bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 51
Jeremiah 51
Quechuan QXO (Biblia en Quechua del sur de Conchucos)
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
1
Tayta Diosmi nin: «Imaykatapis ushakätsiq shukukuy vientutanömi contrankunata mandamushä Babilonia runakunata ushakätsiyänanpä.
2
Tsay junaqmi Babilonia runakunata maytsaypitapis atacayanqa. Trïgu päjata jurquitawan jitaqnömi runakunata nacionninpita qarquyanqa. Tsaymi tsay nacionchö ni juk runallapis täyanqanatsu.
3
«Atacaq soldädukuna, Babilonia soldädukunata mana kuyapaypa chipyaq ushakätsiyay. Flëchankunata alistakuyänanta ama dëjayaytsu. Pelyayänanpä chalëcunkunata jatikuyänantapis ama dëjayaytsu.
4
Wanutsiyaptikim Babilonia nación markakunapa cällinkunachö ayakuna mashtaräyanqa.
5
Llapanta mandaq Tayta Dios karmi Israel runakunata y Judá runakunata mana qonqaypa yanapashä. Kuyaqnin santu Tayta Dios kaykaptïpis rabyatsiyämarmi nacionninchö pasaypa jutsata rurayarqan. Tsaynö kaptinpis paykunapa favorninmi shärishä.
6
«¡Kuyanqä runakuna, Babilonia nacionpita aywakuyay! ¡Imanöpapis qeshpir aywakuyay! ¡Jutsankunapita castïgu shamuptin mana wanuyänaykipä qeshpir aywakuyay! Paykunata pasaypa castiganä junaq chämushqanam. Tsaymi jutsata rurayanqanman castigashä.
7
«Babilonia runakunaqa qoripita rurashqa cöpanömi makïchö kayashqa. Rabyaynïqa tsay cöpachö shinkatsikuq vïnunömi kashqa. Tsaymi Babilonia runakuna atacayaptin maytsay nacionkuna machashqa runakunanö löcuyäyashqa.
8
«¡Babilonia ushakashqanam! ¡Illaqpitam ushakashqa! ¡Babilonia nacionpä llapaykikuna waqayay! ¡Däñakunqanta jampiyänanpä ima jampillatapis ashiyay! Jampiyaptiki capazchi allinqapis.
9
«Babiloniachö taykaq Judá runakunam niyanqa: «Babilonia nacionta imanöpa jampirpis manam allïtsiyarqütsu. Jutsa rurayanqankunapis ciëluyaqmi chashqa. Dëjaskir nacionnintsikkunaman llapantsik kutikushun.
10
Tayta Dios allim yanapamarquntsik. Tayta Diosnintsik imanö yanapamanqantsikta willakunantsikpä Siónman llapantsik aywashun».
11
«Media nacionpa mandaqnin reykuna, ¡soldäduykikuna flëchankunata afilakuyätsun! ¡Guërrachö tsapakuyänan escüdunkunatapis alistakuyätsun! ¡Babilonia nacionta ushakätsiyänanpä aywayätsun! Babilonia runakuna templüta ushakätsiyanqanpitam paykunatapis chipyaq ushakätsishä.
12
¡Babilonia markapa murällanta juchuratsir atacaq yaykuyänanpä bandërata ichïtsiyay! ¡Soldäduykikuna atskaq kayätsun trocanakuyänanpä! ¡Rikachakuqkunatapis entërupa churayay! ¡Pakakuykur atacayänaykipä shumaq alistakuyay! Babilonia runakunata imanöpa ushakätsinäpä yarpanqänöllam paykunata ushakätsishä.
13
«Babilonia runakuna, jatusaq mayukuna kuchunkunachö täyaptikipis y imayka riquëzayuq kayaptikipis ushakäyänaykipä höra chämushqanam. Kanan kayanqaykinö manam imaypis kayankinatsu».
14
Llapanta mandaq Tayta Diosmi kikinpa jutinchö jurar nin: «Contraykikunatam atska chukllushkunatanörä yuritsimushä. Tsaymi vinciyäshurniki kushikuypita qayaräyanqa».
15
Tayta Diosmi poderninwan kay patsata kamashqa. Yachaq kayninwanmi kay munduta takyatsishqa. Yarpayyuq kayninwanmi ciëlutapis kamashqa.
16
Pay mandaptinmi ciëluchö kaykaq yakupis qayarämun, pukutaypis patsapa kuchunpita shärimun, tamyanqan höra illaqukuypis chipikyämun y vientupis churaräkunanpita yarqamun.
17
Runakunaqa llapanpis upanö karmi imatapis mana tantiyaq kaykäyan. Ïdulukunata rurayanqanpitam penqakuyanqa. Tsay ïdulukunaqa manam imatapis rurayantsu. Runakuna yärakuyaptinpis manam pitapis yanapayanqatsu.
18
Tsay ïdulukunaqa asipaypämi kayan. Tayta Dios castiganan junaqmi tsay ïdulukuna ushakäyanqa.
19
Jacob yärakunqan Tayta Diosqa manam ïdulukunanötsu. Paymi llapan imaykatapis kamashqa. Herencian kanantsikpämi akramarquntsik. Jutinpis llapanta mandaq Yahwehmi.
20
Mastam Tayta Dios nin: «Babilonia runakuna, qamkunaqa martillünö y guërrachö pelyapä armänömi kayanki. Qamkunawanmi nacionkunata y reykuna mandanqankunata ushakätsï.
21
Qamkunawanmi caballukunatapis muntaraqnintinta y guërra carrëtakunata manijaqnintinta ushakätsï.
22
Qamkunawanmi ushakätsï runakunata, warmikunata, rukukunata, wamrakunata, jövinkunata y jipashkunatapis.
23
Qamkunawanmi ushakätsï üshayuqkunata üshantinta, yuntakunata barbichaqnintinta y autoridäkunatapis yanapaqnintinta.
24
«Babilonia runakunaqa Sión runakunata alläpam ñakatsiyashqa. Tsaynö ñakatsiyanqantaqa kikikikunam rikayarquyki. Tsaymi Babilonia runakunata pasaypa castigashä. Noqa Tayta Diosmi tsaynö nï.
25
«Noqa Tayta Diosmi nï: Babilonia nación, qamqa ushakätsikuq jirkanömi kanki. Llapan nacionkunatam ushakätsinki. Tsaymi qampa contrayki kaykä. Jatun jirkata juchutsir ushakätsiqnömi qamtapis castigar ushakätsishayki. Ushakätsiptïmi ninawan rupashqa jirkanö kanki.
26
Imayyaqpis tsunyaqllam kanki. Qamchö kaykaq rumikunata wayipa cimientupä ni pirqanpäpis manam pipis apanqatsu. Noqa Tayta Diosmi tsaynö nï».
27
¡Babiloniaman pelyaq aywayänanpä maytsaychöpis bandërata jawiyätsun! ¡Entëru nacionchö cornëtata tukayätsun! ¡Pelyayänanpä llapan runakuna alistakuyätsun! ¡Ararat, Mini y Askenaz nacionkunapis pelyaq aywayätsun! ¡Pelyachö mandananpä capitanta churayätsun! ¡Muntädu aywaqkunapis atska chukllushkunanörä aywayätsun!
28
¡Llapan nacionkunapis alistakuyätsun atacaq yaykuyänanpä! ¡Tsaynölla Media nación reykuna, capitankuna, autoridäkuna y tsaychö kaykaq llapan runakuna alistakuyätsun!
29
Babilonia runakunataqa yarpanqannöllam Tayta Dios castiganqa. Tsaymi kay patsapis pasaypa mantsarir tsuktsukyan. Babilonia nacionta chipyaq ushakätsiptinmi pipis tsaychö täranqanatsu.
30
Babilonia soldädukuna mananam pelyayta munayanqanatsu. Murallashqa markankunallachömi pakaräkuyanqa. Kallpankunapis pasaypam ushakanqa. Imayka warminömi pasaypa mantsariyanqa. Marka murällapa punkunkunata pakiskirmi contrankuna yaykuyanqa. Yaykuskirmi wayikunatapis rupatsir ushayanqa.
31
Babilonia nacionpa mandaqnin reyta willayänanpämi qatinakurrä aywayanqa. Chaykurmi willayanqa contrankuna vincir markanman yaykuyanqanta,
32
mayu päsakuyänan vädukunachöpis juntaraykäyanqanta, amparakuyänan wayikunata rupaykätsiyanqanta y llapan soldädunkunapis pasaypa mantsakashqa kaykäyanqanta.
33
Israel runakunata kuyaq y llapanta mandaq Tayta Diosmi nin: «Babilonia nacionqa ërachö trillatsiyänanpä qoturaykaq trïgunömi. Babilonia runakunapä castïgu chämunanpänam kaykan».
34
Jerusalén runakunam niyanqa: «Babilonia nacionpa mandaqnin rey Nabucodonosormi kanikuq allqunö rachiyämar ushakätsiyämashqa. Imayka jäkuq plätutanömi jaqiyämashqa. Lamarchö mantsariypä pescädunömi ultayämashqa. Munanqan kaqta pacha junta mikuskirmi lanzayämashqa.
35
Noqakunata atacayämanqannölla kikin Babilonia runakunatapis atacayätsun. Castäkunata wanutsiyanqannölla kikinkunatapis wanutsiyätsun».
36
Tsaymi Jerusalén runakunata Tayta Dios nin: «Noqa juzgarmi contraykikunata pasaypa castigashä. Paykunata castigarmi mayukunata y pashtaq yakukunatapis chipyaq tsakitsishä.
37
Castigaptïmi Babilonia marka pasaypa juchutsishqa quëdanqa. Munti ashmakunallanam tsaychö täyanqa. Tsayta rikarmi runakuna espantashqa umanta awikuyanqa. Manam pï runapis tsaychö täranqanatsu.
38
«Babilonia runakunaqa leonkuna qayaraqnörämi qayaräyan. Llullu leonkunanörämi waqayanpis.
39
Mallaqäyanqan höram juk banquëtita paykunapä churapäshä. Tsay banquëtichö mikur upyarmi machashqa punukuyanqa. Tsaypitaqa manam imaypis rikchayämunqanatsu. Noqa Tayta Diosmi tsaynö nï.
40
Camalman pishtayänanpä ashmakunata apayanqannömi Babilonia runakunatapis wanutsinäpä apashä. Üshakunata, carnërukunata y chïvukunata apayanqannömi apashä.
41
«¡Pïmaypis alabanqan Babilonia runakuna vincishqanam kayanqa! Tsaynö kaykaqta rikarmi llapan nación runakuna pasaypa espantakuyanqa.
42
Lamar yaku laqchikachar maytsayman juntanqannömi Babiloniaman contrankuna juntayanqa.
43
Babilonia markakunapis pasaypam ushakäyanqa. Mantsariypä desiertum kanqa. Pipis mana täränan y pipis mana purinanmi kanqa.
44
«Babilonia runakunapa diosnin Beltapis castigashämi. Llapan mikunqankunatapis lanzatsimushämi. Tsaymi mayqan nación runakunapis tsay diosta adoraq aywayanqanatsu. Babiloniapa murällankunapis chipyaqmi juchunqa.
45
«Kuyanqä runakuna, Babiloniapita qeshpir aywakuyay. Kawayta munarqa imanöpapis qeshpir aywakuyay. Pasaypa rabyarmi nina rupaqnörä Babiloniata ushakätsishä.
46
«Pïmaypis parlayanqa autoridäkuna wanutsinakuyanqantam. Cada watam tsay parlakuna juknö juknö kanqa. Tsaynö parlayaptinpis ama mantsariyaytsu ni llakikuyaytsu.
47
«Babiloniachö ïdulukunata ushakätsinäpä kaq junaq chämunqanam. Tsay ïdulukunata ushakätsiptïmi entëru nacionchö penqakuychö kayanqa. Runakunapa ayankunapis markankunachömi jitaräyanqa.
48
Norti lädupita shamurmi Babilonia nacionta ushakätsiyanqa. Tsaymi ciëlupis, kay patsapis y kay patsachö llapan imayka kaqkunapis kushikuypita cantayanqa. Noqa Tayta Diosmi tsaynö nï.
49
Babilonia runakuna tsaynö ushakäyanqa Israel runakunata y juklä nación runakunatapis wanutsiyanqanpitam.
50
«Wanuypita qeshpiq Judá runakuna, mana ichiypa qeshpir Babiloniapita aywakuyay. Nacionnikipita karuchö karpis noqa Tayta Diosnikita yarpäyämay. Jerusalén markata ama qonqayankitsu.
51
Qamkunam pasaypa llakikuykäyanki Babilonia runakuna santu templüman yaykur manakaqman churayanqanpita. Imaykata ashlliyäshuptikim pasaypa penqakur umaykikunatapis tsapakuyanki.
52
Tsaymi noqa Tayta Dios nï: Babiloniachö ïdulukunata ushakätsinäpä manam imapis faltannatsu. Entëru markakunachömi runakuna nanaywan qayaräyanqa.
53
Babilonia runakunaqa ciëluyaqmi marka murällata shäritsiyashqa. Tsaynö kaptinpis contrankunata mandaptïmi ushakätsiyänanpä yaykuyanqa. Noqa Tayta Diosmi tsaynö nï.
54
«Babilonia ushakanqanpita llakikur qayaräyanqanmi maytsaychöpis wiyakämunqa.
55
Babilonia runakunata noqa Tayta Diosmi ushakätsishä. Vientuwan atska yaku qayaraqnörämi contrankuna pasaypa qayarar ushakätsiyanqa. Cällikunachö ima büllapis mananam kanqanatsu.
56
«Noqa Tayta Diosmi mana allikunata rurayanqanman llapanta castigashä. Tsaymi Babilonia runakunatapis castiganäpä contrankunata mandamushä. Babiloniata atacarmi pelyayta yachaq soldädunkunatapis prësu tsariyanqa. Flëchankunatapis pakirmi ushayanqa.
57
Babilonia runakunatam castigashä mandaqninkunata, yachaq runakunata, capitanninkunata, autoridäninkunata y soldädunkunatapis. Pasaypa machashqanö punurmi imaypis rikchayämunqanatsu». Tsaynömi nin mandamaqnintsik rey. Jutinpis llapanta mandaq Yahwehmi.
58
Llapanta mandaq Tayta Diosmi nin: «Babilonia markapa murällan anchu kaptinpis chipyaqmi juchutsiyanqa. Jatusaq punkunkunatapis rupatsirmi ushayanqa. Tsay markata mejorayänanpä maytsay nación runakunata arutsiyanqanpis wallällam kanqa. Pasaypa ajyar aruyanqantapis ninam rupar ushanqa».
59
Juk runam Seraías jutiyuq karqan. Payqa Neríaspa tsurin y Maasíaspa willkanmi karqan. Seraíasqa rey Sedequíaspa yanapaqninmi karqan. Tsaymi rey Sedequías Seraíasta pushakurkur Babiloniaman aywarqan. Tsaynö aywarqan Judá nacionchö chusku watana rey kaykarmi. Seraíastam profëta Jeremías juk rölluta apatsirqan.
60
Tsay apatsinqan röllumanmi Jeremías qellqarqan Babilonia nacionta ima desgracia päsananpä kanqantapis. Babiloniata ima päsananpä kaqta Jeremías llapan ninqankunapis tsay rölluchömi qellqashqa kaykan.
61
Apatsirmi Seraíasta Jeremías nirqan: «Babiloniaman chaykur kay rölluta mana qonqaypa jinchipa liyipanki.
62
Liyipaskir Tayta Diosta mañakur ninki: «Tayta Dios, qammi nirquyki kay nacionta ushakätsinaykipä. Tsaymi runapis ni ima ashmapis kaychö kanqanatsu. Pasaypa tsunyaqmi imayyaqpis kanqa».
63
«Liyiyta ushaskirna kay rölluman rumita watarkur Éufrates mayuman jitarpunki.
64
Jitarpur ninki: «Kay jitanqä röllu jitarpukaqnömi Babiloniapis illakanqa. Tayta Dios castigaptinqa manam yapay imaypis kanqanman kutinqanatsu». Kayyaqllam Jeremías willakunqankuna qellqashqa kaykan.
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52