bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 6
Deuteronomy 6
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 7 →
1
Yih wuh farmán aur áín aur ahkám haiṉ, jin ko Ḳhudáwand tumháre Ḳhudá ne tum ko sikháne ká hukm diyá hai, táki tum un par us mulk meṉ ‘amal karo, jis par qabza karne ke liye pár jáne ko ho.
2
Aur tum apne beṭoṉ aur potoṉ samet Ḳhudáwand apne Ḳhudá ká ḳhauf mánkar us ke tamám áín aur ahkám par, jo maiṉ tum ko batátá húṉ, zindagí bhar ‘amal karo, táki tumhárí ‘umr daráz ho.
3
Is liye, ai Isráílío, suno, aur ihtiyát karke un par ‘amal karo, táki tumhárá bhalá ho, aur tum Ḳhudáwand apne bápdádá ke Ḳhudá ke wa‘de ke mutábiq us mulk meṉ, jis meṉ dúdh aur shahd bahtá hai, niháyat baṛh jáo.
4
Sun, ai Isráíl, Ḳhudáwand hamárá Ḳhudá, ek hí Ḳhudáwand hai.
5
Tú apne sáre dil, aur apní sárí ján, aur apní sárí táqat se, Ḳhudáwand apne Ḳhudá se mahabbat rakh.
6
Aur yih báteṉ, jin ká hukm áj maiṉ tujhe detá húṉ, tere dil par naqsh raheṉ.
7
Aur tú in ko apní aulád ke zihnnishín karná; aur ghar baiṭhe, aur ráh chalte, aur leṭte aur uṭhte waqt in ká zikr kiyá karná.
8
Aur tú nishán ke taur par in ko apne háth par báṉdhná, aur wuh terí peshání par ṭíkoṉ kí mánind hoṉ.
9
Aur tú un ko apne ghar kí chaukhaṭoṉ, aur apne pháṭakoṉ par likhná.
10
Aur jab Ḳhudáwand tumhárá Ḳhudá tum ko us mulk meṉ pahuṉcháe, jise tum ko dene kí qasam us ne tumháre bápdádá, Abrahám, aur Izháq, aur Ya‘qúb se kháí; aur jab wuh tum ko baṛe baṛe aur achchhe shahr, jin ko tum ne nahíṉ banáyá,
11
aur achchhí achchhí chízoṉ se bhare húe ghar, jin ko tum ne nahíṉ bhará, aur khode khudáe hauz, jo tum ne nahíṉ khode, aur angúr ke bág̣, aur zaitún ke daraḳht, jo tum ne nahíṉ lagáe, tum ko ‘ináyat kare, aur tum kháo, aur ser ho;
12
to tum hoshyár rahná, tá aisá na ho ki tum Ḳhudáwand ko, jo tum ko Misr ke mulk, ya‘ní g̣ulámí ke ghar se nikál láyá, bhúl jáo.
13
Tum Ḳhudáwand apne Ḳhudá ká ḳhauf mánná, aur usí kí ‘ibádat karná, aur usí ke nám kí qasam kháná.
14
Tum âur ma‘búdoṉ kí, ya‘ní un qaumoṉ ke ma‘búdoṉ kí, jo tumháre ás pás rahtí haiṉ, pairawí na karná.
15
Kyúṉki Ḳhudáwand tumhárá Ḳhudá, jo tumháre darmiyán hai, g̣aiyúr Ḳhudá hai. So aisá na ho, ki Ḳhudáwand tumháre Ḳhudá ká g̣azab tum par bhaṛke, aur wuh tum ko rú e zamín par se faná kar de.
16
Tum Ḳhudáwand apne Ḳhudá ko mat ázmáná, jaisá tum ne use Massah meṉ ázmáyá thá.
17
Tum jánfishání se Ḳhudáwand apne Ḳhudá ke hukmoṉ, aur shahádatoṉ, aur áín ko, jo us ne tum ko farmáe haiṉ, mánná.
18
Aur tum wuhí karná jo Ḳhudáwand kí nazar meṉ durust aur achchhá hai, táki tumhárá bhalá ho, aur jis achchhe mulk kí bábat Ḳhudáwand ne tumháre bápdádá se qasam kháí, tum us meṉ dáḳhil hokar us par qabza kar sako,
19
aur Ḳhudáwand tumháre sab dushmanoṉ ko tumháre áge se dafa‘ kare, jaisá us ne kahá hai.
20
Aur jab áyanda zamáne meṉ tumháre beṭe tum se suwál kareṉ, ki Jin shahádatoṉ, aur áín, aur farmán ke mánne ká hukm Ḳhudáwand hamáre Ḳhudá ne tum ko diyá hai, un ká matlab kyá hai?
21
To tum tum apne beṭoṉ ko yih jawáb dená, ki Jab ham Misr meṉ Fir‘aun ke g̣ulám the, to Ḳhudáwand apne zoráwar háth se ham ko Misr se nikál láyá.
22
Aur Ḳhudáwand ne baṛe baṛe aur haulnák ‘ajáib o nishán hamáre sámne ahl i Misr, aur Fir‘aun, aur us ke sab gharáne par karke dikháe;
23
aur ham ko waháṉ se nikál láyá, táki ham ko is mulk meṉ, jise ham ko dene kí qasam us ne hamáre bápdádá se kháí pahuṉcháe.
24
So Ḳhudáwand ne ham ko in sab ahkám par ‘amal karne, aur hamesha apní bhaláí ke liye Ḳhudáwand apne Ḳhudá ká ḳhauf mánne ká hukm diyá hai, táki wuh ham ko zinda rakkhe, jaisá áj ke din záhir hai.
25
Aur agar ham ihtiyát rakkheṉ ki Ḳhudáwand apne Ḳhudá ke huzúr in sab hukmoṉ ko máneṉ, jaisá us ne ham se kahá hai, to isí meṉ hamárí sadáqat hogí.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34