2 Chronicles 4

Tswana (BAEBELE e e Boitshepo) 1992

← Chapter 3 Jump to: Chapter 5 →

1Gape a dira sebeso sa kgotlho, boleele jwa sone bo le dimetara di le 9, boatlhamo jwa sone bo le dimetara di le 9, le bogodimo jwa sone bo le dimetara di le 4,5.

2Le gone a dira lewatle ka go le thela ka kgotlho, le le boatlhamo jwa dimetara di le 4,4 go tswa losing go ya losing lo longwe, le le sediko tikologong, boteng jwa lone bo le dimetara di le 2,2, selekanyo sa tikologo ya lone e le dimetara di le 13,2.

3Ka fa tlase ga lone go le ditshwantsho tsa dikgomo, di le dikologile, letsogo le le lengwe fela le na le di le some, di dikolositse lewatle tikologong ya lone. Dikgomo di ne di le ditsela di le pedi, di theletswe go lo gongwe fela le lone.

4La ema le rwelwe ke dikgomo di le 12, di le tharo di lebile ntlheng ya botsheka, di le tharo di lebile ntlheng ya bophirimatsatsi, di le tharo di lebile ntlheng ya borwa, di le tharo di lebile ntlheng ya botlhabatsatsi; lewatle le ne le beilwe mo godimo ga tsone, mme marago otlhe a tsone a lebile kwa teng.

5Bokima jwa lone bo le kana ka boatlhamo jwa seatla, losi lwa lone lo dirilwe jaaka losi lwa senwelo, jaaka sethunya sa lešoma; le lekanye dinkgwana di le 3 000.

6A dira le megopo e le some, e le metlhano a e baya ka fa ntlheng ya le legolo, le e le metlhano ka fa ntlheng ya la molema, go tla go tlhatswetsa mo go yone; dilo tse e leng tsa ditshupelo tse di fisiwang ba ne ba tle ba di tlhatswetse mo go yone; lewatle lone e le le baperesiti ba tlhapelang mo go lone.

7A dira ditlhomo tse some tsa dipone tsa gouta ka fa molaong o o tlhometsweng tsone; a di baya mo tempeleng, di le tlhano ka fa ntlheng ya le legolo, le di le tlhano ka fa ntlheng ya la molema.

8A dira le dimati tsa bojelo di le some, a di baya mo tempeleng, di le tlhano ka fa ntlheng ya le legolo, le di le tlhano ka fa ntlheng ya le legolo, le di le tlhano ka fa ntlheng ya la molema. A dira megotšana ya gouta e le lekgolo.

9Gape a dira lolwapa lwa baperesiti, le lolwapa lo logolo, le ditswalo tsa lolwapa, a manega ditswalo tsa one ka kgotlho.

10Lewatle a le tlhoma ka fa ntlheng ya le legolo ga ntlo, ntlheng ya botlhabatsatsi bolebagana le borwa.

11Hurame a dira dipitsa, le diolela melora le megotšana. Jalo Hurame a wetsa go dira tiro e o ne a e direla kgosi Solomone mo ntlong ya Modimo.

12Maotwana a mabedi, le megopo, le ditlhogo tse pedi tse di kwa godimo ga maotwana; le tiro tsa selotloa tse pedi tsa go khurumetsa megopo e mebedi ya ditlhogo tse di mo godimo ga maotwana;

13le digaranata tse di 400 tsa tiro tsa selotloa tse pedi; ditsela di le pedi tsa digaranata tsa selotloa, sengwe le sengwe, go khurumetsa megopo e mebedi ya ditlhogo tse di mo godimo ga maotwana.

14A dira le ditlhomo, a dira megopo ya go tlhatswetsa mo godimo ga ditlhomo;

15lewatle le le lengwe fela, le dikgomo tse 12 ka fa tlase ga lone.

16Le tsone dipitsa, diolela melora, dikgoge tsa nama le dilwana tsotlhe tsa yone, Hurame rraagwe a di direla kgosi Solomone, a di direla ntlo ya ga Jehofa ka kgotlho e e phatsimang.

17Kgosi ya di thelela mo lobaleng lwa Joretane, mo mmung wa letsopa o o fa gare ga Sukotha le Sereta.

18Jalo Solomone a dira dilwana tse tsotlhe di le letlotlo le legolo, gonne bokete jwa kgotlho bo ne bo retetse go lemogwa.

19Solomone a dira dilwana tsotlhe tse di nnang mo ntlong ya Modimo, le sebeso sa gouta, le dimati tsa bojelo tse senkgwe sa tshupo se nnang mo go tsone;

20le ditlhomo tsa dipone di na le dilampa tsa tsone tsa gouta e e sa pekwang, gore di tle di tuke fa pele ga bobuelelo ka fa molaong;

21le dithunya, le dilampa, le ditlawa tsa gouta, e le gouta e e itekanetseng;

22le dipoma tsa dipone, le megotšana, le dintshwana, le diolela molelo tsa gouta e e sa pekwang; ka ga botseno jwa ntlo, ditswalo tsa ka fa teng tsa yone tsa felo ga boitshepo jo bo itshepileng, le ditswalo tsa ntlo, e bong tsa tempele, e ne e le tsa gouta fela.

← Chapter 3 Jump to: Chapter 5 →