bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 15
Deuteronomy 15
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 16 →
1
Har sát sál ke ba‘d tum chhuṭkárá diyá karná.
2
Aur chhuṭkárá dene ká taríqa yih ho, ki Agar kisí ne apne paṛausí ko kuchh qarz diyá ho, to wuh use chhoṛ de, aur apne paṛausí se, yá bháí se, us ká mutálaba na kare; kyúṉki Ḳhudáwand ke nám se is chhuṭkáre ká i‘lán húá hai.
3
Pardesí se tum us ká mutálaba kar sakte ho, par jo kuchh tumhárá tumháre bháí par átá ho, us kí taraf se dastbardár ho jáná.
4
Tumháre darmiyán koí kaṉgál na rahe; kyúṉki Ḳhudáwand tum ko is mulk meṉ zarúr barakat baḳhshegá, jise ḳhud Ḳhudáwand tumhárá Ḳhudá mírás ke taur par tum ko qabza karne ko detá hai.
5
Basharte ki tum Ḳhudáwand apne Ḳhudá kí bát mánkar in sab ahkám par chalne kí ihtiyát rakkho, jo maiṉ áj tum ko detá húṉ.
6
Kyúṉki Ḳhudáwand tumhárá Ḳhudá, jaisá us ne tum se wa‘da kiyá hai, tum ko barakat baḳhshegá; aur tum bahut sí qaumoṉ ko qarz doge, par tum ko un se qarz lená na paṛegá; aur tum bahut sí qaumoṉ par hukmrání karoge, par wuh tum par hukmrání karne na páeṉgí.
7
Jo mulk Ḳhudáwand tumhárá Ḳhudá tum ko detá hai, agar us meṉ kahíṉ tumháre pháṭakoṉ ke andar tumháre bháiyoṉ meṉ se koí muflis ho, to tum apne us muflis bháí kí taraf se na apná dil saḳht karná, aur na apní muṭṭhí band kar lená:
8
balki us kí ihtiyáj rafa‘ karne ko jo chíz use darkár ho us ke liye tum zarúr faráḳhdastí se use qarz dená.
9
Ḳhabardár rahná, ki tumháre dil meṉ yih burá ḳhayál na guzarne páe, ki Sátwáṉ sál, jo chhuṭkáre ká sál hai, nazdík hai; aur tumháre muflis bháí kí taraf se tumhárí nazar bad ho jáe, aur tum use kuchh na do, aur wuh tumháre ḳhiláf Ḳhudáwand se faryád kare, aur yih tumháre liye gunáh ṭhahre.
10
Balki tum ko use zarúr dená hogá; aur us ko dete waqt tumháre dil ko burá bhí na lage, is liye ki aisí bát ke sabab se Ḳhudáwand tumhárá Ḳhudá tumháre sab kámoṉ meṉ, aur sab mu‘ámaloṉ meṉ jin ko tum apne háth meṉ loge tum ko barakat baḳhshegá.
11
Aur chúṉki mulk meṉ kaṉgál sadá páe jáeṉge, is liye maiṉ tum ko hukm kartá húṉ, ki Tum apne mulk meṉ apne bháí, ya‘ní kaṉgáloṉ aur muhtájoṉ ke liye apní muṭṭhí khulí rakhná.
12
Agar tumhárá koí bháí, ḳhwáh wuh ‘Ibrání mard ho, ḳhwáh ‘Ibrání ‘aurat, tumháre háth bike, aur wuh chha baras tak tumhárí ḳhidmat kare, to tum sátweṉ sál us ko ázád hokar jáne dená.
13
Aur jab tum use ázád karke apne pás se ruḳhsat karo, to use ḳhálí háth na jáne dená.
14
Balki tum apní bheṛ bakrí, aur khatte, aur kolhú meṉ se dil kholkar use dená, ya‘ní Ḳhudáwand tumháre Ḳhudá ne jaisí barakat tum ko dí ho, us ke mutábiq use dená.
15
Aur yád rakhná ki mulk i Misr meṉ tum bhí g̣ulám the, aur Ḳhudáwand tumháre Ḳhudá ne tum ko chhuṛáyá; isí liye maiṉ tum ko is bát ká hukm áj detá húṉ.
16
Aur agar wuh is sabab se ki use tum se aur tumháre gharáne se mahabbat ho, aur wuh tumháre sáth ḳhushhál ho, tum se kahne lage, ki Maiṉ tumháre pás se nahíṉ játá,
17
to tum ek sutárí lekar us ká kán darwáze se lagákar chhed dená, to wuh sadá tumhárá g̣ulám baná rehegá. Aur apní lauṉḍí se bhí aisá hí karná.
18
Aur agar tum use ázád karke apne pás se ruḳhsat karo, to use mushkil na gardánná; kyúṉki us ne do mazdúroṉ ke barábar chha baras tak tumhárí ḳhidmat kí: aur Ḳhudáwand tumhárá Ḳhudá tumháre sab károbár meṉ tum ko barakat baḳhshegá.
19
Tumháre gáe bail, aur bheṛ bakriyoṉ meṉ jitne pahlauṭhe nar paidá hoṉ, un sab ko Ḳhudáwand apne Ḳhudá ke liye muqaddas karná. Apne gáe bail ke pahlauṭhe se kuchh kám na lená, aur na apní bheṛ bakrí ke pahlauṭhe ke bál katarná.
20
Tum use apne gharáne samet Ḳhudáwand apne Ḳhudá ke huzúr usí jagah jise Ḳhudáwand chun le, sál ba sál kháyá karná.
21
Aur agar us meṉ koí nuqs ho, masalan wuh laṉgṛá yá andhá ho, yá us meṉ âur koí burá ‘aib ho, to Ḳhudáwand apne Ḳhudá ke liye us kí qurbání na guzránná.
22
Tum use apne pháṭakoṉ ke andar kháná. Pák aur nápák, donoṉ tarah ke ádmí, jaise chikáre aur hiran ko kháte haiṉ, waise hí use kháeṉ.
23
Par us ke ḳhún ko hargiz na kháná; balki tum us ko pání kí tarah zamín par unḍel dená.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34