bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 10
Deuteronomy 10
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 11 →
1
Us waqt Ḳhudáwand ne mujh se kahá, ki Pahlí lauhoṉ kí mánind patthar kí do âur lauheṉ tarásh le, aur mere pás paháṛ par á já, aur ek chobí sandúq bhí baná le.
2
Aur jo báteṉ pahlí lauhoṉ par, jin ko tú ne toṛ ḍálá, likhí thíṉ, wuhí maiṉ in lauhoṉ par bhí likh dúṉgá; phir tú in ko us sandúq meṉ dhar dená.
3
So maiṉ ne kíkar kí lakṛí ká ek sandúq banáyá, aur pahlí lauhoṉ kí mánind patthar kí do lauheṉ tarásh líṉ, aur un donoṉ lauhoṉ ko apne háth meṉ liye húe paháṛ par chaṛh gayá.
4
Aur jo das hukm Ḳhudáwand ne majma‘ ke din paháṛ par ág ke bích meṉ se tum ko diye the, un hí ko pahlí tahrír ke mutábiq us ne in lauhoṉ par likh diyá; phir in ko Ḳhudáwand ne mere supurd kiyá.
5
Tab maiṉ paháṛ se lauṭkar níche áyá aur in lauhoṉ ko us sandúq meṉ, jo maiṉ ne banáyá thá, dhar diyá, aur Ḳhudáwand ke hukm ke mutábiq, jo us ne mujhe diyá thá, wuh wahíṉ rakkhí húí haiṉ.
6
Phir baní Isráíl Baírát i baní Ya‘qán se rawána hokar Mausírah meṉ áe. Wahíṉ Hárún ne rihlat kí aur dafn bhí húá, aur us ká beṭá Ilí‘azar kahánat ke mansab par muqarrar hokar us kí jagah ḳhidmat karne lagá.
7
Waháṉ se wuh Judjúdah ko aur Judjúdah se Yútbát ko chale. Is mulk meṉ pání kí nadiyáṉ haiṉ.
8
Usí mauqe‘ par Ḳhudáwand ne Láwí ke qabíle ko is g̣araz se alag kiyá, ki wuh Ḳhudáwand ke ‘ahd ke sandúq ko uṭháyá kare aur Ḳhudáwand ke huzúr khaṛá hokar us kí ḳhidmat ko anjám de, aur us ke nám se barakat diyá kare, jaisá áj tak hotá hai.
9
Isí liye Láwí ko koí hissa yá mírás us ke bháiyoṉ ke sáth nahíṉ milí, kyúṉki Ḳhudáwand us kí mírás hai, jaisá ḳhud Ḳhudáwand tumháre Ḳhudá ne us se kahá hai.
10
Aur maiṉ pahle kí tarah chálís din aur chálís rát paháṛ par ṭhahrá rahá, aur is daf‘a bhí Ḳhudáwand ne merí suní, aur na cháhá ki tum ko halák kare.
11
Phir Ḳhudáwand ne mujh se kahá, Uṭh, aur in logoṉ ke áge rawána ho, táki yih us mulk par jákar qabza kar leṉ jise un ko dene kí qasam maiṉ ne un ke bápdádá se kháí thí.
12
Pas ai Isráíl, Ḳhudáwand tumhárá Ḳhudá tum se is ke siwá âur kyá cháhtá hai, ki tum Ḳhudáwand apne Ḳhudá ká ḳhauf máno, aur us kí sab ráhoṉ par chalo, aur us se mahabbat rakkho, aur apne sáre dil aur apní sárí ján se Ḳhudáwand apne Ḳhudá kí bandagí karo,
13
aur Ḳhudáwand ke jo ahkám aur áín maiṉ tum ko áj batátá húṉ un par ‘amal karo táki tumhárí ḳhair ho?
14
Dekho, ásmán aur ásmánoṉ ká ásmán, aur zamín aur jo kuchh zamín meṉ hai, yih sab Ḳhudáwand tumháre Ḳhudá hí ká hai.
15
Taubhí Ḳhudáwand ne tumháre bápdádá se ḳhush hokar un se mahabbat kí aur un ke ba‘d un kí aulád ko, ya‘ní tum ko sab qaumoṉ meṉ se barguzída kiyá, jaisá áj ke din záhir hai.
16
Is liye apne diloṉ ká ḳhatna karo, aur áge ko gardankash na raho.
17
Kyúṉki Ḳhudáwand tumhárá Ḳhudá, iláhoṉ ká iláh, ḳhudáwandoṉ ká Ḳhudáwand hai; wuh buzurgwár, aur qádir, aur muhíb Ḳhudá hai, jo rú ri‘áyat nahíṉ kartá, aur na rishwat letá hai.
18
Wuh yatímoṉ aur bewáoṉ ká insáf kartá hai, aur pardesí se aisí mahabbat rakhtá hai ki use kháná aur kapṛá detá hai.
19
So tum pardesiyoṉ se mahabbat rakhná, kyúṉki tum bhí mulk i Misr meṉ pardesí the.
20
Tum Ḳhudáwand apne Ḳhudá ká ḳhauf mánná, us kí bandagí karná, aur us se lipṭe rahná, aur usí ke nám kí qasam kháná.
21
Wuhí tumhárí hamd ká sazáwár hai, aur wuhí tumhárá Ḳhudá hai, jis ne tumháre liye wuh baṛe aur haulnák kám kiye, jin ko tum ne apní áṉkhoṉ se dekhá.
22
Tumháre bápdádá, jab Misr meṉ gaye, to sattar ádmí the; par ab Ḳhudáwand tumháre Ḳhudá ne tum ko baṛhákar ásmán ke sitároṉ kí mánind kar diyá hai.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34