bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 38
Jeremiah 38
Quechuan QXO (Biblia en Quechua del sur de Conchucos)
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 39 →
1
Matánpa tsurin Sefatías, Pasurpa tsurin Gedalías, Selemíaspa tsurin Jucal y Malquíaspa tsurin Pasurmi wiyayarqan llapan runakunapa puntanchö Jeremías willakunqanta. Willakurmi nirqan:
2
«Tayta Diosmi nin: «Kay markachö quëdaqkunaqa wakinmi guërrachö wanuyanqa, wakinkunam mallaqaywan wanuyanqa y wakinnam pesti qeshyawan wanuyanqa. Peru kaypita qeshpir Babilonia runakunaman juntakaqkunam sïqa kawayanqa».
3
«Mastam Tayta Dios nin: «Babiloniapa mandaqnin reymi soldädunkunawan kay markata vincir poderninchö tsararäyanqa».
4
Jeremías tsaynö willakunqanta wiyarmi tsay autoridäkuna reyman aywaykur niyarqan: «Kay runata wanutsishun. Tsaynö parlarqa kaychö kaykaq soldädukunata y llapan runakunatapis mantsariykätsinmi. Nacionnintsik alli kananta kay runa manam munantsu, sinöqa desgracia chämunantam munan».
5
Niyaptinmi rey Sedequías nirqan: «Makikikunachömi kaykan. Imatapis yarpäyanqaykita rurayay. Wanutsiyta munayaptikipis manam michayta puëdïtsu».
6
Tsaynö niptinmi reypa tsurin Malquíaspa mitu pözunman waskawan watarkur Jeremíasta jitarpuyarqan. Tsay pözuqa carcelpa patiunchömi karqan. Tsay pözuchö atska mitu kaptinmi Jeremíasqa ruriyaq jatikarqan.
7
Etiopía runa Ebed-melecmi musyarqan Jeremíasta pözuman jitarpuyanqanta. Payqa palaciuchö autoridämi karqan. Benjamín Punku kaqchönam reyqa sesionta ruraykarqan.
8
Palaciupita rey kaqman aywaykurmi Ebed-melec nirqan:
9
«Tayta rey, profëta Jeremíasta mitu pözuman jitar tsay runakuna pasaypa mana allitam rurayashqa. Tsaychöqa mallaqaypitachi wanunqa. Mikuypis markachö manam kannatsu».
10
Tsaynö niptinmi Ebed-melecta rey nirqan: «Kimsa chunka (30) runakunata pushakurkur ayway profëta Jeremías manarä wanuqta jipiyämunaykipä».
11
Tsaymi runakunata pushakurkur Ebed-melec aywarqan reypa palaciunchö makwa röpakuna churaräkunan kaqman. Tsaypita ratashkunata apakurkur aywarmi Jeremíasta waskawan tsay ratashkunata jitaparqan.
12
Jitaparmi Ebed-melec Jeremíasta nirqan: «Waska mana nanatsishunaykipä tsay ratashkunata ikishnikiman watakuy». Ninqannöllam Jeremías watakurqan.
13
Shumaq watakuskiptinnam waskawan sutaypa pözupita jipiyämurqan. Tsaypitanam carcelpa patiunchö Jeremías wichqararqan.
14
Tsaypita juk junaqmi templuman yaykuna kimsa kaq punkuman rey Sedequías profëta Jeremíasta qayatsirqan. Tsaychömi nirqan: «Imatapis mana llullapämaypa rasun kaqta willamay».
15
Tsaymi Jeremías nirqan: «Tayta rey, rasun kaqta willaptï wanutsimankichi. Yätsiptïpis manam cäsumankitsu».
16
Tsaynö niptinmi rey Sedequías jurarnin nirqan: «Manam wanutsishaykitsu ni wanutsiyta munayäshuqniki runakunapa makinmanpis dëjashaykitsu. Tsay ninqäta cumplinäpämi kawayta qomaqnintsik Tayta Diospa jutinchö jurä». Wakinkuna mana wiyayänanpämi rey Sedequías shapshapyayllapa tsaynö jurarqan.
17
Tsaymi Sedequíasta Jeremías nirqan: «Israel runakunata kuyaq y llapanta mandaq Tayta Diosmi nin: «Babiloniapa mandaqnin rey mandamunqan capitankunaman juklla entregakuptikiqa manam qamtapis ni castaykikunatapis wanutsiyäshunkitsu. Tsaynö ruraptiki kay markatapis manam rupatsiyanqatsu.
18
Paykunaman mana entregakuptikim sïqa Babilonia soldädukuna yaykamur kay markata rupatsiyanqa. Tsaynö rurayaptin qampis manam qeshpinkitsu».
19
Tsaymi Sedequías nirqan: «Babilonia soldädukunaman aywarqa paykunapa makinkunachö kaykaq Judá mayintsikkuna maqayämänantam mantsarï».
20
Niptinmi Jeremías nirqan: «Taytay rey, Tayta Dios nikäshuptikiqa cäsukuy. Cäsukurqa paykunapa makinman manam chankitsu, sinöqa allim kawanki.
21
Mana aywaptikiqa kay markata ushakätsiyänanpä kanqantam Tayta Dios musyatsimashqa.
22
Palaciuykichö quëdaq llapan warmikunatam Babiloniapa mandaqnin rey mandamunqan capitankuna apayanqa. Salvayta mana puëdiptikim tsay warmikuna niyäshunki: «Pasaypa allim amïguykikuna ¿aw? ¡Llullapäyäshurnikim traicionayäshurquyki! ¡Mituman jatikashqanö kaptiki manam mayqanpis yanapayäshurquykitsu!»
23
Rey Sedequíasta mastam Jeremías nirqan: «Tayta rey, warmikikuna y tsurikikuna llapanmi Babilonia soldädukunapa makinchö kayanqa. Qampis qeshpiyta mana puëdirmi Babiloniapa mandaqnin reypa poderninchö prësu kanki. Paymi soldädunkunata mandanqa kay markatapis rupatsiyänanpä».
24
Tsaynö niptinmi Jeremíasta Sedequías nirqan: «Autoridäkuna wanutsiyäshunaykita mana munarqa nimanqaykita ama pitapis willaytsu.
25
Parlanqantsikta musyaskirmi autoridäkuna tapuyäshunki. Tsaynöllam niyäshunki llapan nimanqaykita mana willaptiki wanutsiyäshunaykipä kanqanta.
26
Tsaynö niyäshuptiki parlanqantsikta imatapis ama willaytsu. Tsaypa rantinqa ninki Jonatánpa wayinman prësu mana kutitsinäpä y tsaychö mana wanunaykipä rugakamanqaykita».
27
Rey ninqannöllam llapan autoridäkuna Jeremías kaqman aywaykur tapuyarqan. Tapuyaptinpis rey yachatsinqannöllam Jeremías nirqan. Jeremíaswan rey parlayanqanta mayqanpis mana wiyashqa karmi imatapis mana parlakuypa witikuyarqan.
28
Jerusalénman Babilonia soldädukuna yaykuyanqan junaqyaqmi carcelpa patiunchö Jeremías prësu karqan.
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 39 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52