bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 49
Jeremiah 49
Quechuan QXO (Biblia en Quechua del sur de Conchucos)
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
1
Kaychömi qellqashqa kaykan amonita runakunapä Tayta Dios ninqan. «Gad trïbupa markankunachömi amonita runakuna taykäyan. Milcom diosta adoraqkunam Gad trïbu runakuna täyanqanta duëñu tukuyashqa. ¿Maytä Israelpita miraq Gad runakuna? ¿Manaku pillapis kan imankunawanpis quëdayänanpä?
2
«Rabáchö taykaq amonita runakuna guërrachö qayaräyanqan wiyakämunqanam. Markankunata nina rupaptin wayinkunapis raqällanam quëdanqa. Tsayrämi amonita runakuna tsararäyanqanpita Israel runakuna markankunata qoriyanqa. Noqa Tayta Diosmi tsaynö nï.
3
«¡Hesbón runakuna, Hai marka ushakanqanpita waqayay! ¡Milcom diostawanmi sacerdötinkunatapis prësu apayanqa! ¡Milcompa jutinchö mandaq autoridäkunatapis prësum apayanqa! Rabáchö taykaq warmikuna, ¡lütu röpata jatikurkur waqayay! ¡Löcuyaykaqnörä markaykichö waqar cörrikachäyay!
4
«Mana cäsukuq amonita runakuna, ¿imanirtä imaykayuqpis kayanqaykita alabakuyanki? Qamkunaqa imaykayuqpis kayanqaykimanmi yärakuykäyanki. Tsaymi yarpäyanki pipis mana atacayäshunaykipä kanqanta.
5
Tsaynö yarpäyaptikipis maytsaypitam contraykikuna shamur atacayäshunki. Pasaypa mantsarirmi jukniki juknikipis wakpa kaypa qeshpir aywakuyanki. Kutitsiyämushunaykipäpis manam pipis kanqatsu. Llapanta mandaq Tayta Dios karmi tsaynö nï.
6
«Tsaynö päsanqanpita watakuna päsaskiptinqa amonita runakunata maytsaypitapis nacionninmanmi kutitsimushä. Noqa Tayta Diosmi tsaynö nï».
7
Kaychömi llapanta mandaq Tayta Dios edomita runakunapä ninqan qellqashqa kaykan. «Temán markachö yachaqkuna ¿mananaku kayanna? Yätsikuqkunapis ¿mananaku kayanna? Yachaqkunapis ¿llapan yachayanqanta qonqaskiyashqanaku?
8
«¡Dedán marka runakuna, qeshpir aywakuyay! ¡Uchkukunamanpis pakakuyay! Esaúpita miraq runakuna täyanqan naciontam ushakätsishä. Paykunata castiganäpä junaq chämushqanam.
9
«Üva pallaqkuna ¿manaku juk ishkay sarta üvakunata yuranchö dëjayan? Paqaspa suwa yaykurpis ¿manaku puëdinqan kaqllata apan?
10
Peru noqam sïqa Esaú runakunapa imaykantapis chipyaq qechushä. Mayman pakakuyaptinpis tarishämi. Tsurinkunata, castankunata y vecïnunkunatapis chipyaq ushakätsiptïmi pipis quëdanqanatsu.
11
Edomchö quëdaq waktsakunata noqanam wätashä. Viüdakunatapis noqanam yanapashä».
12
Tayta Diosmi nin: «Jutsaynaq runakunapis ñakayänanpä kaykaptinqa qamkunaqa jutsaykikunapita masrämi ñakayanki. Cöpachö wiñaraykaq castïgutaqa imanöpapis upuyänaykim.
13
Noqa Tayta Dios kikïpa jutïchö jurarmi nï: Bosra markatapis atacayanqam. Pasaypa maldicionädu karmi tsunyaq raqälla quëdanqa. Tsayta musyarmi wakin runakuna pasaypa mantsariyanqa y wakinnam asipäyanqa. Tsaynöllam Edomchö kaq wakin markakunapis chipyaq juchutsishqa imayyaqpis kanqa».
14
Edom nacionta castigananpä kanqanta Tayta Diosmi tantiyatsimashqa. Nacionkunaman mandamunqan willakuqmi nin: «¡Pelyayänaykipä shumaq alistakuyay! ¡Edomita runakunata atacayänaykipä aywayay!»
15
Tayta Diosmi edomita runakunata nin: «Wakin nacionkunapitapis mas wallkalla kayänaykipämi castigayäshayki. Pïmaypis manakaqman churayäshunaykipämi permitishä.
16
Qaqa uchkukunachömi taykäyanki. Altunnin jirkakunachö anka taqnömi taykäyanki. Tsaynö taykäyaptikipis tsaypitam jitarpayämushayki. Runa tukuyanqayki manam imapäpis välinqatsu. Noqa Tayta Diosmi tsaynö nï.
17
«Edom nación ushakanqanmi pasaypa mantsariypä kanqa. Tsaynö castiganqäta rikaykurmi llapanpis tsaypa päsaqkunaqa äyakashqa rikaräyanqa.
18
Sodoma, Gomorra y ñöpankunachö kaykaq markakuna ushakäyanqannömi ushakanqa. Tsaynö ushakätsiptïmi Edom nacionchö pipis täyanqanatsu. Noqa Tayta Diosmi tsaynö nï.
19
«Jordán mayu kuchun muntipita yarqamuq leonnömi kashä. Alli qewachö mikuykaq ashmata tsariq leonnömi noqapis illaqpita castigashä. Tsaymi edomita runakuna mantsarirnin qeshpir aywakuyanqa. Tsaypitanam akranqä runata mandaqnin rey kananpä churashä. ¿Pirä noqanö kanman? ¿Pirä noqawan churanakunman? ¿Pï autoridärä noqata pärapamanman?
20
«Edomita runakunapä willakatsinqäta llapaykikuna wiyayay. Temán markachö täraqkunata castiganäpä ninqäta shumaq wiyayay. Tsaychö täraqkunatam wamrantinta prësu apayanqa. Entëru naciontam pasaypa ushakashqata jaqiyanqa.
21
Edom marka tsaynö ushakaptinmi maytsaychöpis patsa kuyunqa. Pasaypa qayaräyanqanpis Puka Lamaryaqmi wiyakanqa.
22
Edompa contrankuna Bosra markamanmi yaykuyanqa. Imayka anka älanta qorirkur chipshaman aywaqnörämi yaykuyanqa. Edompa soldädunkunapis tsay junaqqa wachay nanaywan warmi tsuktsukyaqnörämi tsuktsukyäyanqa».
23
Kaychömi qellqashqa kaykan Damasco marka runakunapä Tayta Dios ninqan. «Hamat markachö y Arfad markachö täraqkuna mala noticiata wiyarmi pasaypa mantsakashqa kayanqa. Löcuyashqanö karmi ima ruraytapis puëdiyanqanatsu.
24
«Damascuchö täraqkunapis kallpaynaqnam kayanqa. Qeshpiyta munarpis pasaypa mantsarirmi puëdiyanqatsu. Pasaypa llakikurmi tsuktsukyäyanqa. Nanaypis qeshyaq warmita tsariqnörämi paykunatapis tsarinqa.
25
«Damasco markaqa pïmaypäpis reqishqa markam. Tsay markaqa noqatapis kushikatsimarqanmi. Tsaynö kashqa karpis pasaypa tsunyaqmi quëdanqa.
26
Tsay junaqmi jövinkuna cällikunachö wanushqa jitaräyanqa. Llapan soldädukunapis wanurmi ushakäyanqa. Llapanta mandaq Tayta Dios karmi tsaynö nï.
27
Damasco markapa murällankunatapis rupatsishämi. Tsaymi rey Ben-adadpa palaciunkunapis rupar ushakanqa».
28
Kaychömi Cedar runakunapä y Hazor runakunapä Tayta Dios ninqan qellqashqa kaykan. Tsay runakunatam Babiloniapa mandaqnin rey Nabucodonosor vincir ushakätsirqan. «¡Cedar runakunata aywar atacayay! ¡Rupay yarqamunan kaq läduchö taqkunata chipyaq ushakätsiyay!
29
¡Toldunkunatawan ashmankunata apayay! ¡Toldunkunapa cortïnankunata y imayka tsararäyanqankunatapis apayay! ¡ Camëllunkunatapis qechur apayay! ¡Maytsaychöpis mantsariypä kanqanta niyay!
30
«¡Hazorchö täraqkuna, qeshpir karupa aywakuyay! ¡Uchkukunamanpis pakakuyay! Babilonia nacionpa mandaqnin rey Nabucodonosormi atacayäshunaykipä alistakushqana kaykan. Noqa Tayta Diosmi tsaynö nï».
31
Babilonia soldädukunatapis Tayta Diosmi nin: «Hazor runakunata tranquïlu kawakuykaqta atacayay. Paykunaqa manam murallashqa markachötsu taykäyan. Ni washänanpäpis manam pïninpis kantsu.
32
Camëllunkunata y ashmankunatapis suwayay. Llapllanta rutukuq runakunataqa maytsaymanmi qarqushä. Maytsaypitam ñakaykunatapis paykunaman chätsimushä. Noqa Tayta Diosmi tsaynö nï.
33
«Hazor parti tsunyaq tikraptinmi chacalkunalla tsaychö täyanqa. Manam pï runapis täyanqanatsu ni patsakuyanqanatsu».
34
Sedequías Judá nacionpa mandaqnin rey kayman yaykunqan witsanmi Elam nación imanö kananpä kanqantapis Tayta Dios profëta Jeremíasta willar nirqan:
35
«Llapanta mandaq Tayta Dios karmi nï: Flëchawan pelyayta shumaq yachayaptinpis Elam runakunapa soldädunkunata ushakätsishämi.
36
Imayka shukukuy vientutanömi maytsaypitapis soldädukunata atacayänanpä mandamushä. Tsay soldädukunataqa Elam runakuna pärapuyta manam puëdiyanqatsu. Tsaymi maytsay nacionkunamanpis amparakuq qeshpiyanqa.
37
Atacaqnin soldädukunapa puntanchömi Elam runakuna pasaypa mantsarir tsuktsukyäyanqa. Rabyar castigaptïmi pasaypa ñakayanqa. Tsaymi guërrachö wanur llapan ushakäyanqa. Noqa Tayta Diosmi tsaynö nï.
38
«Elampa mandaqnin reyta y autoridäninkunata ushakaskatsirmi tsaychö kikï mandashä. Noqa Tayta Diosmi tsaynö nï.
39
Watakuna päsaskiptinnam Elam runakunata markankunaman kutitsimushä. Noqa Tayta Diosmi tsaynö nï».
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52