bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 32
Jeremiah 32
Quechuan QXO (Biblia en Quechua del sur de Conchucos)
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 33 →
1
Kaychömi qellqashqa kaykan Jeremíasta Tayta Dios ninqan. Tsay witsanqa Sedequías chunka watanam Judá nacionpa mandaqnin rey kaykarqan. Nabucodonosornam chunka puwaq watana Babiloniapa mandaqnin rey kaykarqan.
2
Tsay junaqkunam Babilonia nacionpa mandaqnin reypa soldädunkuna Jerusalénta jiruruypa tsaparaykäyarqan. Jeremíasnam reypa palaciunpa patiunchö prësu wichqaraykarqan.
3
Tsaychö prësu wichqaränanpä tsariskatsirmi rey Sedequías ollqutupar nirqan: «¿Imanirtä Tayta Diospa jutinchö willakur nikanki Babiloniapa mandaqnin rey Jerusalénta vincinanpä kanqanta?
4
Tsaynölla ¿imanirtä nikanki Babilonia soldädukuna prësu tsariyämar mandaqnin reyman entregayämaptin cära cära tinkuyänäpä kanqanta?
5
Tsaynöllam willakunki Babiloniaman prësu apayämaptin Tayta Dios munanqanyaq tsaychö tsararäyämänanpä kanqanta. ¿Imanirtä Tayta Diospa jutinchö willakunki Babilonia soldädukunata pärapurpis mana vincinantsikpä kanqanta?»
6
Tsay witsanmi Tayta Dios nimarqan:
7
«Tiyuyki Salumpa tsurin Hanameelmi shamur nishunki: «Anatotchö kaykaq chakräta rantikushayki. Legïtimu castä kaptikim tsay chakrä qampä kanman».
8
Tayta Dios nimanqannöllam prïmü Hanameel palaciupa sawanninchö prësu kaykanqäman watukamaq shamur nimarqan: «Anatotchö kaykaq chakräta rantikuykushayki. Legïtimu castä kaykarqa juklla rantiy». Tsaynö nimaptinmi tantiyarqä rantinäpä Tayta Dios kamakätsinqanta.
9
Tsaymi prïmü Hanameelpa chakranta rantir chunka qanchis qellayta pägarqä.
10
Manarä pägarmi papelta ruraskatsir tsayman firmar sëllarqä. Tsaynöllam testïgukunatapis firmatsirqä. Tsaypitanam aykatapis päganäpä parlayanqänölla pägarqä.
11
Ruratsinqä papelta pipis llutalla mana kichananpämi cërawan sigurapämarqan. Peru copia kaq papelmi sïqa siguranni karqan. Ishkan papelkunatam
12
Neríaspa tsurin y Maasíaspa willkan Baructa entregarqä. Tsaynö entregarqä prïmü Hanameelpa puntanchö, firmaq testïgukunapa puntanchö y patiuchö kaykaq Judá runakunapa puntanchömi.
13
Paykuna wiyaykäyaptinmi Baructa nirqä:
14
«Israel runakunata kuyaq y llapanta mandaq Tayta Diosmi nin: «Chakrata rantir ruratsinqan papelta copiantinta atska wata churararpis mana ismunanpä mitu mankaman churay.
15
Kay nacionchöqa yapaymi chakrata, wayita y üva chakratapis rantiyanki y rantikuyankipis. Israel runakunata kuyaq y llapanta mandaq Tayta Dios karmi tsaynö nï».
16
Neríaspa tsurin Baructa tsay papelkunata entregaykurmi Tayta Diosta mañakur nirqä:
17
«Tayta Dios, qamqa poderyuq karmi ciëlutapis kay patsatapis kamarqayki. Qampäqa manam imapis ajatsu.
18
Cäsushuqnikikunataqa maytsikaq kayaptinpis kuyankim. Peru jutsa rurayta mana jaqiqkunatam sïqa kikinta y tsurinkunatapis castiganki. Poderösu Tayta Diosmi kanki. Jutikiqa llapanta mandaq Yahwehmi.
19
Qam yarpanqaykikunaqa mana puëdiypämi. Llapan ruranqaykikunapis pasaypa allim. Rikaykankim runakuna imata rurayanqantapis. Tsaymi imatapis rurayanqanman yanapanki o castigankipis.
20
«Egiptupita Israel runakunata jipimurmi qamqa espantaypä kaqkunata rurarquyki. Tsaynöllam kananpis kay nacionchö y maytsay nacionkunachöpis espantaypä kaqkunata ruraykanki. Tsaymi poderyuq kanqaykita pïmaypis parlayan.
21
Pasaypa poderyuq karmi espantaypä kaqkunata rurarnin Egiptupita kuyanqayki unay castäkunata jipimurqayki. Imaypis mana rikayanqanta ruraptikim llapan runakuna pasaypa mantsariyarqan.
22
Tsaypitanam awninqaykinölla kay nacionta entregarqayki. Kaychöqa lichipis abëjapa mishkinpis yakunörämi atska kaykan.
23
«Peru kay nacionchö täkurnam cäsuyäshurqaykitsu. Leynikikunatapis manam cumpliyarqannatsu. Ninqaykita manam imatapis rurayarqannatsu. Tsaynö kayaptinmi paykunata kanan castigaykanki.
24
Tsaymi Babilonia soldädukuna kay markaman yaykayämunanpä murälla waqtankunapa allpata qotuyashqa. Markata jiruruparäyämuptinmi runakuna yarquyta mana puëdir wakinkuna mallaqaywan wanuyanqa y wakinnam pesti qeshyawan wanuyanqa. Babilonia soldädukuna markaman yaykuyämuptinnam wakin runakuna guërrachö wanuyanqa. Tsaynö vinciyämarmi poderninchö katsiyämanqa. Kay markata ima päsananpä kanqantapis ninqaykinöllam kanan päsaykan.
25
«Tayta Dios, ¿Babilonia soldädukunapa poderninchö kay marka kananpä kaykaptinku testïgukunapa rikananchö chakrata rantinäpä nimarquyki?»
26
Tsaynö mañakuptïmi Tayta Dios nimarqan:
27
«Noqaqa llapan kawaqkunapa Tayta Diosninmi kä. Tsaymi noqapäqa imapis ajatsu.
28
Babilonia nacionpa mandaqnin rey Nabucodonosorpa y soldädunkunapa poderninmanmi kay markata churashä. Paykunam poderninchö tsararäyanqa.
29
«Tsaymi Jerusalén markata jiruruparaykämuq Babilonia soldädukuna yaykaskamur wayikunata rupatsir ushayanqa. Tsaynöllam wayikuna jananchö Baalta adorar inciensiu qoshnitsikuyänankunatapis rupatsir ushayanqa. Tsay wayikunachömi Jerusalén runakuna pasaypa rabyanätsimar juk dioskunata adorar vïnutapis jichayarqan. Tsay wayikunaqa llapanpis ruparmi ushakäyanqa.
30
«Noqa Tayta Diosmi nï: Unaypitam Israel runakunawan Judá runakunaqa mana munanqäkunallata rurayashqa. Ïdulukunata ruraykur adorarmi pasaypa rabyatsiyämashqa.
31
Kay markachö täyanqan junaqpita hasta kananyaqmi pasaypa rabyatsiyämashqa. Tsaymi chipyaq ushakätsishä
32
llapanpis jutsata rurar rabyatsiyämanqanpita. Tsaynö rabyatsiyämashqa Israel runakuna, Judá runakuna, Jerusalénchö täraqkuna, mandaqnin reykuna, autoridäninkuna, sacerdötinkuna y profëtankunapis.
33
Paykunaqa manam imapäpis cuentayämashqatsu. Unaypita kutin kutin yachaykätsiptïpis y jutsa rurayta dëjayänanpä nikaptïpis manam wiyakuyashqatsu.
34
«Adorayämänan templutapis manakaqman churarmi ïdulukunata tsayman churayashqa.
35
Ben-hinom raqrachö altarkunata rurarmi Baal diosta adorayashqa. Moloc diostapis adorarmi tsay altarkunachö ollquta warmitapis tsurinkunata rupatsiyashqa. Tsayta rurayänanpä manam nirqätsu ni yarpayllapis yarparqätsu. Tsaynö rurarmi llapan Judá runakunata jutsata ruratsiyashqa.
36
«Qamkunam nikäyanki kay markachö wakin runakuna guërrachö wanuyänanpä kanqanta, wakinkuna mallaqaywan wanuyänanpä kanqanta y wakinkunana pesti qeshyawan wanuyänanpä kanqanta. Tsaynöllam nikäyanki Babilonia nacionpa mandaqnin rey vinciskir poderninchö katsiyäshunaykipä kanqanta. «Israel runakunata kuyaq y llapanta mandaq Tayta Dios karmi nï:
37
Niyanqaykinöllam kanqa. Pasaypa rabyarmi maytsay nacionkunaman qarquyäshayki. Tsaynö kaptinpis qamkunapita miraqkunatam tsay nacionkunapita qorimushä. Kay nacionman qoriskamurnam paykunata yanapashä shumaq kawayänanpä.
38
Paykunam kuyanqä runakuna kayanqa. Noqanam paykunapa Diosnin kashä.
39
Shonqunkunamanmi alli yarpayta churashä imaypis mantsapakamar munanqänö kawayänanpä. Tsaynöpam kikinkunapis y tsurinkunapis alli kawayanqa.
40
«Imayyaqpis yanapanäpämi paykunawan pactuta rurashä. Tsaynöllam paykunapa shonqunkunaman alli yarpayta churashä imayyaqpis noqallatana sirviyämänanpä.
41
Alli kawayänanpämi kushishqa yanapashä. Llapan shonqüwan kuyarnïmi plantata plantaqnö paykunata kay nacionchö tsararäshä. Tsay ninqätaqa cumplishämi.
42
Qamkunata castiganäpä ninqäta y yanapanäpä ninqätapis cumplishämi. Noqa Tayta Diosmi tsaynö nï.
43
«Qamkuna nikäyanki kay nación tsunyaqlla kananpä kanqanta y runapis ni ashmapis manana kananpä kanqantam. Tsaynöllam nikäyanki Babilonia soldädukuna poderninchö tsararäyäshunaykipä kanqanta. Niyanqaykinöllam rasunpa kanqa. Tsaynö kaptinpis noqaqa nï kay nacionchö runakuna yapay chakrayuq kayänanpä kanqantam.
44
Juklä nacionkunachö täyanqanpita kay nacionman qorimuptïmi chakrata yapay rantiyanqa y rantikuyanqa. Rantikurmi papelta ruratsirnin autoridäwan sëllatsiyanqa. Testïgukunawanpis firmatsiyanqa. Tsaynöqa rurayanqa Benjamín partichö, Jerusalén lädunkunachö, entëru Judá nación markakunachö, jallqakunachö, Sefelachö kaykaq markakunachö y Neguev parti markakunachöpis. Noqa Tayta Diosmi tsaynö nï».
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52