bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 40
Jeremiah 40
Quechuan QXO (Biblia en Quechua del sur de Conchucos)
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 41 →
1
Kaychömi qellqashqa kaykan Jeremíasta Tayta Dios ninqan. Jerusalén runakunatawan Judá runakunata cadënawan watarkurmi Ramá markaman soldädukuna qoriyarqan tsaypita Babiloniaman prësu apayänanpä. Jeremíastapis tsaychö wataraykaqta tariykurmi wardiakunapa capitannin Nabuzaradán
2
nirqan: «Kay markata desgracia päsananpä Tayta Diosniki ninqannöllam
3
cumpliykan. Pay ninqanta mana cäsur jutsata rurayanqanpitam marka mayikikunata tsaynö castigaykan.
4
«Cadënawan makipita wataraykaqta paskaskiptï manam prësunatsu kanki. Babiloniaman aywayta munaptikiqa aku aywakushun. Tsaychö alli kawanaykipämi noqa cuidashayki. Aywayta mana munarqa kaychö quëdakuy. Kay nacionchö maychöpis gustashunqaykichö täkuy.
5
«Kay nacionllachö quëdakuyta munarqa Ahicampa tsurin y Safánpa willkan Gedalías kaqman aywakuy Judá mayikikunawan tsaychö juntu tänaykipä. Gedalíastaqa Judá runakunapa gobernadornin kananpämi Babiloniapa mandaqnin rey churashqa. Kaychö quëdanaykipä o noqawan aywanantsikpäpis qampitam kaykan». Tsaynö nirmi mikuyta y qellayta qaraykur Jeremíasta dëjaskirqan.
6
Tsaypitanam Ahicampa tsurin Gedalías kaqman Jeremías aywakurqan. Paypa makinchömi Judáchö quëdaq runakunawan täkurqan.
7
Judá runakunapa wakin soldädunkuna y capitanninkuna Jerusalénpita karuchö täyaptinmi Babilonia soldädukuna prësu tsariyarqantsu. Paykunam musyayarqan Ahicampa tsurin Gedalíasta gobernador kananpä Babiloniapa mandaqnin rey churanqanta. Tsaynöllam musyayarqan Babiloniaman prësu mana aywaq ollqupis, warmipis y wamrakunapis Gedalíaspa makinchöna kayanqanta. Prësu mana aywaq runakunaqa pobri runakunam kayarqan.
8
Tsayta musyaskirmi mandanqan runakunata pushakurkur tsay capitankuna Gedalías kaqman aywayarqan. Gedalíasqa Mizpachömi kaykarqan. Tsay aywaq runakunam kayarqan Netaníaspa tsurin Ismael, Careapa tsurinkuna Johanánwan Jonatán, Tanhumetpa tsurin Seraías, Netofachö täraq Efaipa tsurinkuna, Maacatchö täraq runapa tsurin Jezanías y paykuna mandayanqan llapan runakuna.
9
Chaykuyaptinnam Ahicampa tsurin y Safánpa willkan Gedalías tsay capitankunata y paykunawan aywaqkunata nirqan: «Diospa jutinchömi qamkunata nï Babilonia runakunapa makinchö kayta mana mantsariyänaykipä. Babilonia nacionpa mandaqnin rey nimanqantsikta rurar allim kawashun.
10
Noqaqa kay Mizpachömi täshä Babilonia autoridäkuna shayämuptin qamkunapa favornikikuna parlanäpä. Qamkunaqa maychöpis täyanqaykichö üvata, hïgusta, dätilta y olïvuspita rurashqa aceitita wayikikunaman atskata qoriyay».
11
Tsaynöllam Moabchö, Amónchö, Edomchö y juklä nacionkunachö kaykaq Judá runakunapis musyayarqan Babiloniapa mandaqnin rey juk ishkay Judá mayinkunata jaqiyanqanta y Gedalíasta paykunapa gobernadornin kananpä churanqanta.
12
Tsayta musyaskirmi qeshpir aywakuyanqan nacionkunapita Judáchö kaykaq markankunaman kutiyämurqan. Kutimurmi Gedalíaswan parlayänanpä Mizpaman aywayarqan. Tsaypitanam markankunaman kutiykur üvata, hïgusta y dätilta atskata qoriyarqan.
13
Tsay junaqkunallanam Careapa tsurin Johanán y mana rindikuq soldädukunapa capitanninkunapis Mizpaman aywayarqan Gedalíaswan parlayänanpä.
14
Chaykurmi niyarqan: «Amón nación runakunapa mandaqnin rey Baalismi Netaníaspa tsurin Ismaelta wanutsishunaykipä mandamushqa». Tsaynö niyaptin Gedalías manam criyirqantsu.
15
Tsaymi Careapa tsurin Johanán pakayllapa Gedalíasta Mizpachö nirqan: «Manarä wanutsishunqaykiyaq pakayllapa aywar Netaníaspa tsurin Ismaelta wanuratsimushä. Tsayta manam ni pipis musyanqatsu. Wanutsishuptikiqa makikichö kaykaq llapan Judá mayintsikkunapis mantsakar maytsaypapis aywakurmi chipyaq ushakäyanqa».
16
Niptinmi Gedalías nirqan: «Ismaelpä ninqayki manam rasunpatsu. Payta ama wanutsiytsu».
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 41 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52