bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 11
Deuteronomy 11
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 12 →
1
So tum Ḳhudáwand apne Ḳhudá se mahabbat rakhná, aur us kí shara‘ aur áín aur ahkám aur farmánoṉ par sadá ‘amal karná.
2
Aur tum áj ke din ḳhúb samajh lo, kyúṉki maiṉ tumháre bál bachchoṉ se kalám nahíṉ kar rahá húṉ jin ko na to ma‘lúm hai, aur na unhoṉ ne dekhá ki Ḳhudáwand tumháre Ḳhudá kí tambíh, aur us kí ‘azmat, aur zoráwar háth, aur baland bázú se kyá kyá húá,
3
aur Misr ke bích Misr ke bádsháh Fir‘aun aur us ke mulk ke logoṉ ko kaise kaise nishán aur kaisí karámát dikháíṉ.
4
Aur us ne Misr ke lashkar aur un ke ghoṛoṉ aur rathoṉ ká kyá hál kiyá, aur kaise us ne bahr i Qulzum ke pání meṉ un ko g̣arq kiyá, jab wuh tumhárá píchhá kar rahe the, aur Ḳhudáwand ne un ko kaisá halák kiyá, ki áj ke din tak wuh nábúd haiṉ;
5
aur tumháre is jagah pahuṉchne tak us ne biyábán meṉ tum se kyá kyá kiyá;
6
aur Dátan aur Abírám ká, jo Ilíáb bin Rúbin ke beṭe the, kyá hál banáyá, ki sab baní Isráíl ke sámne zamín ne apná muṉh pasárkar un ko aur un ke gharánoṉ, aur ḳhaimoṉ aur har zí nafs ko jo un ke sáth thá nigal liyá.
7
Par Ḳhudáwand ke in sab baṛe baṛe kámoṉ ko tum ne apní áṉkhoṉ se dekhá hai.
8
Is liye in sab hukmoṉ ko, jo áj maiṉ tum ko detá húṉ, tum mánná, táki tum mazbút hokar us mulk meṉ jis par qabza karne ke liye tum pár já rahe ho, pahuṉch jáo, aur us par qabza bhí kar lo.
9
Aur us mulk meṉ tumhárí ‘umr daráz ho, jis meṉ dúdh aur shahd bahtá hai, aur jise tumháre bápdádá aur un kí aulád ko dene kí qasam Ḳhudáwand ne un se kháí thí.
10
Kyúṉki jis mulk par tum qabza karne ko já rahe ho, wuh mulk Misr kí mánind nahíṉ hai, jaháṉ se tum nikal áe ho. Waháṉ to tum bíj bokar use sabzí ke bág̣ kí tarah páṉw se náliyáṉ banákar síṉchte the.
11
Lekin jis mulk par qabza karne ke liye tum pár jáne ko ho, wuh paháṛoṉ aur wádíoṉ ká mulk hai, aur bárish ke pání se seráb húá kartá hai.
12
Us mulk par Ḳhudáwand tumháre Ḳhudá kí tawajjuh rahtí hai, aur sál ke shurú‘ se sál ke áḳhir tak, Ḳhudáwand tumháre Ḳhudá kí áṉkheṉ us par lagí rahtí haiṉ.
13
Aur agar tum mere hukmoṉ ko, jo áj maiṉ tum ko detá húṉ, dil lagákar suno, aur Ḳhudáwand apne Ḳhudá se mahabbat rakkho, aur apne sáre dil aur apní sárí ján se us kí bandagí karo,
14
to maiṉ tumháre mulk meṉ ‘ain waqt par pahlá aur pichhlá meṉh barsáúṉgá, táki tum apná g̣alla, aur mai, aur tel jama‘ kar sako.
15
Aur maiṉ tumháre chaupáyoṉ ke liye maidán meṉ ghás paidá karúṉgá, aur tum kháoge aur ser hoge.
16
So tum ḳhabardár rahná tá aisá na ho ki tumháre dil dhoká kháeṉ, aur tum bahakkar âur ma‘búdoṉ kí ‘ibádat aur parastish karne lago,
17
aur Ḳhudáwand ká g̣azab tum par bhaṛke, aur wuh ásmán ko band kar de, táki meṉh na barse, aur zamín meṉ kuchh paidáwár na ho, aur tum is achchhe mulk se, jo Ḳhudáwand tum ko detá hai, jald faná ho jáo.
18
Is liye merí in bátoṉ ko tum apne dil aur apní ján meṉ mahfúz rakhná, aur nishán ke taur par in ko apne háthoṉ par báṉdhná, aur wuh tumhárí peshání par ṭíkoṉ kí mánind hoṉ.
19
Aur tum in ko apne laṛkoṉ ko sikháná, aur ghar baiṭhe aur ráh chalte aur leṭte aur uṭhte waqt in hí ká zikr kiyá karná.
20
Aur tum in ko apne ghar kí chaukhaṭoṉ par, aur apne pháṭakoṉ par likhá karná,
21
táki jab tak zamín par ásmán ká sáya hai, tumhárí aur tumhárí aulád kí ‘umr us mulk meṉ daráz ho, jis ko Ḳhudáwand ne tumháre bápdádá ko dene kí qasam un se kháí thí.
22
Kyúṉki agar tum un sab hukmoṉ ko jo maiṉ tum ko detá húṉ jánfishání se máno, aur un par ‘amal karo, aur Ḳhudáwand apne Ḳhudá se mahabbat rakkho, aur us kí sab ráhoṉ par chalo, aur us se lipṭe raho;
23
to Ḳhudáwand in sab qaumoṉ ko tumháre áge se nikál ḍálegá; aur tum un qaumoṉ par, jo tum se baṛí aur zoráwar haiṉ, qábiz hoge.
24
Jaháṉ jaháṉ tumháre páṉw ká talwá ṭike, wuh jagah tumhárí ho jáegí, ya‘ní biyábán, aur Lubnán se aur daryá e Furát se mag̣rib ke samundar tak tumhárí sarhadd hogí.
25
Aur koí shaḳhs waháṉ tumhárá muqábala na kar sakegá, kyúṉki Ḳhudáwand tumhárá Ḳhudá tumhárá ru‘b aur ḳhauf us tamám mulk meṉ jaháṉ kahíṉ tumháre qadam paṛeṉ paidá kar degá, jaisá us ne tum se kahá hai.
26
Dekho, maiṉ áj ke din tumháre áge barakat aur la‘nat donoṉ rakkhe detá húṉ;
27
barakat us hál meṉ jab tum Ḳhudáwand apne Ḳhudá ke hukmoṉ ko, jo áj maiṉ tum ko detá húṉ, máno:
28
aur la‘nat us waqt jab tum Ḳhudáwand apne Ḳhudá kí farmánbardárí na karo, aur us ráh ko jis kí bábat maiṉ áj tum ko hukm detá húṉ chhoṛkar âur ma‘búdoṉ kí pairawí karo, jin se tum ab tak wáqif nahíṉ.
29
Aur jab Ḳhudáwand tumhárá Ḳhudá tum ko us mulk meṉ, jis par qabza karne ko tum já rahe ho, pahuṉchá de, to koh i Garizím par se barakat, aur koh i ‘Aibál par se la‘nat sunáná.
30
Wuh donoṉ paháṛ Yardan pár mag̣rib kí taraf un Kan‘áníoṉ ke mulk meṉ wáqi‘ haiṉ, jo Jiljál ke muqábil Morih ke balútoṉ ke qaríb maidán meṉ rahte haiṉ.
31
Aur tum Yardan pár isí liye jáne ko ho, ki us mulk par, jo Ḳhudáwand tumhárá Ḳhudá tum ko detá hai, qabza karo, aur tum us par qabza karoge bhí, aur usí meṉ basoge.
32
So tum ihtiyát karke un sab áín aur ahkám par ‘amal karná, jin ko maiṉ áj tumháre sámne pesh kartá húṉ.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34