bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 31
Deuteronomy 31
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 32 →
1
Aur Músá ne jákar yih báteṉ sab Isráílíoṉ ko sunáíṉ,
2
aur un ko kahá, ki Maiṉ to áj ke din ek sau bís baras ká húṉ. Maiṉ ab chal phir nahíṉ saktá: aur Ḳhudáwand ne mujh se kahá hai, ki Tú is Yardan pár nahíṉ jáegá.
3
So Ḳhudáwand tumhárá Ḳhudá hí tumháre áge áge pár jáegá, aur wuhí un qaumoṉ ko tumháre áge se faná karegá, aur tum un ke wáris hoge: aur jaisá Ḳhudáwand ne kahá hai, Yashú‘ tumháre áge áge pár jáegá.
4
Aur Ḳhudáwand un se wuhí karegá, jo us ne Amoríoṉ ke bádsháh Síhon aur ‘Oj aur un ke mulk se kiyá, ki un ko faná kar ḍálá.
5
Aur Ḳhudáwand un ko tum se shikast diláegá, aur tum un se un sab hukmoṉ ke mutábiq pesh áná jo maiṉ ne tum ko diye haiṉ.
6
Tum mazbút ho jáo, aur hausala rakkho; ḍaro mat, aur na un se ḳhauf kháo; kyúṉki Ḳhudáwand tumhárá Ḳhudá ḳhud hí tumháre sáth játá hai; wuh tum se dastbardár nahíṉ hogá, aur na tum ko chhoṛegá.
7
Phir Músá ne Yashú‘ ko bulákar sab Isráílíoṉ ke sámne us se kahá, ki Tú mazbút ho já aur hausala rakh, kyúṉki tú is qaum ke sáth us mulk meṉ jáegá, jis ko Ḳhudáwand ne un ke bápdádá se qasam khákar dene ko kahá thá, aur tú un ko us ká wáris banáegá.
8
Aur Ḳhudáwand hí tere áge áge chalegá; wuh tere sáth rahegá, wuh tujh se na dastbardár hogá, na tujhe chhoṛegá; so tú ḳhauf na kar, aur bedil na ho.
9
Aur Músá ne is sharí‘at ko likhkar use káhinoṉ ke, jo baní Láwí aur Ḳhudáwand ke ‘ahd ke sandúq ke uṭhánewále the, aur Isráíl ke sab buzurgoṉ ke supurd kiyá.
10
Phir Músá ne un ko yih hukm diyá, ki Har sát baras ke áḳhir meṉ, chhuṭkáre ke sál ke mu‘aiyan waqt par, ‘íd i ḳhayám meṉ,
11
jab sab Isráílí Ḳhudáwand tumháre Ḳhudá ke huzúr, us jagah ákar házir hoṉ, jise wuh ḳhud chunegá, to tum is sharí‘at ko paṛhkar sab Israílíoṉ ko sunáná.
12
Tum sáre logoṉ ko, ya‘ní mardoṉ aur ‘auratoṉ, aur bachchoṉ, aur apní bastiyoṉ ke musáfiroṉ ko jama‘ karná, táki wuh suneṉ, aur síkheṉ aur Ḳhudáwand tumháre Ḳhudá ká ḳhauf máneṉ, aur is sharí‘at kí sab bátoṉ par ihtiyát rakhkar ‘amal kareṉ;
13
aur un ke laṛke, jin ko kuchh ma‘lúm nahíṉ, wuh bhí suneṉ, aur jab tak tum us mulk meṉ jíte raho, jis par qabza karne ko tum Yardan pár játe ho, tab tak wuh barábar Ḳhudáwand tumháre Ḳhudá ká ḳhauf mánná síkheṉ.
14
Phir Ḳhudáwand ne Músá se kahá, ki Dekh, tere marne ke din á pahuṉche. So tú Yashú‘ ko bulá le aur tum donoṉ ḳhaima e ijtimá‘ meṉ házir ho jáo, táki maiṉ use hidáyat karúṉ. Chunáṉchi Músá aur Yashú‘ rawána hokar ḳhaima e ijtimá‘ meṉ házir húe.
15
Aur Ḳhudáwand, abr ke sutún meṉ hokar ḳhaime meṉ namúdár húá, aur abr ká sutún ḳhaime ke darwáze par ṭhahr gayá.
16
Tab Ḳhudáwand ne Músá se kahá, Dekh, tú apne bápdádá ke sáth so jáegá, aur yih log uṭhkar us mulk ke ajnabí deotáoṉ kí pairawí meṉ, jin ke bích wuh jákar raheṉge, zinákár ho jáeṉge, aur mujh ko chhoṛ deṉge, aur us ‘ahd ko, jo maiṉ ne un ke sáth báṉdhá hai, toṛ ḍáleṉge.
17
Tab us waqt merá qahr un par bhaṛkegá, aur maiṉ un ko chhoṛ lúṉgá, aur un se apná muṉh chhipá lúṉgá, aur wuh nigal liye jáeṉge, aur bahut sí baláeṉ aur musíbateṉ un par áeṉgí, chunáṉchi wuh us din kaheṉge, Kyá ham par yih baláeṉ isí sabab se nahíṉ áíṉ, ki hamárá Ḳhudá hamáre darmiyán nahíṉ?
18
Us waqt un sab badíon ke sabab se, jo âur ma‘búdoṉ kí taraf máil hokar unhoṉ ne kí hoṉgí, maiṉ zarúr apná muṉh chhipá lúṉgá.
19
So tum yih gít apne liye likh lo, aur use baní Isráíl ko sikháo, aur un ko hifz kará do, táki yih gít baní Isráíl ke ḳhiláf merá gawáh rahe.
20
Is liye ki jab maiṉ un ko us mulk meṉ jis kí qasam maiṉ ne un ke bápdádá se kháí, aur jaháṉ dúdh aur shahd bahtá hai pahuṉchá dúṉgá, aur wuh ḳhúb khá khákar moṭe ho jáeṉge; tab wuh âur ma‘búdoṉ kí taraf phir jáeṉge aur un kí ‘ibádat kareṉge, aur mujhe haqír jáneṉge, aur mere ‘ahd ko toṛ ḍáleṉge.
21
Aur yúṉ hogá, ki jab bahut sí baláeṉ aur musíbateṉ un par áeṉgí, to yih gít gawáh kí tarah un par shahádat degá; is liye ki ise un kí aulád kabhí nahíṉ bhúlegí, kyúṉki is waqt bhí un ko us mulk meṉ pahuṉcháne se peshtar, jis kí qasam maiṉ ne kháí hai, maiṉ un ke ḳhayál ko jis meṉ wuh haiṉ jántá húṉ.
22
So Músá ne usí din is gít ko likh liyá, aur use baní Isráíl ko sikháyá.
23
Aur us ne Nún ke beṭe Yashú‘ ko hidáyat kí, aur kahá, Mazbút ho já, aur hausala rakh: kyúṉki tú baní Isráíl ko us mulk meṉ le jáegá, jis kí qasam maiṉ ne un se kháí thí, aur maiṉ tere sáth rahúṉgá.
24
Aur aisá húá, ki jab Músá is sharí‘at kí bátoṉ ko ek kitáb meṉ likh chuká, aur wuh ḳhatm ho gayíṉ,
25
to Músá ne Láwíoṉ se, jo Ḳhudáwand ke ‘ahd ke sandúq ko uṭháyá karte the, kahá, ki
26
Is sharí‘at kí kitáb ko lekar Ḳhudáwand apne Ḳhudá ke ‘ahd ke sandúq ke pás rakh do, táki wuh tumháre barḳhiláf gawáh rahe.
27
Kyúṉki maiṉ tumhárí bag̣áwat aur gardankashí ko jántá húṉ. Dekho, abhí to mere jíte jí tum Ḳhudáwand se bag̣áwat karte rahe ho, to mere marne ke ba‘d kitná ziyáda na karoge?
28
Tum apne qabíloṉ ke sab buzurgoṉ aur mansabdároṉ ko mere pás jama‘ karo, táki maiṉ yih báteṉ un ke kánoṉ meṉ ḍál dúṉ, aur ásmán aur zamín ko un ke barḳhiláf gawáh banáúṉ.
29
Kyúṉki maiṉ jántá húṉ, ki mere marne ke ba‘d tum apne ko bigáṛ loge, aur us taríq se jis ká maiṉ ne tum ko hukm diyá hai, phir jáoge; tab áḳhirí aiyám meṉ tum par áfát ṭúṭegí, kyúṉki tum apní karníoṉ se Ḳhudáwand ko g̣ussa diláne ke liye wuh kám karoge, jo us kí nazar meṉ burá hai.
30
So Músá ne is gít kí báteṉ Isráíl kí sárí jamá‘at ko áḳhir tak kah sunáíṉ.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34