bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 9
Jeremiah 9
Quechuan QXO (Biblia en Quechua del sur de Conchucos)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 10 →
1
¡Imanöparä weqï yakunörä kanman! ¡Ñawïpis pukyunörä kanman! Tsaynö kaptinqa marka mayïkunata wanutsiyanqanpitam paqaspa junaqpa llakikur waqäman.
2
¡Pillarä desiertuchö tsukllallatapis ruraykamunman! Tsaychömi markäpita aywakur täküman. Marka mayïkunaqa Tayta Diosta manam cäsuyantsu ni awniyanqantapis manam cumpliyantsu.
3
Tayta Diosmi nin: «Kay nacionchöqa flëchata llutalla flëchaqnömi llutalla llullakuyan. Waran waranmi mas peorrä jutsata rurayan. «Tayta Diostam reqï» nirpis manam rasunpatsu reqiyäman.
4
«Paykunaqa manam runa mayinman ni wawqinmanpis yärakuyantsu. Amïgunwanpis llullapänakurmi tumpanakuyan. Tsay wawqilla kaykarmi engañanakuyan.
5
Juknin jukninmi llullapänakuyan. Rasun kaqtaqa manam imaypis parlayantsu. Jutsata rurayänallanpämi yarpachakuyan.
6
Llullapänakullar kawarmi reqimaytapis munayantsu. Noqa Tayta Diosmi tsaynö nï».
7
Tsaymi llapanta mandaq Tayta Dios nin: «Qanran yarqunanpä qorita tsullutsiqnömi kuyanqä runakunata corrigishä. Tsaynö mana corrigirqa ¿imatarä mas ruräman?
8
Paykuna parlayanqanqa alli afilashqa flëchanörämi. Imatapis rasuntanörämi pitapis criyitsiyan. Alli shimillanpa amïgunta parlaparpis shonqunchöqa rabyapaykäyanmi.
9
Tsaynö kayanqanta rikaykarqa ¿manatsurä castigäman? Tsaynö runakunaqa makïta yawayanqarämi. Noqa Tayta Diosmi tsaynö nï».
10
¡Jirkakunapämi pasaypa waqashä! ¡Chakrachö qewakunapämi waqaypä cantashä! Chipyaq rupatsishqa kaptinmi tsaykunapa pipis purinqanatsu. Törukuna büyanqanpis manam wiyakanqanatsu. Pishqukuna y chucaru ashmakunapis qeshpirmi aywakuyanqa.
11
Tayta Diosmi nin: «Chipyaq ushakätsiptïmi Jerusalén marka raqällana kanqa. Chacalkunallam tsaychö täyanqa. Judá nacionchö kaq wakin markakunatapis chipyaqmi ushakätsishä. Manam pipis tsay markakunachö tanqanatsu».
12
¿Imanirtä kay nación ushakashqa? ¿Imanirtä tsunyaqman tikrashqa? ¿Pitä yachaq kaykan imanir tsaynö päsanqantapis musyananpä? ¿Pitatä Tayta Dios tantiyatsishqa tsayta willananpä?
13
Tayta Diosmi nin: «Llapanpis tsaynö päsanqa leynïkunata mana cumpliyanqanpita, ninqäkunata mana cäsuyanqanpita y yätsinqänö mana kawayanqanpitam.
14
Cäsuyämänanpa rantinmi shonqunkuna yarpanqanta rurar unay castankunanölla Baal dioskunata adorayashqa».
15
Tsaymi Israel runakunata kuyaq y llapanta mandaq Tayta Dios nin: «Pasaypa ayaq mikuyta mikutsiqnö y venenashqa yakuta uputsiqnömi kay runakunata castigashä.
16
Unay castankunapis ni kikinkunapis mana reqiyanqan nacionkunamanmi paykunata qarqushä. Paykunamanmi soldädukunatapis mandashä espädawan wanutsiyaptin llapan ushakäyänanpä».
17
Llapanta mandaq Tayta Diosmi nin: «Imanir castiganäpä kanqantapis tantiyakuyay. Wanupakuychö waqapakuq warmikunata qayatsiyämuy. Shumaq waqay yachaqkunata ashiyämuy.
18
Rasyaypa shayämur nacionnikipä llakikur waqayätsun. Pasaypa waqayaptin qepshankunapapis weqinkuna jututsun.
19
Siónpitam wiyakämunqa llakikur waqayanqan. Tsaynö waqarmi niyanqa: «¡Chipyaq ushakashqam kaykantsik! ¡Pasaypa penqakuypämi kaykantsik! ¡Wayintsiktapis juchutsirmi ushayashqa! ¡Nacionnintsiktapis dëjarquntsiknam!»
20
Warmikuna, Tayta Dios ninqanta shumaq tantiyakuyay. Warmi wamraykikunata waqapakuq kayta yachatsiyay. Yanasaykikunatapis wanupakuy cantukunata yachatsiyay.
21
Wayintsikkunamanmi wanuy chämushqa. Palaciuntsikkunamanmi wanuy yaykamushqa. Cällikunachöpis wamrakunatam wanutsiyan. Pläzakunachöpis jövinkunatam wanutsiyan.
22
Tayta Diosmi nin: «Wanushqa runakunaqa ashmakunapa wanunnömi mashtaräyanqa. Trïgu manöjukunata pipis mana qoriptin jitaranqannömi jitaräyanqa».
23
Tayta Diosmi nin: «Yachaq runa yachaq kanqanpita ama alabakutsuntsu. Poderyuq runapis poderyuq kanqanpita ama orgullösu katsuntsu. Rïcu runapis rïcu kanqanman ama yärakutsuntsu.
24
Tsaypa rantinqa kushikuyätsun noqata reqimar Tayta Dios kanqäta tantiyayanqanpita. Noqaqa kuyapäkuq y kay patsachö allillata ruraqmi kä. Tsaynö reqimar tantiyakuyaptinmi kushikü. Noqa Tayta Diosmi tsaynö nï».
25
Tayta Diosmi nin: «Cuerpun señalakuqkunata y mana señalakuqkunatapis castiganäpä tiempu chaykämunnam.
26
Noqam castigashä Egipto runakunata, Judá runakunata, edomita runakunata, amonita runakunata y moabita runakunatapis. Tsaynöllam castigashä llapllanta rutukur desiertuchö täraqkunatapis. Tsay runakunaqa llapanpis señalanninömi kaykäyan. Israel runakunapis cuerpun señalashqa kaptinpis shonqunkunaqa señalannim kaykan».
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52