bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 2
Deuteronomy 2
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 3 →
1
Aur jaisá Ḳhudáwand ne mujhe hukm diyá thá, us ke mutábiq ham lauṭe, aur bahr i Qulzum kí ráh se biyábán meṉ áe: aur bahut dinoṉ tak koh i Sha‘ír ke báhar báhar chalte rahe.
2
Tab Ḳhudáwand ne mujh se kahá, ki
3
Tum is paháṛ ke báhar báhar bahut chal chuke: shimál kí taraf muṛ jáo.
4
Aur tú in logoṉ ko tákíd kar de, ki Tum ko baní ‘Esau tumháre bháí, jo Sha‘ír meṉ rahte haiṉ, un kí sarhadd ke pás se hokar jáná hai, aur wuh tum se hirásán hoṉge: so tum ḳhúb ihtiyát rakhná:
5
aur un ko mat chheṛná; kyúṉki maiṉ un kí zamín meṉ se páṉw dharne tak kí jagah bhí tum ko nahíṉ dúṉgá: is liye ki maiṉ ne koh i Sha‘ír ‘Esau ko mírás meṉ diyá hai.
6
Tum rupaye dekar apne kháne ke liye un se ḳhurish ḳharídná, aur píne ke liye pání bhí rupaye dekar un se mol lená.
7
Kyúṉki Ḳhudáwand tumhárá Ḳhudá tumháre háth kí kamáí meṉ barakat detá rahá hai, aur is baṛe biyábán meṉ jo tumhárá chalná phirná hai, wuh use jántá hai. In chálís barasoṉ meṉ Ḳhudáwand tumhárá Ḳhudá barábar tumháre sáth rahá, aur tum ko kisí chíz kí kamí nahíṉ húí.
8
So ham apne bháiyoṉ baní ‘Esau ke pás se, jo Sha‘ír meṉ rahte haiṉ katrákar maidán kí ráh se Ailát aur ‘Asyún Jábar hote húe guzre. Phir ham muṛe, aur Moáb ke biyábán ke ráste se chale.
9
Phir Ḳhudáwand ne mujh se kahá, ki Moábíoṉ ko na to satáná, aur na un se jang karná; is liye ki maiṉ tum ko un kí zamín ká koí hissa milkíyat ke taur par nahíṉ dúṉgá; kyúṉki maiṉ ne ‘Ár ko baní Lút kí mírás har diyá hai.
10
(Waháṉ pahle Aimím base húe the, jo ‘Anáqím kí mánind baṛe baṛe aur lambe lambe aur shumár meṉ bahut the.
11
Aur ‘Anáqím hí kí tarah wuh bhí Rafáím meṉ gine játe the, lekin Moábí un ko Aimím kahte haiṉ.
12
Aur pahle Sha‘ír meṉ Horí qaum ke log base húe the, lekin baní ‘Esau ne un ko nikál diyá, aur un ko apne sámne se nest o nábúd karke áp un kí jagah bas gaye; jaise Isráíl ne apní mírás ke mulk meṉ kiyá, jise Ḳhudáwand ne un ko diyá.)
13
Ab uṭho, aur wádí e Zarad ke pár jáo. Chunáṉchi ham wádí e Zarad se pár húe.
14
Aur hamáre Qádis Barní‘a ke chhoṛne se lekar wádí e Zarad ke pár hone tak aṛtís baras ká ‘arsa guzrá. Is asná meṉ Ḳhudáwand kí qasam ke mutábiq us pusht ke sab jangí mard lashkar meṉ se mar khap gaye;
15
aur jab tak wuh nábúd na ho gaye, tab tak Ḳhudáwand ká háth un ko lashkar meṉ se halák karne ko un ke ḳhiláf baṛhá hí rahá.
16
Jab sab jangí mard mar gaye, aur qaum meṉ se faná ho gaye,
17
to Ḳhudáwand ne mujh se kahá,
18
Áj tujhe ‘Ár shahr se hokar, jo Moáb kí sarhadd hai, guzarná hai.
19
Aur jab tú baní ‘Ammon ke qaríb já pahuṉche, to un ko mat satáná, aur na un ko chheṛná; kyúṉki maiṉ baní ‘Ammon kí zamín ká koí hissa tujhe mírás ke taur par nahíṉ dúṉgá; is liye ki use maiṉ ne baní Lút ko mírás meṉ diyá hai.
20
(Wuh mulk bhí Rafáím ká giná játá thá; kyúṉki pahle Rafáím, jin ko ‘Ammoní log Zamzumím kahte the, waháṉ base húe the.
21
Yih log bhí ‘Anáqím kí tarah baṛe baṛe aur lambe lambe aur shumár meṉ bahut the, lekin Ḳhudáwand ne un ko ‘Ammoníoṉ ke samne se halák kiyá, aur wuh un ko nikálkar un kí jagah áp bas gaye.
22
Thík waise hí jaise us ne baní ‘Esau ke sámne se jo Sha‘ír meṉ rahte the Horíoṉ ko halák kiyá, aur wuh un ko nikálkar áj tak un hí kí jagah base húe haiṉ:
23
aise hí ‘Awwíoṉ ko jo apní bastiyoṉ meṉ G̣azzah tak base húe the, Kaftúríoṉ ne jo Kaftúra se nikle the, halák kiyá, aur un kí jagah áp bas gaye.)
24
So uṭho, aur wádí e Arnon ke pár jáo. Dekho, maiṉ ne Hasbon ke bádsháh Síhon ko, jo Amorí hai, us ke mulk samet, tumháre háth meṉ kar diyá hai; so us par qabza karná shurú‘ karo, aur us se jang chheṛ do.
25
Maiṉ áj hí se tumhárá ḳhauf aur ru‘b un qaumoṉ ke dil meṉ ḍálná shurú‘ karúṉgá jo rú e zamín par rahtí haiṉ: wuh tumhárí ḳhabar suneṉgí, aur káṉpeṉgí, aur tumháre sabab se betáb ho jáeṉgí.
26
Aur maiṉ ne dasht i Qadímát se Hasbon ke bádsháh Síhon ke pás sulh ke paig̣ám ke sáth elchí rawána kiye, aur kahlá bhejá, ki
27
Mujhe apne mulk se guzar jáne de. Maiṉ sháhráh se hokar chalúṉgá, aur dahine aur báeṉ háth nahíṉ muṛúṉgá.
28
Tú rupaye lekar mere háth mere kháne ke liye ḳhurish bechná, aur mere píne ke liye pání bhí mujhe rupaye lekar dená: faqat mujhe páṉw páṉw nikal jáne de,
29
jaise baní ‘Esau ne, jo Sha‘ír meṉ rahte haiṉ, aur Moábíoṉ ne, jo ‘Ár shahr meṉ baste haiṉ, mere sáth kiyá; jab tak ki maiṉ Yardan ko ‘ubúr karke us mulk meṉ pahuṉch na jáúṉ jo Ḳhudáwand hamárá Ḳhudá ham ko detá hai.
30
Lekin Hasbon ke bádsháh Síhon ne ham ko apne háṉ se guzarne na diyá; kyúṉki Ḳhudáwand tumháre Ḳhudá ne us ká mizáj kaṛá aur us ká dil saḳht kar diyá, táki use tumháre háth meṉ hawále kar de, jaisá áj záhir hai.
31
Aur Ḳhudáwand ne mujh se kahá, Dekh, maiṉ Síhon aur us ke mulk ko tere háth meṉ hawále karne ko húṉ: so tú us par qabza karná shurú‘ kar, táki wuh tum logoṉ kí mírás ṭhahre.
32
Tab Síhon apne sab ádmíoṉ ko lekar hamáre muqábale meṉ niklá, aur jang karne ke liye Yahaz meṉ áyá.
33
Aur Ḳhudáwand hamáre Ḳhudá ne use hamáre hawále kar diyá; aur ham ne use, aur us ke beṭoṉ ko, aur us ke sab ádmíoṉ ko már liyá.
34
Aur ham ne usí waqt us ke sab shahroṉ ko le liyá, aur har ábád shahr ko, ‘auratoṉ aur bachchoṉ samet, bi’lkull nábúd kar diyá, aur kisí ko báqí na chhorá:
35
lekin chaupáyoṉ ko, aur shahroṉ ke mál ko jo hamáre háth lagá lúṭkar ham ne apne liye rakh liyá.
36
Aur ‘Aro‘ír se, jo wádí e Arnon ke kanáre hai, aur us shahr se, jo wádí meṉ hai, Jili‘ád tak, aisá koí shahr na thá, jis ko sar karná hamáre liye mushkil húá. Ḳhudáwand hamáre Ḳhudá ne sab ko hamáre qabze meṉ kar diyá.
37
Lekin baní ‘Ammon ke mulk ke nazdík aur daryá e Yabboq kí nawáhí, aur kohistán ke shahroṉ meṉ, aur jaháṉ jaháṉ Ḳhudáwand hamáre Ḳhudá ne ham ko mana‘ kiyá thá, ham nahíṉ gaye.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34