bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Jeremiah 52
Jeremiah 52
Quechuan QXO (Biblia en Quechua del sur de Conchucos)
← Chapter 51
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
1
Sedequías ishkay chunka juk (21) watayuq kaykarmi rey kayta qallaykurqan. Payqa chunka juk watam Jerusalénpita mandarqan. Mamanmi Libna markapita Jeremíaspa tsurin Hamutal karqan.
2
Sedequíaspis papänin Joacimnöllam Tayta Diosta mana cäsur jutsata rurarqan.
3
Tsaymi Tayta Dios rabyarnin Jerusalénchö täraq runakunata y Judá nacionchö täraq runakunata puntanpita qarqurqan. Tsaypitanam rey Sedequías Babilonia nacionpa mandaqnin reypa contran shärirqan.
4
Tsaymi rey Nabucodonosor llapan soldädunkunawan Jerusalén frentinman chaykur campamentuta rurayarqan. Tsaypitanam marka murälla waqtanpa allpata muntunatsiyarqan tsaypa yarkur atacayänanpä. Tsaynö päsarqan Sedequías puwaq wata rey kaykaptinmi. Nabucodonosor Jerusalénman chanqan junaq chunka kaq killachö chunka kaq junaqmi karqan.
5
Jerusalénta tsaynö jiruruypa tsaparäyarqan hasta Sedequías chunka juk wata mandar qallanqanyaqmi.
6
Runakuna mikuyänanpä imapis mana kaptinmi chusku kaq killachö isqun junaq kaykaptin
7
marka murällata uchkuskiyarqan. Babilonia soldädukuna markata jiruruypa tsaparäyaptinmi Jerusalénchö soldädukuna paqaspa qeshpirnin reypa huertanpa päsar ishkay murälla punkupa yarquyarqan. Tsaypitanam Arabá pampaman aywaq nänipa aywayarqan.
8
Tsaynö qeshpiykäyaptinmi Babilonia soldädukuna rey Sedequíasta taripaykur Jericó pampachö tsariyarqan. Tsaymi Sedequíasta soldädunkuna dëjaskir wakpa kaypa qeshpir aywakuyarqan.
9
Rey Sedequíasta tsaynö prësu tsariykurmi Babilonia nacionpa mandaqnin rey Nabucodonosorman apayarqan. Nabucodonosorqa Hamatchö kaykaq Ribla markachömi kaykarqan. Tsaychö juzgarmi
10
rey Sedequías rikaraykaptin tsurinkunata wanutsiyarqan. Tsaynöllam Judá nacionpa autoridäninkunatapis wanutsiyarqan.
11
Kikin Sedequíastanam ishkan ñawinkunata jipiskir cadënawan watarkur Babiloniaman prësu apayarqan. Tsaychömi wanunqanyaq prësu wichqararqan.
12
Nabucodonosor chunka isqun watana Babiloniapa mandaqnin rey kaykaptinmi pitsqa kaq killachö y chunka junaqchö Nabuzaradán Jerusalénman charqan. Nabuzaradánqa Nabucodonosorpa wardiankunapa capitanninmi karqan.
13
Jerusalénchömi Tayta Diospa templunta, reypa palaciunta, llapan wayikunata y autoridäkunapa despächunkunatapis kayar ushayarqan.
14
Tsaypitanam Jerusalén markapa murällankunatapis soldädukuna juchutsiyarqan.
15
Tsaypitanam Jerusalénchö quëdaq runakunata Babiloniaman Nabuzaradán prësu aparqan. Tsaynöllam aparqan wakin pobrikunata, Babilonia reypa janan shäriq runakunata y ñöpata mana apayanqan artesänukunatapis.
16
Mas pobri runakunatanam sïqa jinallanchö dëjarqan chakrakunata aruyänanpä y üvakunata uryayänanpä.
17
Tsaynöllam pakiyarqan templuchö broncipita rurashqa jatunkaray columnakunata, carrëtakunata y lamar niyanqan jatunkaray lavatoriuta. Tsaypitanam tsay pakiyanqan broncita Babiloniaman apayarqan.
18
Tsaynöllam apayarqan uchpa qorikuyänankunata, pälakunata, llipta jipikuyänankunata, tazonkunata, wishllakunata y wakin manëjukunatapis. Tsay manëjukunam broncipita rurashqa sacrificiukunata rupatsir manijayänanpä karqan.
19
Tsaynöllam capitán Nabuzaradán aparqan inciensiu qoshnitsikuyänankunata, shansha apakuyänankunata, tazonkunata, uchpa qorikuyänankunata, candilërukunata, wishllakunata, cöpakunata y llapantapis qoripita y qellaypita kaqkunata.
20
Apayanqan broncita manam pësaytapis puëdiyarqantsu. Tsay broncikunam karqan ishkay columnakunapita, lamar niyanqan jatunkaray lavatoriupita, lavatoriu jamaränanpä ruratsinqan chunka ishkay törukunapita y carrëtakunapita. Tsaykunataqa rey Salomónmi Tayta Diospa templunpä ruratsirqan.
21
Templu punkuchö columnakunaqa puwaq metrunö largum karqan. Rakunnam pitsqa metru pullannö karqan. Raktannam qanchis centïmetru karqan. Tsay columnakunaqa jäku shonqum karqan.
22
Columna puntanchömi ishkay metrunö broncipita rurashqa tumaypa adornun karqan. Tsay adornum entëru kuchunpa awashqa shikra niraq karqan. Shikrapita warkuränanpämi broncipita rurashqa granadïllakunapis karqan. Jukaq columnapis tsaynöllam karqan.
23
Cada columnachömi isqun chunka joqta (96) granadïlla adornukuna karqan. Puntanchö kaq adornuchömi pachak (100) granadïlla adornukuna karqan.
24
Mandaq sacerdöti Seraíastanam wardiakunapa capitannin Nabuzaradán prësu tsarirqan. Payta mandar yanapaqnin sacerdöti Sofoníasta y templu punkuta cuidaq kimsa runakunatapis prësu tsarirqan.
25
Tsaynöllam prësu tsarirqan soldädukunapa capitanninta, reyta yätsiq qanchis runakunata, soldädu kayänanpä tsariq capitanta y joqta chunka (60) mayor runakunatapis.
26
Babilonia nacionpa mandaqnin rey Nabucodonosor Ribla markachö kaptinmi wardiakunapa capitannin Nabuzaradán llapan tsay prësu tsarinqan runakunata Riblaman aparqan.
27
Tsaychömi Nabucodonosor nirqan tsay runakunata wanutsiyänanpä. Tsaynöpam Judá runakunata wakinta wanutsiyarqan y wakintana juklä nacionman apayarqan.
28
Kaychömi Judápita ayka runakunata Nabucodonosor prësu apatsinqan qellqashqa kaykan. Qanchis watana rey kaykarmi Nabucodonosor prësu apatsirqan kimsa waranqa ishkay chunka kimsa (3,023) Judá runakunata.
29
Chunka puwaq watana rey kaykarmi Jerusalénpita Nabucodonosor prësu apatsirqan puwaq pachak kimsa chunka ishkay (832) runakunata.
30
Ishkay chunka kimsa (23) watana Nabucodonosor rey kaykaptinmi wardiakunapa capitannin Nabuzaradán prësu apatsirqan qanchis pachak chusku chunka pitsqa (745) Judá runakunata. Llapan apatsinqan runakunam chusku waranqa joqta pachak (4,600) runakuna kayarqan.
31
Babiloniapa mandaqnin rey Evil-merodac mandayta qallanqan watam Judá nacionpa mandaqnin rey Joaquínta kuyapar carcelpita jipitsirqan. Tsaynö jipitsirqan Babiloniaman prësu apayanqan kimsa chunka qanchis (37) watata ushaykaptin chunka ishkay killachö ishkay chunka pitsqa (25) junaqchömi.
32
Alli shimillanpa parlaparmi Joaquíntaqa Babiloniachö prësu kaykaq reykunapita mas alli rikarqan.
33
Tsaynöpam rey Joaquínqa carcelchö kanqan röpanta trocakuskir Babilonia nacionpa mandaqnin reywan imaypis juntu mikurqan.
34
Tsaynöllam wanunqanyaq gastunkunapä qoyay qoyay qellayta reypita chaskirqan.
← Chapter 51
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52