bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Deuteronomy 22
Deuteronomy 22
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 23 →
1
Tum apne bháí ke bail yá bheṛ ko bhaṭaktí dekhkar us se rúposhí na karná, balki zarúr tum us ko apne bháí ke pás pahuṉchá dená.
2
Aur agar tumhárá bháí tumháre nazdík na rahtá ho, yá tum us se wáqif na ho, to tum us jánwar ko apne ghar le áná aur wuh tumháre pás rahe, jab tak tumhárá bháí us kí talásh na kare, tab tum use us ko de dená.
3
Tum us ke gadhe aur us ke kapṛe se bhí aisá hí karná; g̣araz, jo kuchh tumháre bháí se khoyá jáe, aur tum ko mile, tum us se aisá hí karná, aur rúposhí na karná.
4
Tum apne bháí ká gadhá yá bail ráste meṉ girá húá dekhkar us se rúposhí na karná, balki zarúr us ke uṭháne meṉ us kí madad karná.
5
‘Aurat mard ká libás na pahine, aur na mard ‘aurat kí poshák pahine; kyúṉki jo aisá kám kartá hai, wuh Ḳhudáwand tumháre Ḳhudá ke nazdík makrúh hai.
6
Agar ráh chalte ittifáqan kisí parande ká ghoṉslá daraḳht yá zamín par bachchoṉ yá anḍoṉ samet tum ko mil jáe, aur máṉ bachchoṉ yá anḍoṉ par baiṭhí húí ho, to tum bachchoṉ ko máṉ samet na pakaṛ lená;
7
bachchoṉ ko tum lo, to lo, par máṉ ko zarúr chhoṛ dená, táki tumhárá bhalá ho, aur tumhárí ‘umr daráz ho.
8
Jab tum koí nayá ghar banáo, to apní chhat par munḍer zarúr lagáná, tá na ho ki koí ádmí waháṉ se gire, aur tumháre sabab se wuh ḳhún tumháre hí gharwáloṉ par ho.
9
Tum apne tákistán meṉ do qism ke bíj na boná, tá na ho ki sárá phal ya‘ní jo bíj tum ne boyá, aur tákistán kí paidáwár donoṉ zabt kar liye jáeṉ.
10
Tum bail aur gadhe donoṉ ko ek sáth jotkar hal na chaláná.
11
Tum ún aur san donoṉ kí miláwaṭ ká biná húá kapṛá na pahinná.
12
Tum apne oṛhne kí chádar ke chároṉ kanaroṉ par jhálar lagáyá karná.
13
Agar koí mard kisí ‘aurat ko biyáhe, aur us ke pás jáe, aur ba‘d us ke us se nafrat karke
14
sharmnák báteṉ us ke haqq meṉ kahe, aur use badnám karne ke liye yih da‘wá kare, ki Maiṉ ne is ‘aurat se biyáh kiyá, aur jab maiṉ us ke pás gayá, to maiṉ ne kuṉwárepan ke nishán us meṉ nahíṉ páe:
15
tab us laṛkí ká báp aur us kí máṉ us laṛkí ke kuṉwárepan ke nishánoṉ ko us shahr ke pháṭak par buzurgoṉ ke pás le jáeṉ,
16
aur us laṛkí ká báp buzurgoṉ se kahe, ki Maiṉ ne apní beṭí is shaḳhs ko biyáh dí, par yih us se nafrat rakhtá hai,
17
aur sharmnák báteṉ us ke haqq meṉ kahtá, aur yih da‘wá kartá hai, ki Maiṉ ne terí beṭí meṉ kuṉwárepan ke nishán nahíṉ páe, háláṉki merí beṭí ke kuṉwárepan ke nishán yih maujúd haiṉ. Phir wuh us chádar ko shahr ke buzurgoṉ ke áge phailá deṉ.
18
Tab shahr ke buzurg us shaḳhs ko pakaṛkar use koṛe lagáeṉ,
19
aur us se chándí kí sau misqál jurmána lekar us laṛkí ke báp ko deṉ; is liye ki us ne ek Isráílí kuṉwárí ko badnám kiyá; aur wuh us kí bíwí baní rahe, aur wuh zindagí bhar us ko taláq na dene páe.
20
Par agar yih bát sach ho, ki laṛkí meṉ kuṉwárepan ke nishán nahíṉ páe gaye,
21
to wuh us laṛkí ko us ke báp ke ghar ke darwáze par nikál láeṉ, aur us ke shahr ke log use sangsár kareṉ, ki wuh mar jáe; kyúṉki us ne Isráíl ke darmiyán sharárat kí, ki apne báp ke ghar meṉ fáhishapan kiyá. Yúṉ tum aisí buráí ko apne darmiyán se dafa‘ karná.
22
Agar koí mard kisí shauharwálí ‘aurat se ziná karte paḳrá jáe, to wuh donoṉ már ḍále jáeṉ, ya‘ní wuh mard bhí jis ne us ‘aurat se suhbat kí, aur wuh ‘aurat bhí. Yúṉ tum Isráíl meṉ se aisí buráí ko dafa‘ karná.
23
Agar koí kuṉwárí laṛkí kisí shaḳhs se mansúb ho gayí ho, aur koí dúsrá ádmí use shahr meṉ pákar us se suhbat kare;
24
to tum un donoṉ ko us shahr ke pháṭak par nikál láná, aur un ko tum sangsár kar dená, ki wuh mar jáeṉ; laṛkí ko, is liye ki wuh shahr meṉ hote húe na chilláí, aur mard ko, is liye ki us ne apne hamsáye kí bíwí ko behurmat kiyá. Yúṉ tum aisí buráí ko apne darmiyán se dafa‘ karná.
25
Par agar us ádmí ko wuhí laṛkí, jis kí nisbat ho chukí ho, kisí maidán yá khet meṉ mil jáe, aur wuh ádmí jabran us se suhbat kare, to faqat wuh ádmí hí, jis ne suhbat kí, már ḍálá jáe;
26
par us laṛkí se kuchh na karná, kyúṉki laṛkí ká aisá gunáh nahíṉ jis se wuh qatl ke láiq ṭhahre, is liye ki yih bát aisí hai jaise koí apne hamsáye par hamla kare aur use már ḍále;
27
kyúṉki wuh laṛkí use maidán meṉ milí, aur wuh mansúba laṛkí chilláí bhí, par waháṉ koí aisá na thá jo use chhuṛátá.
28
Agar kisí ádmí ko koí kuṉwárí laṛkí mil jáe, jis kí nisbat na húí ho, aur wuh use pakaṛkar us se suhbat kare aur donoṉ pakṛe jáeṉ;
29
to wuh mard jis ne us se suhbat kí ho, laṛkí ke báp ko chándí kí pachás misqál de, aur wuh laṛkí us kí bíwí bane, kyúṉki us ne use behurmat kiyá, aur wuh use apní zindagí bhar taláq na dene páe.
30
Koí shaḳhs apne báp kí bíwí se biyáh na kare, aur apne báp ke dáman ko na khole.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34