bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 4
Jeremiah 4
Quechuan QXO (Biblia en Quechua del sur de Conchucos)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 5 →
1
Tsaynö nir mañakuyaptinmi Tayta Dios ninqa: «Israel runakuna, noqaman kutimuyta munarqa jutsa rurayta dëjayay. Ïduluykikunata jitaskir noqa munanqänö kawayay.
2
Sirviyämänaykipä llapan shonquykikunawan awniyämaptikiqa maytsay nacionkunapämi bendición kayanki. Tsaynöpam maytsaychöpis runakuna alabayämanqa».
3
Jerusalén runakunata y Judá runakunatam Tayta Dios nin: «Mana muruna chakrata kichaqnö shonquykikunata kichapäyämay. Mana kichapäyämarqa kasha chakraman muruqnömi kaykäyanki.
4
Pactu ruranqantsikta cumpliyänaykipä shonquykikunata señalakuyay. Tsaynö mana rurayaptikiqa pasaypam rabyakushä. Rabyaptïqa manam imanöpapis päsatsiyta puëdiyankitsu».
5
«Jerusalénchö y Judáchö täraqkunata willay: «¡Atacayäshunaykipä shayämuptin cornëtata tukayay! ¡Corralashqa markakunaman jinan höra amparakuyänanpä qayakuyay!
6
Noqaqa norti lädupitam atacayäshunaykipä soldädukunata mandamushä. ¡Runakuna Siónman qeshpir amparakuyänanpä bandërata jawiyay! ¡Jinan höra qeshpiyay!
7
«Maytsay nacionkunata ushakätsiq atska soldädukunam shamuykäyan. Muntipita mallaqashqa león yarqamuqnömi yarqaykäyämun. Wanutsiyäshuptikim markaykikunapis raqällana quëdanqa.
8
Tsaynö päsashunaykipä kaykaptinqa llakikur lütu röpakunata jatikuyay. Pasaypa nanaywan waqaqnörä qayaräyay. Rabyanqätaqa manam imanöpapis päsatsiyankitsu».
9
Tayta Diosmi nin: «Tsay junaq chämuptinqa reypis autoridäkunapis alläpa mantsakarmi tsuktsukyäyanqa. Tsaynöllam sacerdötikunapis y llulla profëtakunapis pasaypa mantsakäyanqa».
10
Tayta Dios tsaynö nimaptinmi nirqä: «¡Ay Tayta Dios! ¿Imanirtä Jerusalén runakunata llullaparquyki? ¿Imanirtä profëtakunata mandarqayki Jerusalén runakunata imapis mana päsananpä kanqanta willakuyänanpä? Tsaynö willakuyaptinpis kananqa kunkankunaman cutsillun churashqanömi kaykäyan».
11
Tayta Diosmi nimarqan: «Tsay witsanmi Jerusalén runakunata willayanqa desiertupita achaq vientuta vientutsimunqäta. Tsay vientuqa manam trïguta wayrananpänötsu kanqa,
12
sinöqa shukukuy vientum kanqa. Tsay vientutaqa kikïmi vientütsimushä. Tsaywanmi Jerusalén runakunata mana kuyapaypa castigashä».
13
Tsayta rikarmi Jerusalén runakuna niyanqa: «¡Chikimaqnintsikkunaqa yana pukutaynörämi shamuykäyan! ¡Guërra carrëtankunapis shukukuy vientunörämi shayämun! ¡Caballunkunapis anka pärinqanpitapis masrämi cörriyämun! ¡Kayrächi kayllaqa! ¡Manam imanöpa qeshpiytapis puëdintsiknatsu!»
14
Jerusalén runakuna, salvakuyänaykipä jutsaykikunata dëjaskir shonquykikunata mayllakuyay. ¡Imayyaqrä jutsa rurayllapä yarparäyanki!
15
Dan markapita y Efraín jallqakunapitam desgracia chämunanpä kaqta willakayämun.
16
Tsaynö kaykaptinqa Jerusalénchö y cercan nacionkunachö taqkunata willayay karu nacionpita chikiqninkuna shamuykäyanqanta. Tsay chikiqninkunaqa Judá nacionman yaykur atacayänanpämi büllata rurar shamuykäyan.
17
Jerusalénman chaykurmi corralaskiyanqa. Chakranta cuidaq runa pipis mana yaykunanpä siguraqnömi tsapaskiyanqa. Akranqä runakunata tsaynö päsanqa conträ kayanqanpitam. Noqa Tayta Diosmi tsaynö nï.
18
Judá runakuna, mana cäsukur llutanta rurayanqaykipitam tsaynö päsayäshunki. Tsaynö päsayäshuptikim shonquykikunapis pasaypa llakikur nananqarä.
19
¡Ay shonqullä shonqu! ¡Llakikuptïmi shonqüpis tsapakayparä nanan! ¡Manam upälla kaytapis puëdïtsu! Guërrapä cornëta waqamuqtam wiyarqü. Soldädukuna büllata rurar shamuykaqtam wiyarqü.
20
Kutin kutin desgracia päsamashqam entëru nacionnintsik ushakaykan. Patsakunantsikpä tolduntsikkunata y wayintsikkunatapis illaqpitam ushakätsiyashqa.
21
Guërrachö cornëta waqamuqta ¡imayyaqrä wiyashä! Atacamaqnintsik soldädukuna bandëran aptashqa shamuykaqta ¡imayyaqrä rikashä!
22
Tayta Diosmi nin: «Akranqä runakunaqa mana tantiyakuq karmi ninqäta tantiyayantsu. Paykunaqa mana musyaq y yarpayniynaq upa wamranömi kaykäyan. Alli ruraytaqa manam yachayantsu. Peru llutanta rurayänanpämi sïqa juiciunkunapis kan».
23
Pasaypa ushakashqa kaykaqta y tsunyaq kaykaqtam kay nacionta revelacionchö rikarqü. Ciëluchöpis manam ima atsikyaypis kashqatsu.
24
Jirkakunatapis tsuktsukyaykaqtam rikarqü. Jirkankunatapis siniganö kuyuykaqtam rikarqü.
25
Rikachakur manam pï runatapis rikarqütsu. Pishqukunapis llapanmi aywakuyashqa.
26
Tsaynöllam alli wayuq chakrakunatapis tsunyaqman tikrashqa kaykaqta rikarqü. Llapan markakunatapis tsunyaqllana kaykaqtam rikarqü. Tayta Dios pasaypa rabyarmi llapantapis tsaynö ushakätsishqa.
27
Tayta Diosmi nin: «Entëru kay nacionchö runakunata castigarpis manam llapan naciontaqa ushakätsishätsu.
28
Ushakätsinäpä ninqätaqa cumplishämi. Ushakätsiptïqa kay patsapis pasaypam llakikunqa. Ciëlupis pasaypam tsakanqa.
29
«Caballun muntashqa soldädukuna patatarrä shamuykaqta wiyarmi llapan qeshpiyanqa. Flëchankuna aptashqa shamuykaqta rikarmi markapita llapan qeshpir aywakuyanqa. Muntikunamanmi pakakuyanqa. Qaqakuna chawpinkunamanmi qeshpir yarkuyanqa. Llapan markakuna tsunyaq quëdaptinmi tsaychö ni pipis täyanqanatsu.
30
«Tsaynö kananpä kaykaptinqa Jerusalén, ¿imatatä ruraykanki? ¿Imapänatä puka röpatapis jatikunki? ¿Imapänatä qori alhäjatapis churakunki? ¿Imapänatä ñawikitapis pintakunki? Kuyayllapä kanqaykipis wallällam. Kuyanqayki runakunaqa llapanmi melanäyäshunki. Paykunaqa wanunaykitam munaykäyan.
31
«Mayor wamranta qeshyakur qayaraqnö qayaykachaykaqtam wiyaykä. Siónmi tsaynö qayaraykan. Makillan tsoqpashqa qayararmi nin: «¡Ay noqallä! ¡Kananpächi karqä! ¡Wanutsikuqkunam wanutsiyämanqa!»
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52