bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 46
Jeremiah 46
Quechuan QXO (Biblia en Quechua del sur de Conchucos)
← Chapter 45
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 47 →
1
Kaychömi nacionkuna imanö kananpä kanqantapis profëta Jeremíasta Tayta Dios willanqan qellqashqa kaykan.
2
Josíaspa tsurin Joacim chusku watana Judá nacionpa mandaqnin rey kaykaptinmi Egipto runakuna Carquemis markachö Babilonia runakunawan pelyayarqan. Tsaychömi Egipto runakunata vincir wanutsiyarqan. Carquemisqa Éufrates mayu lädunchömi kaykan. Egipto runakunapa mandaqnin reyqa Necaomi karqan. Babilonia nacionpa mandaqnin reynam Faraón Nabucodonosor karqan.
3
«¡Egipto runakuna, tsapakuyänaykipä escüduykikunata alistakuskir pelyaman aywayay!
4
¡Caballu muntaqkuna, caballuykikunata sillakur ras muntakuyay! ¡Cascuykikunata jatikurkur fïlaman yaykuyay! ¡Espädaykikunata shumaq afilakuyay! ¡Flëchakunapita tsapäyäshunaykipä chalëcuykikunatapis jatikuyay!
5
«Egipto soldädukuna ¿imanirtä pasaypa mantsariyan? ¿Imanirtä qeshpir kutikuyan? Alli pelyaqkunapis maytsaypa mashtakarmi mana tikramuypa qeshpir aywakuykäyan. Maytsaychömi pasaypa mantsariyan.
6
Alli cörriqninkunapis manam cörriyta puëdiyannatsu. Alli chölun kaqkunapis manam qeshpiyta puëdiyannatsu. Norti kaq lädu Éufrates mayu kuchunchö ishkirmi llapan ishkiyashqa.
7
«Nilo mayu atskayar bunyaypa bunyar aywaqnömi juk nación runakuna shamuykäyan. Mayu entërupa mashtakaqnömi tsay nación runakuna juntaykäyämun.
8
Tsay nacionqa Egiptum. Mayu atskayar bunyaypa bunyar aywaqnörä karmi nikäyan: «Atskaq aywarmi entëruman juntashun. Noqantsikqa maytsay markakunata y tsaychö täraq llapan runakunatapis ushakätsishunmi».
9
«¡Caballun muntashqa kaqkuna, guërraman yaykuyay! ¡Carrëtawan aywaqkuna, empëñu cörriyay! ¡Alli chölu kaqkuna, fïlayllanpa marchaqnörä aywayay! ¡Etiopía y Libia soldädukuna, escüduykikunata alistakuyay! ¡Lud soldädukuna, flëchaykikunata alistakuyay!
10
Llapanta mandaq Tayta Dios karmi nï: Kananmi conträkunata castiganä junaq chämushqa. Kanan junaqmi espädäpis pacha junta mikunqa. Runakunapa yawarninwanmi machanqa. Tsaytsika runakunata wanutsiyanqanmi noqapä sacrificiu kanqa. Tsaynö kanqa norti kaq lädu nacionchö kaykaq Éufrates mayu kuchunchömi.
11
«Kuyapaypä Egipto runakuna, Galaadman jampi ashiq aywayay. Imayka jampikunawan jampikuyanqaykipis manakaqllapämi kanqa. Jampikuyaptikipis mananam ima jampipis allïtsiyäshunkitsu.
12
Pelyaqnikikunapis qeshpiyanqanchömi kikinkunapura tinkakar ishkiyarqan. Maytsay nación runakunam musyayan contraykikuna vinciyäshunqaykita. Nanaywan qayaräyanqaykipis entëru nacionmanmi wiyakaykan».
13
Babilonia nacionpa mandaqnin rey Nabucodonosor Egipto nacionta atacayänanpä kanqanta Tayta Dios profëta Jeremíasta willanqan kaychömi qellqashqa kaykan:
14
«Egipto runakuna, ¡shumaq alistakuyay! ¡Maytsay markaykikunachömi espädawan wanutsiyäshunki! Tsayta willayay Migdol, Menfis y Tafnes markakunachö täraq runakunata.
15
Törri niraq Apis diosnikikuna ¿imanirtä yanapayäshunkitsu? ¿Imanirtä tsay diosnikikuna ichiraykantsu? ¡Tsaytaqa noqa Tayta Diosmi kumaskirqü!
16
«Soldäduykikunapis ñitinakurrä ishkirmi niyanqa: «¡Llapantsik qeshpir markantsikman kutikushun! Maychömi yurirqantsik, tsayman aywakushun. Kay wanutsinakuypita qeshpir aywakushun».
17
Markanman kutirnam niyanqa: «Mandamaqnintsik rey Faraónqa shimillanmi. Manam ima ruraytapis puëdinnatsu».
18
«Noqapa jutï llapanta mandaq Yahweh. Llapanpä mandaq rey karmi jutïchö jurar nï: Lädun jirkakunapita Tabor jirka mas jatun kanqannö y lamar kuchunchö Carmelo jirka llapanpita mas jatun kanqannömi Egipto runakunapa contrankuna llapanpitapis mas munayyuq kayanqa.
19
Egipto runakuna, prësu apayäshunaykipä alistakuyay. Menfis markapis tsunyaykarmi quëdanqa. Raqällana kaptinmi pipis täyanqanatsu.
20
«Kuyayllapä becërrunömi Egipto nación kaykan. Tsaynö kaykaqta kaninanpämi norti kaq lädupita upukrukuna shamuykan.
21
Egipto runakuna minkakuyanqan soldädukunapis wera becërrunömi kaykäyan. Paykunapis upukrupita qeshpiqnömi pelyapita qeshpiyanqa. Egipto runakunata castigar ushakätsinä junaq chaykämunnam.
22
«Jächawan muntita tsaquqnömi contrankuna atacar Egipto runakunata wanutsiyanqa. Tsaynö atacayaptinmi culebra qeshpiqnörä qeshpiyanqa.
23
Tsay contran runakunam shatayashqa muntikunatapis tsaquyanqa. Yupaytapis mana atipaypä chukllushkunapitapis mas atskam kayanqa.
24
Egipto runakuna norti kaq lädu nación runakunapa poderninchönam quëdayanqa. Tsaynö karmi pasaypa penqakuyanqa».
25
Israel runakunata kuyaq y llapanta mandaq Tayta Diosmi nin: «Noqam castigashä Tebas markachö adorayanqan dios Amónta y Egiptuchö adorayanqan wakin dioskunatapis. Tsaynöllam castigashä Egipto runakunapa autoridäninkunata, Faraónta y payman yärakuqkunatapis.
26
Tsaymi Babilonia nacionpa mandaqnin rey Nabucodonosorpa y soldädunkunapa poderninman paykunata churashä. Peru tsaypita atska wata päsaskiptinmi sïqa unay täyanqannöna Egiptuchö yapay tranquïlu täyanqa. Noqa Tayta Diosmi tsaynö nï».
27
«Jacobpita miraq sirvimaq runakuna, ama mantsariyaytsu. Karu nacionman apayäshunqaykipitam qamkunata y qamkunapita miraqkunata jipiyämushayki. Pipis manana mantsatsiyäshuptikim nacionnikichö tranquïlu kawayanki.
28
Jacobpita miraq sirvimaq runakuna, ama mantsariyaytsu. Noqaqa qamkunawanmi kaykä. Nacionnikipita qarqushqa karpis qamkunataqa manam ushakätsiyäshaykitsu. Peru poderninchö tsararäyäshuqniki nacionkunatam sïqa ushakätsishä. Ima kaptinpis jutsata rurayanqaykimanmi castigayäshayki. Mana castigarqa manam dëjayäshaykitsu. Noqa Tayta Diosmi tsaynö nï».
← Chapter 45
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 47 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52