bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 17
Jeremiah 17
Quechuan QXO (Biblia en Quechua del sur de Conchucos)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 18 →
1
Tayta Diosmi nin: «Judá runakuna, jutsa rurayqa rumiman llaqllaypa qellqashqanömi shonquykikunachö kaykan. Tsaynöllam adorayanqayki altarkunapa waqrankunaman llaqllaypa qellqashqanö kaykan. Fiërrupita rurashqa diamanti puntayuq cincelwan llaqllashqanömi kaykan.
2
Pirqayanqayki altarkunachömi tsurikikunapis ïdulukunata adorayan. Asera diösata adorayänaykipä jawiyanqayki raku qerukuna kaqchömi mana qonqaypa adorayan. Tsay qerukunaqa kaykäyan rämasapa muntikuna chakinchö, altunnin jirkankunachö
3
y maytsay jirkakunachömi. Entëru nacionnikikunachömi ïdulukunata adorayanki. Tsaymi llapan imaykaykikunatapis contraykikuna suwapäyäshunaykipä dëjashä.
4
Lunyaypa lunyar rupaykaq ninanö rabyaynï kaptinmi herencia entreganqä nacionpitapis qarquyäshayki. Tsaynöpam mana reqiyanqayki nacionchö contraykikunapa sirviqnin kayanki».
5
Tayta Diosmi nin: «Maldicionädum kanqa noqaman yärakunanpa rantin runa mayinman y kikinpa kallpanman yärakuqkuna.
6
Tsay runakunaqa pipis mana täranqan desiertuchö wiñaq shirakanömi kaykäyan. Tsaynöllam rumikuna chawpinchö wiñaq muntinö kaykäyan. Alli kawaytaqa manam imaypis tariyanqatsu.
7
«Peru noqaman yärakamuqkunam sïqa kushishqa kawayan.
8
Tsay runakunaqa yaku lädunchö plantashqa qerunömi kayan. Tsay qerupa matsunkuna yakuman yaykushqa kaptinmi usyachöpis raprankuna verdiykanlla. Usyachö qarwashtänanpa rantinmi imaypis wayun.
9
«Runapa shonqunqa mana yärakuypä mana allim. ¿Pirä musyanman shonqunchö imata yarpanqantapis?
10
Noqa Tayta Diosllam musyä shonqunchö runa allita o mana allita yarpanqantapis. Tsaymi imanö kawanqanman pitapis ayudä o castigä.
11
Sakyapakuypa rïcuyaq runaqa jukpa runtunta tsakwa oqllaqnömi kaykan. Mana yarpashqata llapan riquëzankunata oqrarmi pasaypa pobri quëdanqa».
12
Tayta Dios, qallananpita kuyayllapä templuykipitam llapantapis mandaykämunki.
13
Qamqa Israel runakunata kuyaq Tayta Diosmi kanki. Mana tsakiq pukyunö kaykaptikim wakin runakunaqa qampita witikuyashqa. Paykunaqa pasaypa penqakushqam kayanqa. Allpachö qellqanqan juti vientuwan illakanqannömi paykunapis illakäyanqa.
14
Tayta Dios, alli kawanäpä yanapaykallämay. Imayka mana allipitapis salvaykallämay. Noqaqa qamllatam imaypis alabä.
15
Asipämarmi niyäman: «¿Imaytä Tayta Dios willakatsishunqayki cumplinqa? ¡Jinan höra cumplitsun!»
16
Noqaqa manam imaypis mañakurqätsu paykunata castiganaykipä ni paykunaman desgraciata mandamunaykipä. Musyankim imata willakunqantapis. Wiyaykämaptikim llapantapis nirqü.
17
Ima desgracia shamuptinpis qamllamanmi amparakamü. Ama dëjaykamaytsu. Dëjamaptikiqa pasaypam mantsarishä.
18
Penqakuyman churamänaykipa rantin qatikachämaqkunata penqakuyman churaykuy. Noqata castigamänaykipa rantin paykunata castigaykuy. Paykunata ima desgraciapis päsaykullätsun.
19
Tayta Diosmi nimarqan: «Markaman yaykuna mas jatusaq punkupa aywaykur willakuynïta tsaychö willakuy. Tsay punkupam reykunapis yaykuyan y yarquyan. Tsaychö willakunqaykinölla Jerusalénman yaykuna wakin punkukunachöpis willakuy.
20
«Willakur ninki: «Judá nacionpa mandaqnin reykuna, Judá runakuna y Jerusalénchö täraq runakuna, Tayta Dios ninqanta llapayki wiyayay.
21
Tayta Diosmi nin: Imapis mana päsayäshunaykipä jamay junaqchöqa ama ima qepitapis apayaytsu ni Jerusalén punkukunapapis ama ima cargatapis yaykutsiyaytsu.
22
Jamay junaqchöqa wayikikunapitapis ama ima qepitapis jipiyaytsu. Tsay junaqchöqa ima aruytapis ama aruyaytsu. Tsaypa rantinqa unay castaykikunata ninqänö noqata respitayämar jamayay.
23
Unay castaykikunaqa tsaynö nishqa kaptïpis manam cäsuyämashqatsu. Tsaypa rantinqa shonqunkunata chukruyätsirmi mana cäsuyämar corriginätapis munayashqatsu.
24
«Qamkunaqa ninqäta cäsur jamay junaqchö markaman yaykuna mayqan punkupapis cargata ama yaykutsiyaytsu. Jamay junaq aruyänaykipa rantin noqata respitamar jamayaptikiqa
25
kay nacionpita y kay markapita manam imaypis qarqushaykitsu. Tsaynöllam rey David jamaranqan trönunpita rey imaypis mandanqa. Reykunam y autoridäkunam carrëtankunawan y caballunkunawan kay markapa punkunkunapa imaypis päsayanqa. Paykunawanmi Judá runakuna y Jerusalén runakunapis kay punkukunapa yaykuyanqa. Jerusalénchömi imayyaqpis runakuna täyanqa.
26
«Tsaynöllam adorayämänanpä Jerusalénman shayämunqa Judá nacionchö kaykaq markakunapita, Jerusalénpa lädunkunapita, Benjamín partipita, Sefelapita, jallqakunapita y Neguev partipitapis. Tsaynö shamurmi templuman apayämunqa rupatsina sacrificiukunata, tsaki mikuy ofrendakunata, inciensiuta, agradëcikayämänanpä kaq sacrificiukunata y wakin sacrificiukunatapis.
27
«Ninqäta mana cäsur jamay junaq mana jamayaptiki y Jerusalén markapa punkunkunapa tsay junaqchö ima qepitapis yaykutsiyaptikiqa Jerusalénpa punkunkunatam rupatsir ushashä. Tsaymi Jerusalénchö kaykaq palaciukunapis rupar ushakanqa. Tsaytaqa manam pipis upitsinqatsu».
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52