bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 23
Jeremiah 23
Quechuan QXO (Biblia en Quechua del sur de Conchucos)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 24 →
1
Tayta Diosmi nin: «¡Judá nacionpa mandaqnin rey y yanapaqninkuna! ¡Qamkunataqa mana kuyapaypam castigayäshayki! Qamkunaqa mana alli mitsikuqnö karmi üshänö kaykaq kuyanqä runakunata ushakätsiyanki y mashtakätsiyanki».
2
Tsaymi Israelta kuyaq Tayta Dios nin: «Kuyanqä runakunata cuidaqkuna, qamkunaqa üshäkunata mantsakätsirmi mashtakätsiyarquyki. Shumaq mana cuidayanqaykipitam qamkunata castigayäshayki. Noqa Tayta Diosmi tsaynö nï.
3
«Maytsaypa qarqushqa karpis üshäkunataqa kikïmi qorimushä. Markankunaman qorimuptïmi atskaman mirayanqa.
4
Tsaypitanam paykunata shumaq cuidayänanpä alli mitsikuqkunata churashä. Alli cuidayaptinmi mantsariyanqanatsu ni oqrakäyanqanatsu. Noqa Tayta Diosmi tsaynö nï».
5
Tayta Diosmi nin: «Tiempu chämuptinmi David castapita Renuevo niyanqan runa yurinqa. Paytam rey kananpä churashä. Munanqänö mandarmi kay nacionchö pïmaytapis alli rikanqa.
6
Paypa jutinmi kanqa Salvamaqnintsik Tayta Dios. Mandaq kanqan witsanmi Judá runakuna y Israel runakuna tranquïlu kawayanqa».
7
Tayta Diosmi nin: «Tsay witsanqa mananam pipis ninqanatsu: «Israel runakunata Egiptupita jipimuq Tayta Diospa jutinchömi jurä».
8
Tsaypa rantinqa «Israel runakunata norti kaq lädu nacionman y entëru nacionkunaman qarqunqanpita qorimuq Tayta Diospa jutinchömi jurä» niyanqa. Qorimuptïmi kikinkunapa nacionninchöna täyanqa».
9
Kaychömi qellqashqa kaykan profëta tukuqkunapä Jeremías willakunqan. Pasaypa llakikuymi tsariman. Tullükunapis pasaypam siksikyan. Tayta Dios ninqanta musyarmi pasaypa mantsarir machashqanö kaykä.
10
Kay nacionchöqa atskaq runakunam adulteriu kayan. Mana allikunatam rurayan. Mana kuyapaypam runa mayinta ñakatsiyan. Tsaymi kay naciontapis Tayta Dios maldicionashqa. Maldicionaptinmi patsapis tsakishqa. Jirkakunachö qewakunapis tsakirmi ushakashqa.
11
Tayta Diosmi nin: «Llulla profëtakunanöllam sacerdötikunapis jutsata rurayan. Jutsata rurar kaykaqtam templüchöpis tarirqü.
12
Jutsata rurayanqanpitam paykunata castigashä. Tsakaychö llutska nänipa puriqnömi kayanqa. Tanqayaptin pasaypa kuchpakaqnömi kayanqa. Noqa Tayta Diosmi tsaynö nï.
13
«Samariachöpis profëtakuna llutantam willakuyarqan. Paykunaqa Baalpa jutinchö willakurmi kuyanqä Israel runakunata llutanta criyitsiyarqan.
14
Tsay profëtakunapitapis mas peormi Jerusalénchö kaykaq profëtakunaqa kaykäyan. Paykunaqa runayuq warmikunawanmi kakuyan, llullakuyan y mana alli ruraq runakunatam llutanta rurayänanpä parlapäyan. Sodoma y Gomorra markakunachö täraqkunanömi tsay profëtakunaqa jutsata ruraykäyan. Paykunata rikarmi wakin runakunapis jutsa rurayta jaqiyantsu».
15
Tsaynö kayanqanpitam llapanta mandaq Tayta Dios tsay profëta tukuqkunapä nin: «Jerusalénchö kaq profëtakuna llutanta rurayaptinmi entëru nacionchöpis llutan rurayta yachakuyashqa. Tsaynö kayanqanpitam pasaypa ayaq mikuyta mikutsiqnö y venenashqa yakuta uputsiqnö kay runakunata castigashä».
16
Llapanta mandaq Tayta Diosmi nin: «Tsay llullakuq profëtakuna willakuyanqanta ama chaskiyaytsu. Paykunaqa manakaqllamanmi yärakatsiyäshunki. Tsaynöllam willakuynïta willakuyänanpa trokin shonqunkuna yarpäyanqallanta willakuyan.
17
Mana cäsumaqkunata corrigiyänanpa rantinmi niyan: «Tranquïlu kawayänaykipämi Tayta Dios nin». Shonqun munanqannö jutsa ruraqkunatam niyan: «Qamkunataqa manam ima desgraciapis päsayäshunkitsu».
18
«Tsay llulla profëtakunaqa manam mayqanpis puntäman shayämushqatsu imata ninqätapis wiyayänanpä. Manam mayqanpis ninqäta willakunanpä chaskikushqatsu.
19
Mangäda tamya y shukukuy vientu imatapis ushakätsinqannömi noqapis pasaypa rabyar tsay runakunata ushakätsishä.
20
Llapan yarpanqäkunata manarä ruraptïqa rabyaynï manam päsanqatsu. Tiempu päsaskiptinrämi tsaykunata tantiyayanki.
21
«Tsay llulla profëtakunataqa manam mandamurqätsu. Willakuyänanpäpis manam minkakurqütsu. Peru paykunaqa maytsaypa aywarmi noqapa jutïchö willakuykäyan.
22
Willanakunqäta rasunpa wiyashqa karqa ninqätam kuyanqä runakunata willayanman karqan. Ninqäta willakuyaptinqa jutsa rurayta dëjaskir allitanam rurayanman karqan».
23
Tayta Diosmi nin: «Noqaqa maytsaychömi kaykä. Tsaymi Jerusalénpita karuchö o cercachö kayaptinpis noqaqa tsaychö kaykä.
24
Noqapita ¿pirä pakakunman? Ciëluchö y patsachöpis kaykämi. Noqa Tayta Diosmi tsaynö nï.
25
«Noqaqa musyarqümi tsay profëtakuna llullakur jutïchö manakaqkunata willakuyanqanta. Mana revelaykaptïmi paykunaqa niyan sueñuyninchö revelanqäta.
26
¡Imayyaqrä tsay profëtakuna llullakur kikinpa yarpayllanpita willakuyanqa!
27
Paykunaqa sueñuyanqallanta pitapis willakuptinmi kuyanqä runakuna qonqayäman. Tsaynöllam unay castankunapis Baalta adorar qonqayämarqan.
28
«Tsay llulla profëtakuna sueñuyanqanta willakuyta munarqa willakuyätsun. Rasunpa kaq profëtakunaqa revelanqä willakuynïta willakuyätsun. Päjanpita trïgu mas välinqannömi willakuynïqa ima suëñupitapis mas välin.
29
Noqapa willakuynïqa ninanömi y rumita pakiq combanömi. Noqa Tayta Diosmi tsaynö nï».
30
Tayta Diosmi nin: «Llulla profëtakunataqa manam rikaytapis munätsu. Paykunaqa llulla profëta mayinkuna parlayanqallantam jutïchö willakuyan.
31
Paykunaqa mana revelaykaptïmi shiminta mishkitsir manakaqkunata parlayan.
32
Tsaynöllam «sueñuynïchömi parlapämashqa» nir kuyanqä runakunata pantatsiyan. Tsaynö kayaptinmi paykunataqa rikaytapis munätsu. Tsay profëtakunata manam mandarqütsu ni willakuyänanpäpis nirqütsu. Tsaymi imanö willakuyaptinpis kuyanqä runakunapä välintsu. Noqa Tayta Diosmi tsaynö nï.
33
«Jeremías, pï runapis, profëtakunapis o sacerdötikunapis imata ninqäta tapuyäshuptiki willanki paykunata jaqinäpä kanqanta.
34
Sacerdöti, profëta o mayqan runa karpis «Tayta Diosmi revelamashqa» nir llullakuptinqa castantintam castigashä.
35
Llullakuypa willakunanpa rantin reqinakunqantapis o castankunatapis tapukunman rasunpa kaq profëta imata ninqantapis.
36
«Mana musyarqa pipis ama nitsuntsu noqa revelanqäta. Pipis llullakur tsaynö niptinqa castigashämi. Mana revelaykaptï tsaynö niqkunaqa willakuynïtam manakaqman churayan. Imayyaqpis kawaq llapanta mandaq Tayta Diosniki karmi tsaynö nï.
37
«Tsaynö kaptinqa imata ninqätapis musyayta munarqa rasunpa kaq profëtata tapukuyay.
38
Mana revelashqa kaykaptïqa ama niyaytsu qamkunata revelanqäta. Tsaymi rasunpa kaq profëtata tapukuyänaykipa trokin «revelamashqam» nir llullakuyaptikiqa
39
castigayäshayki. Unay castaykikunata entreganqä markapitapis karumanmi qarquyäshayki.
40
Tsaynö qarquptïmi imaypis penqakuychö kayanki. Qamkunata castigayanqätaqa manam imaypis qonqayankitsu».
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52