bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 7
Jeremiah 7
Quechuan QXO (Biblia en Quechua del sur de Conchucos)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 8 →
1
Jeremíastam Tayta Dios nirqan:
2
«Templu punkuman aywaykur willakunki: «Tayta Diosta adoraq kay punkupa yaykuq Judá runakuna, Tayta Dios ninqanta wiyayay.
3
Israel runakunata kuyaq y llapanta mandaq Tayta Diosmi nin: Shumaq tantiyakur yätsinqänö kawayay. Cäsuyämaptikiqa kay nacionnikikunachö imaypis tranquïlu kawayänaykipämi yanapashayki.
4
Ama criyiyaytsu yapay yapay niyäshuptiki: «¡ Tayta Diospa templun kaychö kaykaptinqa imaypis tsapämäshunmi!»
5
«Kay nacionnikichö imaypis tranquïlu kawayänaykipä mana alli ruraykunata dëjaskir allikunallatana rurayay. Runa mayikita alli rikayay.
6
Jäpa runakunata, waktsakunata y viüdakunata ama ñakatsiyaytsu. Alli runakunata ama wanutsiyaytsu. Juk dioskunatapis ama adorayaytsu. Juk dioskunata adorayaptikiqa desgraciam päsayäshunki.
7
Yätsinqänö kawayaptikiqa kay nacionnikichö tranquïlu kawayänaykipämi imaypis yanapayäshayki. Kay naciontaqa unay castaykikunatam entregarqä kaychö imayyaqpis täyänanpä.
8
«Qamkunaqa llullapäyäshunqaykita criyirmi yarpaykäyanki templü kaychö kanqanpita imaypis mana castiganäpä kanqanta. Tsaytaqa ama criyiyaytsu.
9
Qamkunam suwakuykäyanki, runa mayikikunata wanuykätsiyanki, adulteriu jutsata ruraykäyanki, llullakur juraykäyanki y inciensiuta Baalpä qoshniykätsiyanki. Tsaynöllam wakin dioskunatapis adoraykäyanki. Tsay dioskunataqa unay castaykikunapis manam imaypis adorayashqatsu.
10
«Tsaynö ruraykarpis penqakuynikikuna manam kantsu templüman shamur jutïta joqarir adorayämänaykipä. Qamkunaqa yarpaykäyanki llutanta ruraskirpis kay templuman shayämuptikiqa mana castiganäpä kanqantam.
11
Adorayämänayki templu ¿suwakunapa machaynin kanqantaku yarpäyanki? Imata rurayanqaykitapis llapantam rikarqü. Noqa Tayta Diosmi tsaynö nï.
12
«Maski Silo markaman aywayay imanö kanqantapis rikayämunaykipä. Tsay markachö tänäpä akrashqa karpis tsaychö täraq runakuna rabyatsiyämar jutsata rurayaptinmi ushakätsirqü.
13
Qamkunapis «mana alli ruraykunata dëjayay» nikaptïpis manam cäsuyämankitsu. Kutin kutin parlapaptïpis manam wiyayämankitsu. Tsaynö kayanqaykipitam
14
Silo markata ushakätsinqänö kay yärakuyanqayki templutapis ushakätsishä. Tsaynö ushakätsishä kaychö adorayämänaykipä qamkunata y unay castaykikunata entregashqa kaykarmi.
15
Efraín runakunata nacionninpita qarqunqänömi qamkunatapis ñöpäpita juklä nacionman qarquyäshayki».
16
«Jeremías, kay runakunapa favornin ama rugakamaytsu. Kutin kutin rugakamaptikipis manam wiyashaykitsu.
17
¿Manaku rikanki markakunachö y Jerusalén cällikunachö imanö rabyatsiyämanqantapis?
18
Ciëluchö kaykaq reina niyanqan diösapä mikuyta rurayänanpämi wamrakuna yantata qoriyan. Papäninkunam ninata tsaritsiyan. Warmikunanam tantata masarakuyan. Jäpa runakuna adorayanqan wakin dioskunapäpis vïnutam wiñayan. Tsaykunata rurarmi pasaypa rabyatsiyäman.
19
Tsaynö rabyatsimarmi kikinkuna penqakuychö kaykäyan.
20
«Tsaymi nï: Pasaypa rabyashqa karmi kay templuta ushakätsishä. Nina lunyaypa lunyar imatapis ushanqannömi runakunatapis, ashmakunatapis, jachakunatapis y mikuykunatapis chipyaq ushakätsishä».
21
Israel runakunata kuyaq y llapanta mandaq Tayta Diosmi nin: «Rupatsina sacrificiuta noqapä rupatsiyanqaykita manam chaskishänatsu. ¡Tsay aytsataqa wakin sacrificiutanö qamkunalla mikuyay!
22
Unay castaykikunata Egiptupita jipimur manam mandarqätsu rupatsina sacrificiuta ni ima sacrificiutapis altarchö rupatsiyänanpä.
23
Tsaypa rantinmi nirqä: «Ninqäta cäsuyämaptikiqa Diosnikim kashä. Qamkunam kuyanqä runakuna kayanki. Munanqänö kawayaptikiqa llapan rurayanqaykipis allim kanqa».
24
«Tsaynö niptïpis paykunaqa ninqäkunata mana wiyamarmi cäsuyämashqatsu. Tsaypa rantinqa shonqunkuna munanqanta rurarmi llutankunata rurayashqa. Munanqänö kawayänanpa trokinmi jaqiyämashqa.
25
«Tsaynöllam unay castaykikunata Egiptupita jipimunqä junaqpita hasta kananyaq sirvimaqnï profëtakunata imaypis qamkunaman mandamurqü.
26
Tsaynö kaptinpis manam cäsuyämarquykitsu. Tsaypa rantinmi unay castaykikunapitapis mas peorrä mana cäsukuq kaykäyanki.
27
«Jeremías, mana cäsuyäshunayki kaptinpis ninqäkunata willay.
28
Willakur ninki: «Kay nación runakunaqa kuyanqan Tayta Dios ninqanta manam yanqallapis cäsukuyantsu. Ollqutupaptinpis manam chaskikuyantsu. Tayta Dios munanqannö kawayänanpä awniyanqantapis manam cumpliyantsu. Cumpliyänanpäqa manam parlayllapis parlayannatsu.
29
¡Llakikurnin aqtsaykikunata rutuyay! ¡Tsunyaqman aywaykur waqay waqayta cantayay! Tayta Dios pasaypa rabyarmi dëjayäshurqayki. Manam rikaytapis munayäshunkinatsu».
30
Tayta Diosmi nin: «Judá runakunaqa adorayämänan templüta mana respitarmi mana väliq ïdulunkunata churayashqa. Tsaynö jutsata rurarmi pasaypa rabyanätsiyämashqa.
31
Tsaynöllam Ben-Hinom raqrachö kaykaq Tofet niyanqanchö altarkunata pirqayashqa ollqutapis warmitapis tsurinkunata rupatsiyänanpä. Tsayta rurayänanpäqa noqa manam nirqätsu ni yarpayllapis yarparqätsu».
32
Tsaymi Tayta Dios nin: «Castiganä junaq chämuptin tsay raqrata manam Tofet jutiwantsu ni Ben-Hinom jutiwantsu reqiyanqa, sinöqa Wanutsinakuy Raqra jutiwanmi reqiyanqa. Ayakunata pampayänanpä patsa mana jäkuptinmi Tofetmanna pampayanqa.
33
Tofetchöpis sitiu mana kaptinmi pampallachöna ayakuna jitaräyanqa. Tsay ayakunatam wiskurkunawan jirka ashmakuna mikuyanqa. Wajakunallanpäpis manam pipis kanqatsu.
34
«Tsaynö castigaptïmi kay entëru nación tsunyaq quëdanqa. Tsaymi Judá nación markakunachö y Jerusalén cällikunachö runakuna kushikuyanqan ni asikuyanqanpis wiyakanqanatsu. Casaray fiestapis manana kaptinmi ni jövinpis ni jipashpis kushikur cantapänakuyanqanatsu».
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52