bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 48
Jeremiah 48
Quechuan QXO (Biblia en Quechua del sur de Conchucos)
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 49 →
1
Kaychömi qellqashqa kaykan Moab nación runakunapä Tayta Dios ninqan. Israel runakunata kuyaq y llapanta mandaq Tayta Diosmi nin: «¡Nebo marka llakipaypämi kanqa! Tsay markata pasaypam ushakätsiyanqa. Quiriataim markatapis vinciptinmi penqakuychö kanqa. Alli sigurashqa kaptinpis chipyaqmi juchutsir ushayanqa.
2
Moab nación puëdiq kanqanta mananam pipis parlanqanatsu. Contran runakunam willanakuyanqa Hesbón markachö imatapis mana dëjaypa ushakätsiyänanpä. Madmena markatapis guërrawanmi chipyaq ushakätsiyanqa.
3
Tsaymi runakuna qayarar niyanqa: «¡Llapan markatam ushakätsiyashqa!» Tsaynö qayaräyämunqanmi Horonaim markapita wiyakämunqa.
4
«Moab naciontam pasaypa ushakätsiyanqa. Nanatsikur wamrakuna qayaräyanqanpis wiyakanqam.
5
Luhit cuestapapis waqaraykarmi witsäyanqa. Horonaim bajädachöpis pasaypa llakikur waqayanqanmi wiyakanqa.
6
Wanuyta mana munaq kaqqa, ¡imanöpapis qeshpir aywakuyay! ¡Desiertuchö pakakuyay!
7
Qamkunaqa soldäduykikunaman y rïcu kayanqaykimanmi yärakuyanki. Tsaynö kayaptikipis contraykikuna shamurmi vinciyäshunki. Quemos diosnikikunatapis apayanqam. Sacerdötikunata y autoridäkunatapis prësum apayanqa.
8
Contraykikuna shamur llapan markaykikunatam ushakätsiyanqa. Manam ni juk markallapis qeshpinqatsu. Qechwachö y jallqachö kaykaq markakunatapis llapantam ushakätsiyanqa. Noqa Tayta Diosmi tsaynö nï.
9
«Moab nación mana ushakänanpä ¡imanöparä älallanpis yuriskinman pärir aywakunanpä! Llapan markankunata ushakätsiyaptin mananam pipis tsaychö täyanqanatsu.
10
¡Munanqäta rurayänanpä mandaykaptï janan shonqulla ruraqkunatam maldicionashä! ¡Espädawan wanutsiyänanpä nikaptïpis mana wanutsiqkunatam maldicionashä!
11
«Moabita runakunaqa imaypis tranquïlum täyashqa. Manam imaypis nacionninpita juk läduman prësu aywayashqatsu. Paykunaqa kaykäyan kanqallanchö imaypis wiñaraq vïnunömi. Tsay vïnupa sabornin y mushkuynin imaypis kanqannöllam kaykan. Tsaynöllam moabita runakunapis kanqannölla imaypis kaykäyan.
12
Tsay vïnuta juk urpuman talliyänanpämi runakunata mandashä. Tsay jäkatsiyanqan urputam pakir ushayanqa.
13
Salvayta mana puëdiptinmi moabita runakunaqa Quemos diosninpita penqakuyanqa. Israel runakuna Bet-elchö ïduluman yärakuyanqanpita penqakuyanqannömi paykunapis penqakuyanqa.
14
«Moabita runakuna, ama niyaytsu valienti runa kar guërrachö pelyayänaykipä listu kayanqaykita.
15
Nacionniki ushakashqam kanqa. Markaykikunapis raqällanam quëdanqa. Allinnin jövinkunatapis chipyaqmi wanutsiyanqa. Rey karmi tsaynö nï. Noqapa jutïqa llapanpä llapanta mandaq Yahwehmi.
16
«Moabita runakunata desgracia päsananpä pöcullanam faltan. Paykuna ushakäyänanpä tiempu chaykämunnam.
17
Lädun nacionkunachö täraq runakuna, Moab nacionpä llakikuyay. Poderösu kanqanta musyaqkuna, tsay nacionpä niyay: «¡Allaw, pipis mana vincinqan Moab nacionmi pasaypa ushakashqa!»
18
«Dibón marka runakuna, Moab nacionnikita ushakätsiyänanpämi runakuna shamuykäyan. Amparakuyänayki markakunatapis chipyaqmi ushakätsiyanqa. Tsaynö kaykaptinqa orgullösu kayänaykipa trokin humillakuyay.
19
«Aroer markachö täraqkuna, nänikunapa rikachakuyay. Qeshpiykaqkunata tapukuyay ima päsanqantapis.
20
Tapukuyaptikim niyäshunki: «¡Moab nacionnintsiktam ushakätsiyashqa! ¡Qayarayparä waqayay! ¡Arnón mayu witsanpapis aywaykur willakuyay nacionnintsikta ushakätsiyanqanta!»
21
«Pampachö kaykaq markakunatam desgracia päsanqa. Tsay markakunam kaykan Holón, Jahaza, Mefaat,
22
Dibón, Nebo, Bet-diblataim,
23
Quiriataim, Bet-gamul, Bet-meón,
24
Queriot, Bosra y Moabchö llapan markakuna. Karuchö o cercachö kaqtapis llapantam desgracia päsanqa».
25
Tayta Diosmi nin: «Moab nacionqa manam munayyuqnatsu kanqa. Puëdiq kanqanpis ushakanqanam.
26
Moabita runakunaqa conträmi kayashqa. Kananqa machashqa runakunanö tsanka tsanka purir ishkiyätsun. Lanzayanqan jananchö qoshpayätsun. Paykunata pïmaypis asipäyätsun.
27
«Moabita runakuna, Israel runakunata manakaqmanmi churayarqayki. Suwakuykaqta tariqnöpis pasaypam despreciayarqayki.
28
Kananqa markaykikunapita qeshpir machaykunachöna täyay. Qaqachö qeshunta ruraq palumanö qamkunapis täyay.
29
Qamkunaqa runa tukur pïmaytapis mana respitaqmi kayanki. Tsaynöllam orgullösu y yachaq tukuq kayanki. Tsaynö kayanqaykitam pïmaypis musyayan».
30
Tayta Diosmi nin: «Noqa musyämi runa tukuyanqaykita. Runa tukurpis manam defiendikuyta puëdiyankitsu. Vinciyänaykipä alabakuyaptikipis vinciyäshunkim.
31
Tsaymi Moab nacionnikipä pasaypa waqashä. Kir-hares markachö täraq runakunapäpis llakikushämi.
32
«Sibma marka, üva chakraykikuna atskam kaykan. Lamarpa wak tsimpanyaq y Jazer markayaqmi kaykan. Tsaynö kaptinpis cosechanaykipä üvakuna manam kanqanatsu. Tsaymi qampä y üva chakraykikunapäpis waqashä. Jazer markapä waqanqäpita masrämi waqashä.
33
«Moab nacionchö chakrankuna alli chakra kaptinpis runakuna kushikuyanqan y asikuyanqan mananam wiyakanqanatsu. Cosëcha manana kaptin wiñaräkunanchö vïnupis manam kanqanatsu. Vïnuta rurayänanpä üva jaruqkunapis manam kayanqanatsu. Manam kushikur cantutapis cantayanqanatsu.
34
Hesbón markachö waqayanqanqa Eleale markayaq y Jahaza markayaqmi wiyakanqa. Nimrimchö yaku tsakiptinmi Zoar markachöpis qayararrä waqayanqa. Tsay waqayanqanqa Horonaim markayaq y Eglat-selesiyá markayaqmi wiyakanqa».
35
Tayta Diosmi nin: «Diosninta adorar ashmakunata altarkunachö rupatsiyanqanpita y inciensiuta qoshnitsiyanqanpitam moabita runakunata ushakätsishä.
36
Tsaynö kaptinmi pampakuychö këna waqaqnörä llapan shonqüwan moabita runakunapä waqashä. Riquëzankuna ushakaptinmi Kir-hares markachö täraq runakunapäpis waqashä.
37
Llapan runakunam llakikurnin aqtsankunata qalla putuypa rutukuyanqa. Shaprankunatapis chipyaqmi rutukuyanqa. Makinkunatapis llapanmi roqukuyanqa. Tsaynöllam lütu röpatapis jatikuyanqa».
38
Tayta Diosmi nin: «Moabita runakunam wayinkuna jananchö y cällikunachöpis waqayanqa. Tsaynö waqayanqa jaqrash uyllutanö ushakätsiptïmi.
39
«¡Moab nacionpä waqayay! ¡Chipyaqmi ushakätsiyanqa! ¡Penqakurmi umpuräkuyanqa! Moabita runakuna ushakäyanqanta musyaskirmi lädun nacionkunachö täraq runakunapis kushipar manakaqman churayanqa».
40
Tayta Diosmi nin: «Älanta qoriskir anka illaqpita chipshata tsarinqannömi moabita runakunataqa contrankuna illaqpita ushakätsiyanqa.
41
Moabita runakunapa markankunata y amparakuyänan wayinkunatapis ushakätsiyanqam. Tsay junaqmi moabita soldädukuna pasaypa mantsariyanqa. Qeshyaq warmita nanay tsariptin mantsarinqannömi mantsariyanqa.
42
Moabita runakunaqa conträmi shäriyashqa. Tsaymi ushakätsiptï nacionnatsu kayanqa».
43
Tayta Diosmi nin: «Moabita runakunataqa mantsariyllam shuyaraykan. Tsaynöllam patsapa shiminnö y trampanö desgracia shuyaraykan.
44
Mantsariypita qeshpiq kaqmi uchkuman jeqanqa. Uchkupita yarquq kaqnam trampaman ishkinqa. Tsaynömi moabita runakunata castigashä. Noqa Tayta Diosmi tsaynö nï.
45
«Qeshpir aywaqkunaqa Hesbón markaman kallpaynaqmi amparakuyänanpä chäyanqa. Tsaynö kaptinpis rey Sehónpa markan Hesbóntaqa ninam rupar ushanqa. Entëru Moab jirkakunata ruparmi tsay mana alli runakuna täyanqan wakin markakunatapis rupar ushanqa.
46
«¡Allaw, imanörä kayanki, moabita runakuna! ¡Quemos diosta adoraq runakunam ushakäyanqa! ¡Tsurikikunatapis ollquta warmita prësu tsarirmi apayanqa!
47
Peru watakuna päsaskiptinmi moabita runakunata nacionninman kutitsimushä. Noqa Tayta Diosmi tsaynö nï». Moab nación runakunata Tayta Dios castigananpä ninqan kaychömi ushan.
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 49 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52