bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 26
Deuteronomy 26
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 27 →
1
Aur jab tum us mulk meṉ, jise Ḳhudáwand tumhárá Ḳhudá tum ko mírás ke taur par detá hai, pahuṉcho, aur us par qabza karke us meṉ bas jáo;
2
tab jo mulk Ḳhudáwand tumhárá Ḳhudá tum ko detá hai, us kí zamín meṉ jo qism qism kí chízeṉ tum lagáo, un sab ke pahle phal ko ek ṭokre meṉ rakhkar us jagah le jáná, jise Ḳhudáwand tumhárá Ḳhudá apne nám ke maskan ke liye chune.
3
Aur un dinoṉ ke káhin ke pás jákar us se kahná, ki Áj ke din maiṉ Ḳhudáwand tere Ḳhudá ke huzúr iqrár kartá húṉ, ki maiṉ us mulk meṉ, jise ham ko dene kí qasam Ḳhudáwand ne hamáre bápdádá se kháí thí, á gayá húṉ.
4
Tab káhin tumháre háth se us ṭokre ko lekar Ḳhudáwand tumháre Ḳhudá ke mazbah ke áge rakkhe.
5
Phir tum Ḳhudáwand apne Ḳhudá ke huzúr yúṉ kahná, ki Merá báp ek Arámí thá, jo marne par thá; wuh Misr meṉ jákar waháṉ rahá, aur us ke log thoṛe se the, aur wahíṉ wuh ek baṛí aur zoráwar aur kasíru’t ta‘dád qaum ban gayá.
6
Phir Misríoṉ ne ham se burá sulúk kiyá, aur ham ko dukh diyá, aur ham se saḳht ḳhidmat lí.
7
Aur ham ne Ḳhudáwand apne bápdádá ke Ḳhudá ke huzúr faryád kí, to Ḳhudáwand ne hamárí faryád suní, aur hamárí musíbat, aur mihnat, aur mazlúmí dekhí;
8
aur Ḳhudáwand qawí háth, aur baland bázú se baṛí haibat aur nishánoṉ aur mu‘jizoṉ ke sáth ham ko Misr se nikál láyá;
9
aur ham ko is jagah lákar us ne yih mulk, jis meṉ dúdh aur shahd bahtá hai, ham ko diyá hai.
10
So ab ai Ḳhudáwand, dekh, jo zamín tú ne mujh ko dí hai, us ká pahlá phal maiṉ tere pás le áyá húṉ. Phir tum use Ḳhudáwand apne Ḳhudá ke age rakh dená aur Ḳhudáwand apne Ḳhudá ko sijda karná.
11
Aur tum aur Láwí, aur jo musáfir tumháre bích rahte hoṉ, sab ke sab milkar un sab ni‘matoṉ ke liye jin ko Ḳhudáwand tumháre Ḳhudá ne tum ko aur tumháre gharáne ko baḳhshá ho, ḳhushí karná.
12
Aur jab tum tísre sál, jo dahyakí ká sál hai, apne sáre mál kí dahyakí nikál chuko, to use Láwí, aur musáfir, aur yatím, aur bewa ko dená, táki wuh use tumhárí bastiyoṉ meṉ kháeṉ aur ser hoṉ.
13
Phir tum Ḳhudáwand apne Ḳhudá ke áge yúṉ kahná, ki Maiṉ ne tere ahkám ke mutábiq, jo tú ne mujhe diye, muqaddas chízoṉ ko apne ghar se nikálá, aur un ko Láwíoṉ aur musáfiroṉ aur yatímoṉ aur bewáoṉ ko de bhí diyá; aur maiṉ ne tere kisí hukm ko nahíṉ ṭálá, aur na un ko bhúlá:
14
aur maiṉ ne apne mátam ke waqt un chízoṉ meṉ se kuchh nahíṉ kháyá, aur nápák hálat meṉ un ko alag nahíṉ kiyá, aur na un meṉ se kuchh murdoṉ ke liye diyá. Maiṉ ne Ḳhudáwand apne Ḳhudá kí bát mání hai, aur jo kuchh tú ne hukm diyá, usí ke mutábiq ‘amal kiyá.
15
Ásmán par se, jo terá muqaddas maskan hai, nazar kar, aur apní qaum Isráíl ko, aur us mulk ko barakat de, jis mulk meṉ dúdh aur shahd bahtá hai, aur jis ko tú ne us qasam ke mutábiq jo tú ne hamáre bápdádá se kháí, ham ko ‘atá kiyá hai.
16
Ḳhudáwand tumhárá Ḳhudá áj tum ko in áín aur ahkám ke mánne ká hukm detá hai: so tum apne sáre dil aur sárí ján se in ko mánná, aur in par ‘amal karná.
17
Tum ne áj ke din iqrár kiyá hai, ki Ḳhudáwand tumhárá Ḳhudá hai, aur tum us kí ráhoṉ par chaloge, aur us ke áín aur farmán aur ahkám ko mánoge, aur us kí bát sunoge;
18
aur Ḳhudáwand ne bhí áj ke din tum ko, jaisá us ne wa‘da kiyá thá, apní ḳháss qaum qarár diyá hai, táki tum us ke sab hukmoṉ ko máno;
19
aur wuh sab qaumoṉ se, jin ko us ne paidá kiyá hai, ta‘ríf aur nám aur ‘izzat meṉ tum ko mumtáz kare; aur tum us ke kahne ke mutábiq Ḳhudáwand apne Ḳhudá kí muqaddas qaum ban jáo.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34