bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 20
Deuteronomy 20
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 21 →
1
Jab tum apne dushmanoṉ se jang karne ko jáo, aur ghoṛoṉ aur rathoṉ, aur apne se baṛí fauj ko dekho, to un se ḍar na jáná: kyúṉki Ḳhudáwand tumhárá Ḳhudá, jo tum ko mulk i Misr se nikál láyá, tumháre sáth hai.
2
Aur jab ma‘raka e jang meṉ tumhárí muṭhbheṛ hone ko ho, to káhin fauj ke ádmíoṉ ke pás jákar un kí taraf muḳhátib ho,
3
aur un se kahe, Suno, ai Isráílío, tum áj ke din apne dushmanoṉ ke muqábale ke liye ma‘raka e jang meṉ áe ho, so tumhárá dil hirásán na ho; tum na ḳhauf karo, na káṉpo, na un se dahshat kháo;
4
kyúṉki Ḳhudáwand tumhárá Ḳhudá tumháre sáth sáth chaltá hai táki tum ko bacháne ko tumhárí taraf se tumháre dushmanoṉ se jang kare.
5
Phir faují hukkám logoṉ se yún kaheṉ, ki Tum meṉ se jis kisí ne nayá ghar banáyá ho, aur use maḳhsús na kiyá ho, to wuh apne ghar ko lauṭ jáe, tá na ho ki wuh jang meṉ qatl ho, aur dúsrá shaḳhs use maḳhsús kare.
6
Aur jis kisí ne tákistán lagáyá ho, par ab tak us ká phal isti‘mál na kiyá ho, wuh bhí apne ghar ko lauṭ jáe, tá na ho ki wuh jang meṉ márá jáe, aur dúsrá ádmí us ká phal kháe.
7
Aur jis ne kisí ‘aurat se apní mangní to kar lí ho, par use biyáhkar nahíṉ láyá hai, wuh bhí apne ghar ko lauṭ jáe, tá na ho ki wuh laṛáí meṉ márá jáe, aur dúsrá mard us se biyáh kare.
8
Aur faují hukkám logoṉ kí taraf muḳhátib hokar un se yih bhí kaheṉ, ki Jo shaḳhs ḍarpok aur kachche dil ká ho, wuh bhí apne ghar ko lauṭ jáe, tá na ho ki us kí tarah us ke bháiyoṉ ká hausala bhí ṭúṭ jáe.
9
Aur jab faují hukkám yih sab kuchh logoṉ se kah chukeṉ, to lashkar ke sardároṉ ko un par muqarrar kar deṉ.
10
Jab tum kisí shahr se jang karne ko us ke nazdík pahuṉcho, to pahle use sulh ká paig̣ám do;
11
aur agar wuh tum ko sulh ká jawáb de, aur apne pháṭak tumháre liye khol de, to waháṉ ke sab báshinde tumháre bájguzár bankar tumhárí ḳhidmat kareṉ.
12
Aur agar wuh tum se sulh na kare, balki tum se laṛná cháhe, to tum us ká muhásara karná;
13
aur jab Ḳhudáwand tumhárá Ḳhudá use tumháre qabze meṉ kar de, to waháṉ ke har mard ko talwár se qatl kar ḍálná;
14
lekin ‘auratoṉ, aur bál bachchoṉ, aur chaupáyoṉ, aur us shahr ke sab mál aur lúṭ ko apne liye rakh lená, aur tum apne dushmanoṉ kí us lúṭ ko, jo Ḳhudáwand tumháre Ḳhudá ne tum ko dí ho, kháná.
15
Un sab shahroṉ ká yihí hál karná, jo tum se bahut dúr haiṉ, aur in qaumoṉ ke shahr nahíṉ haiṉ.
16
Par in qaumoṉ ke shahroṉ meṉ, jin ko Ḳhudáwand tumhárá Ḳhudá mírás ke taur par tum ko detá hai, kisí zí nafs ko jítá na bachá rakhná.
17
Balki tum in ko ya‘ní Hittí, aur Amorí, aur Kan‘ání, aur Farizzí, aur Hawwí, aur Yabúsí qaumoṉ ko, jaisá Ḳhudáwand tumháre Ḳhudá ne tum ko hukm diyá hai, bi’lkull nest kar dená,
18
táki wuh tum ko apne se makrúh kám karne na sikháeṉ, jo unhoṉ ne apne deotáoṉ ke liye kiye haiṉ, aur yúṉ tum Ḳhudáwand apne Ḳhudá ke ḳhiláf gunáh karne lago.
19
Jab tum kisí shahr ko fath karne ke liye us se jang karo, aur muddat tak us ká muhásara kiye raho, to us ke daraḳhtoṉ ko kulháṛí se na káṭ ḍálná, kyúṉki un ká phal tumháre kháne ke kám meṉ áegá, so tum un ko mat káṭná: kyúṉki kyá maidán ká daraḳht insán hai, ki tum us ká muhásara karo?
20
So faqat un hí daraḳhtoṉ ko káṭkar uṛá dená, jo tumhárí dánist meṉ kháne ke matlab ke na hoṉ, aur tum us shahr ke muqábil, jo tum se jang kartá ho, burjoṉ ko baná lená, jab tak wuh sar na ho jáe.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34