bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 50
Jeremiah 50
Quechuan QXO (Biblia en Quechua del sur de Conchucos)
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
1
Kaychömi qellqashqa kaykan caldeo runakuna täyanqan Babilonia nacionpä profëta Jeremíaswan Tayta Dios willakatsinqan.
2
«Entëru nacionkunachö willakuyay. Ninqäkunata maytsaychöpis musyatsiyay. Pïmaypis musyananpä bandërata jawiyay. Juktapis mana qonqaypa willakuyay: «¡Babilonia nacionta vinciyashqanam! ¡Bel diosninpis penqakurmi kaykan! ¡Merodac diosninpis pasaypa mantsakashqam kaykan! ¡Ïdulunkunapis penqakur mantsakashqam kaykäyan!»
3
«Babilonia nacionta atacayänanpämi norti kaq lädupita juk nación runakuna shamuykäyan. Paykuna chämurmi llapanta tsunyätsiypa ushayanqa. Runakunapis ni ashmakunapis manam kayanqanatsu. Tsaychö täraqkunaqa llapanmi qeshpir aywakuyanqa».
4
Tayta Diosmi nin: «Tsay witsanmi Israel runakunawan Judá runakuna Tayta Diosnin kanqäta tantiyakuyanqa. Tsaymi markankunaman waqaraykar kutimur perdonta mañakayämanqa.
5
Siónman aywaq nänipam tapukuraykar kutiyämunqa. Kutiyämurmi niyanqa: «Tayta Diosta cäsunantsikpä llapantsik templuman aywar paywan pactuta rurashun. Tsay pactuta imaypis cumplishun».
6
«Kuyanqä runakunaqa oqrakashqa üshakunanömi kayashqa. Autoridäninkuna llutanta rurar kawayaptinmi jirkachö oqrakashqa üshanö puriyashqa. Jirkakunapa purirmi kunchantapis qonqaykuyashqa.
7
Tsaynö puriykaqta tarirmi pipis mikukurkuyashqa. Contrankunam niyashqa: «Paykunaqa unay castankuna yärakuyanqan Tayta Diosta manam cäsuyantsu. Llapan munayanqanta alistapaptinpis manam cäsuyantsu. Tsaymi paykunata atacarpis jutsatatsu ruraykantsik, sinöqa Diosnin munanqannömi atacaykantsik».
8
«¡Kuyanqä runakuna, Babiloniapita qeshpir aywakuyay! ¡Üshakunapa puntanta chïvu aywaqnö qamkunapis runakunapa puntanta aywayay!
9
Noqam permitishä Babiloniata atacayänanpä. Norti lädupitam munayyuq nacionkuna willanakuskir atacaq aywayanqa. Atacaqninkunam flëchawan wanutsir Babilonia runakunata vinciyanqa.
10
Babilonia runakunapa imaykankunatam apayanqa. Apaytapis mana puëdiyanqanyaqmi qoriyanqa. Noqa Tayta Diosmi tsaynö nï.
11
«Babilonia runakuna, kuyanqä runakunata ushakätsir pasaypam kushikuyarqayki. Alli qewachö pacha junta ternëranörämi kushishqa saltaykachäyarqayki. Caballu wijijinqannörämi asikachäyarqayki.
12
Tsaynö kashqa karpis yuriyanqayki nación ushakaptinmi pasaypa penqakuyanki. Nacionnikiqa wakin nacionpita mas peormi quëdanqa. Desiertunö tsunyaqmi kanqa.
13
Pasaypa rabyar ushakätsiptïmi nacionnikichö pipis täyanqanatsu. Tsayta rikarmi runakuna pasaypa mantsakashqa kayanqa.
14
«Babilonia runakunaqa jutsata rurarmi rabyatsiyämashqa. ¡Paykunata atacayänaykipä entërunpa jiruruparäyay! ¡Flëchaykikunawan mana kuyapaypa flëchayay!
15
¡Entërupa jirurupaykur atacar qayaräyay! ¡Babilonia vincishqanam! ¡Rikachakuna törrinkunapis ishkishqanam! ¡Murällankunapis juchushqanam! Imanömi qamkunata rurayäshurqayki, tsaynö kikinkunatapis rurayay. Noqa castigaptïmi Babilonia runakunata tsaynö atacayanki.
16
«¡Babiloniachö murukuqkunatapis llapanta wanutsiyay! ¡Mikuy qoriqkunatapis llapanta ushakätsiyay! Babiloniaman prësu apayanqan runakunapis nacionninkunaman kutikuyätsun. Babiloniachö mantsariypä guërrata rikar markankunaman qeshpir aywakuyätsun.
17
«Israel runakunaqa jirkachö oqrakashqa üshanömi kaykäyan. Ñöpataqa Asiria nacionpa mandaqnin reymi mallaqashqa leonnö paykunata wanutsishqa. Tsaypitam Babilonia nacionpa mandaqnin rey Nabucodonosor tullunkunatapis pakir ushashqa».
18
Israel runakunata kuyaq y llapanta mandaq Tayta Diosmi nin: «Asiria nacionpa mandaqnin reyta castiganqänömi Babilonia nacionpa mandaqnin reyta y nacionninta castigashä.
19
Israel runakunataqa nacionninmanmi kutitsimushä. Üshata mitsiqnömi Carmeluchöpis, Basánchöpis, Efraín jallqakunachöpis, Galaadchöpis paykunata cuidashä.
20
Tsay tiempu chämuptinmi Israel runakunata y Judá runakunata llapan jutsankunapita perdonashä. Kawaykar quëdaqkunataqa llapantam perdonashä. Noqa Tayta Diosmi tsaynö nï».
21
Tayta Diosmi nin: «Babilonia nacionpa contrankuna, ¡Merataim partichö täraqkunata atacayay! ¡Pecod partichö täraqkunatapis ushakätsiyay! ¡Tsay partikunachö täraqkunata chipyaq wanutsiyay! ¡Ninqätaqa llapanta rurayay!
22
Entëru Babilonia nacionchömi mantsariypä guërra wiyakanqa. Mantsariypämi imaykapis ushakanqa.
23
«Martilluwan imaykatapis pakir ushanqannömi maytsay nacionkunata Babilonia runakuna ushayashqa. Kananqa kikin Babilonia nacionpis ushakanqam. Babilonia ushakanqanta rikar maytsay nación runakunam pasaypa espantayanqa.
24
«Babilonia runakuna, qamkunata castiganäpämi trampata churaparqü. Mana tantiyakuypam tsay trampaman ishkiyarquyki. Rabyanätsiyämanqaykipitam wataraykaqtanö contraykikuna tsariyäshurqayki.
25
«Guërra armäkuna churaräkunantam kicharqü. Wanutsikuq armäkunatam tsaypita jipimurqü. Babilonia naciontaqa yarpanqänöllam castigashä. Llapanta mandaq Tayta Dios karmi tsaynö rurashä.
26
«¡Karupita shamuq soldädukuna, Babilonia runakunata atacayay! ¡Tröjankunatapis ushakätsiyay! ¡Nacionninkuna raqällana kananpä ushakätsiyay! ¡Ama imapis markankunachö quëdatsuntsu!
27
¡Soldädunkunatapis llapanta wanutsiyay! Paykunata castiganä junaq chämushqanam.
28
«¡Shumaq wiyayay! Babiloniapita Siónman qeshpimuqkunam willakuykäyan Babilonia runakunata ushakätsinqäta. Babilonia runakunatam ushakätsirqü templüta ushakätsiyanqanpita.
29
«¡Babiloniata atacayänaykipä flëchawan flëchaqkunata qoriyay! ¡Pipis mana qeshpinanpä entëru marka kuchunpa tsapaskiyay! ¡Rurayanqanmannö paykunatapis rurayay! ¡Imanömi jukta rurarqan, tsaynö paykunatapis rurayay! Paykunaqa conträmi shäriyashqa. Noqaqa Israel runakunapa santu Tayta Diosninmi kä.
30
Castigaptïmi llapan jövinkuna cällikunachö wanushqa mashtaräyanqa. Tsay junaqmi llapan Babilonia soldädukunapis wanuyanqa. Noqa Tayta Diosmi tsaynö nï.
31
«Llapanta mandaq Tayta Dios karmi nï: Mana cäsukuq runakuna, qamkunapa contraykim kaykä. Qamkunata castiganäpä kaq junaq chämushqanam.
32
Qamkunaqa pasaypam ñakayanki. Ñakayaptikipis manam pipis yanapayäshunkitsu. Llapan markaykikunata rupatsiptïmi lädun chakrakunatapis rupar ushanqa».
33
Llapanta mandaq Tayta Diosmi nin: «Israel runakunatawan Judá runakunatam Babilonia runakuna pasaypa ñakaykätsiyan. Paykunata prësu tsariskir manam dëjayta munayantsu.
34
Tsaynö kaptinpis noqaqa paykunapa poderösu salvadorninmi kä. Jutïpis llapanta mandaq Tayta Diosmi. Podernïwan jipimurmi tranquïlu kawayänanpä nacionninman kutitsishä. Peru Babilonia runakunatam sïqa pasaypa castigashä».
35
Tayta Diosmi nin: «¡Babilonia markakunachö guërralla katsun! ¡Mandakuqninkunapä y yachaq runakunapäpis guërralla katsun!
36
¡Adivïnunkunapis guërrawan löcuyäyätsun! ¡Soldädunkunapis guërrawan mantsarir tsuktsukyäyätsun!
37
¡Caballunkunatapis carrëtankunatapis guërrachö ushakätsiyätsun! ¡Babiloniata yanapaq juklä soldädukunapis warminö mantsariyätsun! ¡Babilonia runakunapa imaykantapis atacaqkuna apayätsun!
38
¡Babiloniachö mayukunapis tsakiyätsun! Llapanpis tsaynö päsatsun entëru Babiloniachö ïdulukuna kanqanpita. Tsay mana väliq ïdulukunaman yärakurmi juiciuynaq kaykäyan.
39
«Babilonia ushakaptinmi munti ashmakunalla, chacalkunalla y avestruzkunalla tsaychö täyanqa. Tsaychö mananam imaypis wayita ni markatapis shäritsiyanqanatsu.
40
Sodoma, Gomorra y ñöpankunachö kaykaq markakuna ushakäyanqannömi ushakanqa. Tsaynö ushakätsiptïmi Babilonia nacionchö pipis täyanqanatsu. Noqa Tayta Diosmi tsaynö nï.
41
«Norti kaq lädu poderyuq nacionpita shayämunanpämi soldädukunapis reykunapis alistakuykäyan. Pasaypa karupitam shayämunqa.
42
Paykunaqa flëchankunawan y espädankunawanmi kaykäyan. Mana alli runa karmi pitapis kuyapäyantsu. Pelyarpis lamar yaku laqchikachar qayaraqnörämi qayaräyan. Caballun muntashqallam guërrata rurayänanpä kaykäyan. ¡Babilonia runakuna, atacayäshunaykipämi shayämunqa!
43
Tsayta musyaskirmi Babilonia nacionpa mandaqnin rey pasaypa mantsakar ima ruraytapis puëdinqatsu. Qeshyaq warmita nanay tsarinqannömi pasaypa llakikuy tsarinqa.
44
«Jordán mayu kuchun muntipita yarqamuq leonnömi kashä. Alli qewachö mikuykaq ashmata tsariq leonnömi noqapis illaqpita castigashä. Tsaymi Babilonia runakuna mantsarirnin qeshpir aywakuyanqa. Tsaypitanam akranqä runata mandaqnin rey kananpä churashä. ¿Pirä noqanö kanman? ¿Pirä noqawan churanakunman? ¿Pï autoridärä noqata pärapamanman?
45
«Babilonia runakunapä willakatsinqäta llapaykikuna wiyayay. Babiloniachö täraqkunata castiganäpä ninqäta shumaq wiyayay. Tsaychö täraqkunatam wamrantinta prësu apayanqa. Entëru naciontam pasaypa ushakashqata dëjayanqa.
46
Babilonia marka tsaynö ushakaptinmi maytsaychöpis patsa kuyunqa. Pasaypa qayaräyanqanpis maytsay nacionmanmi wiyakanqa».
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52