Tsayta wiyar llakikunaykipa trokin ¿imanirtä rabyar tsay rölluta rupatsirquyki?
30
«Tsaynö rupatsinqaykipitam Tayta Dios kar qamta nï: Qampita miraqkuna manam mayqanpis David jamaranqan trönuchö mandar jamaranqatsu. Wanukuptiki manam pampayäshunkitsu, sinöqa junaqpa achaychö y paqaspa alaychömi ayayki jitaranqa.
31
Qamtapis, tsurikikunatapis, llapan yanapashuqnikikunatapis jutsata rurayanqaykipitam castigayäshayki. Castiganäpä willakatsinqäta wiyayta mana munayaptikipis willakatsinqänöllam Jerusalénchö täraqkunata y entëru Judáchö täraqkunatapis castigashä».
32
Tayta Dios tsaynö niptinmi Neríaspa tsurin secretariu Baructa Jeremías juk röllutana alistaparqan yapay qellqananpä. Judá nacionpa mandaqnin rey Joacim rupatsinqan rölluchö qellqashqa kanqantanöllam llapanta yapay qellqarqan. Tsay qellqanqanman mas atskatarämi Jeremías yapatsirqan.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 37 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52